Gʼaˬkʼehˇ 28:1 - Akha

¹ Nga maꞈ buˬ-iˇ law-iˇ-awˇ dahˇ taˆ le doˆ gʼaˬ ngeh, iˇ jaw lahˇ kʼoeˇ lahˇ Meˬleˬdeˬ lehˇ kuˇ-eu gaˇ kawˆ ya siˬ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Nga’maf buq-ir ghaq-euq mirtsa, irjawlanr khoer Maqleqdaq laer kur-eu law hawrngaq laer yasiq-euq ma.

Gʼaˬkʼehˇ 28:1 ပူးပေါင်းရင်းမြစ်များ

Gʼaˬkʼehˇ 13:6

Aˬ yawꞈ maꞈ iˇ jaw lahˇ kʼoeˇ caw caw-ehˇ iˇ-awˇ, Baˬpuˇ meuˬ-ahˇ iˇ keuˆ ngeh, Baˬyeˬsuˇ lehˇ myahˇ-euˬ maw loˬ nya-eu Yuˇdaˆ tsawˇ haˬ tiˬ gʼaˬ-ahˇ tahˬ puˬ-euˬ meh. Tsawˇ haˬ kʼoeˇ gʼaˬ aˬ yawˇ yawꞈ Miˬyehˇ gʼaˇ duˬ ngehˬ dah-eu Yuˇdaˆ tsawˇ haˬ ma lehˇ ehˇ-eu meh.

Gʼaˬkʼehˇ 16:10

Yaw sahˇ laꞈ kʼoeˇ Pawˇluˆ kʼoeˇ loꞈ-ehˇ ya siˬ ya mawˇ gʼaˬ-euˬ nehˬ-ehˇ, Maˬgeˬdawˇniˆ miˇ kʼahˬ-ahˇ le-eu gʼaˇ duˬ nga maꞈ tiˬ poˆ tehꞈ-ehˇ lehˬ hmˬ-euˬ ma. Aˬ jeˬ miˇ neh ehˇ naˇ, kʼoeˇ gaˇ jawˇ-eu tsawˇ haˬ deuˬ-ahˇ Laˬ kʼaˬ cehˇ-eu Guiˬ lahˬ dawˬ bi mehˬ leˇ-eu gʼaˇ duˬ, Miˬyehˇ nga maꞈ-ahˇ kuˇ le-euˬ ngaˇ lehˇ nga maꞈ noeˬ tsehˆ-euˬ ma.

Gʼaˬkʼehˇ 27:1

Nga maꞈ-ahˇ Iˇdaˬliˬ miˇ kʼahˬ-ahˇ bi iˇ-eu lehˇ ehˇ tsehˆ gʼaˬ ngeh jawˇ, Pawˇluˆ hawˇ-eu tawˬ-ahˇ dawˆ taˬ-euˬ tsawˇ haˬ nui deuˬ-ahˇ, “Awˇguˆtuˆ guiˇ maꞈ” lehˇ kuˇ-eu Loˇmaˆ guiˇ maꞈ tiˬ maꞈ-ahˇ aˬ yuiꞈ geuꞈ luꞈ-eu Yuˇluˆ lehˇ myahˇ-euˬ gʼaˬ-euˬ aˬ laꞈ laꞈ kʼoeˇ a nehˬ-euˬ meh.

Gʼaˬkʼehˇ 27:26

Ehˇ kʼawꞈ, aˬ dui maꞈ dziˬ luꞈ-eu saˇ baoˬ heu laˇ iˇ jaw lahˇ tiˬ tsahˇ na kʼoeˇ taˆ bi tahˬ daˆ gʼeh tehꞈ-a.”

Gʼaˬkʼehˇ 27:39

Uˬ bya bya laˇ-euˬ kʼawꞈ, saˇ baoˬ laꞈ kʼoeˇ gaˇ mˇ-eu tsawˇ haˬ deuˬ iˬ ma laˆ shaˆ lawˇ deh-ahˇ yaw muiˬ paˬ-ehˇ maˬ mawˇ duˬ nya-a. Ehˇ kʼawꞈ, iˬ ma laˆ shaˆ lawˇ gʼoꞈ lawˇ deh tiˬ tsahˇ haw mawˇ-awˇ, gʼeh nya naˇ, saˇ baoˬ-ahˇ kʼoeˇ gaˇ bi coeˬ daˆ gʼeh ma lehˇ aˬ yawꞈ maꞈ noeˬ tsehˆ-euˬ meh.

Gʼaˬkʼehˇ 27:44

Dzeˇ-eu deuˬ-aˬ, teˇ byaꞈ doe ni, saˇ baoˬ pyaˆ-iˇ-awˇ kʼehꞈ-iˇ kʼoeˆ-iˇ-euˬ daˇ kawˬ hawˇ-eu mˇ myawˬ doe ni dawꞈ tehꞈ-awˇ, lawˇ deh-ahˇ teuˆ doˆ gʼeh-eu gʼaˇ duˬ aˬ yawꞈ dawˬ biꞈ-euˬ meh. Kʼoeˇ loꞈ-ehˇ jahˇ-awˇ, nga maꞈ tiˬ gʼaˬ-iˬ maˬ ca laˇ ni lawˇ dzeˇ tsehˆ doˆ jiˇ-euˬ ma.