Gʼaˬkʼehˇ 3:19 - Akha

¹⁹ Naw maꞈ-euˬ iˬ baˇ bi pyehˬ nehˬ-eu gʼaˇ duˬ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-awˬ. Naw maꞈ kʼoeˇ loꞈ-ehˇ jahˇ naˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Khoermirnae, noeqpov noeqpar-awr daefpov daefpar-awq. Khoerlof-aer janr nar-aq, Miqyaer, nawmaf-euq iqbax sivdzae naeqlaf-awr, Sanqpaq Miqyaer-euq maeqshi lavshuif-eu aryamq keuvle taef-a.

Gʼaˬkʼehˇ 3:19 ပူးပေါင်းရင်းမြစ်များ

Jaceuq 103:12

Aˬ dui-euˬ iˬ baˇ-ahˇ, mˬ dzeˇ miˇ dzehˇ sha dzeh-eu meh.

Jaceuq 51:13

Kʼoeˇ naˇ, iˬ baˇ zaˬ deuˬ-ahˇ nawˬ-euˬ dawˬ ngaˇ mehˬ-awˇ, aˬ yawꞈ maꞈ nawˇ jawˇ gaˇ gʼoꞈ kʼoꞈ laˇ tehꞈ-a.

Jaceuq 51:9

Ngaˬ-euˬ iˬ baˇ-ahˇ maˬ haw ni nawˇ myaˆ nuiˆ miˆ tehˬ-awˇ, yaw lehˬ jeˬ dawˬ tawˆ luꞈ-ahˇ yuˇ dzeh nehˬ laꞈ-awˬ.

Iˇsaˬyaˇ 43:25

Ehˇ kʼawꞈ, ngaˬ-euˬ gʼaˇ duˬ naw maꞈ-euˬ yaw lehˬ-ahˇ ngehˇ-awˇ, naw maꞈ-ahˇ iˬ baˇ pyehˬ nehˬ-euˬ Miˬyehˇ ngaˇ ma.

Iˇsaˬyaˇ 44:22

Mˬ dmˇ lawˬ-iˇ-eu loꞈ-ehˇ nawˬ-euˬ iˬ baˇ ngaˇ shiˆ shawˇ gʼaˬ-euˬ ma. Ngaˇ jawˇ gaˇ gʼoꞈ laˇ-awˬ. Ngaˇ nawˬ-ahˇ ka kʼoꞈ-eu gʼaˬ ma.”

Iˇsaˬyaˇ 51:11

Nawˬ neh ka kʼoꞈ doˆ nehˬ-euˬ tsawˇ haˬ deuˬ, laˬ kʼaˬ cehˇ-eu caˇ dawˬ caˇ-awˇ guˇ-eu laꞈ kʼoeˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ ya gʼoꞈ keuˆ laˇ tehꞈ-a. Mˬ maˬ maˬ byaˆ zaˇ ziˇ aˬ yawꞈ maꞈ laˬ kʼaˬ ya cehˇ-awˇ, noeˬ shaˬ noeˬ zahˬ-eu jeˬ laꞈ kʼoeˇ mˬ maˬ maˬ byaˆ zaˇ ziˇ dzeuˇ-iˇ tehꞈ-a.

Iˇsaˬyaˇ 6:10

Tsawˇ haˬ heu deuˬ nui ma bi gʼahˇ-awˇ, naˬ bawˇ bi tuˇ-eu uˬ taꞈ, myaˆ nuiˆ laˆ behꞈ nehˬ-awˬ. Toˆ-ehˇ maˬ ngeuˇ naˇ, aˬ yawꞈ maꞈ myaˆ nuiˆ haw mawˇ nya-awˇ, naˬ bawˇ gaˬ leˇ-eu uˬ taꞈ, aˬ yawꞈ maꞈ-euˬ nui ma gʼoˆ shaw geuꞈ nya-eu miˇ neh, ngaˇ jawˇ gaˇ gʼoꞈ kʼoꞈ laˇ-awˇ, naˇ gawˇ taˬ leˇ tehꞈ-a.”

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Iˇsaˬyaˇ 61:9

Miˇ kʼahˬ tsawˇ jeuˬ kʼoeˇ taˆ aˬ yawꞈ maꞈ-euˬ tsawˇ myahˇ doˆ-awˇ, aˬ yawꞈ maꞈ ngaˬ neh guiˬ lahˬ biꞈ nehˬ-euˬ tsawˇ jeuˬ pyeuꞈ-eu gaˇ kawˆ, aˬ yawꞈ maꞈ-ahˇ kʼaˇ mawˇ-eu deuˬ siˬ nya tehꞈ-a.”

Yeˬlaˬmiˇ 36:3

Ngaˬ neh lehˬ hmˬ taˬ-euˬ luˬ-iˇ seˇ-iˇ-eu jeˬ dawˬ tawˆ luꞈ gaˇ kawˆ Yuˇdaˆ tsawˇ haˬ deuˬ ya gaˬ ngeh, aˬ yawꞈ maꞈ yaw haiˬ jeˬ maˬ mˇ ni byehˇ -eu baw le. Kʼoeˇ loꞈ-ehˇ byehˇ naˇ, aˬ yawꞈ maꞈ-euˬ yaw lehˬ hawˇ-eu iˬ baˇ-ahˇ ngaˇ pyehˬ nehˬ ma.”

Yeˬlaˬmiˇ 50:20

Aˇ yamˬ kʼoeˇ yamˬ keuˆ laˇ ngeh, Iˇsaˬleˬlaˆ miˇ kʼahˬ laꞈ kʼoeˇ iˬ baˇ maˬ poˆ mawˇ nya ehˇ, Yuˇdaˆ miˇ kʼahˬ laꞈ kʼoeˇ yaw haiˬ jeˬ maˬ jaˆ ni pyeuꞈ-iˇ tehꞈ-a. Aˬ jeˬ miˇ neh ehˇ naˇ, ngaˬ neh bi buˬ bi law-iˇ-euˬ tsawˇ haˬ kʼoeˇ deuˬ-ahˇ ngaˇ iˬ baˇ pyehˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Ngoeˇ dawˬ 3:40

Aˬ dui gaˇ ma saˇ shawˇ duˬ-awˇ, aˬ dui Sahˬpaˬ Miˬyehˇ jawˇ gaˇ, ciˬ pyawˇ-awˇ gʼoꞈ kʼoꞈ leˇ kaˇ-euˇ.

Ngoeˇ dawˬ 5:21

Sahˬpaˬ Miˬyehˇ-oˇ, nga maꞈ-ahˇ, nawˇ jawˇ gaˇ sheuˬ kʼoꞈ nehˬ laꞈ-awˬ. Aˇ hu ba-euˬ yaw shehꞈ kʼahˬ sehˇ, nga maꞈ paˇ bi geuꞈ kʼoꞈ laꞈ-awˬ.

Yeˬsaˬgeˬlaˇ 33:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, iˬ baˇ zaˬ tiˬ gʼaˬ shiˇ gaˇ ngaˇ maˬ mawˇ mawꞈ-ehˇ iˬ baˇ mˇ-eu byehˇ dzeh-awˇ dehꞈ daˆ leꞈ gaˇ mawˇ mawꞈ-eu meh lehˇ, aˬ yawꞈ maꞈ-ahˇ ehˇ nehˬ-awˬ. Iˇsaˬleˬlaˆ -oˇ, yaw haiˬ jeˬ mˇ-eu byehˇ-awˬ. Aˬ jeˬ miˇ neh shiˇ mawꞈ-eu nya lehˇ ehˇ nehˬ-awˬ.

Daˬyeˬlaˇ 9:13

Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ kʼehˬ-eu kʼaˆ-eu jeˬ nga maꞈ kʼoeˇ taˆ keuˆ le gʼaˬ-euˬ meh. Ehˇ kʼawꞈ, nga maꞈ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nga maꞈ iˬ baˇ mˇ-eu maˬ naˬ leˇ-ehˇ, nymˬ-mˇ keuˆ ni nawˬ-euˬ nui kʼahˇ hawˇ-eu nawˬ-euˬ yaw tsaˬ yaw dawˇ jeˬ-ahˇ maˬ poˆ ni dehꞈ luꞈ-eu ma.

Hawˇseˬ 14:2

Guiˬ lahˬ shaˇ dawˬ heu yuˇ laꞈ-awˇ, lawˇ-eu shehˇ-eu tiˬ jeˬ loꞈ-ehˇ, Sahˬpaˬ Miˬyehˇ-ahˇ damˬ nehˬ-awˬ. “Nga maꞈ-euˬ iˬ baˇ pyehˬ laꞈ-awˇ, nga maꞈ shaˇ dawˬ naˇ haˬ nehˬ laꞈ. Nga maꞈ saˇ jaˇ dzaˬ-euˬ loꞈ-ehˇ, nawˬ-ahˇ nga maꞈ ja ceuˬ-eu ma.

Yawˇlaˆ 2:13

Mehˬtsoeˬ gʼeu paˆ gaˇ ngaˇ maˬ haw. Naw maꞈ noeˬ shaˬ-eu mawˇ laˇ ni, nui ma tsawˬ paˆ-euˬ byaˬ laˇ-awˬ.” Sahˬpaˬ Miˬyehˇ pyeuꞈ-eu Miˬyehˇ jawˇ paw naw maꞈ gʼoꞈ kʼoꞈ laˇ-awˬ. Aˬ yawꞈ gʼawˬ shaˬ gaˬ-eu byah-awˇ, nui ma oˇ oꞈ coeˇ-eu uˬ taꞈ, saˇ jaˇ dzaˬ taˬ-euˬ maˬ puiˬ-ehˇ, aˬ myah luꞈ iˬ baˇ pyehˬ nehˬ-awˇ, maˬ kʼehˬ maˬ kʼaˆ ni byehˇ-eu meh.

Maꞈtehˬ 13:15

Nui ma aˬ dzawˬ dzawˬ-iˇ jiˇ-awˇ, naˬ bawˇ paꞈ tsoeˬ tsoeˬ taˬ jiˇ-awˇ, myaˆ nuiˆ miˆ tehˬ jiˇ taˬ-euˬ meh. Kʼoeˇ loꞈ-ehˇ maˬ ngeuˇ law nmˇ-aˬ, myaˆ nuiˆ-ahˇ mawˇ leˇ-awˇ, naˬ bawˇ-ahˇ gaˬ leˇ-awˇ, noeˬ siˬ noeˬ mawˇ nya-awˇ, naˇ gawˇ bi laˆ saˆ-eu gʼaˇ duˬ, ngaˇ jawˇ paw ciˬ pyawˇ tehꞈ-a lehˇ, Miˬyehˇ ehˇ luꞈ-eu meh.’

Maꞈtehˬ 18:3

Kʼoeˇ naˇ, aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ nui ma paˇ-awˇ, zaˬ yaw nyiˇ tiˬ gʼaˬ loꞈ-ehˇ maˬ pyeuꞈ laˇ kʼoeˇ keuˆ ni, Mˬtaˆ Miˇkʼahˬ laꞈ kʼoeˇ naw maꞈ maˬ ya uˇ leˇ-a.

Luˇkaꞈ 1:16

Iˇsaˬleˬlaˆ tsawˇ haˬ gʼawˬ mya ni-ahˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ paw aˬ yawꞈ sheuˬ pyawˇ kʼoꞈ laꞈ tehꞈ-a.

Luˇkaꞈ 22:57

Ehˇ kʼawꞈ, Beˬtuˆluˆ tsawˇ pyehˇ pyehˇ-awˇ ehˇ-eu, “Aˬ buˇ-oˇ, aˬ yawꞈ-ahˇ ngaˇ maˬ siˬ nya nya.”

Gʼaˬkʼehˇ 1:6

Zaˬ lahˇ deuˬ tiˬ gaˇ uiˬ leˇ-awˇ Yeˬsuˇ-ahˇ ya tahˬ dzoeˇ ngeh heu loꞈ-ehˇ naˇ haˬ-euˬ meh. “Sahˬpaˬ-oˇ, nymˬ-mˇ poˆ jawˇ Miˇ kʼahˬ heu kʼahˬ Iˇsaˬleˬlaˆ tsawˇ jeuˬ-ahˇ nawˇ biꞈ kʼoꞈ-eu lehˇ gʼeh-eu ma loˇ.”

Gʼaˬkʼehˇ 11:18

Kʼoeˇ loꞈ-ehˇ dzawˇ mehˬ nehˬ gaˇ aˬ yawꞈ maꞈ ya gaˬ ngeh, Beˬtuˆluˆ-ahˇ iˬ baˇ maˬ taˬ ni byehˇ-awˇ, heu loꞈ-ehˇ ehˇ-eu meh. “Miˬyehˇ-aˬ, Yuˇdaˆ tsawˇ haˬ maˬ ngeuˇ-eu aˬ cawˬ tsawˇ jeuˬ deuˬ-ahˇ kʼawꞈ, iˬ baˇ noeˬ poˆ-awˇ dehꞈ nya ni aˬ kawˬ-aˬ biꞈ-euˬ nga.”

Gʼaˬkʼehˇ 11:21

Sahˬpaˬ Miˬyehˇ-euˬ baoˬ aˬ yawꞈ maꞈ nehˬ-ehˇ jawˇ-eu miˇ neh, tsawˇ haˬ gʼawˬ mya ni jah laˇ-awˇ, Sahˬpaˬ Miˬyehˇ jawˇ paw pyawˇ laˇ-euˬ meh.

Gʼaˬkʼehˇ 15:3

Aˬ yawꞈ maꞈ-ahˇ Ka li zaˬ aˇ muˇ neh kʼehˇ-awˇ bi iˇ-euˬ meh. Piˇniˇshaˆ miˇ kʼahˬ hawˇ-eu Saˬmaˬliˇ miˇ kʼahˬ kʼoeˇ deuˬ-ahˇ iˇ luꞈ ngeh, aˬ cawˬ tsawˇ jeuˬ deuˬ Miˬyehˇ jawˇ paw gʼoꞈ pyawˇ laˇ-euˬ gaˇ kawˆ ja mehˬ-euˬ meh. Gaˇ kawˆ kʼoeˇ kʼaˇ ya gaˬ-euˬ jah-eu tsawˇ haˬ dawˬ tawˆ luꞈ, laˬ kʼaˬ cehˇ dui dui-euˬ meh.

Gʼaˬkʼehˇ 17:26

Tsawˇ haˬ tiˬ gʼaˬ o neh miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ beh taˬ-euˬ jeˬ pyeuꞈ-awˇ, miˇ tsaˬ tahˬ kʼawˇ bi jawˇ byah taˬ-euˬ meh. Aˬ yawꞈ maꞈ yaw dehꞈ ya dehꞈ-eu aˇ yamˬ hawˇ-eu jawˇ duˬ-ahˇ, aˇ dahˬ beh ngeh neh neh lehˬ hmˬ taˬ-awˇ toꞈ tsaˬ jiˆ tsaˬ jiˇ taˬ-euˬ meh.

Gʼaˬkʼehˇ 2:38

Aˬ yawꞈ maꞈ-ahˇ Beˬtuˆluˆ ehˇ nehˬ-eu, “Naw maꞈ yawˬ gʼaˬ na luꞈ yawˬ ha-euˬ iˬ baˇ noeˬ poˆ-awˇ, Yeˬsuˇ Ka li-euˬ tsawˇ myahˇ uˬ moˆ iˇ cuꞈ shawˇ-awˬ. Kʼoeˇ loꞈ-ehˇ jahˇ naˇ, Miˬyehˇ naw maꞈ-ahˇ iˬ baˇ pyehˬ nehˬ laꞈ-awˇ, Miˬyehˇ neh biꞈ leꞈ-euˬ Muiˬ-eu shawˇ-eu Yaw sahˇ Miˬyehˇ-ahˇ naw maꞈ za tehꞈ-a.

Gʼaˬkʼehˇ 28:27

Aˬ jeˬ miˇ neh ehˇ naˇ, yawꞈ maꞈ nui ma gʼahˇ-awˇ, naˬ bawˇ paꞈ tsoeˬ tsoeˬ-awˇ, myaˆ nuiˆ miˆ tehˬ-euˬ meh. Kʼoeˇ loꞈ-ehˇ maˬ gʼeh law nmˇ-aˬ, myaˆ nuiˆ-ahˇ mawˇ leˇ-awˇ, naˬ bawˇ-ahˇ gaˬ leˇ-awˇ, nui ma-ahˇ noeˬ leˇ-awˇ, ngaˇ jawˇ gaˇ gʼoꞈ laˇ ngeh, naˇ gawˇ yaˇ taˬ nehˬ ma.”’

Gʼaˬkʼehˇ 3:20

guiˬ lahˬ saꞈ laˇ gʼaˬ byah-eu aˇ yamˬ Sahˬpaˬ Miˬyehˇ biꞈ leꞈ-awˇ, naw maꞈ gʼaˇ duˬ Miˬyehˇ neh tseˇ doˆ taˬ-euˬ Ka li pyeuꞈ-eu Yeˬsuˇ-ahˇ, aˬ yawꞈ pyehˬ gʼeh leꞈ tehꞈ-a.

Gʼaˬkʼehˇ 3:21

Muiˬ-eu shawˇ-eu Yaw sahˇ Miˬyehˇ gʼaˇ duˬ ngehˬ dah-eu deuˬ-ahˇ gʼoe-awˇ yawˬ jeˬ na luꞈ yaw shuiꞈ beˬ paˇ jiˇ-eu aˇ yamˬ maˬ keuˆ laˇ kʼoeˇ keuˆ ni, mˬ kʼoeˇ taˆ aˬ yawꞈ ya jawˇ tawˬ meh.

Lormav 11:25

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ yawˬ haˇ yawˬ ha zaˬ siˬ tsawˇ gahˇ ahˇ ma lehˇ maˬ ya noeˬ ni, zaꞈ taˬ-euˬ yaw tsaˬ yaw dawˇ tiˬ jeˬ naw maꞈ-ahˇ ngaˇ ehˇ nehˬ mawꞈ miˇ-a. Iˇsaˬleˬlaˇ tsawˇ haˬ deuˬ nui ma gʼahˇ-eu kʼoeˇ-aˬ, gʼawˬ myahˇ ni maˬ gmˬ-aˇ. Aˬ cawˬ tsawˇ jeuˬ aˇ myaˆ gʼaˬ bi laˇ byah-eu lehˇ Miˬyehˇ neh noeˬ taˬ-euˬ loꞈ-ehˇ laˇ byah ngeh keuˆ ni gmˬ-eu tehꞈ meh.

2 Teˇsaˬloˇni 1:10

Aˬ yawꞈ-ahˇ kʼaˇ jah-eu aˬ yawꞈ-euˬ tsawˇ haˬ dawˬ tawˆ luꞈ neh biꞈ-euˬ yaw shehꞈ kʼahˬ sehˇ hawˇ-eu ciˬ huiˬ ciˬ mahˇ nehˬ-eu jeˬ-ahˇ ha geuꞈ-eu lehˇ, Aˇ nah kʼoeˇ nah-ahˇ aˬ yawꞈ oe-eu meh. Sahˬpaˬ Yeˬsuˇ-ahˇ ciˬ huiˬ ciˬ mahˇ-eu tsawˇ haˬ kʼoeˇ deuˬ laꞈ kʼoeˇ, naw maꞈ kʼawꞈ ahˇ leˇ tehꞈ-a. Aˬ jeˬ miˇ neh ehˇ naˇ, nga maꞈ neh saˇ kiˇ kamˬ-euˬ guiˬ lahˬ dawˬ-ahˇ naw maꞈ jah-euˬ meh.

2 Teˇsaˬloˇni 1:7

Kʼehˬ-eu kʼaˆ-eu jeˬ-ahˇ ya daˬ-eu naw maꞈ-ahˇ-aˬ, maˬ paˇ bi daˬ ni bi naˬ tehꞈ-a. Nga maꞈ-ahˇ kʼawꞈ kʼoeˇ loꞈ-ehˇ bi naˬ laꞈ tehꞈ-a. Sahˬpaˬ Yeˬsuˇ Ka li aˬ yawꞈ-euˬ baoˬ huiˬ-eu mˬ taˆ gʼaˬ kʼehˇ deuˬ nehˬ-ehˇ mˬ-ahˇ neh doˆ le ngeh, Miˬyehˇ aˬ dui-ahˇ kʼoeˇ loꞈ-ehˇ bi naˬ laꞈ tehꞈ-a.

2 Tiˆmoˇseˬ 2:25

Yawˬ ha-ahˇ nui ma maˬ tsaˬ-eu tsawˇ haˬ deuˬ-ahˇ nui ma gʼawˬ mahˇ ni taˬ-awˇ mehˬ paˇ tsoˆ paˇ nya-eu tsawˇ haˬ ya bi pyeuꞈ meh. Aˬ jeˬ miˇ neh ehˇ naˇ, Miˬyehˇ aˬ yawꞈ maꞈ-ahˇ bi noeˬ paˇ-awˇ, yaw tsaˬ yaw dawˇ jeˬ-ahˇ bi siˬ nya laˇ gaˇ noeˬ tmˬ kʼaˇ za-eu meh.

HeˬByehˇ 4:1

Nymˬ-mˇ poˆ jawˇ, Miˬyehˇ aˬ yawꞈ neh ehˇ dzeuˇ-euˬ gʼaˬ naˬ naˬ-eu jeˬ-ahˇ aˬ dui za ni saˇ jaˇ dzaˬ mawꞈ-eu meh. Kʼoeˇ miˇ neh, aˬ yawꞈ neh saˇ jaˇ dzaˬ taˬ-euˬ gʼaˬ naˬ naˬ-eu jeˬ kʼoeˇ-ahˇ, naw maꞈ tiˬ gʼaˬ-iˬ ma ya smˬ-iˇ ni yahˇ kaˇ-euˇ.

1 Beˬtuˆluˆ 2:25

Yaw beh, naw maꞈ-aˬ, gaˇ ma byoˆ-iˇ-awˇ shaˬ luꞈ-eu yawˇ deuˬ-ahˇ duˇ-eu meh. Ehˇ kʼawꞈ, nymˬ-mˇ-aˬ, naw maꞈ-ahˇ Bo saˆ haw piˇ-eu gʼaˬ pyeuꞈ-eu Yawˇ bo-eu yaw sahˇ-euˬ mehˬ nah bi caw teh-eu gʼaˇ duˬ, naw maꞈ-ahˇ sheuˬ kʼoꞈ doˆ nehˬ laꞈ-euˬ meh.

2 Beˬtuˆluˆ 3:8

Ehˇ kʼawꞈ, ngaˇ gaˬ dui dui-eu cawˬ deuˬ-oˇ, naw maꞈ maˬ ngehˇ kʼmˬ-eu gaˇ kawˆ tiˬ hmˬ heu loꞈ-ehˇ jaˆ meh. Sahˬpaˬ Miˬyehˇ-euˬ mehˬ shi, tiˬ nah hawˇ-eu tiˬ heˇ kʼoꞈ beu gaˇ duˬ maˬ jaˆ-a. Aˬ yawꞈ tiˬ kawˆ meh.

Panmaeq 21:4

Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ aˬ yawꞈ siˆ shawˇ nehˬ tehꞈ-a. Shiˇ-eu jeˬ maˬ paˇ jaˆ-ehˇ, noeˬ shaˬ noeˬ zahˬ-eu jeˬ, ngoeˇ-eu jeˬ hawˇ-eu, naˇ-eu gawˇ-eu jeˬ maˬ paˇ jaˆ meh. Yaw oeˇ kʼoeˇ deuˬ dawˬ tawˆ luꞈ byoˆ jiˇ-euˬ meh.”