Gʼaˬkʼehˇ 25:6 - Akha

⁶ Sahˬ paˬ Beˬtuˇ aˬ yawꞈ maꞈ nehˬ-ehˇ gʼoeˬ nah tseˇ nah byah ni paˇ jawˇ-awˇ, Gehˇsaˬliˇ meuˬ-ahˇ gʼoꞈ ka-iˇ-euˬ meh. Yawˬ nah yawˬ yaˇ kʼaˬ daˇ-eu nymˇ-ahˇ aˬ yawꞈ nuiˇ-awˇ, Pawˇluˆ-ahˇ kʼoeˇ gaˇ bi sheuˬ uˇ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Beqtur, aqyawfmaf naeq-aer tser nan dzaeqni jawr-awr, Gaersaqlir-anr ghof-ir-euq mae. Nishawq ngae nan, aqyawf yarkhaq dar-eu nuirmanq-anr nuir-awr, dawq bif-awr, Pawrluv-anr bi sheuqlaq-ir-euq mae.

Gʼaˬkʼehˇ 25:6 ပူးပေါင်းရင်းမြစ်များ

Maꞈtehˬ 27:19

Yaˇ kʼaˬ daˇ-eu nuiˇ mahˬ kʼoeˇ taˆ sahˬ paˬ Piˇlaˆ nuiˇ luꞈ ngeh, aˬ yawꞈ-euˬ nymˇ dahˬ heu loꞈ-ehˇ dawˬ tsaꞈ tsaꞈ ahˇ leꞈ-euˬ meh. “Iˬ baˇ maˬ ahˇ-eu tsawˇ haˬ kʼoeˇ gʼaˬ-ahˇ tiˬ jeˬ-iˬ taˬ jahˇ. Miˇ ciꞈ ngaˇ yuꞈ maˆ maˆ-eu laꞈ kʼoeˇ, aˬ yawꞈ baˬ da neh shaˬ zahˬ mˇ dui dui-euˬ ma.”

Yoˇhaˬ 19:13

Dawˬ kʼoeˇ dawˬ-ahˇ sahˬ paˬ Piˇlaˆ ya gaˬ ngeh, Yeˬsuˇ-ahˇ laꞈ nyiˇ sheuˬ doˆ leꞈ-awˇ, “Kʼaˬ lo kʼawˬ taˬ-euˬ jawˇ duˬ” lehˇ kuˇ gaˇ jaˆ-eu yaˇ kʼaˬ daˇ-eu nuiˇ mahˬ-ahˇ nuiˇ le-euˬ meh. Kʼaˬ lo kʼawˬ taˬ-euˬ jawˇ duˬ-ahˇ, Heˬbyeˇ dawˬ “Gaˬbaˬdaˬ” lehˇ ehˇ-eu meh.

Gʼaˬkʼehˇ 25:1

Sahˬ paˬ Beˬtuˇ miˇ kʼahˬ kʼoeˇ kʼahˬ-ahˇ oe keuˆ-euˬ smˬ nah byah laˇ ngeh, Gehˇsaˬliˇ meuˬ-ahˇ neh Yeˬluˇsaˬlehˬ meuˬ-ahˇ le-euˬ meh.

Gʼaˬkʼehˇ 25:10

Pawˇluˆ ehˇ-eu, “Sahˬpaˬ Gehˇsaˬ-euˬ yaˇ kʼaˬ daˇ-eu nymˇ-ahˇ ngaˇ yawꞈ luꞈ-eu ma. Ngaˬ-ahˇ heu gaˇ yaˇ kʼaˬ ja-eu tsaˬ meh. Nawˇ siˬ luꞈ-eu loꞈ-ehˇ, Yuˇdaˆ tsawˇ haˬ deuˬ kʼoeˇ taˆ ngaˬ neh mˇ lehˬ taˬ-euˬ tiˬ jeˬ-iˬ maˬ jaˆ.

Gʼaˬkʼehˇ 25:17

Aˬ yawꞈ maꞈ heu gaˇ oe keuˆ ngeh, ngaˇ aˇ yamˬ jiˆ jiˆ-ehˇ maˬ jawˇ ni yawˬ nah yawˬ yaˇ kʼaˬ daˇ-eu nymˇ-ahˇ nuiˇ leˇ-awˇ, tsawˇ haˬ kʼoeˇ gʼaˬ-ahˇ bi sheuˬ laˬ-iˇ-eu gʼaˇ duˬ dawˬ biꞈ-euˬ ma.

Gʼaˬkʼehˇ 25:4

Beˬtuˇ ehˇ-eu, “Pawˇluˆ-ahˇ Gehˇsaˬliˇ meuˬ-euˬ tawˬ-ahˇ dawˆ taˬ-euˬ ma. Ngaˇ kʼawꞈ, gʼawˬ myahˇ maˬ gʼeh-ehˇ kʼoeˇ gaˇ gʼoꞈ-iˇ ma.

Gʼaˬkʼehˇ 25:5

Tsawˇ haˬ kʼoeˇ gʼaˬ neh mˇ lehˬ taˬ-euˬ jeˬ jaˆ naˇ, naw maꞈ-euˬ aˬ yuiꞈ aˬ tsu deuˬ ngaˬ nehˬ-ehˇ oe-awˇ ja le-awˬ.”

Gʼaˬkʼehˇ 8:40

Piˇliˇpuˆ-aˬ, Aˬzoˇtuˆ meuˬ-ahˇ bi ciˬ kʼoꞈ keuˆ gʼeh-euˬ meh. Kʼoeˇ naˇ, Geˇsaˬliˇ miˇ kʼahˬ-ahˇ aˬ yawꞈ le-euˬ meh. Gaˇ pehˇ kʼaˇ jaˆ-eu meuˬ yawˬ meuˬ na luꞈ-ahˇ aˬ yawꞈ Laˬ kʼaˬ cehˇ-eu Guiˬ lahˬ dawˬ mehˬ-euˬ meh.

2 Gawˇliˬtu 5:10

Aˬ jeˬ miˇ neh ehˇ naˇ, aˬ dui dawˬ tawˆ luꞈ Ka li yaˇ kʼaˬ daˇ-eu nuiˇ mahˬ mehˬ shi ya uiˬ leˇ jiˇ meh. Tsawˇ haˬ yawˬ gʼaˬ na luꞈ shiˬ shaˬ jiˇ gʼawˇ mawˇ heu laꞈ kʼoeˇ kʼaˇ mˇ kʼaˇ shaˇ dzeuˇ-euˬ loꞈ-ehˇ, muiˬ-eu maˬ ehˇ, doeˇ-eu maˬ ehˇ, yawˬ ha-ahˇ kʼaˇ oꞈ-eu jeˬ za tehꞈ-a.

Yaˬkoˆ 2:6

Ehˇ kʼawꞈ, shaˬ-eu zahˬ-eu tsawˇ haˬ deuˬ-ahˇ naw maꞈ yaw zeu maˬ baw-a. Naw maꞈ-euˬ kʼoeˇ taˆ nawˬ tehˬ-awˇ naw maꞈ-ahˇ yaˇ kʼaˬ daˇ duˬ-ahˇ sheuˬ gʼeh-eu kʼoeˇ, aˬ suˇ gʼaˬ-a. Smˇ muiˬ smˇ baw deuˬ maˬ ngeuˇ-a loˇ.