Gʼaˬkʼehˇ 28:27 - Akha

²⁷ Aˬ jeˬ miˇ neh ehˇ naˇ, yawꞈ maꞈ nui ma gʼahˇ-awˇ, naˬ bawˇ paꞈ tsoeˬ tsoeˬ-awˇ, myaˆ nuiˆ miˆ tehˬ-euˬ meh. Kʼoeˇ loꞈ-ehˇ maˬ gʼeh law nmˇ-aˬ, myaˆ nuiˆ-ahˇ mawˇ leˇ-awˇ, naˬ bawˇ-ahˇ gaˬ leˇ-awˇ, nui ma-ahˇ noeˬ leˇ-awˇ, ngaˇ jawˇ gaˇ gʼoꞈ laˇ ngeh, naˇ gawˇ yaˇ taˬ nehˬ ma.”’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Aqjeq mirnae aernar-aq, tsawrjeuq heujeuq-euq nuima ghanr-ir-awr, Naqbawr naqbar bar-ir-awr, myavnuiv mivtaeq taq-euq mae. Khoerlof-aer maqghae lawnmr-aq, Aqyawfmaf, ngar jawr-eu paw pyawrlar taef-a. Ngar, aqyawf maf-anr bi taqler ma. Khoerngae, aqyawf maf-euq myavnuiv mawrlar-awr, naqbawr coerlar taef-a. Nuima khawf ghovshaw nyalar taef-a.” ’ (Isy 6:9-10)

Gʼaˬkʼehˇ 28:27 ပူးပေါင်းရင်းမြစ်များ

Jaceuq 119:70

Tsawˇ haˬ kʼoeˇ deuˬ zahˇ sahˇ kʼoꞈ maˬ baw kʼawꞈ, nawˬ-euˬ zahˇ dawˬ kʼoꞈ dawˬ laꞈ kʼoeˇ ngaˇ laˬ kʼaˬ cehˇ-eu ma.

Iˇsaˬyaˇ 6:10

Tsawˇ haˬ heu deuˬ nui ma bi gʼahˇ-awˇ, naˬ bawˇ bi tuˇ-eu uˬ taꞈ, myaˆ nuiˆ laˆ behꞈ nehˬ-awˬ. Toˆ-ehˇ maˬ ngeuˇ naˇ, aˬ yawꞈ maꞈ myaˆ nuiˆ haw mawˇ nya-awˇ, naˬ bawˇ gaˬ leˇ-eu uˬ taꞈ, aˬ yawꞈ maꞈ-euˬ nui ma gʼoˆ shaw geuꞈ nya-eu miˇ neh, ngaˇ jawˇ gaˇ gʼoꞈ kʼoꞈ laˇ-awˇ, naˇ gawˇ taˬ leˇ tehꞈ-a.”

Maꞈtehˬ 13:14

Miˬyehˇ gʼaˇ duˬ ngehˬ dah-eu Iˇsaˬyaˇ neh ehˇ taˬ-euˬ dawˬ heu deuˬ-aˬ, aˬ yawꞈ maꞈ loꞈ-ehˇ gʼeh gaˇ ehˇ taˬ-euˬ dawˬ meh. ‘Tsawˇ haˬ heu deuˬ gaˬ dehˆ-euˬ kʼawꞈ, tiˬ pawꞈ-iˬ maˬ gʼoˆ shaw nya-a. Tsawˇ haˬ heu deuˬ mawˇ dehˆ-euˬ kʼawꞈ, tiˬ pawꞈ-iˬ maˬ siˬ duˬ leˇ-a.

Maꞈtehˬ 13:15

Nui ma aˬ dzawˬ dzawˬ-iˇ jiˇ-awˇ, naˬ bawˇ paꞈ tsoeˬ tsoeˬ taˬ jiˇ-awˇ, myaˆ nuiˆ miˆ tehˬ jiˇ taˬ-euˬ meh. Kʼoeˇ loꞈ-ehˇ maˬ ngeuˇ law nmˇ-aˬ, myaˆ nuiˆ-ahˇ mawˇ leˇ-awˇ, naˬ bawˇ-ahˇ gaˬ leˇ-awˇ, noeˬ siˬ noeˬ mawˇ nya-awˇ, naˇ gawˇ bi laˆ saˆ-eu gʼaˇ duˬ, ngaˇ jawˇ paw ciˬ pyawˇ tehꞈ-a lehˇ, Miˬyehˇ ehˇ luꞈ-eu meh.’

Dawˬmehˬ 29:4

Ehˇ kʼawꞈ, noeˬ siˬ noeˬ mawˇ nya-eu nui ma, haw mawˇ nya-eu myaˆ nuiˆ hawˇ-eu, gaˬ nya-eu naˬ bawˇ heu deuˬ, Sahˬpaˬ Miˬyehˇ naw maꞈ-ahˇ maˬ biꞈ-aˬ siˬ.