Gʼaˬkʼehˇ 28:26 - Akha

²⁶ Aˬ yawꞈ ehˇ-eu, ‘Tsawˇ haˬ heu deuˬ jawˇ gaˇ iˇ-awˇ, heu loꞈ-ehˇ ehˇ nehˬ-awˬ. Gaˬ dehˆ-euˬ kʼawꞈ maˬ gʼoˆ shaw-ehˇ, haw dehˆ-euˬ kʼawꞈ maˬ mawˇ leˇ-aˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Aqyawf heulof-aer aer-eu mae: ‘Nawr, tsawrjeuq heujeuq jawr-eu gar ir-awr heulof-aer aernaeq-awq: “Nawmaf narhaq-awr yagaq-euq khawf maq ghovshaw nya-aer, Haw-awr ya’mawr-euq khawf maq siqnya-a.

Gʼaˬkʼehˇ 28:26 ပူးပေါင်းရင်းမြစ်များ

Iˇsaˬyaˇ 29:10

Naw maꞈ yuꞈ kʼaˆ byoˆ ni, Sahˬpaˬ Miˬyehˇ jahˇ-euˬ meh. Miˬyehˇ gʼaˇ duˬ ngehˬ dah-eu deuˬ myaˆ nuiˆ bi dehˬ kaˬ-awˇ, nyiˇ paˬ shaˆ ma deuˬ myaˆ maˬ mawˇ nya-a.

Iˇsaˬyaˇ 29:14

Kʼoeˇ miˇ neh, shaˬ zahˬ kʼoeˇ taˆ shaˬ zahˬ lahˬ-awˇ, aˬ yawꞈ maꞈ-ahˇ ngaˇ laˆ zahˬ ma. Tsawˇ gahˇ ahˇ-eu deuˬ tsawˇ uˬ uˬ-iˇ-awˇ, nui gahˇ byah-eu deuˬ aˬ dzawˬ pyeuꞈ-iˇ tehꞈ-a.”

Iˇsaˬyaˇ 66:4

Kʼoeˇ baˬ da neh aˬ yawꞈ maꞈ guˆ-eu jeˬ pyeuꞈ-eu, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ ngaˇ bi keuˆ le ma. Ngaˇ kuˇ ngeh aˬ yawꞈ maꞈ oˬ maˬ toˬ-ehˇ, ngaˬ-euˬ dawˬ-ahˇ maˬ naˇ haˬ-euˬ miˇ neh, kʼoeˇ loꞈ-ehˇ jahˇ nehˬ ma. Ngaˬ-euˬ mehˬ shi aˬ yawꞈ maꞈ yaw haiˬ jeˬ mˇ-awˇ, ngaˇ nui ma maˬ tsaˬ-eu jeˬ-ahˇ tseˇ geuꞈ-euˬ meh.”

Yeˬlaˬmiˇ 5:21

Myaˆ nuiˆ tsoꞈ-awˇ maˬ mawˇ nya-eu, naˬ bawˇ tsoꞈ-awˇ maˬ gaˬ nya-eu, aˬ dzawˬ aˇ gah deuˬ naˇ haˬ sheˇ.

Yeˬsaˬgeˬlaˇ 12:2

“Tsawˇ haˬ zaˬ-oˇ, nawˇ-aˬ ngaˬ-ahˇ puiˬ-eu tsawˇ haˬ deuˬ nehˬ-ehˇ jawˇ luꞈ-eu meh. Aˬ yawꞈ maꞈ myaˆ nuiˆ tsoꞈ kʼawꞈ maˬ mawˇ nya-ehˇ, naˬ bawˇ tsoꞈ kʼawꞈ maˬ gaˬ nya-a. Aˬ jeˬ miˇ neh ehˇ naˇ, aˬ yawꞈ maꞈ ngaˬ-ahˇ puiˬ-euˬ meh.

Maˬkuˆ 4:12

Aˬ jeˬ miˇ neh ehˇ naˇ, ‘Mawˇ-euˬ nui paw mawˇ kʼawꞈ, yawꞈ maꞈ maˬ siˬ nya-ehˇ; gaˬ-euˬ nui paw gaˬ kʼawꞈ, yawꞈ maꞈ maˬ gʼoˆ shaw-a. Mawˇ-euˬ siˬ duˬ leˇ-awˇ, gaˬ-euˬ gʼoˆ shaw nmˇ-aˬ, Miˬyehˇ jawˇ paw pyawˇ-awˇ, yawꞈ maꞈ gʼoꞈ kʼoꞈ leˇ-awˇ, yawꞈ maꞈ-euˬ iˬ baˇ-ahˇ, Miˬyehˇ pyehˬ nehˬ tehꞈ-a.”’

Luˇkaꞈ 24:25

Kʼoeˇ ngeh jawˇ, aˬ yawꞈ nyaꞈ-ahˇ Yeˬsuˇ ehˇ nehˬ-eu, “Dawˇ ga-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh kʼaˇ ehˇ taˬ-euˬ dawˬ tawˆ luꞈ-ahˇ jah tuˆ leꞈ-eu gʼaˇ duˬ, aˇ naˆ naˆ-ehˇ ga-eu nya.

Luˇkaꞈ 24:45

Kʼoeˇ ngeh, Jaˇ liꞈ-ahˇ gʼoˆ shaw nya ni, aˬ yawꞈ maꞈ-euˬ nui ma-ahˇ aˬ yawꞈ pah nehˬ-euˬ meh.

Luˇkaꞈ 8:10

Yeˬsuˇ aˬ yawꞈ maꞈ-ahˇ ehˇ nehˬ-eu, “Miˬyehˇ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, nui deuˬ-aˬ, ya mawˇ-euˬ kʼawꞈ maˬ siˬ nya-ehˇ, ya gaˬ-euˬ kʼawꞈ maˬ gʼoˆ shaw nya-eu miˇ neh, yaw jeˬ ma jeˬ ja-awˇ ya mehˬ nehˬ-eu meh.

Gʼaˬkʼehˇ 28:25

Pawˇluˆ neh ngehˬ-euˬ dawˬ baˬ da neh, aˬ yawꞈ maꞈ tiˬ gʼaˬ tiˇ gʼaˬ maˬ tsaˬ leˇ ni gʼoꞈ-iˇ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ Pawˇluˆ neh ehˇ nehˬ-euˬ kʼoeˇ-aˬ, heu loꞈ-ehˇ meh. “Miˬyehˇ gʼaˇ duˬ ngehˬ dah-eu Iˇsaˬyaˇ-ahˇ gʼoe-awˇ, naw maꞈ-euˬ aˬ poeˬ aˬ bawˇ deuˬ-ahˇ Muiˬ-eu shawˇ-eu Yaw sahˇ Miˬyehˇ neh ehˇ nehˬ-euˬ dawˬ heu dawˬ aˇ naˆ ni tsaˬ-eu nga.

Dawˬmehˬ 29:4

Ehˇ kʼawꞈ, noeˬ siˬ noeˬ mawˇ nya-eu nui ma, haw mawˇ nya-eu myaˆ nuiˆ hawˇ-eu, gaˬ nya-eu naˬ bawˇ heu deuˬ, Sahˬpaˬ Miˬyehˇ naw maꞈ-ahˇ maˬ biꞈ-aˬ siˬ.