Gʼaˬkʼehˇ 3:17 - Akha

¹⁷ “Aˬ yuiꞈ aˬ nyiˇ deuˬ-oˇ, naw maꞈ hawˇ-eu naw maꞈ-euˬ aˬ yuiꞈ aˬ tsu deuˬ neh Yeˬsuˇ-ahˇ jahˇ nehˬ-euˬ heu-aˬ, naw maꞈ maˬ siˬ nya-eu miˇ neh meh lehˇ ngaˇ siˬ duˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ “Aerkhawf, aqyuif aqnyir deuq-or! Nawmaf-euq uvlanr-eu deuq hawr-eu nawmaf khawf, maq siqnya-eu mirnae, khoerlof-aer mr-euq ngar-a laer ngar siqnya ma.

Gʼaˬkʼehˇ 3:17 ပူးပေါင်းရင်းမြစ်များ

Aˇ dahˬ 21:26

Kʼoeˇ ngeh, “Aˬ geu gʼaˬ neh kʼoeˇ loꞈ-ehˇ jahˇ-euˬ gaˇ kawˆ ngaˇ maˬ ya siˬ-aˬ siˬ. Gaˇ kawˆ heu nawˇ ngaˬ-ahˇ maˬ ehˇ nehˬ laꞈ-aˬ siˬ. Nymˬ-mˇ hawˇ-eu ngaˇ gaˬ beh beh-eu ma” lehˇ Aˬbiˇmaˬlehˆ ehˇ-eu meh.

Aˇ dahˬ 39:8

Ehˇ kʼawꞈ, Yoˇsehˆ maˬ tawˆ leˇ-ehˇ, zaˬ miˬ zaˬ kʼoeˇ gʼaˬ-ahˇ heu loꞈ-ehˇ ehˇ nehˬ-euˬ meh. “Haw sheˇ, ngaˇ heu gaˇ jawˇ luꞈ-eu miˇ neh, ngaˬ-euˬ baw leˬ ngaˬ-ahˇ jah-eu laꞈ kʼoeˇ yawˬ jeˬ na luꞈ a nehˬ laꞈ jiˇ-awˇ, kʼahˇ kʼoꞈ duˬ maˬ jaˆ ni dehꞈ-eu meh.

Aˇ dahˬ 44:15

Yoˇsehˆ ehˇ-eu, “Naw maꞈ aˬ jeˬ mˇ yaꞈ teˬ. Ngaˇ loꞈ-ehˇ gʼeh-eu miˇ kʼahˬ-ahˇ uˆ lahˇ-eu tsawˇ haˬ tiˬ gʼaˬ ja maw maw haw-eu laꞈ kʼoeˇ, naw maꞈ neh kʼaˇ mˇ taˬ-euˬ jeˬ-ahˇ haw mawˇ nya tehꞈ-a lehˇ naw maꞈ maˬ siˬ nya te loˇ.”

Doˆ-iˇ 32:1

Gawˬ jawˬ-ahˇ neh Moˇseˬ maˬ zaꞈ ka le ni gʼawˬ myahˇ ni jawˇ gaˇ Iˇsaˬleˬlaˆ tsawˇ haˬ deuˬ ya mawˇ ngeh, Aˬloˬ-euˬ dawˬ peh aˬ yawꞈ maꞈ uiˬ leˇ-awˇ, heu loꞈ-ehˇ ehˇ nehˬ-euˬ meh. “Aˬ dui maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Moˇseˬ heu gʼaˬ-ahˇ aˬ jeˬ gʼeh-euˬ lehˇ maˬ paˇ ehˇ nya ngaˇ. Teu miˇ neh, aˬ dui maꞈ-ahˇ bi sheuˬ gʼeh-eu gʼaˇ duˬ, miˬ yehˇ tiˬ gʼaˬ aˬ dui tehˆ kaˇ-euˇ.”

Bawˇtsahˬ 22:6

Aˬ yawꞈ maꞈ aˬ dui maꞈ myaˆ maˬ tseˇ myaˬ dzehˬ-eu miˇ neh, nawˇ tiˬ poˆ laˇ-awˇ, ngaˬ-euˬ gʼaˇ duˬ aˬ yawꞈ maꞈ-ahˇ yaˬ kʼehˇ yaˬ nehˬ laˇ sheˇ. Kʼoeˇ loꞈ-ehˇ jahˇ naˇ, aˬ yawꞈ maꞈ-ahˇ aˬ dui gʼaˬ leˇ-awˇ, miˇ kʼahˬ heu kʼahˬ laꞈ kʼoeˇ neh aˬ yawꞈ maꞈ-ahˇ teh doˆ nya tehꞈ-a. Nawˇ aˬ cawˬ-ahˇ dawˬ ngehˬ gʼeh nehˬ ngeh, aˬ cawˬ guiˬ lahˬ za-awˇ, nawˇ aˬ cawˬ-ahˇ yaˬ kʼehˇ yaˬ ngeh, nawˬ neh yaˬ kʼehˇ kʼaˇ yaˬ-eu loꞈ-ehˇ aˬ cawˬ kʼoeˇ taˆ keuˆ le-euˬ gaˇ kawˆ ngaˇ siˬ nya-eu ma.”

Luˇkaꞈ 23:13

Piˇ ma aˬ yuiꞈ deuˬ, aˬ yuiꞈ aˬ tsu deuˬ hawˇ-eu, miˇ kʼahˬ zaˬ deuˬ-ahˇ sahˬ paˬ Piˇlaˆ neh kuˇ uiˬ-euˬ meh.

Luˇkaꞈ 23:34

Yeˬsuˇ ehˇ-eu, “Aˬda-oˇ, aˬ yawꞈ maꞈ-ahˇ iˬ baˇ pyehˬ nehˬ-awˬ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ jeˬ-ahˇ aˬ yawꞈ maꞈ maˬ siˬ nya-a.” Aˬ yawꞈ maꞈ shehˆ tsaˬ tsaˬ-awˇ, Yeˬsuˇ-euˬ mehˬ tsoeˬ biˇ geuꞈ-euˬ meh.

Yoˇhaˬ 15:21

Ehˇ kʼawꞈ, naw maꞈ ngaˬ-euˬ tsawˇ haˬ pyeuꞈ-eu miˇ neh, aˬ yawꞈ maꞈ naw maꞈ-ahˇ kʼehˬ nehˬ kʼaˆ nehˬ laꞈ tehꞈ-a. Aˬ jeˬ miˇ neh ehˇ naˇ, ngaˬ-ahˇ aˬ suˇ gʼaˬ neh kʼehˇ gʼeh leꞈ-euˬ aˬ yawꞈ maꞈ maˬ siˬ nya-a.

Yoˇhaˬ 16:3

Aˬda-ahˇ maˬ ehˇ, ngaˬ-ahˇ maˬ ehˇ, aˬ yawꞈ maꞈ maˬ siˬ nya-eu miˇ neh, naw maꞈ-ahˇ kʼoeˇ loꞈ-ehˇ kʼehˬ nehˬ laꞈ tehꞈ-a.

Yoˇhaˬ 7:52

Aˬ yawꞈ maꞈ aˬ yawꞈ-ahˇ ehˇ-eu, “Nawˇ gʼeh Gaˬliˬlehˇ miˇ kʼahˬ-ahˇ neh oe-euˬ tsawˇ haˬ te loˇ. Jaˇliꞈ-ahˇ gui duˬ haw sheˇ. Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ Gaˬliˬlehˇ miˇ kʼahˬ-ahˇ neh maˬ doˆ le haw-euˬ nawˇ ya siˬ duˬ tehꞈ-a.”

Gʼaˬkʼehˇ 13:27

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ hawˇ-eu aˬ yawꞈ maꞈ-euˬ aˬ yuiꞈ aˬ tsu deuˬ-aˬ, aˬ yawꞈ Ka kʼoꞈ-eu gʼaˬ pyeuꞈ-eu gaˇ kawˆ siˬ nya-eu maˬ ngeuˇ-a. Jawˇ nah aˬ yawꞈ nah yawꞈ gui luꞈ-eu Miˬyehˇ gʼaˇ duˬ ngehˬ dah-eu deuˬ-euˬ dawˬ-ahˇ kʼawꞈ, aˬ yawꞈ maꞈ maˬ siˬ nya-a. Ehˇ kʼawꞈ, aˬ yawꞈ maꞈ Yeˬsuˇ-ahˇ muiˇ-eu laꞈ kʼoeˇ, Miˬyehˇ gʼaˇ duˬ ngehˬ dah-eu deuˬ neh ehˇ taˬ-euˬ dawˬ byah laˇ ni jahˇ-euˬ meh.

Gʼaˬkʼehˇ 22:5

Ngaˇ ehˇ luꞈ-eu gaˇ kawˆ heu aˬ diˇ ngeuˇ meh lehˇ, Piˇ ma Yaw huiˬ gʼaˬ hawˇ-eu meuˬ-euˬ Baꞈdzah aˬ yuiꞈ aˬ tsu dawˬ tawˆ luꞈ siˬ duˬ mawˇ duˬ taˬ-euˬ meh. Daˬmaˬsehˇ meuˬ-ahˇ jawˇ-eu aˬ yuiꞈ aˬ nyiˇ Yuˇdaˆ tsawˇ haˬ deuˬ jawˇ gaˇ boꞈ nehˬ-euˬ sahˬ boꞈ, aˬ yawꞈ maꞈ ngaˬ-ahˇ biꞈ laꞈ-euˬ meh. Kʼoeˇ miˇ neh, kʼoeˇ gaˇ jawˇ-eu jah-eu tsawˇ haˬ kʼoeˇ deuˬ-ahˇ paꞈ-awˇ, Yeˬluˇsaˬlehˬ meuˬ-ahˇ tsahˇ ka leꞈ-awˇ kʼehˬ nehˬ-eu gʼaˇ duˬ, Daˬmaˬsehˇ meuˬ-ahˇ ngaˇ le-euˬ ma.

Gʼaˬkʼehˇ 26:9

“Naˬzaˬlehˇ tsawˇ haˬ Yeˬsuˇ-euˬ tsawˇ myahˇ-ahˇ kʼaˇ coeˬ kʼaˇ ciˆ-eu jeˬ dawˬ tawˆ luꞈ mˇ-eu tsaˬ tehꞈ-a lehˇ ngaˇ noeˬ-euˬ ma.

Gʼaˬkʼehˇ 28:21

Aˬ yawꞈ maꞈ ehˇ-eu, “Nawˬ-euˬ gaˇ kawˆ-ahˇ taꞈ leˇ-awˇ Yuˇdaˆ miˇ kʼahˬ-ahˇ neh boꞈ laꞈ-euˬ sahˬ boꞈ tiˬ taꞈ-iˬ nga maꞈ maˬ za-aˬ. Kʼoeˇ gaˇ neh laˇ-euˬ nga maꞈ-euˬ tsawˇ haˬ deuˬ kʼawꞈ, nawˬ-euˬ gaˇ kawˆ yaw doeˇ tiˬ gʼaˬ-iˬ maˬ ja-a.

Gʼaˬkʼehˇ 7:40

Kʼoeˇ miˇ neh, ‘Nga maꞈ-ahˇ mehˬ hu paw bi sheuˬ gʼeh-eu gʼaˇ duˬ, Miˬyehˇ tiˬ deuˬ tehˆ nehˬ laꞈ-awˬ. Nga maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Moˇseˬ kʼoeˇ gʼaˬ aˬ jeˬ gʼeh-euˬ maˬ siˬ miˇ-a’ lehˇ, Aˬloˬ-ahˇ aˬ yawꞈ maꞈ ehˇ nehˬ-euˬ meh.

Lormav 11:2

Aˇ dahˬ beh ngeh neh aˬ yawꞈ neh tseˇ doˆ taˬ-euˬ tsawˇ jeuˬ-ahˇ aˬ yawꞈ maˬ byehˇ dzeh-a. Eˇliˇyaˆ neh Iˇsaˬleˬlaˇ tsawˇ haˬ deuˬ-euˬ yaw lehˬ Miˬyehˇ-ahˇ ehˇ nehˬ-euˬ gaˇ kawˆ Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ naw maꞈ siˬ nya meh.

1 Gawˇliˬtu 2:8

Miˇ tsaˬ heu kʼoeˇ taˆ uˆ lahˇ-eu sahˬ paˬ sahˬ ma deuˬ zaˬ siˬ tsawˇ gahˇ kʼoeˇ-ahˇ tiˬ gʼaˬ-iˬ maˬ siˬ nya-aˬ. Siˬ nya law nmˇ-aˬ, yaw shehꞈ kʼahˬ sehˇ huiˬ dui dui-eu Sahˬpaˬ-ahˇ laꞈ yaꞈ kʼoeˇ taˆ maꞈ taꞈ sehꞈ-aˇ.

2 Gawˇliˬtu 3:14

Ehˇ kʼawꞈ, aˬ yawꞈ maꞈ nui ma gʼahˇ-eu meh. Iˬ nah keuˆ ni aˬ yawꞈ maꞈ dawˬ ma saˇ jaˇ yaw oeˇ-ahˇ kʼaˇ gui ngeh, myaˆ pyawˬ-ahˇ saˬ paˇ dehˬ kaˬ taˬ-euˬ kʼoeˇ maˬ yuˇ dzeh-aˬ siˬ. Aˬ jeˬ miˇ neh ehˇ naˇ, ka li-ahˇ maˬ taꞈ naˇ myaˆ pyawˬ-ahˇ dehˬ kaˬ taˬ-euˬ saˬ paˇ kʼoeˇ maˬ yuˇ dzeh nya-a.

Eˇpeˇsu 4:18

Aˬ yawꞈ maꞈ-euˬ nui ma zahˇ tsui ni gʼeh-eu meh. Aˬ yawꞈ maꞈ tiˬ jeˬ-iˬ maˬ siˬ nya-eu uˬ taꞈ, nui ma gʼahˇ-eu miˇ neh, Miˬyehˇ neh biꞈ-euˬ yaw dehꞈ dehꞈ-eu jeˬ-ahˇ tiˬ pawꞈ-iˬ maˬ taꞈ-a.

Piˇliˇpiˆ 1:22

Ehˇ kʼawꞈ, ngaˇ mehˬ hu paw ya dehꞈ daˆ leꞈ lawˬ naˇ, gaˇ dahˇ tsoeˬ-eu gaˇ gʼawˬ mya jeˬ mˇ nya-eu ma. Kʼoeˇ miˇ neh, dehꞈ-eu hawˇ-eu shiˇ-eu heu nyiˬ jeˬ-ahˇ ngaˇ tseˇ geuꞈ tsaˬ maˬ siˬ nya.

1 Tiˆmoˇseˬ 1:13

Dzeuˇ laˇ ngeh aˬ yawꞈ-ahˇ ngaˇ ja doeˇ-awˇ, kʼehˬ nehˬ kʼaˆ nehˬ-awˇ, yehˬ bawˬ sehˇlu-ehˇ ehˇ nehˬ-euˬ ma. Ehˇ kʼawꞈ, ngaˇ jah-eu jeˬ maˬ ahˇ laˇ dah-ehˇ yawˬ ha mˇ luꞈ-eu jeˬ-ahˇ maˬ tseˇ paˆ nya-euˬ baˬ da neh, Miˬyehˇ ngaˬ-ahˇ gʼawˬ shaˬ gaˬ nehˬ laꞈ-euˬ meh.