Gʼaˬkʼehˇ 27:1 - Akha

¹ Nga maꞈ-ahˇ Iˇdaˬliˬ miˇ kʼahˬ-ahˇ bi iˇ-eu lehˇ ehˇ tsehˆ gʼaˬ ngeh jawˇ, Pawˇluˆ hawˇ-eu tawˬ-ahˇ dawˆ taˬ-euˬ tsawˇ haˬ nui deuˬ-ahˇ, “Awˇguˆtuˆ guiˇ maꞈ” lehˇ kuˇ-eu Loˇmaˆ guiˇ maꞈ tiˬ maꞈ-ahˇ aˬ yuiꞈ geuꞈ luꞈ-eu Yuˇluˆ lehˇ myahˇ-euˬ gʼaˬ-euˬ aˬ laꞈ laꞈ kʼoeˇ a nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Nga’maf-anr lawq-anr bidziq-awr, Irdaqliq mirkhanq-anr bi’ir ma laer noeqtsaev ghaq-euq nar-aq, Pawrluv hawr-eu kuv-anr ur-eu nuideuq-anr, Awrgurtuv guirzaq tiq mur-anr taf-eu, Yurluv laer kur-eu yardzoeq guirhuq-euq aqlaf-anr a’naeq-euq mae.

Gʼaˬkʼehˇ 27:1 ပူးပေါင်းရင်းမြစ်များ

Aˇ dahˬ 50:20

Naw maꞈ ngaˬ-ahˇ yaw haiˬ jeˬ mˇ nehˬ laꞈ-euˬ kʼawꞈ, Miˬyehˇ neh yaw muiˬ jeˬ paˇ bi pyeuꞈ doˆ laˇ-euˬ meh. Iˬ nah dehꞈ luꞈ jawˇ luꞈ-eu myaˬ dui dui-eu tsawˇ haˬ heu deuˬ maˬ ya shiˇ jiˇ ni, kʼoeˇ loꞈ-ehˇ bi pyeuꞈ laˇ-euˬ meh.

Jaceuq 33:11

SahˬpaˬMiˬyehˇ-euˬbawˬtoˆ-aˬ, mˬmaˬmaˬbyaˆzaˇziˇgmˬ-awˇ, aˬyawꞈneh shaˇnoeˬtaˬ-euˬjeˬ, mˬmaˬmaˬbyaˆzaˇziˇziꞈmeh.

Jaceuq 76:10

Tsawˇ haˬ zaˬ-euˬ nui pehˇ-aˬ, nawˬ-ahˇ ja ceuˬ-eu gaˇ kawˆ bi doˆ laˇ-eu tehꞈ meh. Guiˇ deuˆ gaˇ maˬ ya shiˇ-ehˇ dzeuˇ-iˇ-euˬ deuˬ, nawˬ-ahˇ ja ceuˬ-eu bawˬ-iˬ gʼeh tehꞈ-a.

Dawqdaq 19:21

Tsawˇ haˬ zaˬ gaˇ kawˆ aˬ joˆ-ehˇ kawˆ kʼawꞈ, Sahˬpaˬ Miˬyehˇ-euˬ nui kʼahˇ uˬ duˬ duˬ leˇ-eu meh.

Ngoeˇ dawˬ 3:27

Nyiˇ ngeh oˇ dzaw daˬ dzaw-euˬ-aˬ, tsawˇ haˬ zaˬ gʼaˇ duˬ muiˬ-eu meh.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Maꞈtehˬ 27:54

Yeˬsuˇ-ahˇ loꞈ luꞈ-eu yehˇ kʼoeˇ deuˬ hawˇ-eu yehˇ kʼoeˇ deuˬ-ahˇ uˆ lahˇ-eu yaw huiˬ gʼaˬ, miˇ luˆ luˆ-eu hawˇ-eu kʼaˇ pyeuꞈ laˇ-euˬ yawˬ jeˬ na luꞈ-ahˇ ya mawˇ ngeh, guˆ dui dui laˇ-awˇ, “Tsawˇ haˬ heu gʼaˬ maˇ maˇ ni Miˬyehˇ-euˬ Zaˬmaˇ ngaˇ” lehˇ ehˇ-eu meh.

Luˇkaꞈ 23:47

Kʼoeˇ loꞈ-ehˇ pyeuꞈ laˇ-euˬ gaˇ, yehˇ kʼoeˇ deuˬ kʼoeˇ taˆ aˬ yuiꞈ geuꞈ-eu gʼaˬ ya mawˇ ngeh, Miˬyehˇ-euˬ guiˬ lahˬ-ahˇ ja ceuˬ-awˇ, “Tsawˇ haˬ heu gʼaˬ aˬ diˇ aˬ maˇ iˬ baˇ maˬ ahˇ law hawˇ ngaˬ” lehˇ ehˇ-eu eh.

Luˇkaꞈ 7:2

Kʼoeˇ gaˇ jawˇ-eu Loˇmaˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ tiˬ gʼaˬ, aˬ yawꞈ gaˬ dui dui-eu zaˬ kʼaˆ shiˇ taw tehˬ ni naˇ luꞈ-eu meh.

Gʼaˬkʼehˇ 10:1

Gehˇsaˬliˇ miˇ kʼahˬ-ahˇ Gawˬ neˬ liˇ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, “Iˬtaˬliˬ guiˇ maꞈ” lehˇ kuˇ-eu Loˆmaˆ guiˇ maꞈ tiˬ maꞈ kʼoeˇ taˆ uˆ lahˇ luꞈ-eu yaw huiˬyaw mahˇ tiˬ gʼaˬ meh.

Gʼaˬkʼehˇ 10:22

Aˬ ha smˇ gʼaˬ ehˇ-eu, “Guiˇ maꞈ-ahˇ uˆ lahˇ-eu yaw huiˬ yaw mahˇ pyeuꞈ-eu Gawˬneˬliˇ neh nga maꞈ-ahˇ kʼehˇ leꞈ-euˬ meh. Aˬ yawꞈ-aˬ, Miˬyehˇ-ahˇ uˬ duˬ tahˬ-eu tsawˇ haˬ yaw muiˬ tiˬ gʼaˬ pyeuꞈ-awˇ, Yuˇdaˆ tsawˇ haˬ dawˬ tawˆ luꞈ aˬ yawꞈ-ahˇ yaw zeu baw-eu meh. Nawˬ-ahˇ aˬ yawꞈ-euˬ nymˇ-ahˇ kuˇ ahˇ-awˇ, nawˬ neh ngehˬ-euˬ tmˇ-euˬ dawˬ-ahˇ naˇ haˬ-eu gʼaˇ duˬ, Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ-ahˇ ehˇ le-euˬ meh.”

Gʼaˬkʼehˇ 16:10

Yaw sahˇ laꞈ kʼoeˇ Pawˇluˆ kʼoeˇ loꞈ-ehˇ ya siˬ ya mawˇ gʼaˬ-euˬ nehˬ-ehˇ, Maˬgeˬdawˇniˆ miˇ kʼahˬ-ahˇ le-eu gʼaˇ duˬ nga maꞈ tiˬ poˆ tehꞈ-ehˇ lehˬ hmˬ-euˬ ma. Aˬ jeˬ miˇ neh ehˇ naˇ, kʼoeˇ gaˇ jawˇ-eu tsawˇ haˬ deuˬ-ahˇ Laˬ kʼaˬ cehˇ-eu Guiˬ lahˬ dawˬ bi mehˬ leˇ-eu gʼaˇ duˬ, Miˬyehˇ nga maꞈ-ahˇ kuˇ le-euˬ ngaˇ lehˇ nga maꞈ noeˬ tsehˆ-euˬ ma.

Gʼaˬkʼehˇ 18:2

Kʼoeˇ gaˇ, Boˬtuˆ miˇ kʼahˬ-ahˇ dehꞈ le-euˬ Aˬguˇla lehˇ myahˇ-euˬ Yuˇdaˆ tsawˇ haˬ tiˬ gʼaˬ-ahˇ aˬ yawꞈ ya tahˬ puˬ-euˬ meh. Yuˇdaˆ tsawˇ haˬ dawˬ tawˆ luꞈ Loˇmaˆ meuˬ-ahˇ neh ya doˆ-iˇ jiˇ meh lehˇ, Loˇmaˆ sahˬ paˬ Gaˬlawˇdiˇ dawˬ biꞈ-euˬ miˇ neh, aˬ yawꞈ-euˬ mi zaˬ Biˇgiˇla sheuˬ-awˇ Iˇdaˬliˬ miˇ kʼahˬ-ahˇ neh gʼoꞈ doˆ le-euˬ tiˬ dehˬ pyeuꞈ-eu meh. Aˬ nyaꞈ dzeˇ zaˬ-ahˇ Pawˇluˆ tahˬ puˬ leˇ-euˬ meh.

Gʼaˬkʼehˇ 19:21

Gaˇ kawˆ kʼoeˇ deuˬ pyeuꞈ laˇ gʼaˬ ngeh, Maˬgeˬdawˇniˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ cah-iˇ-awˇ, Yeˬluˇsaˬlehˬ meuˬ-ahˇ iˇ ma lehˇ Pawˇluˆ noeˬ tsehˆ-euˬ meh. “Kʼoeˇ gaˇ iˇ gʼaˬ naˇ, Loˇmaˆ meuˬ-ahˇ kʼawꞈ ya iˇ haw nga siˬ” lehˇ aˬ yawꞈ ehˇ-eu meh.

Gʼaˬkʼehˇ 21:32

Yaw huiˬ yaw mahˇ kʼoeˇ gʼaˬ, guiˇ maꞈ kʼoeˇ taˆ aˬ yuiꞈ bi geuꞈ-eu deuˬ hawˇ-eu yehˇ deuˬ-ahˇ sheuˬ-awˇ, tiˬ poˆ tehꞈ-ehˇ tsawˇ haˬ aˇ maꞈ uiˬ leˇ taˬ-euˬ gaˇ cehˆ gʼeh-euˬ meh. Aˬ yawꞈ yehˇ sheuˬ-awˇ oe keuˆ-euˬ gaˇ tsawˇ haˬ kʼoeˇ deuˬ ya mawˇ ngeh, Pawˇluˆ-ahˇ diˬ luꞈ-eu naˬ leˇ-euˬ meh.

Gʼaˬkʼehˇ 22:26

Yehˇ deuˬ kʼoeˇ taˆ aˬ yuiꞈ geuꞈ luꞈ-eu kʼoeˇ gʼaˬ dawˬ kʼoeˇ dawˬ-ahˇ ya gaˬ ngeh, guiˇ maꞈ-ahˇ uˆ lahˇ-eu yaw huiˬ yaw mahˇ jawˇ gaˇ le-awˇ ehˇ nehˬ-eu, “Nawˇ aˬ joˆ-ehˇ jahˇ-eu gʼeh te. Tsawˇ haˬ kʼoeˇ gʼaˬ Loˇmaˆ miˇ kʼahˬ zaˬ law hawˇ ngaˬ tawˇ.”

Gʼaˬkʼehˇ 23:11

Kʼoeˇ ngeh miˇ, Sahˬ paˬ Yeˬsuˇ Pawˇluˆ-euˬ dawˬ peh yawꞈ le-awˇ ehˇ-eu, “Taˬ guˆ. Yeˬluˇsaˬlehˬ meuˬ laꞈ kʼoeˇ ngaˬ-euˬ gʼaˇ duˬ nawˇ saˇ kiˇ kamˬ gʼaˬ-euˬ meh. Loˇmaˆ meuˬ laꞈ kʼoeˇ kʼawꞈ, kʼoeˇ loꞈ-ehˇ ya kamˬ meh.”

Gʼaˬkʼehˇ 23:17

Kʼoeˇ ngeh, Loˇmaˆ yehˇ kʼoeˇ taˆ aˬ yuiꞈ geuꞈ-eu tiˬ gʼaˬ-ahˇ Pawˇluˆ kuˇ-awˇ ehˇ nehˬ-eu, “Aˬ li heu gʼaˬ-ahˇ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ jawˇ gaˇ tiˬ poˆ sheuˬ ha nehˬ leˇ sheˇ. Aˬ yawꞈ dzawˇ nehˬ leˇ paˬ-ehˇ gʼeh-eu gaˇ kawˆ jaˆ te jeˇ.”

Gʼaˬkʼehˇ 24:23

Kʼoeˇ naˇ, Pawˇluˆ-ahˇ yaw muiˬ paˬ-ehˇ haw lahˇ-eu gʼaˇ duˬ, yehˇ tiˬ yaˇ gʼaˬ kʼoeˇ taˆ aˬ yuiꞈ geuꞈ-eu gʼaˬ-ahˇ aˬ yawꞈ dawˬ biꞈ-euˬ meh. Ehˇ kʼawꞈ, aˇ dzehˬ-ehˇ maˬ ka lahˇ ni bi jawˇ-eu uˬ taꞈ, aˬ yawꞈ loˬ-eu jeˬ-ahˇ aˬ yawꞈ-euˬ cawˬ deuˬ caw ba nehˬ le gaˇ taˬ laˆ tsoeˬ lehˇ ehˇ nehˬ taˬ-euˬ meh.

Gʼaˬkʼehˇ 25:12

Kʼoeˇ ngeh, sahˬ paˬ Beˬtuˇ-aˬ, aˬ yawꞈ-ahˇ nui noeˬ nui duˇ biꞈ-eu deuˬ nehˬ-ehˇ bawˬ dzaˬ-awˇ, heu loꞈ-ehˇ ehˇ kʼoꞈ nehˬ-euˬ meh. “Sahˬ paˬ Gehˇsaˬ neh yaˇ kʼaˬ bi daˇ laꞈ lehˇ nawˇ shaˇ-eu miˇ neh, nawˬ-ahˇ sahˬ paˬ Gehˇsaˬ jawˇ gaˇ bi le ma.”

Gʼaˬkʼehˇ 25:25

Ehˇ kʼawꞈ, aˬ yawꞈ bi shiˇ-eu gʼaˇ duˬ yaˇ kʼaˬ daˇ nehˬ paˬ-ehˇ, aˬ yawꞈ neh mˇ bahˬ taˬ-euˬ tiˬ jeˬ-iˬ ngaˇ maˬ poˆ doˆ nya-eu uˬ taꞈ, Huiˬ dui dui-eu Sahˬ paˬ Gehˇsaˬ neh yaˇ kʼaˬ bi daˇ nehˬ laꞈ lehˇ aˬ yawꞈ ngaˬ-ahˇ shaˇ-eu miˇ neh, aˬ yawꞈ-ahˇ bi sheuˬ ha leˇ-eu lehˇ ngaˇ noeˬ tsehˆ gʼaˬ-euˬ ma.

Gʼaˬkʼehˇ 27:11

Ehˇ kʼawꞈ, guiˇ maꞈ kʼoeˇ taˆ aˬ yuiꞈ geuꞈ-eu yaw huiˬ kʼoeˇ gʼaˬ, Pawˇluˆ ehˇ gaˇ naˇ haˬ-eu naˆ maˬ tseˇ, saˇ baoˬ teh-eu gʼaˬ hawˇ-eu saˇ baoˬ-euˬ yaw sahˇ gʼaˬ ehˇ gaˇ naˇ haˬ-euˬ meh.

Gʼaˬkʼehˇ 27:43

Ehˇ kʼawꞈ, yehˇ deuˬ kʼoeˇ taˆ aˬ yuiꞈ geuꞈ-eu gʼaˬ Pawˇluˆ-ahˇ bi dzeuˇ-iˇ mawꞈ-eu miˇ neh, kʼoeˇ loꞈ-ehˇ maˬ bi jahˇ ni laˆ tsoeˬ-euˬ meh. Iˇ diˬ diˬ nya-eu tsawˇ haˬ deuˬ jeˬ huˬ tsawˬ ka-awˇ, iˇ diˬ diˬ doˆ gʼeh-eu gʼaˇ duˬ aˬ yawˬ dawˬ biꞈ-euˬ meh.

Gʼaˬkʼehˇ 27:6

Kʼoeˇ gaˇ iˇ keuˆ ngeh, Aˬleˬsaˬduˇ meuˬ-ahˇ neh oe-awˇ, Iˇdaˬliˬ miˇ kʼahˬ-ahˇ le-eu lehˇ gʼeh-eu saˇ baoˬ tiˬ laˇ-ahˇ yaw huiˬ kʼoeˇ gʼaˬ poˆ mawˇ-awˇ, nga maꞈ-ahˇ bi dziˬ laꞈ-euˬ meh.

Gʼaˬkʼehˇ 28:1

Nga maꞈ buˬ-iˇ law-iˇ-awˇ dahˇ taˆ le doˆ gʼaˬ ngeh, iˇ jaw lahˇ kʼoeˇ lahˇ Meˬleˬdeˬ lehˇ kuˇ-eu gaˇ kawˆ ya siˬ-euˬ ma.

Gʼaˬkʼehˇ 28:16

Loˇmaˆ meuˬ-ahˇ le keuˆ ngeh, Pawˇluˆ-ahˇ yehˇ tiˬ gʼaˬ tehꞈ-ehˇ bi loꞈ-awˇ, aˬ yawˇ yawꞈ jawˇ-eu aˬ kawˬ-aˬ biꞈ nehˬ-euˬ meh.

HeˬByehˇ 13:24

Naw maꞈ-euˬ aˬ yuiꞈ aˬ tsu dawˬ tawˆ luꞈ hawˇ-eu Miˬyehˇ-euˬ zaˬ dawˬ tawˆ luꞈ-ahˇ, nga maꞈ dawˬ cawˬ puˬ ahˇ leꞈ-euˬ gaˇ kawˆ tiˬ poˆ tsaꞈ nehˬ-awˬ. Iˇdaˬliˬ miˇ kʼahˬ-ahˇ jawˇ-eu aˬ yuiꞈ aˬ nyiˇ Ka li zaˬ deuˬ naw maꞈ-ahˇ dawˬ cawˬ puˬ ahˇ leꞈ-euˬ meh.