Gʼaˬkʼehˇ 25:12 - Akha

¹² Kʼoeˇ ngeh, sahˬ paˬ Beˬtuˇ-aˬ, aˬ yawꞈ-ahˇ nui noeˬ nui duˇ biꞈ-eu deuˬ nehˬ-ehˇ bawˬ dzaˬ-awˇ, heu loꞈ-ehˇ ehˇ kʼoꞈ nehˬ-euˬ meh. “Sahˬ paˬ Gehˇsaˬ neh yaˇ kʼaˬ bi daˇ laꞈ lehˇ nawˇ shaˇ-eu miˇ neh, nawˬ-ahˇ sahˬ paˬ Gehˇsaˬ jawˇ gaˇ bi le ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoerngae, Beqtur, khavma armur naeq-aer bawqdzaq ghaq-awr aer-eu, “Nawr, Gaersaq jawr-eu gar yarkhaq bidar-ir laf laer shar-eu mirnae, nawr, Gaersaq jawr-eu gar ya’ir taef-a.”

Gʼaˬkʼehˇ 25:12 ပူးပေါင်းရင်းမြစ်များ

Jaceuq 76:10

Tsawˇ haˬ zaˬ-euˬ nui pehˇ-aˬ, nawˬ-ahˇ ja ceuˬ-eu gaˇ kawˆ bi doˆ laˇ-eu tehꞈ meh. Guiˇ deuˆ gaˇ maˬ ya shiˇ-ehˇ dzeuˇ-iˇ-euˬ deuˬ, nawˬ-ahˇ ja ceuˬ-eu bawˬ-iˬ gʼeh tehꞈ-a.

Ngoeˇ dawˬ 3:37

Sahˬpaˬ Miˬyehˇ maˬ bi pyeuꞈ gaˇ, aˬ suˇ gʼaˬ neh dawˬ biꞈ nehˬ-awˇ, mˇ pyeuꞈ shaˇ pyeuꞈ nya-eu jawˇ ta.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Maꞈtehˬ 22:17

Teu miˇ neh, nawˇ aˬ joˆ-ehˇ noeˬ-eu gaˇ kawˆ nga maꞈ-ahˇ tiˬ poˆ ehˇ nehˬ laꞈ sheˇ. Loˇmaˆ sahˬ paˬ-ahˇ kawˬ doˆ nehˬ-eu kʼoeˇ, aˬ dui-euˬ Zahˇ dawˬ kʼoꞈ dawˬ-ahˇ bahˬ meh loˇ, maˬ bahˬ-a loˇ.”

Gʼaˬkʼehˇ 19:21

Gaˇ kawˆ kʼoeˇ deuˬ pyeuꞈ laˇ gʼaˬ ngeh, Maˬgeˬdawˇniˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ cah-iˇ-awˇ, Yeˬluˇsaˬlehˬ meuˬ-ahˇ iˇ ma lehˇ Pawˇluˆ noeˬ tsehˆ-euˬ meh. “Kʼoeˇ gaˇ iˇ gʼaˬ naˇ, Loˇmaˆ meuˬ-ahˇ kʼawꞈ ya iˇ haw nga siˬ” lehˇ aˬ yawꞈ ehˇ-eu meh.

Gʼaˬkʼehˇ 23:11

Kʼoeˇ ngeh miˇ, Sahˬ paˬ Yeˬsuˇ Pawˇluˆ-euˬ dawˬ peh yawꞈ le-awˇ ehˇ-eu, “Taˬ guˆ. Yeˬluˇsaˬlehˬ meuˬ laꞈ kʼoeˇ ngaˬ-euˬ gʼaˇ duˬ nawˇ saˇ kiˇ kamˬ gʼaˬ-euˬ meh. Loˇmaˆ meuˬ laꞈ kʼoeˇ kʼawꞈ, kʼoeˇ loꞈ-ehˇ ya kamˬ meh.”

Gʼaˬkʼehˇ 25:11

Zahˇ dawˬ kʼoꞈ dawˬ-ahˇ ngaˇ puiˬ-awˇ shiˇ paˬ-ehˇ gʼeh-eu yaw lehˬ tiˬ jeˬ na mˇ taˬ-euˬ jaˆ naˇ kʼawꞈ, maˬ bi shiˇ ni bi dzeuˇ-iˇ laꞈ lehˇ ngaˇ maˬ ehˇ. Ehˇ kʼawꞈ, aˬ yawꞈ maꞈ ngaˬ-euˬ yaw lehˬ poˆ-eu teu maˬ tsaˬ naˇ, tsawˇ haˬ tiˬ gʼaˬ-iˬ aˬ yawꞈ maꞈ-euˬ aˬ laꞈ laꞈ kʼoeˇ ngaˬ-ahˇ maˬ a nehˬ nya-aˇ. Sahˬ paˬ Gehˇsaˬ neh yaˇ kʼaˬ bi daˇ laꞈ lehˇ ngaˇ shaˇ-eu ma.”

Gʼaˬkʼehˇ 25:13

Aˇ nah ui cuiˆ myahˇ laˇ ngeh, miˇ kʼahˬ kʼoeˇ kʼahˬ-ahˇ uˆ lahˇ le-euˬ sahˬ paˬ Beˬtuˇ-ahˇ dawˬ deh gʼa mawˇ le-awˇ ha-eu gʼaˇ duˬ, sahˬ paˬ Aˬgiˇpaˆ hawˇ-eu Beˬlaˬniˇ aˬ nyaꞈ dzeˇ zaˬ Gehˇsaˬliˇ meuˬ-ahˇ oe-euˬ meh.

Gʼaˬkʼehˇ 25:21

Ehˇ kʼawꞈ, aˬ yawꞈ-ahˇ yaw muiˬ paˬ-ehˇ loꞈ piˇ nehˬ laꞈ-awˇ, sahˬ paˬ Gehˇsaˬ neh yaˇ kʼaˬ bi daˇ laꞈ lehˇ shaˇ-eu miˇ neh, sahˬ paˬ Gehˇsaˬ jawˇ gaˇ maˬ bi sheuˬ gʼeh dah-euˬ kʼoeˇ keuˆ ni aˬ yawꞈ-ahˇ yaw muiˬ paˬ-ehˇ loꞈ piˇ-eu gʼaˇ duˬ dawˬ biꞈ taˬ-euˬ ma.”

Gʼaˬkʼehˇ 26:32

Beˬtuˇ-ahˇ Aˬgiˇpaˆ ehˇ nehˬ-eu, “Tsawˇ haˬ heu gʼaˬ sahˬ paˬ Gehˇsaˬ neh yaˇ kʼaˬ bi daˇ laꞈ lehˇ maˬ shaˇ law nmˇ-aˬ, aˬ yawꞈ-ahˇ pyehˬ nehˬ nya lawˇ hawˇ nga.”

Gʼaˬkʼehˇ 27:1

Nga maꞈ-ahˇ Iˇdaˬliˬ miˇ kʼahˬ-ahˇ bi iˇ-eu lehˇ ehˇ tsehˆ gʼaˬ ngeh jawˇ, Pawˇluˆ hawˇ-eu tawˬ-ahˇ dawˆ taˬ-euˬ tsawˇ haˬ nui deuˬ-ahˇ, “Awˇguˆtuˆ guiˇ maꞈ” lehˇ kuˇ-eu Loˇmaˆ guiˇ maꞈ tiˬ maꞈ-ahˇ aˬ yuiꞈ geuꞈ luꞈ-eu Yuˇluˆ lehˇ myahˇ-euˬ gʼaˬ-euˬ aˬ laꞈ laꞈ kʼoeˇ a nehˬ-euˬ meh.

Gʼaˬkʼehˇ 28:16

Loˇmaˆ meuˬ-ahˇ le keuˆ ngeh, Pawˇluˆ-ahˇ yehˇ tiˬ gʼaˬ tehꞈ-ehˇ bi loꞈ-awˇ, aˬ yawˇ yawꞈ jawˇ-eu aˬ kawˬ-aˬ biꞈ nehˬ-euˬ meh.

Piˇliˇpiˆ 1:20

Ngaˇ geuꞈ mawꞈ dui dui-awˇ noeˬ tmˬ taˬ-euˬ jeˬ-aˬ, ngaˇ mˇ paˬ-ehˇ gʼeh-eu gaˇ deuˬ-ahˇ aˬ myah luꞈ mˇ-eu uˬ taꞈ, hehˬ nymˬ-mˇ ngaˇ dehꞈ-eu maˬ ehˇ, shiˇ-eu maˬ ehˇ, kʼaˇ mˇ kʼaˇ shaˇ-eu jeˬ dawˬ tawˆ luꞈ laꞈ kʼoeˇ Ka li-ahˇ aˬ cawˬ yaw zeu baw laˇ-eu gʼaˇ duˬ nui ma kʼaˬ duˬ ni taˬ nya-eu jeˬ-ahˇ geuꞈ mawꞈ-eu ma.