Gʼaˬkʼehˇ 5:18 - Akha

¹⁸ Aˬ yawꞈ maꞈ gʼaˬ kʼehˇ deuˬ-ahˇ nyehꞈ-awˇ, miˇ kʼahˬ zaˬ-euˬ tawˬ-ahˇ dawˆ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Khoerngae, aqyawfmaf, ghaqkhaer deuq-anr nyaef-awr kuv-anr nyaefur taq-euq mae.

Gʼaˬkʼehˇ 5:18 ပူးပေါင်းရင်းမြစ်များ

Yeˬlaˬmiˇ 37:15

Aˬ yawꞈ maꞈ ngaˬ-ahˇ nui ma pehˇ dui dui-eu miˇ neh, ngaˬ-ahˇ diˬ-awˇ, Yawˇnaˆshaˬ-euˬ nymˇ-ahˇ nyehꞈ lahˇ taˬ-awˬ lehˇ dawˬ biꞈ-euˬ meh. Yawˇnaˆshaˬ-aˬ, saˇ naˇ gaˇ mˇ-eu paw aˬ yuiꞈ geuꞈ-awˇ, aˬ yawꞈ-euˬ nymˇ-ahˇ paꞈ kuˆ loꞈ-ehˇ laˆ pyeuꞈ taˬ-euˬ meh.

Maꞈtehˬ 4:12

Yoˇhaˬ-ahˇ paꞈ kuˆ laꞈ kʼoeˇ bi nyehꞈ uˇ-euˬ gaˇ kawˆ Yeˬsuˇ ya gaˬ ngeh, Gaˬliˬlehˇ miˇ kʼahˬ-ahˇ gʼoꞈ leˇ-euˬ meh.

Luˇkaꞈ 21:12

Ehˇ kʼawꞈ, kʼoeˇ loꞈ-ehˇ gʼeh-eu deuˬ maˬ keuˆ le mi naˆ-ehˇ, aˬ cawˬ naw maꞈ-ahˇ nyehꞈ-awˇ, kʼehˬ nehˬ kʼaˆ nehˬ laꞈ tehꞈ-a. Yaˇ kʼaˬ bi daˇ-eu gʼaˇ duˬ, naw maꞈ-ahˇ uˬ duˬ tahˬ nymˇ doe ni nyehꞈ gʼeh-awˇ, paꞈ kuˆ doe bi nyehꞈ uˇ tehꞈ-a. Naw maꞈ ngaˬ-euˬ tsawˇ myahˇ-ahˇ gʼoe-eu baˬ da neh, sahˬ paˬ sahˬ ma deuˬ-euˬ mehˬ shi, aˬ cawˬ naw maꞈ-ahˇ tsahˇ gʼeh tehꞈ-a.

Gʼaˬkʼehˇ 4:3

Kʼoeˇ miˇ neh, aˬ yawꞈ nyaꞈ-ahˇ nyehꞈ-awˇ, kʼoeˇ ngeh nah uˬ ciꞈ ciꞈ le shaw-iˬ-eu miˇ neh. yawˬ nah yawˬ-ahˇ keuˆ ni paꞈ kuˆ-ahˇ dawˆ-euˬ meh.

Gʼaˬkʼehˇ 8:3

Ehˇ kʼawꞈ, Sawˇluˆ-aˬ, Ka li zaˬ aˇ muˇ-ahˇ laˆ byoˆ-eu lehˇ leh jeh-euˬ meh. Aˬ yawꞈ tiˬ nymˇ saˇ-iˬ tiˬ nymˇ iˇ iˇ-ehˇ, jah-eu tsawˇ haˬ kʼaˇ ngeuˇ-eu deuˬ-ahˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, nyehꞈ-awˇ tawˬ-ahˇ dawˆ-euˬ meh.

2 Gawˇliˬtu 11:23

Ngaˇ tsawˇ uˬ loꞈ-ehˇ ngehˬ la de. Aˬ yawꞈ maꞈ Ka li-euˬ zaˬ kʼaˆ ngeuˇ naˇ, ngaˇ-aˬ, aˬ yawꞈ maꞈ naˆ maˬ tseˇ bym dzehˬ-eu Ka li-euˬ zaˬ kʼaˆ ma. Aˬ yawꞈ maꞈ naˆ maˬ tseˇ ngaˇ mˇ taˬ shaˇ taˬ-euˬ jaˆ ma. Aˬ yawꞈ maꞈ naˆ maˬ tseˇ tawˬ-ahˇ uˇ haw-euˬ ma. Aˬ yawꞈ maꞈ naˆ maˬ tseˇ yahˬ caˆ neh bi juiꞈ haw-euˬ ma. Aˬ yawꞈ maꞈ naˆ maˬ tseˇ shiˇ taw tehˬ ni gʼawˬ mya poˆ bi kʼehˬ bi kʼaˆ haw-euˬ ma.

HeˬByehˇ 11:36

Tiˬ paˆ na deuˬ-aˬ, yehˬ bawˬ sehˇ lu-ehˇ bi ehˇ niˇ gʼa-awˇ, yahˬ caˆ neh bi juiꞈ-euˬ meh. Tiˬ paˆ na deuˬ-aˬ, shmˇ caˆ bi paꞈ-awˇ, tawˬ-ahˇ bi tsahˇ uˇ gʼeh-euˬ meh.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.