Gʼaˬkʼehˇ 25:7 - Akha

⁷ Pawˇluˆ laˇ keuˆ ngeh, Yeˬluˇsaˬlehˬ meuˬ-ahˇ neh oe-euˬ Yuˇdaˆ tsawˇ haˬ deuˬ aˬ yawˬ-euˬ tiˬ jawˬ yawꞈ-awˇ, aˬ yawꞈ lehˬ dui dui-eu gaˇ kawˆ gʼawˬ mya jeˬ ehˇ-eu meh. Ehˇ kʼawꞈ, aˬ yawꞈ maꞈ ehˇ-eu kʼoeˇ saˇ kiˇ maˬ jaˆ-eu uˬ taꞈ, yaw duˬ maˬ baw-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Khoernar-aq, Pawrluv larkeuv ngae, Yeqlursaqlaeq-anr nae oe-euq Yurdav tsawrhaq deuq, Pawrluv-euq tiqjawq yawf-awr, Pawrluv nae yawkhav-aer mrlaeq-euq ghawqmya jeq jav-eu mae laer daq-eu mae. Aerkhawf, aqyawfmaf aer-eu lof-aer, yawduq bawni tiqjeq-iq maq toeqmaeq nya-a.

Gʼaˬkʼehˇ 25:7 ပူးပေါင်းရင်းမြစ်များ

Eˇzaˬlaˬ 4:15

Nawˬ-euˬ aˬ poeˬ aˬ bawˇ deuˬ neh boꞈ ahˇ taˬ yaꞈ-euˬ gaˇ kawˆ deuˬ laꞈ kʼoeˇ bi poˆ haw naˇ, Yeˬluˇsaˬlehˬ meuˬ-aˬ, aˇ hu ba neh sahˬ paˬ sahˬ ma deuˬ-ahˇ bahˬ-eu muˆ-eu meuˬ pyeuꞈ-awˇ, kʼoeˇ gaˇ jawˇ-eu tsawˇ haˬ deuˬ-ahˇ uˆ lahˇ-eu shaˬ dui dui-eu miˇ neh, meuˬ kʼoeˇ meuˬ-ahˇ laˆ luˬ laˆ seˇ nehˬ-euˬ gaˇ kawˆ boꞈ taˬ-euˬ gaˇ ya mawˇ tehꞈ-a.

Iˇsaˬtaˆ 3:8

Kʼoeˇ naˇ, sahˬ paˬ-ahˇ Haˬmaˬ heu loꞈ-ehˇ ehˇ nehˬ-euˬ meh. “Nawˬ-euˬ miˇ kʼahˬ kʼahˬ ma laꞈ kʼoeˇ jaˆ-eu miˇ kʼahˬ yawˬ kʼahˬ na luꞈ jawˇ doe jiˇ taˬ-euˬ tsawˇ jeuˬ tiˬ jeuˬ jawˇ meh. Aˬ yawꞈ maꞈ-aˬ, aˬ cawˬ tsawˇ jeuˬ-ahˇ maˬ duˇ-eu zahˇ sahˇ kʼoꞈ tawˬ luꞈ-eu meh. Kʼoeˇ uˬ taꞈ, nawˬ-euˬ miˇ kʼahˬ zahˇ sahˇ kʼoꞈ deuˬ-ahˇ kʼawꞈ aˬ yawꞈ maꞈ maˬ naˇ haˬ geuꞈ-eu miˇ neh, aˬ yawꞈ maꞈ-ahˇ tiˬ jeˬ-iˬ maˬ jahˇ nehˬ ni kʼoeˇ loꞈ-ehˇ bi jawˇ-eu-aˬ, nawˬ-euˬ gʼaˇ duˬ tiˬ pawꞈ-iˬ maˬ muiˬ-a.

Jaceuq 27:12

Ngaˬ-ahˇnawˬdzaˬkʼaˆdzaˬle-eu, muiˇ-eu deuˬ-euˬaˬlaꞈlaꞈkʼoeˇ, nawˇngaˬ-ahˇtaˬ a dzeh nehˬlaꞈ.

Jaceuq 35:11

Haiˬ-eu tsawˇhaˬsaˇkiˇgeuꞈ-awˇ, maˬngeuˇgaˇkeuˆdehˬlehꞈ-eu meh.

Maꞈtehˬ 15:1

Kʼoeˇ naˇ, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ Yeˬsuˇ jawˇ gaˇ laˇ-awˇ, heu loꞈ-ehˇ ehˇ-eu meh.

Luˇkaꞈ 23:10

Piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ mehˬ hu paw yawꞈ leˇ-awˇ, Yeˬsuˇ-ahˇ iˬ baˇ poˆ-eu dawˬ yaw kʼaˆ-ehˇ ngehˬ-euˬ meh.

Luˇkaꞈ 23:2

Aˬ yawꞈ maꞈ Yeˬsuˇ-ahˇ iˬ baˇ poˆ-awˇ ehˇ-eu, “Tsawˇ haˬ heu gʼaˬ nga maꞈ-euˬ tsawˇ jeuˬ-ahˇ gaˇ ma sheuˬ bahˬ-awˇ, sahˬ paˬ Gehˇsaˬ-ahˇ kawˬ taˬ doˆ nehˬ lehˇ nga maꞈ-ahˇ laˆ tsoeˬ-eu uˬ taꞈ, yawˬ haˇ yawˬ ha Ka li lehˇ kuˇ-eu sahˬ paˬ ma lehˇ ehˇ-eu nga maꞈ mawˇ-euˬ ma.”

Gʼaˬkʼehˇ 21:28

Aˬ yawꞈ maꞈ guˇ-awˇ ehˇ-eu, “Iˇsaˬleˬlaˆ tsawˇ haˬ deuˬ-oˇ, caw ba le-awˬ. Tsawˇ haˬ heu gʼaˬ yawˬ gaˇ na luꞈ iˇ doe-awˇ, Iˇsaˬleˬlaˆ tsawˇ haˬ maˬ ehˇ, Moˇseˬ-euˬ Zahˇ dawˬ kʼoꞈ dawˬ maˬ ehˇ, Uˬ duˬ tahˬ nymˇ nymˇ ma heu maˬ ehˇ, maˬ tsaˬ-a lehˇ mehˬ mehˬ-ehˇ cah-eu meh. Nymˬ-mˇ poˆ jawˇ-aˬ, Uˬ duˬ tahˬ nymˇ nymˇ ma laꞈ kʼoeˇ keuˆ ni aˬ cawˬ tsawˇ jeuˬ paˇ sheuˬ ahˇ laꞈ-awˇ, muiˬ-eu shawˇ-eu jawˇ duˬ-ahˇ laˆ jawꞈ laˇ-euˬ ngaˇ.”

Gʼaˬkʼehˇ 24:13

Aˬ yawꞈ maꞈ nymˬ-mˇ ngaˬ-euˬ yaw lehˬ poˆ-awˇ ehˇ luꞈ-eu gaˇ kawˆ teu deuˬ kʼawꞈ, nawˬ-ahˇ saˇ kiˇ tiˬ jeˬ-iˬ maˬ mehˬ duˬ nya-a.

Gʼaˬkʼehˇ 25:24

Sahˬ paˬ Beˬtuˇ ehˇ-eu, “Sahˬ paˬ Aˬgiˇpaˆ hawˇ-eu heu gaˇ uiˬ laˇ taˬ-euˬ cawˬ deuˬ-oˇ, tsawˇ haˬ heu gʼaˬ-ahˇ haw sheˇ. Heu gaˇ jawˇ-eu Yuˇdaˆ tsawˇ haˬ deuˬ hawˇ-eu Yeˬluˇsaˬlehˬ meuˬ laꞈ kʼoeˇ kʼaˇ jawˇ-eu Yuˇdaˆ tsawˇ haˬ dawˬ tawˆ luꞈ, tsawˇ haˬ heu gʼaˬ gaˇ kawˆ ngaˬ-ahˇ daˬ laˇ taˬ-euˬ meh. Aˬ yawꞈ-ahˇ yaw dehꞈ bi dehꞈ-eu maˬ geuˇ-a lehˇ aˬ yawꞈ maꞈ guˇ dui dui-eu meh.

1 Teˇsaˬloˇni 2:16

Aˬ cawˬ tsawˇ jeuˬ ka kʼoꞈ-eu jeˬ bi za-eu lehˇ nga maꞈ Miˬyehˇ dawˬ kawˬ mehˬ nehˬ gaˇ keuˆ ni laˆ tsoeˬ-eu lehˇ leh jeh-eu meh. Kʼoeˇ loꞈ-ehˇ gʼeh-eu laꞈ kʼoeˇ, aˬ yawꞈ maꞈ aˬ myah luꞈ mˇ luꞈ-eu iˬ baˇ dawˬ tawˆ luꞈ byah jiˇ laˇ ni kaꞈ gʼa-eu meh. Nymˬ-mˇ aˇ saˬ saˬ laˇ ngeh, Miˬyehˇ nui ma pehˇ-eu jeˬ aˬ yawꞈ maꞈ kʼoeˇ taˆ keuˆ le teuˇ le-euˬ meh.