Gʼaˬkʼehˇ 24:8 - Akha

⁸ Tsawˇ haˬ heu gʼaˬ-ahˇ nawˇ naˇ haˬ naˇ, nga maꞈ aˬ yawꞈ-ahˇ iˬ baˇ kʼaˇ taˬ-eu yawˬ jeˬ na luꞈ nawˇ ya siˬ duˬ tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Pawrluv-anr yawlaeq daq-eu tsawrhaq deuq, nawq-euq maeqshi le-awq laer aqyawf dawq bifnaeq laf-euq mae. Nawr, aqyawf-anr yawmuiq-aer narhaqtser nar-aq, nga’maf, aqyawf-euq yawlaeq daq-eu heu yawqjeq navluf ya siqduq taef-a.”

Gʼaˬkʼehˇ 24:8 ပူးပေါင်းရင်းမြစ်များ

Luˇkaꞈ 23:14

Aˬ yawꞈ maꞈ-ahˇ aˬ yawꞈ ehˇ nehˬ-eu, “Tsawˇ haˬ heu gʼaˬ miˇ kʼahˬ zaˬ deuˬ-ahˇ gaˇ ma sheuˬ bahˬ-euˬ meh lehˇ naw maꞈ ehˇ-awˇ ngaˇ jawˇ gaˇ sheuˬ laꞈ-euˬ meh. Naw maꞈ-euˬ mehˬ shi aˬ yawꞈ-ahˇ ngaˇ naˇ haˬ-awˇ pyehˆ tseˇ haw ngeh, naw maꞈ ehˇ-eu loꞈ-ehˇ lehˬ-eu ca-eu ngaˇ maˬ mawˇ-aˬ.

Gʼaˬkʼehˇ 23:30

Aˬ yawꞈ-ahˇ aˬ cawˬ sehꞈ kʼoeˬ-eu lehˇ gʼeh-eu ngaˇ ya siˬ ngeh, tiˬ poˆ tehꞈ-ehˇ nawˇ jawˇ gaˇ bi sheuˬ ha le-eu gʼaˇ duˬ noeˬ tsehˆ-euˬ ma. Aˬ yawꞈ-ahˇ yaˇ kʼaˬ ja mawꞈ-eu tsawˇ haˬ deuˬ nawˬ-euˬ mehˬ shi ja-iˇ-awˬ lehˇ ngaˇ ehˇ nehˬ-euˬ ma.”

Gʼaˬkʼehˇ 23:35

Aˬ yawꞈ ehˇ-eu, “Nawˬ-ahˇ yaˇ kʼaˬ ja mawꞈ-eu tsawˇ haˬ deuˬ oe keuˆ ngeh hawˇ-eu nawˬ-ahˇ kʼaˇ naˇ haˬ paˬ-ehˇ gʼeh-eu jeˬ naˇ haˬ ma.” Kʼoeˇ naˇ, Pawˇluˆ-ahˇ yaw muiˬ paˬ-ehˇ loꞈ-awˇ Heˬloˆ neh gawˬ taˬ yaꞈ-euˬ sahˬ paˬ-euˬ yawˇ nymˇ lahˇ laꞈ kʼoeˇ bi jawˇ-eu gʼaˇ duˬ dawˬ biꞈ-euˬ meh.

Gʼaˬkʼehˇ 24:7

Ehˇ kʼawꞈ, guiˇ maꞈ kʼoeˇ taˆ uˆ lahˇ-eu Luˇsiˆ oe-awˇ, aˬ yawꞈ-ahˇ nga maꞈ-euˬ aˬ laꞈ laꞈ kʼoeˇ neh lu doˆ-awˇ sheuˬ kʼoꞈ gʼeh-euˬ meh.

Gʼaˬkʼehˇ 24:9

Kʼoeˇ loꞈ-ehˇ ehˇ gaˇ Yuˇdaˆ tsawˇ haˬ dawˬ tawˆ luꞈ tsaˬ meh lehˇ ehˇ-eu meh.

Gʼaˬkʼehˇ 25:5

Tsawˇ haˬ kʼoeˇ gʼaˬ neh mˇ lehˬ taˬ-euˬ jeˬ jaˆ naˇ, naw maꞈ-euˬ aˬ yuiꞈ aˬ tsu deuˬ ngaˬ nehˬ-ehˇ oe-awˇ ja le-awˬ.”