Gʼaˬkʼehˇ 27:21 - Akha

²¹ Tiˬ jeˬ-iˬ maˬ dzaˬ ni dzahˬ luꞈ-eu myahˇ laˇ-euˬ meh. Kʼoeˇ miˇ neh, aˬ yawꞈ maꞈ-euˬ mehˬ shi Pawˇluˆ yawꞈ-awˇ, heu loꞈ-ehˇ ehˇ-eu meh. “Cawˬ deuˬ-oˇ, naw maꞈ ngaˇ ehˇ gaˇ naˇ haˬ-awˇ, Gaˬlaˬdeˬ iˇ jaw lahˇ-ahˇ neh maˬ doˆ le ni jawˇ law nmˇ-aˬ, luˬ-iˇ seˇ-iˇ-eu heu-ahˇ maˬ paˇ ya daˬ-aˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Aerkhawf, aqyawfmaf tiqjeq-iq maqdzaq-aer jawr-eu ghawqmya nan keuvlar ngae, Pawrluv, aqyawf maf-euq ghanrcae yawf-awr heulof-aer aernaeq-euq mae: “Cawqdeuq-or! Nawmaf, ngaq-euq dawq narhaq-awr, Gaqlaqdeq irjawlanr-anr nae maq dovle-euq lawnmr-aq, smq-ir cawv-ir-eu heu-anr maqya daq-ar.

Gʼaˬkʼehˇ 27:21 ပူးပေါင်းရင်းမြစ်များ

Aˇ dahˬ 42:22

Luˇbeˬ ehˇ-eu, “Aˬ li-ahˇ taˬ laˆ tahˬ taˬ laˆ naˇ lehˇ naw maꞈ-ahˇ ngaˇ ehˇ nehˬ kʼawꞈ, naw maꞈ maˬ naˇ haˬ-a. Nymˬ-mˇ poˆ jawˇ-aˬ, aˬ yawꞈ-ahˇ laˆ sehꞈ-euˬ loꞈ-ehˇ aˬ dui paˇ ya daˬ poˆ-eu keuˆ laˇ taˬ-euˬ nga.”

Gʼaˬkʼehˇ 27:12

Kʼoeˇ uˬ taꞈ, aˬ yawꞈ maꞈ naˬ luꞈ-eu saˇ baoˬ naˬ duˬ kʼoeˇ tsahˇ-aˬ, tsahˬ gaˆ yamˬ-ahˇ maˬ jawˇ muiˬ-eu jawˇ duˬ tiˬ tsahˇ pyeuꞈ-eu meh. Kʼoeˇ miˇ neh, gʼeh nya naˇ, Piˇniˇ meuˬ-ahˇ kʼaˇ keuˆ maˬ keuˆ iˇ-awˇ, tsahˬ gaˆ yamˬ-ahˇ kʼoeˇ gaˇ jawˇ naˬ mˇ-eu gʼaˇ duˬ tsawˇ haˬ myaˬ ni nui ma tsaˬ-eu meh. Piˇniˇ meuˬ-aˬ, Gaˬlaˬdeˬ iˇ jaw lahˇ-ahˇ jaˆ-eu, nahˇ ma ga kʼehˬ laꞈ taˆ paw hawˇ-eu nahˇ ma ga kʼehˬ-euˬ laꞈ oˆ paw dzeˇ-ehˇ pyawˇ-eu saˇ baoˬ naˬ duˬ tiˬ tsahˇ pyeuꞈ-eu meh.

Gʼaˬkʼehˇ 27:13

Laꞈ oˆ paw neh baw laꞈ-euˬ jaˬ lehˇ kʼoeˇ, aˬ za za-ehˇ tehꞈ-ehˇ baw-eu meh. Kʼoeˇ ngeh, aˬ yawꞈ maꞈ neh noeˬ-euˬ loꞈ-ehˇ geuꞈ nya tehꞈ-a lehˇ noeˬ-awˇ, saˇ baoˬ naˬ ngeh pyehˬ ka-euˬ shmˇ kuˆ seuˬ gʼeu kʼoꞈ daˆ-awˇ, lehˇ baw saˬ paˇ taw-awˇ, Gaˬlaˬdeˬ iˇ jaw lahˇ paw saˇ baoˬ kʼaˇ laˆ peh nya-eu laˆ peh laˆ peh-ehˇ mehˬ hu paw doˆ-iˇ-euˬ ma.

Gʼaˬkʼehˇ 27:20

Gʼawˬ mya nah gʼawˬ mya miˇ , nahˇ ma hawˇ-eu aˬ guiˇ-ahˇ maˬ ya mawˇ ni jaˬ lehˇ lehˇ ma baw dui dui gaˇ ya daˬ-euˬ miˇ neh, ya buˬ-iˇ-eu gaˇ ma maˬ paˇ dahˇ ngaˇ lehˇ noeˬ jiˇ-euˬ ma.

Gʼaˬkʼehˇ 27:7

Nga maꞈ lehˇ baw saˬ paˇ taw-awˇ, aw lawˆ lawˆ-ehˇ gʼawˬ mya nah shaˬ shaˬ-ehˇ iˇ-eu laꞈ kʼoeˇ, Gaˬniˇ meuˬ dawˬ peh shaˬ keuˆ gʼeh-euˬ ma. Nga maꞈ mehˬ hu paw tiˬ pawꞈ-iˬ maˬ iˇ jiˆ nya ni jaˬ lehˇ neh dehˬ tehˬ taˬ-euˬ miˇ neh, Saˬmoˬneˬ meuˬ paw zaꞈ ahˇ-iˇ-awˇ, meuˬ kʼoeˇ meuˬ-euˬ kʼoeˇ paw kʼaˇ iˇ dzeuˇ gʼeh-awˇ, Gaˬleˬdeˬ iˇ jaw lahˇ-ahˇ baˇ shmˇ-awˇ iˇ-euˬ ma.