Gʼaˬkʼehˇ 26:20 - Akha

²⁰ Daˬmaˬsehˇ meuˬ-ahˇ neh aˇ dahˬ beh-awˇ, Yeˬluˇsaˬlehˬ meuˬ-ahˇ maˬ ehˇ, Iˇsaˬleˬlaˆmiˇ kʼahˬ kʼahˬ lah ni-ahˇ maˬ ehˇ, aˬ cawˬ tsawˇ jeuˬ deuˬ-ahˇ maˬ ehˇ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-eu uˬ taꞈ, aˬ yawꞈ maꞈ iˬ baˇ noeˬ poˆ-euˬ ngaˇ lehˇ siˬ duˬ laˇ ni mˇ-awˬ shaˇ-awˬ lehˇ ngaˇ dawˬ mehˬ mehˬ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Khoernar-aq, ngar, Daqmaqsaer-anr maeqdanq bae-awr, Yeqlursaqlaeq-anr jawr-eu deuq, Yurdav mirkhanq doeni jawr-eu deuq hawr-eu, aqcawq tsawrjeuq tsawrca-anr noeqpov noeqpar-awr, Miqyaer jawr-eu paw pyawrlar-eu uqtaf, nawmaf noeqpov noeqpar-euq gar geux-eu gardeuq mrmr-aer daef-awq laer maeqnaeq-ir-euq ma.

Gʼaˬkʼehˇ 26:20 ပူးပေါင်းရင်းမြစ်များ

Jaceuq 22:27

Miˇtsaˬtsawˇjeuˬtsawˇca dawˬtawˆ, SahˬpaˬMiˬyehˇ-ahˇnoeˬlaˇ-awˇ, aˬyawꞈjawˇgaˇ gʼoꞈkʼoꞈlaˇ-awˇ, aˬyawꞈ-ahˇuˬduˬtahˬtehꞈ-a.

Iˇsaˬyaˇ 55:7

Haiˬ-euˬ tsawˇ haˬ deuˬ dehꞈ jeˬ dehꞈ kawˆ bi paˇ-awˇ, nui noeˬ bi paˇ laˇ-awˬ. Aˬ yawꞈ maꞈ-ahˇ Sahˬpaˬ Miˬyehˇ jawˇ paw bi gʼoꞈ laˇ-awˇ, gʼawˬ shaˬ bi haw gaˬ-awˬ. Aˬ yawꞈ maꞈ Miˬyehˇ jawˇ paw gʼoꞈ laˇ ngeh, iˬ baˇ dawˬ tawˆ luꞈ-ahˇ pyehˬ nehˬ tehꞈ-a.

Yeˬlaˬmiˇ 18:11

Nymˬ-mˇ poˆ jawˇ-aˬ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Aˬ yawꞈ maꞈ-ahˇ ngaˇ kʼehˬ nehˬ kʼaˆ nehˬ-eu lehˇ lehˬ hmˬ taˬ-euˬ ma. Aˬ yawꞈ maꞈ-euˬ dehꞈ jeˬ dehꞈ kawˆ paˇ-awˇ, iˬ baˇ maˬ mˇ ni byehˇ-awˬ lehˇ ehˇ nehˬ-awˬ.

Yeˬlaˬmiˇ 35:15

Miˬyehˇ gʼaˇ duˬ ngehˬ dah-eu deuˬ pyeuꞈ-eu ngaˬ-euˬ zaˬ kʼaˆ deuˬ-ahˇ naw maꞈ jawˇ gaˇ maˬ tsehˆ leˇ ni ngaˇ pyehˬ gʼeh leꞈ-awˇ, yaw haiˬ jeˬ mˇ-eu byehˇ-awˇ, yaw tsaˬ yaw dawˇ jeˬ mˇ-awˬ lehˇ bi ehˇ le-euˬ ma. Naw maꞈ-euˬ aˬ poeˬ aˬ bawˇ deuˬ hawˇ-eu naw maꞈ-ahˇ ngaˬ neh biꞈ taˬ-euˬ miˇ kʼahˬ heu kʼahˬ laꞈ kʼoeˇ naw maꞈ dehꞈ daˆ jawˇ daˆ leꞈ nya ni, miˬ yehˇ nui deuˬ-ahˇ uˬ duˬ taˬ tahˬ lehˇ, Miˬyehˇ gʼaˇ duˬ ngehˬ dah-eu kʼoeˇ deuˬ naw maꞈ-ahˇ yaw kʼaˆ kʼaˆ-ehˇ mehˬ nehˬ gʼaˬ-euˬ meh. Ehˇ kʼawꞈ, ngaˬ-euˬ dawˬ naw maꞈ-euˬ naˬ bawˇ-ahˇ maˬ ahˇ leˇ-a.

Ngoeˇ dawˬ 3:40

Aˬ dui gaˇ ma saˇ shawˇ duˬ-awˇ, aˬ dui Sahˬpaˬ Miˬyehˇ jawˇ gaˇ, ciˬ pyawˇ-awˇ gʼoꞈ kʼoꞈ leˇ kaˇ-euˇ.

Hawˇseˬ 12:6

Yaˬkoˆ-euˬ zaˬ deuˬ uˆ deuˬ-oˇ, kʼoeˇ baˬ da neh nymˬ-mˇ naw maꞈ, naw maꞈ-euˬ Miˬyehˇ-ahˇ jah-awˇ, aˬ yawꞈ jawˇ paw gʼoꞈ laˇ jiˇ-awˬ. Gʼoeˇ-eu gaˬ-eu jeˬ-ahˇ hawˇ-eu, yaw tsaˬ yaw dawˇ jeˬ-ahˇ naw maꞈ, ziꞈ dah ni tsuˆ tehꞈ-eu laꞈ kʼoeˇ, naw maꞈ-euˬ Miˬyehˇ luˆ le gaˇ, nui ma oˇ oꞈ-awˇ dawˬ tawˬ-awˬ.

Hawˇseˬ 14:2

Guiˬ lahˬ shaˇ dawˬ heu yuˇ laꞈ-awˇ, lawˇ-eu shehˇ-eu tiˬ jeˬ loꞈ-ehˇ, Sahˬpaˬ Miˬyehˇ-ahˇ damˬ nehˬ-awˬ. “Nga maꞈ-euˬ iˬ baˇ pyehˬ laꞈ-awˇ, nga maꞈ shaˇ dawˬ naˇ haˬ nehˬ laꞈ. Nga maꞈ saˇ jaˇ dzaˬ-euˬ loꞈ-ehˇ, nawˬ-ahˇ nga maꞈ ja ceuˬ-eu ma.

Maꞈtehˬ 3:2

“Mˬ taˆ miˇ kʼahˬ keuˆ le shaw-iˬ meh. Iˬ baˇ noeˬ poˆ-awˬ.”

Maꞈtehˬ 3:8

Naw maꞈ iˬ baˇ noeˬ poˆ-euˬ gaˇ kawˆ bya cehˆ ni siˬ duˬ mawˇ duˬ laˇ paˬ-ehˇ dehꞈ-awˬ.

Maꞈtehˬ 4:17

Aˇ yamˬ kʼoeˇ yamˬ-ahˇ neh aˇ dahˬ beh-awˇ, Yeˬsuˇ dawˬ mehˬ mehˬ-euˬ meh. “Mˬ taˆ Miˇ kʼahˬ peh le luꞈ meh. Iˬ baˇ noeˬ poˆ-awˬ” lehˇ ehˇ-eu gaˇ kawˆ mehˬ-euˬ meh.

Maꞈtehˬ 9:13

‘Lawˇ-eu shehˇ-eu jeˬ-ahˇ ngaˇ geuꞈ mawꞈ-eu maˬ ngeuˇ. Gʼawˬ shaˬ gaˬ nya-eu jeˬ-ahˇ ngaˇ geuꞈ mawꞈ-eu ma’ lehˇ, Miˬyehˇ neh ehˇ-euˬ dawˬ kʼoeˇ dawˬ-euˬ dawˬ tsuiꞈ naw maꞈ dzaw duˬ-iˇ-awˬ. Aˬ jeˬ miˇ neh ehˇ naˇ, yaw tsaˬ yaw dawˇ tsawˇ haˬ deuˬ-ahˇ kuˇ-eu lehˇ ngaˇ oe-euˬ maˬ ngeuˇ. Iˬ baˇ zaˬ deuˬ-ahˇ kuˇ-eu lehˇ ngaˇ oe-euˬ ma.”

Maˬkuˆ 6:12

Kʼoeˇnaˇ, tsawˇ haˬ zaˬ deuˬ iˬ baˇ bi noeˬ poˆ-eu gʼaˇ duˬ, aˬ yawꞈ maꞈ iˇ-awˇ dawˬ mehˬ mehˬ-iˇ-euˬ meh.

Luˇkaꞈ 1:16

Iˇsaˬleˬlaˆ tsawˇ haˬ gʼawˬ mya ni-ahˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ paw aˬ yawꞈ sheuˬ pyawˇ kʼoꞈ laꞈ tehꞈ-a.

Luˇkaꞈ 13:3

Kʼoeˇ loꞈ-ehˇ maˬ ngeuˇ-a lehˇ, naw maꞈ-ahˇ ngaˇ ehˇ-eu ma. Naw maꞈ kʼawꞈ, iˬ baˇ maˬ noeˬ poˆ naˇ, kʼoeˇ loꞈ-ehˇ ya shiˇ tehꞈ-a.

Luˇkaꞈ 13:5

Kʼoeˇ loꞈ-ehˇ maˬ ngeuˇ-a lehˇ, naw maꞈ-ahˇ ngaˇ ehˇ-eu ma. Naw maꞈ kʼawꞈ, iˬ baˇ maˬ noeˬ poˆ naˇ, kʼoeˇ loꞈ-ehˇ ya shiˇ tehꞈ-a.”

Luˇkaꞈ 15:10

Kʼoeˇ gaˇ duˇ ni, iˬ baˇ zaˬ tiˬ gʼaˬ iˬ baˇ noeˬ poˆ-euˬ gaˇ, Miˬyehˇ-euˬ mˬ taˆ gʼaˬ kʼehˇ deuˬ laˬ kʼaˬ cehˇ-eu meh lehˇ, naw maꞈ-ahˇ ngaˇ ehˇ-eu ma.”

Luˇkaꞈ 15:7

Kʼoeˇ loꞈ-ehˇ duˇ ni, iˬ baˇ noeˬ poˆ-eu maˬ loˬ-eu yaw tsaˬ yaw dawˇ tsawˇ haˬ gʼoeˬ tseˇ gʼoeˬ gʼaˬ-ahˇ naˆ maˬ tseˇ, iˬ baˇ noeˬ poˆ-euˬ iˬ baˇ zaˬ tiˬ gʼaˬ-ahˇ mˬ kʼoeˇ taˆ laˬ kʼaˬ cehˇ dzehˬ tehꞈ-a lehˇ, naw maꞈ-ahˇ ngaˇ ehˇ-eu ma.

Gʼaˬkʼehˇ 11:18

Kʼoeˇ loꞈ-ehˇ dzawˇ mehˬ nehˬ gaˇ aˬ yawꞈ maꞈ ya gaˬ ngeh, Beˬtuˆluˆ-ahˇ iˬ baˇ maˬ taˬ ni byehˇ-awˇ, heu loꞈ-ehˇ ehˇ-eu meh. “Miˬyehˇ-aˬ, Yuˇdaˆ tsawˇ haˬ maˬ ngeuˇ-eu aˬ cawˬ tsawˇ jeuˬ deuˬ-ahˇ kʼawꞈ, iˬ baˇ noeˬ poˆ-awˇ dehꞈ nya ni aˬ kawˬ-aˬ biꞈ-euˬ nga.”

Gʼaˬkʼehˇ 15:19

“Kʼoeˇ miˇ neh, Miˬyehˇ jawˇ paw gʼoꞈ pyawˇ laˇ luꞈ-eu aˬ cawˬ tsawˇ jeuˬ deuˬ-ahˇ laˆ bahˬ-eu maˬ tsaˬ-a lehˇ ngaˇ ehˇ tsehˆ-eu ma.

Gʼaˬkʼehˇ 17:30

Aˇ hu tsawˇ haˬ deuˬ aˬ yawꞈ-ahˇ maˬ siˬ nya ngeh mˇ dzeuˇ shaˇ dzeuˇ yaꞈ-euˬ jeˬ-ahˇ Miˬyehˇ iˬ baˇ maˬ taˬ-a. Ehˇ kʼawꞈ, nymˬ-mˇ poˆ jawˇ-aˬ, yawˬ gaˇ na luꞈ jawˇ-eu tsawˇ haˬ dawˬ tawˆ luꞈ iˬ baˇ noeˬ poˆ-eu gʼaˇ duˬ Miˬyehˇ neh dawˬ biꞈ taˬ-euˬ meh.

Gʼaˬkʼehˇ 2:38

Aˬ yawꞈ maꞈ-ahˇ Beˬtuˆluˆ ehˇ nehˬ-eu, “Naw maꞈ yawˬ gʼaˬ na luꞈ yawˬ ha-euˬ iˬ baˇ noeˬ poˆ-awˇ, Yeˬsuˇ Ka li-euˬ tsawˇ myahˇ uˬ moˆ iˇ cuꞈ shawˇ-awˬ. Kʼoeˇ loꞈ-ehˇ jahˇ naˇ, Miˬyehˇ naw maꞈ-ahˇ iˬ baˇ pyehˬ nehˬ laꞈ-awˇ, Miˬyehˇ neh biꞈ leꞈ-euˬ Muiˬ-eu shawˇ-eu Yaw sahˇ Miˬyehˇ-ahˇ naw maꞈ za tehꞈ-a.

Gʼaˬkʼehˇ 20:21

Yawˬ ha-euˬ iˬ baˇ noeˬ poˆ-awˇ Miˬyehˇ jawˇ paw gʼoꞈ laˇ-eu laꞈ kʼoeˇ aˬ dui-euˬ Sahˬpaˬ Yeˬsuˇ-ahˇ ya jah meh lehˇ, Yuˇdaˆ tsawˇ haˬ-ahˇ maˬ ehˇ, aˬ cawˬ tsawˇ jeuˬ-ahˇ maˬ ehˇ, tiˬ kawˆ loꞈ-ehˇ ngaˇ mehˬ-euˬ ma.

Gʼaˬkʼehˇ 26:17

Iˇsaˬleˬlaˆ tsawˇ haˬ deuˬ hawˇ-eu aˬ cawˬ tawˇ jeuˬ deuˬ jawˇ gaˇ nawˬ-ahˇ ngaˇ kʼehˇ gʼeh-awˇ, aˬ yawꞈ maꞈ-euˬ aˬ laꞈ laꞈ kʼoeˇ nawˬ-ahˇ ngaˇ bi buˬ-iˇ ma.

Gʼaˬkʼehˇ 26:19

“Kʼoeˇ miˇ neh, sahˬ paˬ Aˬgiˇpaˆ-oˇ, mˬ kʼoeˇ taˆ neh oe-euˬ yaw sahˇ laꞈ kʼoeˇ bi siˬ bi mawˇ-le-euˬ jeˬ-ahˇ ngaˇ maˬ naˇ haˬ geuꞈ ni maˬ byehˇ-aˬ.

Gʼaˬkʼehˇ 3:19

Naw maꞈ-euˬ iˬ baˇ bi pyehˬ nehˬ-eu gʼaˇ duˬ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-awˬ. Naw maꞈ kʼoeˇ loꞈ-ehˇ jahˇ naˇ,

Gʼaˬkʼehˇ 9:15

Sahˬpaˬ Yeˬsuˇ ehˇ-eu, “Iˇ-awˬ. Aˬ jeˬ miˇ neh ehˇ naˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, miˇ kʼahˬ sahˬ paˬ deuˬ maˬ ehˇ, Iˇsaˬleˬlaˇ tsawˇ haˬ deuˬ maˬ ehˇ, ngaˬ-euˬ tsawˇ myahˇ-ahˇ siˬ nya laˇ ni bi mˇ-eu gʼaˇ duˬ, aˬ yawꞈ-ahˇ ngaˇ tseˇ doˆ taˬ-euˬ ma.

Gʼaˬkʼehˇ 9:35

Luˇda meuˬ hawˇ-eu Shaˬloˬ miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ tsawˇ haˬ kʼoeˇ gʼaˬ-ahˇ ya mawˇ ngeh, Sahˬpaˬ Yeˬsuˇ jawˇ paw pyawˇ laˇ jiˇ-euˬ meh.

Lormav 2:4

Maˬ ngeuˇ naˇ, aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ, oˇ coeˇ-eu jeˬ, nui ma mahˇ-eu jeˬ, heu deuˬ-ahˇ nawˇ yehˬ bawˬ sehˇ lu-ehˇ gʼeh te loˇ. Miˬyehˇ gʼawˬ shaˬ gaˬ-eu jeˬ ahˇ meh lehˇ nawˇ siˬ duˬ meh. Aˬ jeˬ miˇ neh ehˇ naˇ, nawˇ iˬ baˇ noeˬ poˆ laˇ ni aˬ yawꞈ leh jeh luꞈ-eu meh.

2 Gawˇliˬtu 3:16

Ehˇ kʼawꞈ, tsawˇ haˬ tiˬ gʼaˬ Sahˬpaˬ Miˬyehˇ jawˇ gaˇ gʼoꞈ kʼoꞈ laˇ naˇ, saˬ paˇ kʼoeˇ hmˬ-ahˇ yuˇ dzeh nehˬ-eu meh.

2 Gawˇliˬtu 7:10

Miˬyehˇ nui ma tsaˬ-eu laꞈ kʼoeˇ ya noeˬ shaˬ-eu jeˬ-aˬ, nui ma-ahˇ bi noeˬ paˇ-awˇ, ka kʼoꞈ-eu jeˬ za ni sheuˬ gʼeh-eu jeˬ pyeuꞈ-eu meh. Kʼoeˇ baˬ da neh nui ma maˬ saˇ-ehˇ gʼeh-eu maˬ loˬ-a. Ehˇ kʼawꞈ, tsawˇ haˬ zaˬ-ahˇ taꞈ leˇ-awˇ noeˬ shaˬ-eu jeˬ-aˬ, shiˇ-eu jeˬ-ahˇ uˬ duˬ duˬ leˇ-eu meh.

Eˇpeˇsu 4:17

Lawˇ ciꞈ zaˬ loꞈ-ehˇ taˬ paˇ dehꞈ lehˇ, Sahˬ paˬ Yeˬsuˇ-euˬ tsawˇ myahˇ uˬ moˆ ngaˇ naw maꞈ-ahˇ yaw kʼaˆ kʼaˆ-ehˇ ehˇ-eu ma. Aˬ yawꞈ maꞈ-euˬ nui noeˬ gaˇ dahˇ maˬ tsoeˬ-a.

1 Teˇsaˬloˇni 1:9

Nga maꞈ naw maꞈ jawˇ gaˇ oe ngeh naw maꞈ neh nga maꞈ-ahˇ aˬ joˆ-ehˇ ha geuꞈ nehˬ laꞈ-euˬ gaˇ kawˆ hawˇ-eu, maˇ maˇ ni gʼeh-eu dehꞈ luꞈ-eu Miˬyehˇ-ahˇ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ deuˬ-ahˇ naw maꞈ aˬ joˆ-ehˇ byehˇ dzeh-euˬ gaˇ kawˆ, tsawˇ haˬ kʼoeˇ deuˬ dawˬ tawˆ luꞈ ja luꞈ-eu meh.

Panmaeq 16:11

Aˬ yawꞈ maꞈ gawˇ dui dui-awˇ maˇ naˇ naˇ-eu baˬ da neh, mˬ taˆ Miˬyehˇ-ahˇ yaˬ kʼehˇ yaˬ-eu meh. Ehˇ kʼawꞈ, yaw haiˬ jeˬ-ahˇ aˬ yawꞈ maꞈ maˬ byehˇ dzeh-a.

Panmaeq 2:21

Aˬ yawꞈ-euˬ iˬ baˇ-ahˇ noeˬ poˆ ni, ngaˇ aˬ yawꞈ-ahˇ aˇ yamˬ biꞈ taˬ-euˬ ma. Ehˇ kʼawꞈ, kʼaˬ miˬ sheu-eu jeˬ-ahˇ aˬ yawꞈ maˬ byehˇ dzeh-a.

Panmaeq 2:5

Nawˇ aˇ naˆ ni awˆ gaˇ ga keuˆ-iˇ taˬ-euˬ gaˇ kawˆ shaˇ noeˬ haw sheˇ. Iˬ baˇ-ahˇ byehˇ dzeh yaꞈ-awˇ, yaw beh nawˬ neh mˇ-euˬ jeˬ-ahˇ paˇ mˇ poˆ-awˬ. Nawˬ-euˬ iˬ baˇ-ahˇ nawˇ maˬ byehˇ dzeh naˇ, nawˇ jawˇ gaˇ ngaˇ oe-awˇ, nawˬ-euˬ tsiˇ kʼmˬ doꞈ taˬ duˬ yuˇ kʼoꞈ ma. Ehˇ kʼawꞈ, nawˇ yaw muiˬ tiˬ jeˬ mˇ luꞈ nga siˬ.

Panmaeq 3:3

Nawˬ-ahˇ mehˬ nehˬ tsoˆ nehˬ-euˬ jeˬ hawˇ-eu nawˬ neh ya gaˬ taˬ-euˬ jeˬ-ahˇ noeˬ keuˆ-awˬ. Kʼoeˇ-ahˇ naˇ haˬ geuꞈ-awˇ, iˬ baˇ-ahˇ byehˇ dzeh-awˬ. Nawˇ maˬ noeˬ laˇ naˇ, smˇ kʼoeˬ oe-eu loꞈ-ehˇ nawˇ jawˇ gaˇ ngaˇ oe-awˇ, ngaˇ oe-eu aˇ yamˬ nawˇ maˬ ya siˬ-aˇ.