Gʼaˬkʼehˇ 4:19 - Akha

¹⁹ Ehˇ kʼawꞈ, Beˬtuˆluˆ hawˇ-eu Yoˇhaˬ aˬ nyaꞈ ehˇ-eu, “Naw maꞈ-euˬ ehˇ dawˬ naˇ haˬ-eu hawˇ-eu Miˬyehˇ-euˬ ehˇ dawˬ naˇ haˬ-eu heu nyiˬ jeˬ, Miˬyehˇ mehˬ shi aˬ geu jeˬ tsaˬ dzehˬ ta lehˇ naw maꞈ shaˇnoeˬ haw sheˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Aerkhawf, Beqtuvluv hawr-eu Yorhaq, aqyawf maf-anr heulof-aer aerkhof naeq-euq mae, “Miqyaer-anr narhaq geuf-eu navmaqtser nawmaf-anr narhaq geuf-eu, Miqyaer-euq maeqshi tsaq paq-aer ghae mir-a laq laer nawmaf dar-awq.

Gʼaˬkʼehˇ 4:19 ပူးပေါင်းရင်းမြစ်များ

1 Sahˬpaˬ 12:30

Kʼoeˇ naˇ, Iˇsaˬleˬlaˆ tsawˇ haˬ deuˬ Beˬdeˬlaˇ meuˬ hawˇ-eu Daˬ meuˬ-ahˇ uˬ duˬ tahˬ leˇ-eu laꞈ kʼoeˇ, iˬ baˇ mˇ-euˬ meh.

1 Sahˬpaˬ 13:19

Yuˇdaˆ miˇ kʼahˬ-ahˇ jawˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ, Miˬyehˇ gʼaˇ duˬ ngehˬ dah-eu tsawˇ mawˬ kʼoeˇ gʼaˬ mehˬ nah caw teh leˇ-awˇ, hawˬ tiˬ byawˇ dzaˬ taꞈ leˇ-euˬ meh.

1 Sahˬpaˬ 14:16

Yeˬyawˇbamˬ mehˬ huˬ huˬ-eu mehˬ nah caw teh-awˇ, Iˇsaˬleˬlaˆ tsawˇ haˬ deuˬ iˬ baˇ mˇ-euˬ miˇ neh, Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ byehˇ dzeh tehꞈ-a.”

1 Sahˬpaˬ 21:11

Yeˬzaˬleˬlaˇ meuˬ ahˇ jawˇ-eu yaw huiˬ yaw mahˇ deuˬ hawˇ-eu aˬ yuiꞈ aˬ tsu deuˬ-aˬ, Yeˬsaˬbeˬlaˇ neh dawˬ biꞈ taˬ-euˬ loꞈ-ehˇ mˇ-euˬ meh.

1 Sahˬpaˬ 22:14

Ehˇ kʼawꞈ, Miˇkaˬyaˇ ehˇ-eu,“Sahˬpaˬ Miˬyehˇ neh kʼaˇ bi ehˇ-euˬ jeˬ tehꞈ-ehˇ ngaˇ ehˇ ma lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ saˇ jaˇ dzaˬ-eu ma.”

2 Sahˬpaˬ 16:15

Kʼoeˇ naˇ, piˇ ma Uˇliˇyaˆ-ahˇ aˬ yawꞈ heu loꞈ-ehˇ dawˬ biꞈ-euˬ meh. “Uˬ shawˬ paw lawˇ-eu miˬ dzaˬ dzah puiˆ-awˇ lawˇ-eu jeˬ maˬ ehˇ, uˬ ciꞈ uˬ taw paw lawˇ-eu dzaˬ la gʼo cehˇ lawˇ-eu jeˬ maˬ ehˇ, sahˬ paˬ hawˇ-eu miˇ kʼahˬ zaˬ deuˬ lawˇ-eu miˬ dzaˬ dzah puiˆ-awˇ lawˇ-eu jeˬ hawˇ-eu dzaˬ la gʼo cehˇ lawˇ-eu jeˬ maˬ ehˇ, huiˬ dzehˬ-eu ngaˬ-euˬ lawˇ duˬ heu tsahˇ kʼoeˇ taˆ lawˇ-awˬ. Lawˇ-eu shehˇ-eu gʼaˇ duˬ kʼaˇ sehꞈ-euˬ jeˬ zaˬ-euˬ shiˬ-ahˇ, lawˇ duˬ heu hmˬ kʼoeˇ taˆ shehˆ daˆ-awˬ. Guiˬ shuiˇ neh jahˇ taˬ-eu lawˇ duˬ kʼoeˇ hmˬ-aˬ, ngaˇ ja maw maw ngeh zmˬ-eu gʼaˇ duˬ bi jaˆ-awˬ.”

2 Sahˬpaˬ 16:16

Sahˬ paˬ Aˬkaˆ neh dawˬ kʼaˇ biꞈ nehˬ-euˬ loꞈ-ehˇ Uˇliˇyaˆ mˇ-euˬ meh.

Jaceuq 58:1

Naw maꞈ miˇ kʼahˬ-ahˇ uˆ lahˇ-eu tsawˇ haˬ deuˬ dawˇ coe ni ngehˬ tsehˆ ehˇ tsehˆ luꞈ ma loˇ. Tsawˇ haˬ dawˬ tawˆ luꞈ-ahˇ dawˇ coe ni yaˇ kʼaˬ daˇ nehˬ luꞈ ma loˇ.

Doˆ-iˇ 1:17

Ehˇ kʼawꞈ, zaˬ miˬ zaˬ kʼoeˇ nyiˬ gʼaˬ Miˬyehˇ-ahˇ guˆ-eu miˇ neh, sahˬ paˬ neh ehˇ taˬ-euˬ loꞈ-ehˇ maˬ mˇ-ehˇ, dehꞈ le-euˬ aˬ li deuˬ-ahˇ maˬ laˆ sehꞈ ni bi jawˇ-euˬ meh.

Yeˬlaˬmiˇ 26:12

Kʼoeˇ ngeh, ngaˇ heu loꞈ-ehˇ ehˇ-euˬ ma. “Naw maꞈ ya gaˬ-euˬ loꞈ-ehˇ, Uˬ duˬ tahˬ nymˇ nymˇ ma heu nymˇ hawˇ-eu meuˬ heu meuˬ gaˇ kawˆ ngaˬ neh kʼaˇ ehˇ-euˬ yawˬ jeˬ na luꞈ, Sahˬpaˬ Miˬyehˇ ngaˬ-ahˇ kʼehˇ gʼeh leꞈ-awˇ, bi ehˇ le-euˬ jeˬ pyeuꞈ-eu meh.

Daˬyeˬlaˇ 3:18

Aˬ yawꞈ maˬ ka kʼoꞈ nehˬ laꞈ law hawˇ kʼawꞈ, nawˬ-euˬ miˬ yehˇ-ahˇ nga maꞈ uˬ duˬ maˬ tahˬ-ehˇ, nawˬ neh ka tuˇ taˬ-euˬ shuiˇ mawˇ kawˇ mehˬ shi maˬ awˆ byaˆ lehˇ, kʼaˬ duˬ ni nawˬ-ahˇ ehˇ tsehˆ-eu ma.”

Daˬyeˬlaˇ 6:10

Zahˇ sahˇ kʼoꞈ kʼoeˇ hmˬ-ahˇ laꞈ ma dehˬ gʼaˬ-euˬ gaˇ kawˆ Daˬyeˬlaˇ ya siˬ ngeh, iˇ kahˇ gʼoꞈ-iˇ-euˬ meh. Aˬ yawꞈ-euˬ nymˇ kʼoeˇ taˆ tiˆ-ahˇ, Yeˬluˇsaˬlehˬ meuˬ paw pyawˇ-eu laˇ gʼoˆ zaˬ dahˇ-eu meh. Aˬ myah luꞈ aˬ yawꞈ kʼaˇ mˇ haw-euˬ loꞈ-ehˇ, laˇ gʼoˆ zaˬ pah taˬ-euˬ mehˬ shi pawˬ tsuiꞈ pawˬ dmˬ dmˬ-awˇ, tiˬ nah smˬ poˆ Miˬyehˇ-ahˇ uˬ duˬ tahˬ-euˬ meh.

Hawˇseˬ 5:11

Aˬ cawˬ kʼehˬ nehˬ kʼaˆ nehˬ-euˬ gaˇ, Iˇsaˬleˬlaˆ ya daˬ luꞈ ngeh, maˬ caw ba nehˬ nya-eu deuˬ-ahˇ, laꞈ jeuˬ shaˇ-iˇ-euˬ baˬ da neh, yawꞈ-ahˇ oꞈ-eu miˇ tsaˬ pehˇ tsahˇ, aˬ cawˬ neh bi kʼaˆ geuꞈ-euˬ meh.

Aˬmoˆ 7:16

Nymˬ-mˇ Sahˬpaˬ Miˬyehˇ ehˇ gaˇ naˇ haˬ sheˇ. Miˬyehˇ gʼaˇ duˬ ngehˬ dah ngehˬ dah-ehˇ Iˇsaˬleˬlaˆ tsawˇ haˬ deuˬ-ahˇ bi coeˬ leˇ-eu dawˬ taˬ paˇ ngehˬ lehˇ nawˇ ngaˬ-ahˇ ehˇ-eu meh.

Miˇkaˬ 6:16

Sahˬ paˬ Awˇmaˬliˇ hawˇ-eu aˬ yawꞈ-euˬ aˬ li sahˬ paˬ Aˬhaˆ aˬ nyaꞈ maˬ tsaˬ maˬ dawˇ-eu jeˬ mˇ gaˇ naw maꞈ caw teh-euˬ miˇ neh, naw maꞈ kʼoeˇ taˆ kʼoeˇ loꞈ-ehˇ keuˆ le tehꞈ-a. Aˬ yawꞈ nyaꞈ kʼaˇ dehꞈ yaꞈ-euˬ loꞈ-ehˇ naw maꞈ caw teh-awˇ dehꞈ-eu miˇ neh, luˬ-iˇ seˇ-iˇ-eu jeˬ naw maꞈ kʼoeˇ taˆ ngaˇ bi keuˆ le-awˇ, yawˬ gʼaˬ na luꞈ naw maꞈ-ahˇ yehˬ bawˬ sehˇ lu-ehˇ ehˇ niˇ gʼa tehꞈ-a. Aˬ cawˬ tsawˇ jeuˬ deuˬ naw maꞈ-ahˇ ja bu ja doeˇ tehꞈ-a.”

Maꞈtehˬ 22:21

Aˬ yawꞈ maꞈ ehˇ-eu, “Loˇmaˆ sahˬ paˬ-euˬ aˇ baˇ hawˇ-eu tsawˇ myahˇ nga.” Yeˬsuˇ aˬ yawꞈ maꞈ-ahˇ ehˇ nehˬ-eu, “Toˆ-ehˇ ngeuˇ naˇ, Loˇmaˆ sahˬ paˬ-euˬ myawˬ Loˇmaˆ sahˬ paˬ-ahˇ biꞈ-awˇ, Miˬyehˇ-euˬ myawˬ Miˬyehˇ-ahˇ biꞈ-awˬ.”

Luˇkaꞈ 22:8

Beˬtuˆluˆ hawˇ-eu Yoˇhaˬ aˬ nyaꞈ-ahˇ Yeˬsuˇ ehˇ nehˬ-eu, “Naw nyaꞈ iˇ-awˇ aˬ dui maꞈ Baˬsaˬkaˬ dzaˬ byawˇ dzaˬ-eu gʼaˇ duˬ lehˬ hmˬ-iˇ-awˬ.”

Yoˇhaˬ 7:24

Kʼoeˇ taˆ paw tehꞈ-ehˇ haw-awˇ daˇ-eu jeˬ-ahˇ byehˇ-awˇ, maˇ maˇ ni kʼaˇ ngeuˇ-eu loꞈ-ehˇ daˇ-awˬ.”

Gʼaˬkʼehˇ 4:13

Beˬtuˆluˆ hawˇ-eu Yoˇhaˬ aˬ nyaꞈ zaˬ siˬ tsawˇ gahˇ maˬ ya dzaw haw-euˬ dahˇ taˆ zaˬ pyeuꞈ kʼawꞈ, kʼoeˇ loꞈ-ehˇ kʼaˬ duˬ ni ngehˬ gaˇ tmˇ gaˇ, Baꞈ dzah aˇ muˇ laꞈ kʼoeˇ uˇ-eu aˬ yuiꞈ aˬ tsu deuˬ zahˬ leˇ-euˬ meh. Kʼoeˇ mi neh, aˬ yawꞈ nyaꞈ Yeˬsuˇ nehˬ-ehˇ jawˇ haw-euˬ tsawˇ haˬ pyeuꞈ-eu ngaˇ lehˇ aˬ yawꞈ maꞈ siˬ duˬ-euˬ meh.

Gʼaˬkʼehˇ 5:28

“Tsawˇ haˬ kʼoeˇ gʼaˬ-euˬ tsawˇ myahˇ uˬ moˆ mehˬ-eu tsoˆ-eu jeˬ taˬ mˇ lehˇ, nga maꞈ neh naw maꞈ-ahˇ yaw kʼaˆ kʼaˆ-ehˇ ehˇ taˬ-euˬ jaˆ-eu maˬ ngeuˇ-a loˇ. Ehˇ kʼawꞈ, Yeˬluˇsaˬlehˬ meuˬ meuˬ lah-ehˇ gaˬ byah jiˇ ni naw maꞈ mehˬ-awˇ tsoˆ-awˇ, tsawˇ haˬ kʼoeˇ gʼaˬ shiˇ-euˬ gaˇ kawˆ nga maꞈ kʼoeˇ taˆ keuˆ le ni naw maꞈ jahˇ-euˬ meh.”

Gʼaˬkʼehˇ 5:29

Kʼoeˇ ngeh, Beˬtuˆluˆ hawˇ-eu gʼaˬ kʼehˇ deuˬ heu loꞈ-ehˇ ehˇ kʼoꞈ nehˬ-euˬ meh. “Tsawˇ haˬ-euˬ dawˬ-ahˇ naˇ haˬ-eu naˆ maˬ tseˇ, Miˬyehˇ-euˬ dawˬ-ahˇ nga maꞈ ya naˇ haˬ meh.

1 Gawˇliˬtu 10:15

Naw maꞈ-ahˇ noeˬ siˬ noeˬ mawˇ nya-eu tsawˇ haˬ loꞈ-ehˇ ngaˇ sawˇ-awˇ ehˇ-eu ma. Ngaˬ-euˬ dawˬ-ahˇ naw maꞈ tseˇ paˆ geuꞈ-awˬ.

2 Gawˇliˬtu 4:2

Shaꞈ dawˇ paˬ-ehˇ gʼeh-eu zaꞈ taˬ-euˬ jeˬ-ahˇ nga maꞈ tiˬ jawˇ-iˬ maˬ mˇ. Mehˇ shuiˇ shuiˇ-eu jeˬ hawˇ-eu Miˬyehˇ dawˬ kawˬ-ahˇ yuˇ pyawˆ-eu jeˬ nga maꞈ maˬ jahˇ. Yaw tsaˬ yaw dawˇ jeˬ-ahˇ bya cehˆ ni mehˬ-awˇ , nga maꞈ-ahˇ aˬ cawˬ jah coeˇ ni Miˬyehˇ-euˬ mehˬ shi dehꞈ luꞈ-eu ma.

Eˇpeˇsu 6:1

Zaˬ deuˬ-oˇ, Sahˬpaˬ Yeˬsuˇ laꞈ kʼoeˇ yawˬ ha-euˬ aˬ da aˬ ma ehˇ dawˬ naˇ haˬ-awˬ. Naw maꞈ kʼoeˇ loꞈ-ehˇ mˇ-eu tsaˬ dui dui meh.

1 Tiˆmoˇseˬ 2:3

Kʼoeˇ loꞈ-ehˇ shaˇ-eu-aˬ, muiˬ-eu jeˬ pyeuꞈ-awˇ, aˬ dui-euˬ Ka kʼoꞈ-eu gʼaˬ pyeuꞈ-eu Miˬyehˇ kʼawꞈ nui kʼahˇ shiˇ-eu meh.

HeˬByehˇ 11:23

Moˇseˬ dehꞈ le ngeh, aˬ yawꞈ-euˬ aˬ da aˬ ma aˬ yawꞈ-ahˇ ba la smˇ siˬ byah ni cu zaꞈ taˬ-euˬ kʼoeˇ-aˬ, jah-eu-jeˬ baˬ da neh meh. Zaˬ kʼoeˇ gʼaˬ muiˬ dui dui gaˇ aˬ yawꞈ nyaꞈ ya mawˇ-euˬ miˇ neh, sahˬ paˬ neh biꞈ taˬ-euˬ dawˬ-ahˇ maˬ naˇ haˬ ni kʼoeˇ loꞈ-ehˇ cu zaꞈ-euˬ meh.

Yaˬkoˆ 2:4

Kʼoeˇ-aˬ, naw maꞈ yaw kaˬ myaˆ pyawˬ huiˬ nyiˇ tseˇ-awˇ, nui ma maˬ sui maˬ dawˇ-eu laꞈ kʼoeˇ aˬ cawˬ-ahˇ noeˬ doeˇ-eu jeˬ pyeuꞈ-eu meh.