Gʼaˬkʼehˇ 5:27 - Akha

²⁷ Gʼaˬ kʼehˇ deuˬ-ahˇ sheuˬ uˇ laꞈ-awˇ, Baꞈ dzah-euˬ mehˬ shi bi yawꞈ-awˇ, Piˇ ma Yaw huiˬ gʼaˬ aˬ yawꞈ maꞈ-ahˇ naˇ haˬ-eu laꞈ kʼoeˇ, heu loꞈ-ehˇ ehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Ghaqkhaer deuq-anr sheuqkeuv laf-euq nar-aq, khavma armur-euq maeqshi biyawf-awr, pirma yawhuiq ghaq, aqyawf maf-anr narhaq-eu lafkhoer,

Gʼaˬkʼehˇ 5:27 ပူးပေါင်းရင်းမြစ်များ

Maꞈtehˬ 5:22

Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Yawˬ ha-euˬ mehˇ nmˇ -ahˇ nui ma pehˇ-eu tsawˇ haˬ aˬ geu gʼaˬ maˬ kaˬ, yaˇ kʼaˬ daˇ gaˇ ya daˬ tehꞈ-a. Yawˬ ha-euˬ mehˇ nmˇ-ahˇ yaˬ kʼehˇ yaˬ-eu tsawˇ haˬ-aˬ, yaˇ kʼaˬ daˇ-eu deuˬ-euˬ mehˬ shi bi sheuˬ keuˆ gʼeh tehꞈ-a. Yawˬ ha-euˬ mehˇ nmˇ-ahˇ, ‘Miˬyehˇ-ahˇ maˬ siˬ nya-eu tsawˇ cawˆ’ lehˇ ehˇ-eu tsawˇ haˬ-aˬ, shiˬ buiˇ lah ma-ahˇ ya shaˬ tehꞈ-a.

Luˇkaꞈ 22:66

Uˬ bya bya laˇ ngeh, tsawˇ mawˬ tsawˇ kʼaˆ deuˬ, piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ tiˬ gaˇ uiˬ leˇ-awˇ, Yeˬ suˇ-ahˇ Baꞈ dzah -euˬ mehˬ shi bi sheuˬ laꞈ-euˬ meh.

Gʼaˬkʼehˇ 22:30

Yuˇdaˆ tsawˇ haˬ deuˬ Pawˇluˆ-ahˇ aˬ joˆ-ehˇ iˬ baˇ taˬ luꞈ-eu gaˇ kawˆ, Loˇmaˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ siˬ duˬ mawꞈ-eu meh. Kʼoeˇ miˇ neh, yawˬ nah yawˬ Pawˇluˆ-ahˇ paꞈ taˬ-euˬ shmˇ caˆ bi puiˇ-awˇ, piˇ ma aˬ yuiꞈ deuˬ hawˇ-eu Baꞈ dzah-ahˇ uˇ-eu tsawˇ haˬ dawˬ tawˆ luꞈ uiˬ laˇ-eu gʼaˇ duˬ dawˬ biꞈ-euˬ meh. Kʼoeˇ naˇ, Pawˇluˆ-ahˇ sheuˬ laꞈ-awˇ, aˬ yawꞈ maꞈ-euˬ mehˬ shi bi yawꞈ-euˬ meh.

Gʼaˬkʼehˇ 4:7

Gʼaˬ kʼehˇ kʼoeˇ nyiˬ gʼaˬ-ahˇ aˬ yawꞈ maꞈ-euˬ mehˬ shi bi yawꞈ-awˇ, “Aˬ geu jeˬ baoˬ hawˇ-eu aˬ suˇ gʼaˬ-euˬ tsawˇ myahˇ-ahˇ gʼoe-awˇ naw nyaꞈ teu loꞈ-ehˇ mˇ te” lehˇ naˇ haˬ-euˬ meh.

Gʼaˬkʼehˇ 5:21

Dawˬ kʼoeˇ dawˬ-ahˇ gʼaˬ kʼehˇ deuˬ naˇ haˬ-awˇ, uˬ bya bya laˇ ngeh Uˬ duˬ tahˬ nymˇ nymˇ ma laꞈ kʼoeˇ uˇ leˇ-awˇ, gaˇ kawˆ kʼoeˇ mehˬ nehˬ tsoˆ nehˬ-euˬ meh. Piˇ ma Yaw huiˬ gʼaˬ hawˇ-eu aˬ yawꞈ-euˬ tsawˇ haˬ deuˬ neh, Yuˇdaˆ tsawˇ haˬ tsawˇ mawˬ tsawˇ kʼaˆ dawˬ tawˆ luꞈ kuˇ ymˬ jiˇ-awˇ, Baꞈ dzah dzah ma dzah-euˬ meh. Kʼoeˇ naˇ, gʼaˬ kʼehˇ deuˬ-ahˇ aˬ yawꞈ maꞈ-euˬ mehˬ shi bi sheuˬ laꞈ-eu gʼaˇ duˬ dawˬ biꞈ-euˬ meh.

Gʼaˬkʼehˇ 5:34

Ehˇ kʼawꞈ, aˬ yawꞈ maꞈ laꞈ kʼoeˇ aˬ cawˬ yaw zeu baw dui dui-eu Zahˇ dawˬ kʼoꞈ dawˬ mehˬ-eu saˬ laˬ pyeuꞈ-eu Gaˬmaˬleˬlaˇ lehˇ myahˇ-euˬ Paˬliˬsehˇ tiˬ gʼaˬ Baꞈ dzah laꞈ kʼoeˇ tuˇ laˇ-awˇ, gʼaˬ kʼehˇ deuˬ-ahˇ laꞈ nyiˇ tiˬ kʼehˬ bi sheuˬ doˆ gʼeh-eu gʼaˇ duˬ dawˬ biꞈ-euˬ meh.

Gʼaˬkʼehˇ 6:12

Kʼoeˇ loꞈ-ehˇ jahˇ-eu laꞈ kʼoeˇ, miˇ kʼahˬ zaˬ deuˬ, tsawˇ mawˬ tsawˇ kʼaˆ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ nui ma pehˇ laˇ ni kawˆ-euˬ meh. Aˬ yawꞈ maꞈ Saˬteˬpaˬ-ahˇ nyehꞈ-awˇ, Baꞈ dzah mehˬ shi sheuˬ gʼeh-euˬ meh.