Gʼaˬkʼehˇ 26:32 - Akha

³² Beˬtuˇ-ahˇ Aˬgiˇpaˆ ehˇ nehˬ-eu, “Tsawˇ haˬ heu gʼaˬ sahˬ paˬ Gehˇsaˬ neh yaˇ kʼaˬ bi daˇ laꞈ lehˇ maˬ shaˇ law nmˇ-aˬ, aˬ yawꞈ-ahˇ pyehˬ nehˬ nya lawˇ hawˇ nga.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Khoerngae, Aqgirpav, Beqtur-anr aernaeq-eu, “Tsawrhaq heughaq, Gaersaq jawr-eu gar yarkhaq bidar-ir naeqlaf laer maq shartaq-euq lawnmr-aq, aqyawf-anr pyaeqnaeq nya-eu ngar-a.”

Gʼaˬkʼehˇ 26:32 ပူးပေါင်းရင်းမြစ်များ

Gʼaˬkʼehˇ 24:27

Nyiˬ kʼoꞈ byah laˇ ngeh, Peˬliˇ-euˬ jawˇ duˬ-ahˇ Bawˇgiˇ Beˬtuˇ sahˬ paˬ paˇ geuꞈ le-euˬ meh. Peˬliˇ-aˬ, Yuˇdaˆ tsawˇ haˬ mehˬ shi tsawˇ myahˇ za mawꞈ-eu miˇneh Pawˇluˆ-ahˇ tawˬ-ahˇ bi uˇ yaꞈ-euˬ meh.

Gʼaˬkʼehˇ 25:25

Ehˇ kʼawꞈ, aˬ yawꞈ bi shiˇ-eu gʼaˇ duˬ yaˇ kʼaˬ daˇ nehˬ paˬ-ehˇ, aˬ yawꞈ neh mˇ bahˬ taˬ-euˬ tiˬ jeˬ-iˬ ngaˇ maˬ poˆ doˆ nya-eu uˬ taꞈ, Huiˬ dui dui-eu Sahˬ paˬ Gehˇsaˬ neh yaˇ kʼaˬ bi daˇ nehˬ laꞈ lehˇ aˬ yawꞈ ngaˬ-ahˇ shaˇ-eu miˇ neh, aˬ yawꞈ-ahˇ bi sheuˬ ha leˇ-eu lehˇ ngaˇ noeˬ tsehˆ gʼaˬ-euˬ ma.

Gʼaˬkʼehˇ 28:18

Loˇmaˆ tsawˇ haˬ deuˬ tehꞈ law nmˇ-aˬ, ngaˬ-ahˇ pyehˆ tseˇ-awˇ naˇ haˬ gʼaˬ ngeh, ya shiˇ gaˇ keuˆ ni mˇ lehˬ taˬ-euˬ tiˬ jeˬ-iˬ maˬ jaˆ-eu miˇ neh, ngaˬ-ahˇ pyehˬ nehˬ mawꞈ-eu meh.

Gʼaˬkʼehˇ 28:19

Ehˇ kʼawꞈ, ngaˬ-ahˇ pyehˬ nehˬ-eu gʼaˇ duˬ Yuˇdaˆ tsawˇ haˬ deuˬ nui ma maˬ tsaˬ-eu miˇ neh, ngaˬ-euˬ tsawˇ jeuˬ-ahˇ ngaˇ iˬ baˇ tiˬ jeˬ-iˬ taˬ kʼaˇ maˬ za kʼawꞈ, sahˬ paˬ Gehˇsaˬ neh ngaˬ-ahˇ yaˇ kʼaˬ bi daˇ laꞈ lehˇ maˬ shaˇ-ehˇ maˬ gʼeh nya ni suꞈ laˇ taˬ-euˬ meh.

Gʼaˬkʼehˇ 9:15

Sahˬpaˬ Yeˬsuˇ ehˇ-eu, “Iˇ-awˬ. Aˬ jeˬ miˇ neh ehˇ naˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, miˇ kʼahˬ sahˬ paˬ deuˬ maˬ ehˇ, Iˇsaˬleˬlaˇ tsawˇ haˬ deuˬ maˬ ehˇ, ngaˬ-euˬ tsawˇ myahˇ-ahˇ siˬ nya laˇ ni bi mˇ-eu gʼaˇ duˬ, aˬ yawꞈ-ahˇ ngaˇ tseˇ doˆ taˬ-euˬ ma.