Gʼaˬkʼehˇ 5:26 - Akha

²⁶ Yaw huiˬ yaw mahˇ kʼoeˇ gʼaˬ aˬ yawꞈ-euˬ tsawˇ haˬ deuˬ sheuˬ-awˇ, gʼaˬ kʼehˇ deuˬ-ahˇ sheuˬ laˬ-iˇ-euˬ meh. Tsawˇ haˬ aˇ maꞈ kʼoeˇ deuˬ aˬ yawꞈ maꞈ-ahˇ kʼaˬ lo biˬ laˇ gaˇ guˆ-eu miˇ neh, gʼaˬ kʼehˇ deuˬ-ahˇ yehˬ bawˬ sehˇ lu-ehˇ maˬ jahˇ ni sheuˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Khoermirnae, uqduq tanqnymr nymrma-anr haw-eu aqyuif ghaq, lofpir-eu kuirlaf sheuq-awr, ghaqkhaer deuq-anr maq lavnarni sheuqlaq-ir-euq mae. Aqjeq mirnae aernar-aq, tsawrhaq armaf deuq, aqyawf maf-anr khaqlo biqlar-eu gar guv-eu mae.

Gʼaˬkʼehˇ 5:26 ပူးပေါင်းရင်းမြစ်များ

Maꞈtehˬ 14:5

Yoˇhaˬ-ahˇ Heˬloˆ sehꞈ mawꞈ-eu meh. Ehˇ kʼawꞈ, Yuˇdaˆ tsawˇ haˬ deuˬ-ahˇ aˬ yawꞈ yahˇ-eu meh. Aˬ jeˬ miˇ neh ehˇ naˇ, Yuˇdaˆ tsawˇ haˬ kʼoeˇ deuˬ Yoˇhaˬ-ahˇ Miˬyehˇ gʼaˇ duˬ ngehˬ dah-eu tsawˇ haˬ lehˇ sawˇ taˬ-euˬ meh.

Maꞈtehˬ 21:26

‘Tsawˇ haˬ neh bi shawˇ-euˬ meh’ lehˇ paˇ ehˇ lawˬ naˇ kʼawꞈ, tsawˇ haˬ aˇ maꞈ kʼoeˇ deuˬ-ahˇ aˬ dui guˆ paˬ-ehˇ paˇ gʼeh-eu meh. Aˬ jeˬ miˇ neh ehˇ naˇ, Yoˇhaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ meh lehˇ aˬ yawꞈ maꞈ jah duˬ taˬ-euˬ meh.”

Maꞈtehˬ 26:5

Aˬ yawꞈ maꞈ ehˇ-eu, “Bawˬ-iˬ gʼeh luꞈ ngeh, aˬ dui maꞈ aˬ yawꞈ-ahˇ maˬ nyehꞈ nya nga siˬ. Kʼoeˇ loꞈ-ehˇ jahˇ naˇ, miˇ kʼahˬ zaˬ luiˬ gʼa laˇ gaˇ ya guˆ nga.”

Maꞈtehˬ 26:58

Beˬtuˆluˆ-aˬ, naˇ kʼah paw ui cuiˆ gaˇ mahˇ kaˬ gaˇ cah-awˇ, Piˇ ma Yaw huiˬ gʼaˬ-euˬ nymˇ-ahˇ gawˬ lahˇ taˬ-euˬ laꞈ kʼoeˇ paw keuˆ ni caw teh keuˆ gʼeh-euˬ meh. Aˬ yawꞈ lahˇ laꞈ kʼoeˇ uˇ leˇ-awˇ, Yeˬsuˇ-ahˇ aˬ cawˬ aˬ joˆ-ehˇ jahˇ nehˬ-eu tiˬ saˬ tiˬ li haw-eu gʼaˇ duˬ, kʼoeˇ gaˇ loꞈ piˇ-eu yehˇ deuˬ nehˬ-ehˇ ga dzuˇ leˇ-euˬ meh.

Luˇkaꞈ 20:19

Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu piˇ ma aˬ yuiꞈ deuˬ, Yeˬsuˇ-ahˇ tiˬ poˆ tehꞈ-ehˇ nyehꞈ-eu lehˇ gʼeh-eu meh. Aˬ jeˬ miˇ neh ehˇ naˇ, aˬ yawꞈ yaw jeˬ ma jeˬ ja-eu kʼoeˇ aˬ yawꞈ maꞈ-ahˇ ehˇ mawꞈ-eu meh lehˇ, aˬ yawꞈ maꞈ gʼoˆ siˬ-euˬ meh. Ehˇ kʼawꞈ, tsawˇ haˬ aˇ maꞈ-ahˇ aˬ yawꞈ maꞈ guˆ-eu miˇ neh maˬ nyehꞈ peuˬ-a.

Luˇkaꞈ 20:6

‘Tsawˇ haˬ zaˬ neh bi mˇ-euˬ meh’ lehˇ paˇ ehˇ naˇ kʼawꞈ, tsawˇ haˬ dawˬ tawˆ luꞈ aˬ dui maꞈ-ahˇ kʼaˬ lo biˬ laˇ tehꞈ-a. Aˬ jeˬ miˇ neh ehˇ naˇ, Yoˇhaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ meh lehˇ aˬ yawꞈ maꞈ jah duˬ taˬ-euˬ beu tawˇ.”

Luˇkaꞈ 22:2

Piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ-aˬ, tsawˇ haˬ aˇ maꞈ-ahˇ guˆ-eu meh. Kʼoeˇ miˇ neh, Yeˬsuˇ-ahˇ ciˬ cuˇ ni sehꞈ kʼoeˬ-eu gaˇ ma poˆ luꞈ-eu meh.

Luˇkaꞈ 22:4

Kʼoeˇ miˇ neh, piˇ ma aˬ yuiꞈ deuˬ hawˇ-eu uˬ duˬ tahˬ nymˇ nymˇ ma-ahˇ loꞈ piˇ-eu deuˬ kʼoeˇ taˆ uˆ lahˇ-eu yaw huiˬ yaw mahˇ deuˬ jawˇ gaˇ Yuˇdaˆ iˇ-awˇ, Yeˬsuˇ-ahˇ aˬ joˆ-ehˇ ahˬ dzaˬ-eu gaˇ kawˆ ja cawˬ-iˇ-euˬ meh.

Gʼaˬkʼehˇ 4:21

Kʼoeˇ ngeh, Baꞈ dzah-ahˇ uiˬ laˇ-euˬ aˬ yuiꞈ aˬ tsu deuˬ aˬ yawꞈ nyaꞈ-ahˇ yaw kʼaˆ kʼaˆ-ehˇ mehˬ-eu laꞈ kʼoeˇ, guˆ tsiˬ nyehꞈ-awˇ pyehˬ nehˬ-euˬ meh. Tsawˇ haˬ kʼoeˇ gʼaˬ aˬ kuiˇ yaw cawˆ muiˬ laˇ-euˬ gaˇ tsawˇ haˬ dawˬ tawˆ luꞈ Miˬyehˇ-ahˇ ja ceuˬ luꞈ-eu miˇ neh, aˬ yuiꞈ aˬ tsu kʼoeˇ deuˬ aˬ yawꞈ nyaꞈ-ahˇ maˬ kʼehˬ maˬ kʼaˆ nehˬ peuˬ-a.

Gʼaˬkʼehˇ 5:13

Aˬ cawˬ aˬ yawꞈ maꞈ-ahˇ yaw kʼaˆ-ehˇ ja ceuˬ-awˇ taˬ huiˬ kʼawꞈ, tsawˇ haˬ tiˬ gʼaˬ-iˬ aˬ yawꞈ maꞈ-euˬ aˇ muˇ-ahˇ maˬ gawꞈ leˇ peuˬ-a.

Gʼaˬkʼehˇ 5:22

Ehˇ kʼawꞈ, miˇ kʼahˬ gaˇ mˇ-eu yaw huiˬ yaw mahˇ deuˬ oe keuˆ ngeh, gʼaˬ kʼehˇ deuˬ tawˬ-ahˇ maˬ paˇ jawˇ-euˬ gaˇ ya mawˇ-awˇ, Baꞈ dzah-ahˇ paˇ gʼoꞈ leˇ-awˇ, heu loꞈ-ehˇ tsaꞈ gaˬ leˇ-euˬ meh.

Gʼaˬkʼehˇ 5:24

Piˇ ma aˬ yuiꞈ deuˬ hawˇ-eu, Uˬ duˬ tahˬ nymˇ nymˇ ma-ahˇ loꞈ piˇ-eu deuˬ kʼoeˇ taˆ uˆ lahˇ-eu yaw huiˬ yaw mahˇ gʼaˬ gaˇ kawˆ kʼoeˇ ya gaˬ ngeh, gʼaˬ kʼehˇ deuˬ aˬ joˆ-ehˇ jahˇ-euˬ gaˇ kawˆ noeˬ maˬ doˆ-ehˇ pyeuꞈ-iˇ-euˬ meh.

Gʼaˬkʼehˇ 5:25

Kʼoeˇ ngeh, tsawˇ haˬ tiˬ gʼaˬ uˇ laˇ-awˇ ehˇ-eu, “Naˇ haˬ sheˇ. Naw maꞈ neh paꞈ kuˆ-ahˇ dawˆ-euˬ tsawˇ haˬ kʼoeˇ deuˬ Uˬ duˬ tahˬ nymˇ nymˇ ma laꞈ kʼoeˇ mehˬ luꞈ tsoˆ luꞈ meh.”