Gʼaˬkʼehˇ 28:21 - Akha

²¹ Aˬ yawꞈ maꞈ ehˇ-eu, “Nawˬ-euˬ gaˇ kawˆ-ahˇ taꞈ leˇ-awˇ Yuˇdaˆ miˇ kʼahˬ-ahˇ neh boꞈ laꞈ-euˬ sahˬ boꞈ tiˬ taꞈ-iˬ nga maꞈ maˬ za-aˬ. Kʼoeˇ gaˇ neh laˇ-euˬ nga maꞈ-euˬ tsawˇ haˬ deuˬ kʼawꞈ, nawˬ-euˬ gaˇ kawˆ yaw doeˇ tiˬ gʼaˬ-iˬ maˬ ja-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Khoerngae, aqyawfmaf, aqyawf-anr heulof-aer aer-eu mae: “Nga’maf, Yurdav mirkhanq-anr nae nawq-euq garkawv bofanr laf-euq sanqbof maqza-aq. Aqyuif aqnyir deuq khawf, heugar lar-awr nawq-euq garkawv yawdoer jeq tiqghaq-iq maqtsaf maq dzawrnaeq lar-aq.

Gʼaˬkʼehˇ 28:21 ပူးပေါင်းရင်းမြစ်များ

Doˆ-iˇ 11:7

Ehˇ kʼawꞈ, Iˇsaˬleˬlaˆ tsawˇ haˬ deuˬ hawˇ-eu aˬ yawꞈ maꞈ-euˬ jeˬ zaˬ deuˬ-ahˇ, aˬ kuiˬ tiˬ mawˇ tehꞈ-ehˇ kʼawꞈ, tsehꞈ nehˬ-eu maˬ jawˇ-aˇ. Kʼoeˇ ngeh, Sahˬpaˬ Miˬyehˇ pyeuꞈ-eu ngaˇ-aˬ, Iˇsaˬleˬlaˆ tsawˇ haˬ hawˇ-eu Iˇjiˇtuˆ tsawˇ haˬ tseˇ paˆ gaˇ, naw maꞈ ya mawˇ tehꞈ-a’ lehˇ ehˇ-eu meh.”

Iˇsaˬyaˇ 41:11

“Naw maꞈ-ahˇ nui ma pehˇ-eu tsawˇ haˬ deuˬ, daˬ ga-awˇ shaꞈ dawˇ-iˇ tehꞈ-a. Naw maꞈ-ahˇ guiˇ deuˆ-eu tsawˇ haˬ, ya shiˇ gaˇ keuˆ tehꞈ-a.

Iˇsaˬyaˇ 50:8

Miˬyehˇ ngaˬ-euˬ dawˬ peh jawˇ meh. Ngaˇ iˬ baˇ maˬ ahˇ-eu aˬ yawꞈ siˬ nya luꞈ meh. Ngaˬ nehˬ-ehˇ yaˇ kʼaˬ ja mawꞈ-eu aˬ suˇ jawˇ ta. Yaˇ kʼaˬ daˇ duˬ-ahˇ tiˬ gm-ehˇ le-awˇ, ngaˬ-euˬ gaˇ kawˆ bi ja haw-awˬ.

Iˇsaˬyaˇ 54:17

Ehˇ kʼawꞈ, nawˬ-ahˇ laˆ tahˬ laˆ naˇ nya-eu, guiˇ deuˆ-eu keu ka maˬ jaˆ-a. Nawˬ-ahˇ yaˇ kʼaˬ kʼaˇ ja laˇ-eu tsawˇ haˬ deuˬ-ahˇ, nawˇ ja gʼaˬ nya tehꞈ-a. Ngaˬ-euˬ zaˬ kʼaˆ deuˬ-ahˇ ngaˇ haw piˇ-awˇ, gʼaˬ leˇ-eu tsawˇ haˬ bi pyeuꞈ ma” lehˇ Sahˬpaˬ Miˬyehˇ ehˇ-eu meh.

Gʼaˬkʼehˇ 22:5

Ngaˇ ehˇ luꞈ-eu gaˇ kawˆ heu aˬ diˇ ngeuˇ meh lehˇ, Piˇ ma Yaw huiˬ gʼaˬ hawˇ-eu meuˬ-euˬ Baꞈdzah aˬ yuiꞈ aˬ tsu dawˬ tawˆ luꞈ siˬ duˬ mawˇ duˬ taˬ-euˬ meh. Daˬmaˬsehˇ meuˬ-ahˇ jawˇ-eu aˬ yuiꞈ aˬ nyiˇ Yuˇdaˆ tsawˇ haˬ deuˬ jawˇ gaˇ boꞈ nehˬ-euˬ sahˬ boꞈ, aˬ yawꞈ maꞈ ngaˬ-ahˇ biꞈ laꞈ-euˬ meh. Kʼoeˇ miˇ neh, kʼoeˇ gaˇ jawˇ-eu jah-eu tsawˇ haˬ kʼoeˇ deuˬ-ahˇ paꞈ-awˇ, Yeˬluˇsaˬlehˬ meuˬ-ahˇ tsahˇ ka leꞈ-awˇ kʼehˬ nehˬ-eu gʼaˇ duˬ, Daˬmaˬsehˇ meuˬ-ahˇ ngaˇ le-euˬ ma.

Gʼaˬkʼehˇ 28:14

Meuˬ kʼoeˇ meuˬ laꞈ kʼoeˇ, jah-eu tsawˇ haˬ ti deuˬ-ahˇ nga maꞈ mawˇ-awˇ, aˬ yawꞈ maꞈ nehˬ-ehˇ jawˇ nah tiˬ jaw jawˇ nehˬ laꞈ lehˇ nga maꞈ-ahˇ shaˇ-eu meh. Kʼoeˇ naˇ, Loˇmaˆ meuˬ-ahˇ nga maꞈ le keuˆ-euˬ ma.

Gʼaˬkʼehˇ 3:17

“Aˬ yuiꞈ aˬ nyiˇ deuˬ-oˇ, naw maꞈ hawˇ-eu naw maꞈ-euˬ aˬ yuiꞈ aˬ tsu deuˬ neh Yeˬsuˇ-ahˇ jahˇ nehˬ-euˬ heu-aˬ, naw maꞈ maˬ siˬ nya-eu miˇ neh meh lehˇ ngaˇ siˬ duˬ ma.

Lormav 9:3

Aˬ yawꞈ maꞈ-euˬ gʼaˇ duˬ Miˬyehˇ yaˬ kʼehˇ yaˬ nehˬ laꞈ-eu jeˬ-ahˇ ngaˇ daˬ-awˇ, Ka li-ahˇ gʼawˬ tsehˆ ya tsehˆ kʼawꞈ nui kʼahˇ shiˇ ma.