Gʼaˬkʼehˇ 28:9 - Akha

⁹ Kʼoeˇ loꞈ-ehˇ pyeuꞈ laˇ-euˬ gaˇ ya mawˇ ngeh, iˇ jaw lahˇ kʼoeˇ lahˇ laꞈ kʼoeˇ kʼaˇ jawˇ-eu naˇ-eu tsawˇ haˬ dawˬ tawˆ luꞈ oe-awˇ, naˇ gawˇ bi laˆ taˬ jiˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Khoerlof-aer pyeuflar ghaq-euq nar-aq, irjawlanr-anr jawr-eu nar-eu tsawrhaq nuideuq khawf lar-awr, nargawr taqler jir-euq mae.

Gʼaˬkʼehˇ 28:9 ပူးပေါင်းရင်းမြစ်များ

Maꞈtehˬ 4:24

Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Gʼaˬkʼehˇ 13:6

Aˬ yawꞈ maꞈ iˇ jaw lahˇ kʼoeˇ caw caw-ehˇ iˇ-awˇ, Baˬpuˇ meuˬ-ahˇ iˇ keuˆ ngeh, Baˬyeˬsuˇ lehˇ myahˇ-euˬ maw loˬ nya-eu Yuˇdaˆ tsawˇ haˬ tiˬ gʼaˬ-ahˇ tahˬ puˬ-euˬ meh. Tsawˇ haˬ kʼoeˇ gʼaˬ aˬ yawˇ yawꞈ Miˬyehˇ gʼaˇ duˬ ngehˬ dah-eu Yuˇdaˆ tsawˇ haˬ ma lehˇ ehˇ-eu meh.

Gʼaˬkʼehˇ 28:10

Kʼoeˇ ngeh, aˬ yawꞈ maꞈ nga maꞈ-ahˇ laꞈ sawˬ gʼawˬ mya ni biꞈ laˬ-euˬ meh. Nga maꞈ saˇ baoˬ dziˬ-awˇ paˇ doˆ-iˇ ngeh kʼawꞈ, gaˇ pehˇ-ahˇ kʼaˇ loˬ-eu yawˬ jeˬ na luꞈ shaˇ dawˆ nehˬ laꞈ-euˬ meh.

Gʼaˬkʼehˇ 28:8

Buˬbaˬliˇ-euˬ aˬ da-aˬ, pyaˬ-awˇ uˬ maˆ uˬ neˇ iˇ iˇ-ehˇ yuꞈ zaˇ kʼoeˇ taˆ ga-eu meh. Pawˇluˆ-aˬ, aˬ yawꞈ yuꞈ-eu kuˆ lawˆ-ahˇ uˇ leˇ-awˇ, guiˬ lahˬ shaˇ nehˬ-eu laꞈ kʼoeˇ, aˬ yawꞈ-euˬ kʼoeˇ taˆ aˬ laꞈ baꞈ daˆ-awˇ naˇ gawˇ laˆ taˬ nehˬ-euˬ meh.

Gʼaˬkʼehˇ 5:12

Zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ, tsawˇ haˬ gʼawˬ mya ni-ahˇ gʼaˬ kʼehˇ deuˬ mˇ mehˬ-euˬ meh. Jah-eu tsawˇ haˬ dawˬ tawˆ luꞈ, Sawˇlaˬmoˬ-euˬ Guiˇ ga ceuˬ lehˇ kuˇ-eu jawˇ duˬ-ahˇ uiˬ leˇ-euˬ meh.

Gʼaˬkʼehˇ 5:15

Gʼaˬ kʼehˇ deuˬ-euˬ mˇ myawˬ shaˇ kawˆ-ahˇ aˬ cawˬ ya mawˇ ngeh, naˇ-eu gawˇ-eu tsawˇ haˬ deuˬ-ahˇ gaˇ ma-ahˇ baꞈ doˆ leꞈ-awˇ, gawˬ pu hawˇ-eu yuꞈ zaˇ kʼoeˇ taˆ bi jawˇ-awˇ, Beˬtuˆluˆ oe tsehˆ ngeh, aˬ yawꞈ-euˬ gʼawˇ mawˇ-euˬ naˇ shmˇ bi zaw le-eu gʼaˇ duˬ loꞈ luꞈ-eu meh.