Gʼaˬkʼehˇ 24:25 - Akha

²⁵ Ehˇ kʼawꞈ, yaw tsaˬ yaw dawˇ jeˬ gaˇ kawˆ, yawˬ ha-euˬ nui ma-ahˇ nyehꞈ tehˬ gʼaˬ-eu gaˇ kawˆ, Yaˇ kʼaˬ daˇ-eu Aˇ nah keuˆ le luꞈ-eu gaˇ kawˆ heu deuˬ-ahˇ Pawˆluˆ ja keuˆ ngeh, Peˬliˇ noeˬ guˆ laˇ-awˇ ehˇ-eu, “Nawˇ gʼoꞈ-iˇ-awˬ. Aˬ kaˇ dah ngeh nawˬ-ahˇ ngaˇ paˇ bi kuˇ le ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Khoernar-aq, Pawrluv tsaq-awr dawr-eu garkawv, yawqha-euq nuima-anr ghaqler-eu garkawv hawr-eu, aqkar keuvle-eu yarkhaq dar-eu garkawv ja’maeqnaeq ngae, Peqlir guvlar taq-awr aer-eu, “Nymq-mr pov-aq ghaq-ar. Nawr ghof-ir-awr, aqkar aryamq tsaq ngae, ngar, nawq-anr parkur ma.”

Gʼaˬkʼehˇ 24:25 ပူးပေါင်းရင်းမြစ်များ

2 Saˬmeuˬlaˆ 23:3

Iˇsaˬleˬlaˆ tsawˇ jeuˬ gʼaˇ duˬ, lo guˇ pyeuꞈ-eu Miˬyehˇ ehˇ-eu, “Miˬyehˇ-ahˇ guˆ-eu jeˬ ahˇ-awˇ, dawˇ coe ni uˆ lahˇ-eu tsawˇ haˬ,

1 Sahˬpaˬ 21:27

Eˇliˇyaˆ dawˬ ngehˬ gʼaˬ ngeh, Aˬhaˆ gʼaˬ yawˬ ha-euˬ mehˬ tsoeˬ gʼeu pyaˬ gʼeu shaˇ-awˇ, guˬ daˇ pehˇ zeuˇ mehˬ tsoeˬ dm-euˬ meh. Aˬ yawꞈ maˬ dzaˬ maˬ dawˇ ni, guˬ daˇ pehˇ zeuˇ dm-awˇ yuꞈ-eu laꞈ kʼoeˇ, noeˬ shaˬ dui dui-awˇ myaꞈ dehˬ ni pyeuꞈ-iˇ-euˬ meh.

2 Sahˬpaˬ 22:19

Yeˬluˇsaˬlehˬ meuˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ ma lehˇ ehˇ taˬ-euˬ gaˇ nawˇ ya gaˬ ngeh, nawˬ-euˬ nui ma noeˬ paˇ-awˇ, mehˬ tsoeˬ cehˬ pyaˬ-eu laꞈ kʼoeˇ, ngaˬ-euˬ mehˬ shiˬ nawˇ nui ma nahˬ yu ni taˬ-euˬ meh. Jawˇ duˬ kʼoeˇ tsahˇ-ahˇ, maˬ haw peuˬ ni guˆ laˇ paˬ-ehˇ gʼeh-eu jawˇ duˬ bi pyeuꞈ laˇ-awˇ, tsawˇ haˬ zaˬ deuˬ yaˬ kʼehˇ yaˬ ngeh, jawˇ duˬ kʼoeˇ tsahˇ-euˬ tsawˇ myahˇ kuˇ-awˇ yaˬ tehꞈ-a. Ehˇ kʼawꞈ, nawˬ-euˬ shaˇ dawˬ ngaˇ naˇ haˬ nehˬ ma.

Eˇzaˬlaˬ 10:3

Nymˬ-mˇ, miˬ zaˬ kʼoeˇ deuˬ hawˇ-eu aˬ yawꞈ maꞈ-euˬ zaˬ deuˬ-ahˇ byehˇ dzeh ma lehˇ aˬ dui-euˬ Miˬyehˇ-ahˇ nga maꞈ saˇ jaˇ dzaˬ ma. Nawˇ hawˇ-eu Miˬyehˇ-euˬ zahˇ dawˬ kʼoꞈ dawˬ-ahˇ yaw zeu baw-eu deuˬ neh ehˇ nehˬ laꞈ-euˬ loꞈ-ehˇ tehꞈ-ehˇ nga maꞈ mˇ ma. Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ nga maꞈ dehꞈ ma.

Eˇzaˬlaˬ 10:9

Smˬ nah laꞈ kʼoeˇ Yuˇdaˆ miˇ kʼahˬ hawˇ-eu Beˬyaˬmiˬ miˇ kʼahˬ laꞈ kʼoeˇ jawˇ-eu tsawˇ haˬ dawˬ tawˆ luꞈ Yeˬluˇsaˬlehˬ meuˬ-ahˇ laˇ uiˬ jiˇ-euˬ meh. Ba la gʼoeˬ siˬ tiˬ siˬ nyiˬ tseˇ nah-ahˇ, tsawˇ haˬ dawˬ tawˆ luꞈ Uˬ duˬ tahˬ nymˇ nymˇ ma-euˬ poˆ ka uiˬ laˇ taˬ-euˬ meh. Uˬ yehˇ yaw kʼaˆ-ehˇ yehˇ-eu miˇ neh maˬ ehˇ, huiˬ dui dui-eu gaˇ gʼaˇ duˬ uiˬ laˇ taˬ-euˬ miˇ neh maˬ ehˇ, tsawˇ haˬ yawˬ gʼaˬ na luꞈ yaw dzuˬ dzuˬ-euˬ meh.

Yawˇbaˆ 29:14

Ngaˇ aˬ myah luꞈ yaw tsaˬ yaw dawˇ dawˇ-ehˇ dehꞈ-awˇ,

Jaceuq 11:7

Tsaˬ-eu dawˇ-eu SahˬpaˬMiˬyehˇ, yaw tsaˬyaw dawˇmˇgaˇgaˬ-awˇ, kʼoeˇloꞈ-ehˇ mˇ-eu tsawˇhaˬdeuˬ, aˬyawꞈmehˬshi ya dehꞈtehꞈ-a.

Jaceuq 119:120

Nawˬ-ahˇ ngaˇ guˆ-awˇ yaw dzuˬ dzuˬ-eu ma. Nawˇ yaˇ kʼaˬ daˇ gaˇ ngaˇ guˆ dui dui-eu ma.

Jaceuq 45:7

yaw tsaˬ yaw dawˇ jeˬ-ahˇ gaˬ-awˇ, maˬ tsaˬ maˬ dawˇ-eu jeˬ-ahˇ nawˇ bye-eu meh. Kʼoeˇ miˇ neh, nawˬ-euˬ Miˬyehˇ pyeuꞈ-eu Miˬyehˇ, nawˬ-ahˇ tseˇ doˆ-eu laꞈ kʼoeˇ, sahˬ paˬ nui deuˬ-ahˇ naˆ maˬ tseˇ, laˬ kʼaˬ cehˇ nui saˇ za-eu guiˬ lahˬ nawˬ-euˬ kʼoeˇ taˆ shehˆ daˆ-euˬ meh.

Jaceuq 72:2

Nawˬ-euˬ tsawˇ haˬ deuˬ-ahˇ dawˇ coe ni aˬ yawꞈ yaˇ kʼaˬ daˇ-awˇ, shaˬ zaˬ zahˬ zaˬ kʼoeˇ taˆ yaw tsaˬ yaw dawˇ dawˇ-ehˇ uˆ lahˇ nya laˇ luꞈ-uˇ.

Jaceuq 99:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Tsawˇ haˬ zaˬ deuˬ guˆ-awˇ yaw dzuˬ dzuˬ-eu meh. Jeˬluˇbeˬ mawˇ kawˇ kʼoeˇ taˆ jaˆ-eu aˬ yawꞈ-euˬ nuiˇ mahˬ kʼoeˇ taˆ aˬ yawꞈ nuiˇ luꞈ-awˇ, miˇ tsaˬ miˇ luˆ luˆ-eu meh.

Dawqdaq 16:12

Yaw tsaˬ yaw dawˇ jeˬ kʼoeˇ taˆ dzoeˬ dzaˬ ciˬ nuiˇ taˬ-euˬ miˇ neh, yaw haiˬ jeˬ-ahˇ sahˬ paˬ sahˬ ma deuˬ nui daˆ daˆ-eu meh.

Dawˬ tsoˆ 11:9

Zaˬ guˬ deuˬ-oˇ, zaˬ guˬ aˇ yamˬ-ahˇ nui kʼahˇ shiˇ-awˬ. Zaˬ guˬ guˬ ngeh laˬ kʼaˬ cehˇ-awˬ. Nawˬ-euˬ nui loˆ kʼaˇ jaˆ-eu loꞈ-ehˇ nui kʼahˇ tiˬ shiˇ dehꞈ-awˬ. Ehˇ kʼawꞈ, nawˬ neh kʼaˇ dehꞈ-euˬ loꞈ-ehˇ aˬ kaˇ tiˬ nah Miˬyehˇ yaˇ kʼaˬ daˇ nehˬ laꞈ gaˇ taˬ ngehˇ.

Dawˬ tsoˆ 12:14

Aˬ dui neh kʼaˇ mˇ-euˬ muiˬ muiˬ doeˇ doeˇ dawˬ tawˆ luꞈ, Miˬyehˇ neh yaˇ kʼaˬ ya bi daˇ meh. Ciˬ cuˇ ni baˇ zaꞈ-ahˇ mˇ kʼoeˬ-euˬ jeˬ kʼawꞈ, tiˬ hmˬ-iˬ maˬ dzeuˇ-iˇ nya-a.

Dawˬ tsoˆ 5:8

Iˇ shaˬ zaˬ deuˬ-ahˇ sahˬ paˬ sahˬ ma deuˬ kʼehˬ-awˇ kʼaˆ-awˇ nawˬ dzaˬ kʼaˆ dzaˬ gaˇ ya mawˇ ngeh, taˬ zahˬ leˇ. Sahˬ paˬ sahˬ ma aˬ geu gʼaˬ maˬ kaˬ, aˬ yawꞈ taꞈ-ehˇ huiˬ dzehˬ-eu gʼaˬ jawˇ-awˇ, tiˬ gʼaˬ kʼoeˇ taˆ tiˬ gʼaˬ huiˬ daˆ leꞈ-eu meh.

Iˇsaˬyaˇ 1:18

Sahˬpaˬ Miˬyehˇ ehˇ-eu, “Laˇ-awˬ tiˬ kawˆ loꞈ-ehˇ shaˇ noeˬ shaˇ sawˇ ma. Naw maꞈ-euˬ iˬ baˇ neˇ tseuˆ ni gʼeh kʼawꞈ, saˬ laˬ naˆ maˬ tseˇ pyuˇ laˇ tehꞈ-a. Naw maꞈ-euˬ iˬ baˇ shiˬ loꞈ-ehˇ neˇ kʼawꞈ, yawˇ zaˬ caꞈ hm loꞈ-ehˇ bi ba laˇ ma.

Iˇsaˬyaˇ 1:21

Yaw beh saˇ jaˇ ziꞈ-eu meuˬ, meh maˬ laˇ-ahˇ dehꞈ duˇ taˬ-euˬ meh. Yaw beh yaw tsaˬ yaw dawˇ jeˬ byah-awˇ, yaw muiˬ yaw shawˇ jeˬ jaˆ-euˬ kʼawꞈ, nymˬ-mˇ aˬ cawˬ-ahˇ sehꞈ-eu tsawˇ haˬ tehꞈ meh.

Iˇsaˬyaˇ 16:5

Kʼoeˇ ngeh, Daˬbiˇ-euˬ zaˬ deuˬ uˆ deuˬ laꞈ kʼoeˇ, dzoeˬ dzaˬ sahˬ paˬ tiˬ gʼaˬ doˆ laˇ-awˇ, saˇ jaˇ ziꞈ-awˇ gʼoeˇ-eu gaˬ-eu laꞈ kʼoeˇ, aˬ yawꞈ-euˬ tsawˇ jeuˬ-ahˇ uˆ lahˇ tehꞈ-a. Yaw tsaˬ yaw dawˇ jeˬ mˇ-eu gʼaˇ duˬ aˬ yawꞈ maˬ nyi naˬ ni, yaw sui yaw dawˇ laꞈ kʼoeˇ yaˇ kʼaˬ daˇ nehˬ tehꞈ-a.)

Iˇsaˬyaˇ 32:11

Saˇ lehˆ ni dehꞈ-eu zaˬ miˬ zaˬ deuˬ-oˇ, yaw dzuˬ dzuˬ dui dui-awˬ. Kʼahˬ lahˇ kʼaˇ maˬ za-eu aˬ buˇ deuˬ-oˇ, yaw dzuˬ dzuˬ gah gah-awˬ. Naw maꞈ mehˬ tsoeˬ lehˆ dzeh jiˇ-awˇ, guˬ daˇ pehˇ zeuˇ joꞈ-ahˇ lahˇ-awˇ jawˇ-awˬ.

Iˇsaˬyaˇ 41:21

Iˇsaˬleˬlaˆ-euˬ sahˬ paˬ pyeuꞈ-eu Sahˬpaˬ Miˬyehˇ, heu loꞈ-ehˇ ehˇ-eu meh. “Miˇ kʼahˬ tsawˇ jeuˬ deuˬ-euˬ miˬ yehˇ deuˬ-oˇ, yaˇ kʼaˬ ja haw laˇ sheˇ. Naw maꞈ kʼaˇ ngehˬ nya-eu jeˬ ngehˬ laˇ sheˇ.

Iˇsaˬyaˇ 55:6

Sahˬpaˬ Miˬyehˇ-ahˇ poˆ mawˇ nya paˬ-ehˇ gʼeh ngeh poˆ-awˬ. Gaˇ mahˇ maˬ iˇ kaˬ mi naˆ-ehˇ kuˇ-awˬ.

Iˇsaˬyaˇ 61:8

Sahˬpaˬ Miˬyehˇ heu loꞈ-ehˇ ehˇ-eu meh. “Yaw tsaˬ yaw dawˇ-ahˇ ngaˇ gaˬ-awˇ, myawꞈ dzaˬ kʼaˆ dzaˬ gaˇ byeh-eu ma. Ngaˬ-euˬ tsawˇ haˬ deuˬ-ahˇ saˇ jaˇ ziꞈ-eu laꞈ kʼoeˇ, aˬ yawꞈ maꞈ-ahˇ geuˇ-eu aˇ poeˬ ngaˇ biꞈ tsoeˬ ma. Mˬ maˬ maˬ byaˆ zaˇ ziˇ ziꞈ-eu saˇ jaˇ, aˬ yawꞈ maꞈ nehˬ-ehˇ ngaˇ dzaˬ ma.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

Yeˬlaˬmiˇ 22:3

“Yaw tsaˬ yaw dawˇ jeˬ mˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ dawˬ biꞈ-eu ma. Aˬ cawˬ neh mehˇ shuiˇ bi shuiˇ dzaˬ-euˬ tsawˇ haˬ deuˬ-ahˇ, mehˇ shuiˇ shuiˇ dzaˬ-eu tsawˇ haˬ deuˬ-euˬ aˬ laꞈ laꞈ kʼoeˇ neh ka kʼoꞈ doˆ nehˬ-awˬ. Boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ-ahˇ taˬ kʼehˬ taˬ kʼaˆ nehˬ. Maˬ lehˬ maˬ ca-eu tsawˇ haˬ deuˬ-ahˇ muiˬ-eu shawˇ-eu jawˇ duˬ heu tsahˇ laꞈ kʼoeˇ taˬ sehꞈ.

Yeˬlaˬmiˇ 23:29

Ngaˬ-euˬ dawˬ-aˬ, miˬ dzaˬ-ahˇ duˇ-awˇ, kʼaˬ lo-ahˇ deh meuˇ nya-eu diˬ puˬ puˬ ma-ahˇ duˇ-eu meh.

Yeˬlaˬmiˇ 36:16

Aˬ yawꞈ gui mehˬ gʼaˬ ngeh, aˬ yawꞈ maꞈ tiˬ gʼaˬ tiˇ gʼaˬ haw cawˬ haw cawˬ-ehˇ tsoˆ leˇ-awˇ, “Gaˇ kawˆ heu sahˬ paˬ-ahˇ ya bi ehˇ gaˬ leˇ-eu ngaˇ” lehˇ, Baˬluˆ-ahˇ ehˇ nehˬ-euˬ meh.

Yeˬsaˬgeˬlaˇ 45:9

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ jeuˬ-ahˇ uˆ lahˇ-eu sahˬ paˬ sahˬ ma deuˬ-oˇ, naw maꞈ iˬ baˇ mˇ luꞈ-eu myahˇ dui dui laˇ-euˬ meh. Yaw haiˬ jeˬ hawˇ-eu nawˬ dzaˬ kʼaˆ dzaˬ-eu jeˬ-ahˇ byehˇ-awˇ, yaw tsaˬ yaw dawˇ jeˬ mˇ paˇ-awˬ. Ngaˬ-euˬ tsawˇ haˬ deuˬ-ahˇ, aˬ yawꞈ maꞈ-euˬ miˇ kʼahˬ laꞈ kʼoeˇ neh naw maꞈ tiˬ jawˇ-iˬ maˬ paˇ ya teh doˆ meh. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ heu loꞈ-ehˇ ehˇ-eu ma.”

Daˬyeˬlaˇ 12:2

Shiˇ dzeuˇ-euˬ tsawˇ haˬ gʼawˬ mya ni paˇ gʼoꞈ dehꞈ laˇ tehꞈ-a. Tiˬ paˆ na deuˬ mˬ maˬ maˬ byaˆ zaˇ ziˇ dehꞈ-eu jeˬ za-awˇ, tiˬ paˆ na deuˬ mˬ maˬ maˬ byaˆ zaˇ ziˇ daˬ ga-eu jeˬ za tehꞈ-a.

Daˬyeˬlaˇ 4:27

Kʼoeˇ miˇ neh sahˬ paˬ-oˇ, ngaˬ-euˬ ehˇ dawˬ geuꞈ nehˬ laꞈ. Iˬ baˇ maˬ mˇ ni byehˇ-awˇ, yaw tsaˬ yaw dawˇ jeˬ mˇ-eu laꞈ kʼoeˇ, shaˬ zaˬ zahˬ zaˬ deuˬ-ahˇ gʼawˬ shaˬ gaˬ nehˬ-awˬ. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ nui saˇ oꞈ-eu jeˬ maˬ byoˆ-iˇ-aˇ.”

Daˬyeˬlaˇ 5:30

Kʼoeˇ ngeh miˇ, Baˬbuˇloˬ sahˬ paˬ Beˬlaˇshaˬzaˬ-ahˇ aˬ cawˬ sehꞈ-euˬ meh.

Hawˇseˬ 10:12

Aˬ yawꞈ maꞈ-ahˇ ngaˇ ehˇ nehˬ-euˬ, ‘Deh yaˇ yaw shuiꞈ tsehˬ paˇ geuꞈ-awˇ, yaw tsaˬ yaw dawˇ jeˬ ka paˇ-awˇ, ngaˬ-ahˇ gʼoe-eu laꞈ kʼoeˇ za-eu, guiˬ lahˬ yaw dzahˇ deuˬ yehˬ dzaˬ-awˬ. Sahˬpaˬ Miˬyehˇ jawˇ paw pyawˇ-eu aˇ yamˬ keuˆ laˇ-euˬ siˬ nya-awˬ. Naw maꞈ jawˇ gaˇ ngaˇ oe keuˆ-awˇ, guiˬ lahˬ yaw dzahˇ shehˆ daˆ nehˬ ma.’

Hawˇseˬ 10:4

Aˬ yawꞈ maꞈ dawˬ awˬ kʼawꞈ ngehˬ-awˇ, saˇ jaˇ dzaˬ-eu jaˬ myawꞈ tehꞈ meh. Yaw tsaˬ yaw dawˇ poˆ laˆ laˆ-awˇ, doꞈ kʼaˆ dui dui-eu baw duˆ deuˬ, deh ga dehꞈ byah-euˬ gaˇ duˇ meh.

Hawˇseˬ 7:5

Sahˬ paˬ bawˬ-iˬ gʼeh-eu aˇ nah-ahˇ, sahˬ paˬ hawˇ-eu yaw huiˬ deuˬ-ahˇ, yawꞈ maꞈ jiˇ baˬ bi dawˇ yehꞈ-awˇ, tsawˇ uˬ laˆ uˬ jiˇ nehˬ-euˬ meh.

Aˬmoˆ 5:24

Ehˇ kʼawꞈ, dawˇ coe ni yaˇ kʼaˬ daˇ-eu jeˬ lawˇ gawˆ loꞈ-ehˇ bi yoeˇ le-awˇ, yaw tsaˬ yaw dawˇ jeˬ tiˬ jawˇ-iˬ maˬ tsiˇ leˇ-eu lawˇ baˬ loꞈ-ehˇ bi yoeˇ le-awˬ.

Aˬmoˆ 6:12

Kʼaˬ lo lo gahˬ kʼoeˇ taˆ mahˬ pyehˬ teh sehˇ nya ta loˇ. Tsawˇ haˬ zaˬ iˬ ma laˆ shaˆ-ahˇ mawˇ neˇ neh deh ma tsehˬ nya ta loˇ. Ehˇ kʼawꞈ, naw maꞈ-aˬ, yaw tsaˬ yaw dawˇ jeˬ-ahˇ doꞈ bi pyeuꞈ-iˇ-awˇ, tsaˬ-eu jeˬ-ahˇ lehˬ-eu jeˬ pyeuꞈ-iˇ ni sheu pyawˆ-eu meh.

Haˬbaˬkuˆ 3:16

Gaˇ kawˆ kʼoeˇ ngaˇ ya gaˬ gʼaˬ ngeh, gʼawˇ mawˇ mawˇ lah yaw dzuˬ dzuˬ-awˇ, mehˬ luˬ mehˬ ma shaˬ dehꞈ dehꞈ nya. Shaˬ yoeˬ shaˬ laꞈ peuˬ-iˇ jiˇ-awˇ, kuiˇ toꞈ yaˇ laˇ jiˇ-euˬ miˇ-a. Ngaˬ-ahˇ guiˇ deuˆ le-eu deuˬ-ahˇ, Miˬyehˇ kʼehˬ nehˬ-eu aˇ nah-ahˇ, ciˬ cuˇ ni ngaˇ dawˬ luꞈ-eu ma.

Haˬgaiˇ 1:2

“Uˬ duˬ tahˬ nymˇ nymˇ ma tsoˆ muiˬ-eu aˇ yamˬ maˬ keuˆ laˇ-aˬ siˬ lehˇ, tsawˇ haˬ teu deuˬ ehˇ luꞈ meh” lehˇ, Haˬgaiˇ-ahˇ Sahˬpaˬ Miˬyehˇ ehˇ nehˬ-euˬ meh.

Maꞈtehˬ 22:5

Ehˇ kʼawꞈ, kuˇ taˬ-euˬ tsawˇ haˬ kʼoeˇ deuˬ kuˇ-euˬ gaˇ tiˬ pawꞈ-iˬ maˬ taˬ huiˬ ni, tiˬ paˆ na deuˬ yaˇ ngeh iˇ-awˇ, tiˬ paˆ na deuˬ jeˬ gaꞈ gaꞈ-iˇ-euˬ meh.

Yoˇhaˬ 16:8

Aˬ yawꞈ oe ngeh, iˬ baˇ gaˇ kawˆ maˬ ehˇ, yaw tsaˬ yaw dawˇ jeˬ gaˇ kawˆ maˬ ehˇ, Miˬyehˇ yaˇ kʼaˬ daˇ-eu gaˇ kawˆ maˬ ehˇ, miˇ tsaˬ zaˬ deuˬ jah lehˬ-eu meh lehˇ aˬ yawꞈ saˇ kiˇ kamˬ tehꞈ-a.

Gʼaˬkʼehˇ 10:42

Miˇ kʼahˬ zaˬ deuˬ-ahˇ dawˬ mehˬ mehˬ-awˇ, dehꞈ luꞈ-eu deuˬ-ahˇ maˬ ehˇ, shiˇ-euˬ deuˬ-ahˇ maˬ ehˇ, yaˇ kʼaˬ bi daˇ-eu gʼaˇ duˬ Miˬyehˇ neh tseˇ doˆ-euˬ gʼaˬ-aˬ, aˬ yawꞈ meh lehˇ saˇ kiˇ kamˬ-eu gʼaˇ duˬ, nga maꞈ-ahˇ aˬ yawꞈ dawˬ biꞈ laꞈ-euˬ meh.

Gʼaˬkʼehˇ 17:13

Ehˇ kʼawꞈ, Beˬliˇ meuˬ-ahˇ kʼawꞈ Pawˇluˆ Miˬyehˇ dawˬ kawˬ mehˬ luꞈ-eu gaˇ kawˆ-ahˇ Teˇsaˬloˇni meuˬ-ahˇ jawˇ-eu Yuˇdaˆ tsawˇ haˬ deuˬ ya gaˬ ngeh, aˬ yawꞈ maꞈ oe-awˇ tsawˇ haˬ aˇ maꞈ nui ma zo laˇ ni ja-awˇ laˆ luiˬ-euˬ meh.

Gʼaˬkʼehˇ 17:2

Pawˇluˆ-aˬ, aˬ myah myah loꞈ-ehˇ uˬ duˬ tahˬ nymˇ-ahˇ le-euˬ meh. Jawˇ nah smˬ nah keuˆ ni, aˬ yawꞈ maꞈ nehˬ-ehˇ Jaˇliꞈ gaˇ kawˆ ja sawˇ-euˬ meh.

Gʼaˬkʼehˇ 17:32

Shiˇ-euˬ tsawˇ haˬ-ahˇ paˇ bi gʼoꞈ dehꞈ laˇ-eu gaˇ kawˆ Pawˇluˆ ehˇ gaˇ ya gaˬ ngeh, tsawˇ haˬ tiˬ paˆ na deuˬ aˬ yawꞈ-ahˇ yehˬ bawˬ sehˇ lu-ehˇ ehˇ niˇ gʼa-awˇ uiˇ-eu meh. Ehˇ kʼawꞈ, tiˬ paˆ na deuˬ-aˬ, “Gaˇ kawˆ teu nawˇ ja gaˇ tiˬ poˆ paˇ naˇ haˬ mawꞈ nya siˬ” lehˇ ehˇ-eu meh.

Gʼaˬkʼehˇ 2:37

Beˬtuˆluˆ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ ya gaˬ ngeh, aˬ yawꞈ maꞈ-euˬ nui ma-ahˇ zaw dui dui leˇ-awˇ, Beˬtuˆluˆ hawˇ-eu gʼaˬ kʼehˇ kʼoeˇ deuˬ-ahˇ ehˇ-eu, “Aˬ yuiꞈ aˬ nyiˇ deuˬ-oˇ, nga maꞈ aˬ joˆ-ehˇ jahˇ paˬ nga.”

Gʼaˬkʼehˇ 24:15

Tsawˇ muiˬ tsawˇ doeˇ dawˬ tawˆ luꞈ-ahˇ shiˇ-euˬ gaˇ paˇ bi gʼoꞈ dehꞈ laˇ tehꞈ-a lehˇ tsawˇ haˬ heu deuˬ Miˬyehˇ laꞈ kʼoeˇ noeˬ tmˬ-eu loꞈ-ehˇ, ngaˇ kʼawꞈ noeˬ tmˬ-eu ma.

Gʼaˬkʼehˇ 24:26

Peˬliˇ-aˬ, Pawˇluˆ aˬ yawꞈ-ahˇ pyuˇ biꞈ nehˬ gaˇ kʼawꞈ noeˬ tmˬ-eu meh. Kʼoeˇ miˇ neh, Pawˇluˆ-ahˇ tiˬ kʼehˬ maˬ taˬ ni kuˇ kuˇ-ehˇ dawˬ ja ja cawˬ-euˬ meh.

Gʼaˬkʼehˇ 26:28

Sahˬ paˬ Aˬgiˇpaˆ Pawˇluˆ-ahˇ ehˇ-eu, “Aˇ yamˬ heu myah tehꞈ laꞈ kʼoeˇ, ngaˇ Ka li zaˬ pyeuꞈ laˇ ni nawˇ jahˇ nya ma lehˇ noeˬ te loˇ.”

Gʼaˬkʼehˇ 9:6

Teˇ saˇ kʼoeˇ saˇ aˬ yawꞈ-ahˇ ehˇ-eu, “Ngaˇ-aˬ, nawˇ kʼehˬ luꞈ-eu Yeˬsuˇ ma. Tuˇ-awˇ meuˬ-ahˇ le uˇ-awˬ. Nawˇ aˬ joˆ-ehˇ ya jahˇ-eu gaˇ kawˆ kʼoeˇ gaˇ ehˇ nehˬ laꞈ tehꞈ-a.”

Lormav 12:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ-euˬ huiˬ dui myaˬ dui dui-eu gʼawˬ shaˬ gaˬ-eu jeˬ baˬ da neh naw maꞈ-ahˇ ngaˇ heu loꞈ-ehˇ shaˇ-eu ma. Dehꞈ luꞈ-eu lawˇ-eu jeˬ loꞈ-ehˇ, naw maꞈ-euˬ gʼawˇ mawˇ Miˬyehˇ-ahˇ damˬ nehˬ-awˬ. Aˬ yawꞈ-euˬ gaˇ mˇ-eu gʼaˇ duˬ a nehˬ-awˇ, aˬ yawꞈ nui ma tsaˬ ni dehꞈ-awˬ. Heu-aˬ, naw maꞈ mˇ paˬ-ehˇ gʼeh-eu maˇ maˇ ni gʼeh-eu uˬ duˬ tahˬ-eu jeˬ pyeuꞈ-eu meh.

Lormav 14:12

Aˬ dui yawˬ gʼaˬ na luꞈ, yawˬ ha neh kʼaˇ mˇ kʼaˇ shaˇ-euˬ jeˬ Miˬyehˇ-ahˇ ya ja doˆ nehˬ tehꞈ-a.

Lormav 2:16

Kʼoeˇ miˇ neh, ngaˇ mehˬ luꞈ-eu Laˬ kʼaˬ cehˇ-eu Guiˬ lahˬ dawˬ heu ehˇ mawꞈ-eu-aˬ, tsawˇ haˬ zaˬ-euˬ nui ma laꞈ kʼoeˇ zaꞈ taˬ-euˬ nui noeˬ kʼoeˇ-ahˇ, Yeˬsuˇ Ka li-ahˇ gʼoe-awˇ Miˬyehˇ yaˇ kʼaˬ daˇ ngeh Nah, kʼoeˇ loꞈ-ehˇ daˇ tehꞈ-a.

1 Gawˇliˬtu 4:5

Kʼoeˇ miˇ neh, aˇ yamˬ maˬ keuˆ laˇ mi naˆ-ehˇ tsawˇ haˬ tiˬ gʼaˬ-ahˇ-iˬ naw maꞈ yaw lehˬ taˬ poˆ. Aˇ saˬ saˬ-eu yaˇ kʼaˬ daˇ-eu kʼoeˇ-aˬ, Sahˬpaˬ Miˬyehˇ oe keuˆ gaˇ ya dawˬ-eu meh. Yaw zahˇ laꞈ kʼoeˇ zaꞈ taˬ-euˬ jeˬ-ahˇ yaw shehꞈ laꞈ kʼoeˇ aˬ yawꞈ yuˇ doˆ laꞈ-awˇ, tsawˇ haˬ zaˬ-euˬ nui maˬ laꞈ kʼoeˇ zaꞈ taˬ-euˬ nui noeˬ-ahˇ aˬ yawꞈ pah dzeh tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ-ahˇ oꞈ-eu geuˇ-eu loꞈ-ehˇ Miˬyehˇ ja ceuˬ nehˬ tehꞈ-a.

2 Gawˇliˬtu 5:10

Aˬ jeˬ miˇ neh ehˇ naˇ, aˬ dui dawˬ tawˆ luꞈ Ka li yaˇ kʼaˬ daˇ-eu nuiˇ mahˬ mehˬ shi ya uiˬ leˇ jiˇ meh. Tsawˇ haˬ yawˬ gʼaˬ na luꞈ shiˬ shaˬ jiˇ gʼawˇ mawˇ heu laꞈ kʼoeˇ kʼaˇ mˇ kʼaˇ shaˇ dzeuˇ-euˬ loꞈ-ehˇ, muiˬ-eu maˬ ehˇ, doeˇ-eu maˬ ehˇ, yawˬ ha-ahˇ kʼaˇ oꞈ-eu jeˬ za tehꞈ-a.

2 Gawˇliˬtu 6:2

Jaˇliꞈ laꞈ kʼoeˇ Miˬyehˇ heu loꞈ-ehˇ ehˇ-eu meh. “Aˇ yamˬ yaw muiˬ-ehˇ kʼehˬ laˇ ngeh, naw maꞈ shaˇ dawˬ ngaˇ naˇ haˬ-awˇ, ka kʼoꞈ-eu aˇ nah keuˆ le ngeh, naw maꞈ-ahˇ ngaˇ ngehˬ gʼeh-euˬ ma.” Naˇ haˬ sheˇ. Nymˬ-mˇ aˇ yamˬ kʼehˬ laˇ taˬ-euˬ meh. Iˬ nah ka kʼoꞈ-eu jeˬ za-eu aˇ nah meh.

Gaˬlaˬtiˆ 3:22

Ehˇ kʼawꞈ, miˇ tsaˬ heu dawˬ tawˆ luꞈ iˬ baˇ uˆ lahˇ-eu uˬ moˆ jawˇ luꞈ-eu meh lehˇ Jaˇliꞈ laꞈ kʼoeˇ ehˇ taˬ-euˬ meh. Kʼoeˇ miˇ neh, Yeˬsuˇ Ka li-ahˇ jah-eu deuˬ-ahˇ biꞈ ma lehˇ ehˇ taˬ-euˬ laꞈ sawˬ kʼoeˇ-aˬ, jah-eu tsawˇ haˬ deuˬ-ahˇ biꞈ-euˬ meh.

Gaˬlaˬtiˆ 5:23

nui nahˬ nui yu ahˇ-eu, yawˬ ha-euˬ nui ma-ahˇ gʼaˬ leˇ-eu, heu deuˬ meh. Heu deuˬ-ahˇ laˆ tsoeˬ-eu zahˇ dawˬ kʼoꞈ dawˬ tiˬ dawˬ-iˬ maˬ jaˆ-a.

2 Tiˆmoˇseˬ 4:1

Miˬyehˇ-euˬ mehˬ shi hawˇ-eu, dehꞈ luꞈ-eu tsawˇ haˬ hawˇ-eu shiˇ dzeuˇ-euˬ tsawˇ haˬ deuˬ-ahˇ yaˇ kʼaˬ daˇ nehˬ-eu Sahˬpaˬ geuꞈ-awˇ uˆ lahˇ le-eu lehˇ gʼeh-eu Yeˬsuˇ Ka li-euˬ mehˬ shi, ngaˇ nawˬ-ahˇ heu loꞈ-ehˇ dawˬ biꞈ-eu ma.

Tiˇtuˆ 1:8

Daˬ yah-ahˇ yaw muiˬ-ehˇ ha-awˇ, muiˬ-eu jaˬ-eu jeˬ-ahˇ gaˬ-eu tsawˇ haˬ ya bi pyeuꞈ meh. Nui ma taˬ nya-eu, nui ma dawˇ-eu, muiˬ-eu shawˇ-eu, yawˬ ha-euˬ nui ma-ahˇ gʼaˬ leˇ-eu, heu loꞈ-ehˇ gʼeh-eu tsawˇ haˬ ya bi pyeuꞈ meh.

HeˬByehˇ 12:21

Aˬ yawꞈ maꞈ myaˆ ya mawˇ-euˬ kʼoeˇ-aˬ, guˆ dui dui laˇ paˬ-ehˇ gʼeh-eu miˇ neh, “Ngaˇ guˆ dui dui-awˇ, yaw dzuˬ dzuˬ dui dui nya” lehˇ Moˇseˬ ehˇ-eu meh.

HeˬByehˇ 3:13

Naw maꞈ tiˬ gʼaˬ-iˬ iˬ baˇ neh mehˇ shuiˇ maˬ bi shuiˇ gʼaˬ-ehˇ, nui ma maˬ ya gʼahˇ laˇ ni, “Iˬnah” lehˇ JaˇLiꞈ laꞈ kʼoeˇ ehˇ taˬ-euˬ dawˬ kʼoeˇ dawˬ aˬ dui-ahˇ kʼaˇ toeˬ ceh luꞈ kʼoeˇ keuˆ ni, yawˬ nah na luꞈ tiˬ gʼaˬ tiˇ gʼaˬ ngehˬ gʼeh-awˬ.

HeˬByehˇ 4:1

Nymˬ-mˇ poˆ jawˇ, Miˬyehˇ aˬ yawꞈ neh ehˇ dzeuˇ-euˬ gʼaˬ naˬ naˬ-eu jeˬ-ahˇ aˬ dui za ni saˇ jaˇ dzaˬ mawꞈ-eu meh. Kʼoeˇ miˇ neh, aˬ yawꞈ neh saˇ jaˇ dzaˬ taˬ-euˬ gʼaˬ naˬ naˬ-eu jeˬ kʼoeˇ-ahˇ, naw maꞈ tiˬ gʼaˬ-iˬ ma ya smˬ-iˇ ni yahˇ kaˇ-euˇ.

HeˬByehˇ 6:2

Iˇ cuꞈ shawˇ-eu gaˇ kawˆ maˬ ehˇ, aˬ laꞈ cawˬ daˆ-awˇ aˇ yaˬ biꞈ-eu gaˇ kawˆ maˬ ehˇ, shiˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-eu gaˇ kawˆ maˬ ehˇ, Miˬyehˇ neh yaˇ kʼaˬ daˇ-euˬ jeˬ mˬ maˬ maˬ byaˆ zaˇ ziˇ ziꞈ-eu gaˇ kawˆ maˬ ehˇ, aˬ dui dzaw poˆ dzaw poˆ-ehˇ jawˇ yamˬ maˬ paˇ ngeuˇ meh.

HeˬByehˇ 9:27

Tsawˇ haˬ yawˬ gʼaˬ na luꞈ tiˬ poˆ ya shiˇ-awˇ, shiˇ gʼaˬ ngeh Miˬyehˇ neh yaˇ kʼaˬ ya bi daˇ tehꞈ-a.

Yaˬkoˆ 2:19

Miˬyehˇ tiˬ gʼaˬ tehꞈ-ehˇ jawˇ-eu meh lehˇ nawˇ jah-eu miˇ neh maˬ gaˇ dzehˬ ma lehˇ noeˬ te loˇ. Nehꞈ deuˬ kʼawꞈ kʼoeˇ loꞈ-ehˇ jah-awˇ, guˆ guˆ-ehˇ yaw dzuˬ dzuˬ luꞈ meh.

1 Beˬtuˆluˆ 3:15

Ehˇ kʼawꞈ, naw maꞈ-euˬ nui ma laꞈ kʼoeˇ Ka li-ahˇ yaw zeu baw-awˇ, aˬ yawꞈ-ahˇ Sahˬpaˬ loꞈ-ehˇ taˬ huiˬ taˬ mahˇ-awˬ. Naw maꞈ-euˬ laꞈ kʼoeˇ ahˇ-eu noeˬ tmˬ taˬ-euˬ gaˇ kawˆ kʼaˇ naˇ haˬ laˇ-eu tsawˇ haˬ-ahˇ yaw muiˬ paˬ-ehˇ ja mehˬ nehˬ nya ni, aˬ myah luꞈ lehˬ hmˬ taˬ-awˬ.

2 Beˬtuˆluˆ 1:6

Zaˬ siˬ tsawˇ gahˇ kʼoeˇ taˆ yawˬ ha-euˬ nui ma-ahˇ gʼaˬ leˇ-eu jeˬ bi lahˬ laˇ-awˬ. Yawˬ ha-euˬ nui ma-ahˇ gʼaˬ leˇ-eu jeˬ kʼoeˇ taˆ daˬ coeˇ oˇ coeˇ-eu jeˬ bi lahˬ laˇ-awˬ. Daˬ coeˇ oˇ coeˇ-eu jeˬ kʼoeˇ taˆ Miˬyehˇ-ahˇ yaw zeu baw-eu jeˬ bi lahˬ laˇ-awˬ.

1 Yoˇhaˬ 3:10

Miˬyehˇ-euˬ zaˬ hawˇ-eu Nehꞈ sahˬ paˬ-euˬ zaˬ yaw kaˬ kʼoeˇ naˆ ni beu gaˇ-eu meh. Yaw tsaˬ yaw dawˇ jeˬ maˬ mˇ-ehˇ, Ka li zaˬ cawˬ cawˬ maˬ gaˬ-eu tsawˇ haˬ-aˬ, Miˬyehˇ-euˬ zaˬ maˬ ngeuˇ-a.

1 Yoˇhaˬ 3:7

Ngaˇ gaˬ dui dui-eu zaˬ deuˬ-oˇ, tsawˇ haˬ tiˬ gʼaˬ neh-iˬ naw maꞈ-ahˇ mehˇ shuiˇ taˬ bi shuiˇ tawˆ. Yaw tsaˬ yaw dawˇ jeˬ-ahˇ kʼaˇ mˇ-eu tsawˇ haˬ-aˬ, Ka li tsaˬ-eu dawˇ-eu loꞈ-ehˇ yawˬ ha kʼawꞈ tsaˬ-eu dawˇ-eu meh.

1 Saˬmeuˬlaˆ 12:7

Nymˬ-mˇ yawˬ ha-euˬ jawˇ duˬ-ahˇ yawˬ ha ciˬ cuˇ ni yawꞈ-awˬ. Naw maꞈ hawˇ-eu naw maꞈ-euˬ aˬ poeˬ aˬ bawˇ deuˬ-ahˇ ka kʼoꞈ-eu gʼaˇ duˬ, Sahˬpaˬ Miˬyehˇ neh mˇ-euˬ huiˬ-eu gaˇ deuˬ naw maꞈ-ahˇ ja mehˬ-eu laꞈ kʼoeˇ, Sahˬpaˬ Miˬyehˇ mehˬ shi ngaˇ naw maꞈ-ahˇ saˇ kiˇ kamˬ-eu ma.