Gʼaˬkʼehˇ 3:14 - Akha

¹⁴ Aˬ yawꞈ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ meh. Ehˇ kʼawꞈ, naw maꞈ aˬ yawꞈ-ahˇ byehˇ dzeh-awˇ, aˬ yawꞈ-euˬ dah zaˇ aˬ cawˬ-ahˇ sehꞈ-euˬ tsawˇ haˬ tiˬ gʼaˬ-ahˇ pyehˬ nehˬ-awˬ lehˇ, sahˬ paˬ Piˇlaˆ-ahˇ naw maꞈ shaˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Nawmaf, Tsaq-awr dawr-eu Yawshawr ghaq-anr byaerdzae-awr, aqcawq-anr saef-eu tsawrhaq pyaeqnaeqlaf laer shar-euq mae.

Gʼaˬkʼehˇ 3:14 ပူးပေါင်းရင်းမြစ်များ

Jaceuq 16:10

Aˬjeˬmiˇneh nga lehˇehˇnaˇ, shiˇ-eu doꞈ-ahˇnawˇdehˬpiˇ-awˇ, nawˬ-euˬtsawˇmuiˬtsawˇjaˬ-ahˇnawˇ, shiˇ-eu duˬkʼahˬmaˬbi mawˇ-a.

Zaˬkaˬliˇ 9:9

Ziˇoˬ tsawˇ haˬ laˬ kʼaˬ cehˇ-awˬ. Yeˬluˇsaˬlehˬ meuˬ-euˬ tsawˇ haˬ, laˬ kʼaˬ cehˇ-awˇ guˇ dui dui-awˬ. Naw maꞈ-euˬ sahˬpaˬ oe luꞈ meh. Aˬ yawꞈ baoˬ kʼahˬ sehˇ huiˬ-eu kʼawꞈ, nui nahˬ nui yu ahˇ-eu laꞈ kʼoeˇ, mahˬ tahˬ laˆ zaˬ-ahˇ dziˬ-eu meh.

Maꞈtehˬ 27:20

Baˬlaˬbaˇ-ahˇ pyehˬ-awˇ Yeˬsuˇ-ahˇ sehꞈ ni sahˬ paˬ Piˇlaˆ-ahˇ shaˇ-eu gʼaˇ duˬ, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ neh tsawˇ haˬ aˇ maꞈ-ahˇ mehˬ gahˇ taˬ-euˬ meh.

Maˬkuˆ 1:24

guˇ guˇ-ehˇ ehˇ-eu, “Naˬzaˬlehˇ tsawˇ haˬ Yeˬsuˇ-oˇ, nawˇ nga maꞈ-ahˇ aˬ jeˬ taꞈ te. Nga maꞈ-ahˇ laˆ cawˆ-eu lehˇ oe teˬ loˇ. Nawˬ-ahˇ ngaˇ siˬ nya ma. Nawˇ-aˬ, Miˬyehˇ-euˬ muiˬ-eu shawˇ-eu gʼaˬ kʼehˇ meh.”

Maˬkuˆ 15:11

Ehˇ kʼawꞈ, Baˬlaˬbaˇ-ahˇ bi pyehˬ ni sahˬ paˬ Piˇlaˆ-ahˇ shaˇ-eu gʼaˇ duˬ, tsawˇ haˬ aˇ maꞈ-ahˇ piˇ ma aˬ yuiꞈ deuˬ neh mehˬ gahˇ taˬ-euˬ meh.

Maˬkuˆ 15:7

Aˇ yamˬ kʼoeˇ yamˬ-ahˇ, miˇ kʼahˬ-ahˇ puiˬ-eu jeˬ hawˇ-eu, tsawˇ haˬ-ahˇ sehꞈ-eu jeˬ mˇ-euˬ miˇ neh tawˬ-ahˇ bi nyehꞈ uˇ taˬ-euˬ tsawˇ haˬ tiˬ muˇ jawˇ-eu meh. Baˬlaˬbaˇ lehˇ myahˇ-euˬ tiˬ gʼaˬ kʼawꞈ, aˬ yawꞈ maꞈ nehˬ-ehˇ tawˬ-ahˇ uˇ-eu meh.

Luˇkaꞈ 1:35

Mˬ taˆ gʼaˬ kʼehˇ ehˇ-eu, “Muiˬ-eu shawˇ-eu Yaw sahˇ Miˬyehˇ nawˬ-euˬ kʼoeˇ taˆ zaꞈ le-awˇ, Huiˬ dui Mahˇ dui dui-eu Miˬyehˇ-euˬ baoˬ nawˬ-ahˇ joe shmˇ le tehꞈ-a. Kʼoeˇ miˇ neh, dehꞈ le-euˬ muiˬ-eu shawˇ-eu aˬ li kʼoeˇ gʼaˬ-ahˇ, Miˬyehˇ-euˬ Zaˬmaˇ lehˇ kuˇ tehꞈ-a.

Luˇkaꞈ 23:25

Miˇ kʼahˬ zaˬ luiˬ gʼa laˇ ni jahˇ-euˬ uˬ taꞈ, tsawˇ haˬ-ahˇ sehꞈ-euˬ miˇ neh tawˬ-ahˇ bi nyehꞈ uˇ taˬ-euˬ gʼaˬ-ahˇ-aˬ, aˬ yawꞈ maꞈ shaˇ-eu loꞈ-ehˇ pyehˬ doˆ nehˬ-euˬ meh. Ehˇ kʼawꞈ, Yeˬsuˇ-ahˇ-aˬ, aˬ yawꞈ maꞈ-euˬ nui noeˬ bi jahˇ-eu gʼaˇ duˬ, aˬ yawꞈ maꞈ-euˬ aˬ laꞈ laꞈ kʼoeˇ a nehˬ-euˬ meh.

Yoˇhaˬ 16:10

Yaw tsaˬ yaw dawˇ jeˬ gaˇ kawˆ aˬ yawꞈ maꞈ jah lehˬ-euˬ meh. Aˬ jeˬ miˇ neh ehˇ naˇ, ngaˇ Aˬda jawˇ gaˇ gʼoꞈ leˇ-awˇ naw maꞈ ngaˬ-ahˇ tiˬ jawˇ-iˬ maˬ paˇ ya mawˇ meh.

Yoˇhaˬ 18:40

Aˬ yawꞈ maꞈ yaw kʼaˆ-ehˇ guˇ-awˇ ehˇ-eu, “Aˬ yawꞈ-ahˇ taˬ pyehˬ. Baˬlaˬbaˇ-ahˇ pyehˬ-awˬ.” Baˬlaˬbaˇ-aˬ, Loˇmaˆ sahˬ paˬ-ahˇ puiˬ-euˬ tsawˇ haˬ tiˬ gʼaˬ pyeuꞈ-eu meh.

Gʼaˬkʼehˇ 13:28

Aˬ yawꞈ-ahˇ sehꞈ-eu lehˇ yaˇ kʼaˬ bi daˇ paˬ-ehˇ huiˬ-eu yaw lehˬ maˬ poˆ doˆ nya kʼawꞈ, aˬ yawꞈ-ahˇ sehꞈ-eu gʼaˇ duˬ sahˬ paˬ Piˇlaˆ-ahˇ aˬ yawꞈ maꞈ shaˇ-euˬ meh.

Gʼaˬkʼehˇ 2:27

Aˬ jeˬ miˇ neh ehˇ naˇ, shiˇ-eu jeˬ-euˬ miˇ kʼahˬ laꞈ kʼoeˇ, nawˇ ngaˬ-ahˇ maˬ byehˇ dzeh yaꞈ-aˇ. Saˇ jaˇ ziꞈ-eu zaˬ kʼaˆ-ahˇ nawˇ, lmˬ bymˇ-ahˇ maˬ bi buꞈ shoˆ-aˇ.

Gʼaˬkʼehˇ 22:14

Aˬ yawꞈ ehˇ-eu, ‘Miˬyehˇ-euˬ nui kʼahˇ-ahˇ nawˇ siˬ nya laˇ ni maˬ ehˇ, aˬ yawꞈ-euˬ tsaˬ-eu dawˇ-eu Zaˬkʼaˆ-ahˇ ya mawˇ ni maˬ ehˇ, aˬ yawꞈ-euˬ kʼaˬ meh dawˬ ngehˬ gaˇ ya gaˬ ni maˬ ehˇ, aˬ dui-euˬ aˬ poeˬ aˬ bawˇ deuˬ-euˬ Miˬyehˇ nawˬ-ahˇ tseˇ doˆ-euˬ meh.

Gʼaˬkʼehˇ 4:27

Nawˬ neh Ka li bi geuꞈ-euˬ nawˬ-euˬ muiˬ-eu shawˇ-eu Zaˬ kʼaˆ pyeuꞈ-eu Yeˬsuˇ-ahˇ muiˇ-eu gʼaˇ duˬ, Heˬloˆ hawˇ-eu Boˬtiˇ Piˇlaˆ aˬ nyaꞈ, lawˇ ciꞈ zaˬ deuˬ hawˇ-eu Iˇsaˬleˬlaˇ tsawˇ haˬ deuˬ nehˬ-ehˇ meuˬ heu meuˬ laꞈ kʼoeˇ aˬ diˇ aˬ maˇ mehˬ bawˬ mˇ-euˬ meh.

Gʼaˬkʼehˇ 5:28

“Tsawˇ haˬ kʼoeˇ gʼaˬ-euˬ tsawˇ myahˇ uˬ moˆ mehˬ-eu tsoˆ-eu jeˬ taˬ mˇ lehˇ, nga maꞈ neh naw maꞈ-ahˇ yaw kʼaˆ kʼaˆ-ehˇ ehˇ taˬ-euˬ jaˆ-eu maˬ ngeuˇ-a loˇ. Ehˇ kʼawꞈ, Yeˬluˇsaˬlehˬ meuˬ meuˬ lah-ehˇ gaˬ byah jiˇ ni naw maꞈ mehˬ-awˇ tsoˆ-awˇ, tsawˇ haˬ kʼoeˇ gʼaˬ shiˇ-euˬ gaˇ kawˆ nga maꞈ kʼoeˇ taˆ keuˆ le ni naw maꞈ jahˇ-euˬ meh.”

Gʼaˬkʼehˇ 7:52

Naw maꞈ-euˬ aˬ poeˬ aˬ bawˇ deuˬ neh maˬ bi kʼehˬ maˬ bi kʼaˆ haw-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ maˬ jawˇ-a. Miˬyehˇ-euˬ tsaˬ-eu dawˇ-eu Zaˬkʼaˆ oe tehꞈ-a lehˇ aˇ hu ngehˬ dah-euˬ deuˬ-ahˇ aˬ yawꞈ maꞈ sehꞈ-euˬ meh. Nymˬ-mˇ poˆ jawˇ-aˬ, naw maꞈ yaw tsaˬ yaw dawˇ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-awˇ sehꞈ-euˬ meh.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

Yaˬkoˆ 5:6

Maˬ lehˬ maˬ ca-eu tsawˇ haˬ deuˬ-ahˇ naw maꞈ yaˇ kʼaˬ daˇ-awˇ sehꞈ-euˬ meh. Aˬ yawꞈ maꞈ laꞈ poˆ maˬ poˆ ni daˬ-euˬ meh.

1 Beˬtuˆluˆ 3:18

Tsawˇ haˬ zaˬ-euˬ iˬ baˇ gʼaˇ duˬ Ka li tiˬ poˆ tehꞈ-ehˇ kamˇ shiˇ-euˬ meh. Aˬ yawꞈ kamˇ shiˇ-euˬ kʼoeˇ-aˬ, iˬ baˇ zaˬ deuˬ-ahˇ Miˬyehˇ jawˇ gaˇ sheuˬ gʼeh-eu gʼaˇ duˬ, iˬ baˇ maˬ ahˇ-eu tsawˇ haˬ tiˬ gʼaˬ iˬ baˇ zaˬ deuˬ-euˬ dah zaˇ kamˇ shiˇ-euˬ jeˬ pyeuꞈ-awˇ, mˬ maˬ maˬ byaˆ zaˇ ziˇ gʼaˇ duˬ tiˬ poˆ tehꞈ-ehˇ kamˇ shiˇ-euˬ jeˬ pyeuꞈ-eu meh. Shiˬ shaˬ jiˇ paw taꞈ leˇ-awˇ aˬ yawꞈ-ahˇ sehꞈ-euˬ kʼawꞈ, saꞈ laˇ paw taꞈ leˇ-awˇ Miˬyehˇ neh aˬ yawꞈ-ahˇ bi dehꞈ-euˬ meh.

1 Yoˇhaˬ 2:1

Ngaˇ gaˬ dui dui-eu zaˬ deuˬ-oˇ, naw maꞈ iˬ baˇ maˬ bi mˇ-eu gʼaˇ duˬ, gaˇ kawˆ heu deuˬ naw maꞈ jawˇ gaˇ ngaˇ boꞈ ahˇ laꞈ-eu jeˬ pyeuꞈ-eu ma. Ehˇ kʼawꞈ, tsawˇ haˬ tiˬ gʼaˬ na iˬ baˇ mˇ lawˬ naˇ, aˬ dui-euˬ dah zaˇ Aˬda Miˬyehˇ-ahˇ tahˬ shaˇ leˇ-eu gʼaˬ jawˇ ma. Kʼoeˇ-aˬ, yaw tsaˬ yaw dawˇ tsawˇ haˬ pyeuꞈ-eu Yeˬsuˇ Ka li meh.

Panmaeq 3:7

“Piˇlaˬdeˬpiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, muiˬ-eu shawˇ-eu tsaˬ-eu dawˇ-eu gʼaˬ pyeuꞈ-awˇ, Daˬbiˇ-euˬ mahˬ tawꞈ kahˬ tuˆ tehˬ taˬ-awˇ, aˬ yawꞈ laˇ gʼoˆ pah ngeh tsawˇ haˬ tiˬ gʼaˬ-iˬ maˬ piˬ tehꞈ kʼoꞈ nya-eu uˬ taꞈ, aˬ yawꞈ laˇ gʼoˆ piˬ tehˬ ngeh tsawˇ haˬ tiˬ gʼaˬ-iˬ maˬ pah nya-eu gʼaˬ-euˬ dawˬ meh.