Gʼaˬkʼehˇ 24:20 - Akha

²⁰ Maˬ ngeuˇ naˇ, Baꞈdzah mehˬ shi ngaˇ yawꞈ leˇ ngeh, ngaˬ-euˬ yaw lehˬ aˬ geu jeˬ mawˇ taˬ-euˬ jaˆ te lehˇ, heu gaˇ oe taˬ-euˬ tsawˇ haˬ teu deuˬ-ahˇ bi ehˇ haw sheˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Maqngeur nar-aq, khavma armur-euq maeqshi, ngar yawfluf ngae, ngar tiqjeqnav mrlaeq-euq gar mawrtaq-euq jav nar-aq, bi aerdovlaf sher-eq.

Gʼaˬkʼehˇ 24:20 ပူးပေါင်းရင်းမြစ်များ

1 Sahˬpaˬ 18:18

Eˇliˇyaˆ ehˇ-eu, “Ngaˇ-aˬ, laˆ suˬ saˬ-eu tsawˇ haˬ maˬ ngeuˇ. Laˆ suˬ saˬ-eu tsawˇ haˬ-aˬ, nawˇ hawˇ-eu nawˬ da-euˬ nymˇ jiˇ meh. Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ naw maꞈ maˬ naˇ haˬ ni, Baˬlaˇ miˬ yehˇ-euˬ tahˬ pahˬ aˬ ma mawˇ kawˇ-ahˇ naw maꞈ uˬ duˬ tahˬ-euˬ meh.

Daˬyeˬlaˇ 6:5

“Daˬyeˬlaˇ-ahˇ uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-awˇ yaw lehˬ poˆ-eu maˬ ngeuˇ naˇ, Daˬyeˬlaˇ-euˬ yaw lehˬ aˬ dui maˬ poˆ doˆ nya luꞈ-a” lehˇ, aˬ yawꞈ maꞈ tiˬ gʼaˬ tiˇ gʼaˬ ehˇ-eu meh.

Maꞈtehˬ 5:22

Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Yawˬ ha-euˬ mehˇ nmˇ -ahˇ nui ma pehˇ-eu tsawˇ haˬ aˬ geu gʼaˬ maˬ kaˬ, yaˇ kʼaˬ daˇ gaˇ ya daˬ tehꞈ-a. Yawˬ ha-euˬ mehˇ nmˇ-ahˇ yaˬ kʼehˇ yaˬ-eu tsawˇ haˬ-aˬ, yaˇ kʼaˬ daˇ-eu deuˬ-euˬ mehˬ shi bi sheuˬ keuˆ gʼeh tehꞈ-a. Yawˬ ha-euˬ mehˇ nmˇ-ahˇ, ‘Miˬyehˇ-ahˇ maˬ siˬ nya-eu tsawˇ cawˆ’ lehˇ ehˇ-eu tsawˇ haˬ-aˬ, shiˬ buiˇ lah ma-ahˇ ya shaˬ tehꞈ-a.

1 Saˬmeuˬlaˆ 12:5

Saˬmeuˬlaˆ ehˇ-eu, “Sahˬpaˬ Miˬyehˇ hawˇ-eu aˬ yawꞈ neh tseˇ doˆ taˬ-euˬ sahˬ paˬ heu gʼaˬ-aˬ, ngaˬ neh mˇ lehˬ taˬ-euˬ tiˬ jeˬ-iˬ maˬ jaˆ-a lehˇ iˬ nah naw maꞈ ehˇ-eu dawˬ heu dawˬ-euˬ saˇ kiˇ pyeuꞈ-eu ma.” Aˬ yawꞈ maꞈ ehˇ-eu, “Ngeuˇ meh. Sahˬpaˬ Miˬyehˇ-aˬ, aˬ dui maꞈ-euˬ saˇ kiˇ pyeuꞈ-eu ma.”