Gʼaˬkʼehˇ 25:23 - Akha

²³ Yawˬ nah yawˬ, Aˬgiˇpaˆ hawˇ-eu Beˬlaˬniˆ aˬ nyaꞈ dzeˇ zaˬ baoˬ kʼahˬ sehˇ tiˬ byah ni oe gaˇ bawˬ-iˬ gʼeh-awˇ ha-awˇ, guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ hawˇ-eu meuˬ laꞈ kʼoeˇ jawˇ-eu myaˆ pyawˬ naˇ mehˇ jaˆ-eu aˬ yuiꞈ aˬ tsu deuˬ nehˬ-ehˇ mehˬ bawˬ gʼeh-eu hawˇ nymˇ laꞈ kʼoeˇ uˇ leˇ-euˬ meh. Kʼoeˇ ngeh, sahˬ paˬ Beˬtuˇ neh dawˬ biꞈ-awˇ Pawˇluˆ-ahˇ bi sheuˬ uˇ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Nishawq ngae nan, Aqgirpav hawr-eu Beqlaqnir, aqyawfnyaf yawshaef khanqsaer za-eu lafkhoer tanrdzoeq guirhuq deuq hawr-eu meuq-euq lafkhoer jawr-eu yawhuiq yawmanr deuq naeq-aer bawqdzaq duq-anr urler-euq mae. Beqtur dawq bif ngae, Pawrluv-anr sheuqur laf-euq mae.

Gʼaˬkʼehˇ 25:23 ပူးပေါင်းရင်းမြစ်များ

Iˇsaˬtaˆ 1:4

Ba la koꞈ siˬ siˬ lah ni, aˬ yawꞈ-euˬ miˇ kʼahˬ laꞈ kʼoeˇ jaˆ-eu pyuˇ shuiˇ myawˬ gahˬ deuˬ hawˇ-eu, aˬ yawꞈ-euˬ yaw shehꞈ kʼahˬ sehˇ byaˬ mehˬ nehˬ-euˬ meh.

Dawˬ tsoˆ 1:2

Dawˬ mehˬ dawˬ tsoˆ tsoˆ-eu gʼaˬ ehˇ-eu, Yawꞈ ngehꞈ meh. Yawꞈ ngehꞈ meh. Yaw dehꞈ dehꞈ-eu jeˬ-aˬ, tiˬ pawꞈ-iˬ gaˇ dahˇ maˬ tsoeˬ-a. Maˇ maˇ ni gaˇ dahˇ maˬ tsoeˬ-a.

Iˇsaˬyaˇ 14:11

Nawˬ-euˬ yaw shehꞈ kʼahˬ sehˇ dawˬ tawˆ luꞈ, nawˬ-ahˇ taˬ huiˬ-eu deuˇ-mˬ teˇ saˇ nehˬ-ehˇ, lmˬ bymˇ-ahˇ hehˇ ahˇ leꞈ jiˇ-euˬ nga. Luˆ tahˬ kʼawˬ daˬ kʼoeˇ taˆ yuꞈ-awˇ, buˬ joe aˇ bui dm-awˬ’ lehˇ ehˇ laˇ tehꞈ-a.”

Iˇsaˬyaˇ 5:14

Kʼoeˇ miˇ neh shiˇ-eu miˇ kʼahˬ yaw kuiˇ dzaˬ siˬ-awˇ, kʼaˬ meh mˇ nga shaˇ nga taˬ-awˇ, Yeˬluˇsaˬlehˬ-euˬ sahˬ paˬ sahˬ ma deuˬ hawˇ-eu miˇ kʼahˬ zaˬ deuˬ, lawꞈ lawꞈ-ehˇ bi myoꞈ ahˇ jiˇ tehꞈ-a.

Yeˬsaˬgeˬlaˇ 30:18

Iˇjiˇtuˆ-euˬ baoˬ ngawˬ kʼehꞈ-awˇ, gʼaˬ gʼaˬ siˬ nyehꞈ paˆ dzeh nehˬ ngeh, Taˬpaˬnehˇ meuˬ zahˬ leˇ tehꞈ-a. Iˇjiˇtuˆ-ahˇ juˬ kʼoeˬ tmˬ-awˇ, Iˇjiˇtuˆ meuˬ doe ni jawˇ-eu, tsawˇ haˬ deuˬ bi nyehꞈ jiˇ tehꞈ-a.

Yeˬsaˬgeˬlaˇ 32:12

Haiˬ dui dui-eu tsawˇ jeuˬ-euˬ yehˇ deuˬ mi cehˇ bi gʼawˇ doˆ-awˇ, nawˬ-euˬ tsawˇ haˬ deuˬ-ahˇ bi sehꞈ ma. “Iˇjiˇtuˆ-euˬ kʼahˬ sehˇ hawˇ-eu, aˬ yawꞈ-euˬ tsawˇ haˬ dawˬ tawˆ luꞈ, aˬ yawꞈ maꞈ laˆ cawˆ jiˇ tehꞈ-a.

Yeˬsaˬgeˬlaˇ 33:28

Miˇ kʼahˬ heu cawˆ-iˇ-awˇ ciˬ cuˇ ni pyeuꞈ-iˇ ni ngaˇ jahˇ ma. Aˬ yawꞈ maꞈ nui kʼaˬ tsmˬ dui dui-euˬ baoˬ aˇ saˬ ya saˬ tehꞈ-a. Iˇsaˬleˬlaˆ gawˬ jawˬ deuˬ bawˇ tsahˬ tsahˬ ma ma-iˇ-awˇ, tsawˇ haˬ tiˬ gʼaˬ-iˬ maˬ iˇ maˬ laˇ tsehˆ ni byehˇ tehꞈ-a.

Yeˬsaˬgeˬlaˇ 7:24

Haiˬ dui dui-eu tsawˇ jeuˬ deuˬ-ahˇ ngaˇ kuˇ ahˇ-awˇ, naw maꞈ-euˬ nymˇ laꞈ kʼoeˇ bi jawˇ geuꞈ ma. Naw maꞈ uˬ duˬ tahˬ-euˬ jawˇ duˬ kʼoeˇ deuˬ-ahˇ aˬ cawˬ tsawˇ jeuˬ deuˬ neh ngaˇ yehˬ bawˬ-ehˇ bi jahˇ ngeh, gʼaˬ kʼaˆ dui dui-eu naw maꞈ-euˬ tsawˇ haˬ deuˬ laˇ baˇ-iˇ tehꞈ-a.

Daˬyeˬlaˇ 4:30

“Haw sheˇ, Baˬbuˇloˬ meuˬ heu aˇ naˆ ni huiˬ-eu mahˇ-eu meuˬ nga. Ngaˬ-euˬ baoˬ hawˇ-eu ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, sahˬ paˬ jawˇ-eu meuˬ pyeuꞈ laˇ ni, ngaˬ neh tsoˆ-euˬ ma” lehˇ aˬ yawꞈ ehˇ-eu meh.

Maˬkuˆ 6:21

Aˇ saˬ saˬ laˇ ngeh, Heˬloˇdiˇ Yoˇhaˬ-ahˇ sehꞈ-eu yehꞈ laˇ-euˬ meh. Kʼoeˇ-aˬ, Heˬloˆ dehꞈ le-euˬ aˇ nah-ahˇ noeˬ keuˆ-eu bawˬ-iˬ jahˇ ngeh nah meh. Kʼoeˇ ngeh nah, sahˬ paˬ sahˬ ma geuꞈ luꞈ-eu yaw huiˬ yaw mahˇ deuˬ, guiˇ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ hawˇ-eu, Gaˬliˬlehˇ miˇ kʼahˬ laꞈ kʼoeˇ myaˆ pyawˬ naˇ mehˇ jaˆ-eu aˬ yuiꞈ aˬ tsu deuˬ-ahˇ hawˬ byawˇ lawˇ nehˬ-euˬ meh.

Gʼaˬkʼehˇ 12:21

Ngehˬ cawˬ taˬ-euˬ aˇ nah keuˆ laˇ ngeh, Heˬloˆ-aˬ, sahˬ paˬ-euˬ dm gʼaˬ dm lmˇ dm-awˇ, aˬ yawꞈ-euˬ dzoeˬ dzaˬ nuiˇ mahˬ kʼoeˇ taˆ nuiˇ-awˇ, miˇ kʼahˬ zaˬ deuˬ-ahˇ dawˬ ngehˬ nehˬ-euˬ meh.

Gʼaˬkʼehˇ 25:13

Aˇ nah ui cuiˆ myahˇ laˇ ngeh, miˇ kʼahˬ kʼoeˇ kʼahˬ-ahˇ uˆ lahˇ le-euˬ sahˬ paˬ Beˬtuˇ-ahˇ dawˬ deh gʼa mawˇ le-awˇ ha-eu gʼaˇ duˬ, sahˬ paˬ Aˬgiˇpaˆ hawˇ-eu Beˬlaˬniˇ aˬ nyaꞈ dzeˇ zaˬ Gehˇsaˬliˇ meuˬ-ahˇ oe-euˬ meh.

Gʼaˬkʼehˇ 26:30

Kʼoeˇ naˇ, sahˬ paˬ Aˬgiˇpaˆ maˬ ehˇ, sahˬ paˬ Beˬtuˇ maˬ mehˇ, Beˬlaˬniˇ maˬ ehˇ, aˬ yawꞈ maꞈ nehˬ-ehˇ kʼaˇ nuiˇ luꞈ-eu deuˬ maˬ ehˇ, gʼoꞈ-iˇ-eu lehˇ tuˇ laˇ jiˇ-euˬ meh.

Gʼaˬkʼehˇ 9:15

Sahˬpaˬ Yeˬsuˇ ehˇ-eu, “Iˇ-awˬ. Aˬ jeˬ miˇ neh ehˇ naˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, miˇ kʼahˬ sahˬ paˬ deuˬ maˬ ehˇ, Iˇsaˬleˬlaˇ tsawˇ haˬ deuˬ maˬ ehˇ, ngaˬ-euˬ tsawˇ myahˇ-ahˇ siˬ nya laˇ ni bi mˇ-eu gʼaˇ duˬ, aˬ yawꞈ-ahˇ ngaˇ tseˇ doˆ taˬ-euˬ ma.

1 Gawˇliˬtu 7:31

Miˇ tsaˬ shiˬ shaˬ jiˇ-ahˇ taꞈ leˇ-eu gaˇ mˇ-eu deuˬ kʼawꞈ, tiˬ byah tiˬ loꞈ maˬ mˇ ni jawˇ-awˬ. Aˬ jeˬ miˇ neh ehˇ naˇ, miˇ tsaˬ heu-euˬ seuˆ dzeuꞈ aˇ gʼehˇ byoˆ le luꞈ meh.

Yaˬkoˆ 1:11

Nahˇ ma doˆ laˇ-awˇ nahˇ tsaˇ kʼaˆ laˇ ngeh, yaˇ moꞈ kʼoeˇ nyoeˬ-iˇ koˆ-iˇ-eu meh. Kʼoeˇ ngeh jawˇ, aˇ yehˆ kʼoeˇ ga ka-awˇ haw muiˬ-eu jeˬ cawˆ-iˇ jiˇ-eu meh. Kʼoeˇ gaˇ duˇ ni, smˇ muiˬ muiˬ-eu tsawˇ haˬ kʼawꞈ, yawˬ ha-euˬ gaˇ-ahˇ kʼoꞈ gʼa luꞈ ngeh ya luˬ ya seˇ-iˇ tehꞈ-a.

1 Beˬtuˆluˆ 1:24

Jaˇ liꞈ laꞈ kʼoeˇ ehˇ taˬ-euˬ, “Tsawˇ haˬ dawˬ tawˆ yaˇ moˬ pyeuꞈ-awˇ, aˬ yawꞈ maꞈ-euˬ yaw shehꞈ kʼahˬ sehˇ, bawˇ tsahˬ aˇ yehˆ loꞈ-ehˇ tehꞈ meh. Yaˇ moꞈ nyoeˬ-iˇ koˆ-iˇ jiˇ-awˇ, aˇ yehˆ juˬ-iˇ ga-iˇ-eu meh.

1 Yoˇhaˬ 2:16

Miˇ tsaˬ heu kʼoeˇ taˆ jaˆ-eu jeˬ pyeuꞈ-eu, shiˬ shaˬ jiˇ nui kʼahˇ, myaˆ nuiˆ-euˬ nui kʼahˇ, huiˬ mawꞈ mahˇ mawꞈ-eu nui ma, heu deuˬ dawˬ tawˆ luꞈ Aˬda Miˬyehˇ jawˇ gaˇ neh doˆ le-euˬ jeˬ maˬ ngeuˇ-a. Miˇ tsaˬ heu kʼoeˇ taˆ jaˆ-eu jeˬ pyeuꞈ-eu meh.