Gʼaˬkʼehˇ 27:38 - Akha

³⁸ Yawˬ gʼaˬ na luꞈ dzaˬ gʼaˬ ngeh, saˇ baoˬ yaw pyaˇ bi pyaˇ laˇ-eu gʼaˇ duˬ, kʼaˇ tawˬ luꞈ-eu cehˇ dawˬ tawˆ luꞈ iˬ ma laˆ shaˆ-ahˇ shehˆ puꞈ jiˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁸ Aqyawfmaf dzaqdaev ghaq-awr, lawq pyarlarni, caer iqmalavshav-anr bafpuf ghae-euq mae.

Gʼaˬkʼehˇ 27:38 ပူးပေါင်းရင်းမြစ်များ

Yawˇbaˆ 2:4

Saˬdaˬ ehˇ-eu, “Tsawˇ haˬ tiˬ gʼaˬ yawˬ ha-euˬ uˬ kʼawˇ ya buˬ-iˇ ni yawˬ jeˬ na luꞈ-ahˇ byehˇ dzeh coeˇ tehꞈ-a.

Dawˬ tsoˆ 3:6

Byaˇ tawꞈ-eu yamˬ baw-eu loꞈ-ehˇ, dehˬ dzeh-eu yamˬ kʼawꞈ baw-eu meh. Jeˬ hmˬ-eu yamˬ baw-eu loꞈ-ehˇ, biˬ dzeh-eu yamˬ kʼawꞈ baw-eu meh.

Yawˇnaˆ 1:5

Saˇ baoˬ kʼoeˇ taˆ gaˇ mˇ luꞈ-eu tsawˇ haˬ kʼoeˇ deuˬ guˆ dui dui laˇ-awˇ, yawˬ gʼaˬ na luꞈ yawˬ ha-euˬ miˬyehˇ-ahˇ guˇ guˇ-ehˇ, caw ba le-awˬ lehˇ shaˇ-eu meh. Kʼoeˇ uˬ taꞈ, aˬ yawꞈ maꞈ shiˇ gaˇ maˬ ya keuˆ ni, saˇ baoˬ kʼoeˇ taˆ tawˬ luꞈ-eu myawˬ deuˬ-ahˇ kʼawꞈ, iˬ ma laˆ shaˆ laꞈ kʼoeˇ baꞈ puꞈ-euˬ meh. Kʼoeˇ loꞈ-ehˇ tehˬ gʼa luꞈ ngeh, Yawˇnaˆ gʼaˬ saˇ baoˬ-euˬ dawˬ dah iˇ ka-awˇ, yuˬ kʼaˆ byoˆ taˬ-euˬ meh.

Maꞈtehˬ 16:26

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ za jiˇ-euˬ kʼawꞈ, saꞈ laˆ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta. Aˬ geu jeˬ biꞈ-awˇ zeuˇ kʼoꞈ kʼawꞈ, saꞈ laˇ dehꞈ-eu jeˬ-ahˇ maˬ paˇ zeuˇ kʼoꞈ geuꞈ nya meh.

Maꞈtehˬ 4:18

Yeˬsuˇ Gaˬliˬlehˇ lah lah dzeˇ iˇ luꞈ ngeh, ngaˬ shaˬ poˆ-eu tsawˇ haˬ pyeuꞈ-eu Beˬtuˆluˆ lehˇ kuˇ-eu Siˇmoˬ hawˇ-eu Aˬdehˬlehˬ aˬ nyaꞈ nmˇ lah laꞈ kʼoeˇ za dzeh luꞈ gaˇ ya mawˇ-euˬ meh.

Maꞈtehˬ 6:25

“Kʼoeˇ miˇ neh, naw maꞈ-ahˇ ngaˇ heu loꞈ-ehˇ ehˇ-eu ma. Naw maꞈ yaw dehꞈ dehꞈ nya ni, aˬ joˆ-ehˇ ya dzaˬ ya dawˇ-eu gaˇ kawˆ hawˇ-eu, naw maꞈ-euˬ gʼawˇ mawˇ gʼaˇ duˬ aˬ joˆ-ehˇ ya dm ya gʼaˬ-eu gaˇ kawˆ kʼahˬ taˬ lahˇ. Yaw dehꞈ dehꞈ-eu jeˬ-aˬ, dzaˬ dzaˬ dawˇ dawˇ naˆ maˬ tseˇ poeˬ-awˇ, gʼawˇ mawˇ kʼawꞈ, dm gʼaˬ dm lmˇ naˆ maˬ tseˇ poeˬ-eu maˬ ngeuˇ-a loˇ.

Luˇkaꞈ 12:23

Aˬ jeˬ miˇ neh ehˇ naˇ, yaw dehꞈ dehꞈ-eu jeˬ-aˬ, dzaˬ dzaˬ dawˇ dawˇ naˆ maˬ tseˇ poeˬ-awˇ, gʼawˇ mawˇ kʼawꞈ, dm gʼaˬ dm lmˇ naˆ maˬ tseˇ poeˬ-eu meh.

HeˬByehˇ 12:1

Jah-eu jeˬ gaˇ kawˆ saˇ kiˇ kamˬ-euˬ tsawˇ haˬ kʼoeˇ deuˬ, aˬ dui-euˬ tiˬ jawˬ tiˬ byah ni jawˇ luꞈ ma. Kʼoeˇ miˇ neh, gaˇ ma-ahˇ kʼaˇ jaˆ tsoeˬ-eu yawˬ jeˬ na luꞈ-ahˇ aˬ dui teuˆ lehˆ-awˇ, aˬ dui-ahˇ deuˇ geuˆ ni lahˇ cuꞈ taꞈ-euˬ iˬ baˇ-ahˇ behˇ lehˆ-awˇ, aˬ dui mehˬ shi laˆ saˆ taˬ-euˬ cehˆ ceh ceh-eu gaˇ ma-ahˇ nui ma ziꞈ dah ni cehˆ gʼeh kaˇ-euˇ.