Gʼaˬkʼehˇ 24:18 - Akha

¹⁸ Ngaˇ kʼoeˇ loꞈ-ehˇ mˇ luꞈ-awˇ, gʼawˇ mawˇ shawˇ-eu zahˇ jahˇ gʼaˬ ngeh, Uˬ duˬ tahˬ nymˇ nymˇ ma laꞈ kʼoeˇ aˬ yawꞈ maꞈ ngaˬ-ahˇ mawˇ-euˬ meh. Ngaˬ nehˬ-ehˇ tsawˇ haˬ aˇ maꞈ maˬ jawˇ-euˬ uˬ taꞈ, lawꞈ gʼa-eu jeˬ kʼawꞈ maˬ jaˆ-aˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Ngar, tsawrhaq armaf mafma hawr-eu luiqgha lar-euq deuq naeq-aer jawr-eu maqngeur-aer, ngar, uqduq tanqnymr nymrma-euq lafkhoer mawrdo shawr-eu zanr janrluf-eu gar, Aqsir mircoer-anr nae oe-euq Yurdav tsawrhaq heumyav ghaq, ngaq-anr mawr-euq mae.

Gʼaˬkʼehˇ 24:18 ပူးပေါင်းရင်းမြစ်များ

Yoˇhaˬ 18:21

Aˬ jeˬ miˇ neh nawˇ ngaˬ-ahˇ pyehˆ tseˇ naˇ haˬ te. Ngaˬ-euˬ dawˬ-ahˇ ya gaˬ-euˬ tsawˇ haˬ deuˬ-ahˇ ngaˇ aˬ jeˬ ehˇ ta lehˇ naˇ hawˬ-awˬ.”

Gʼaˬkʼehˇ 2:9

Aˬ dui maꞈ-aˬ, Baˬtiˇ miˇkʼahˬ, Meˬdiˇ miˇkʼahˬ, Eˇlamˬ miˇ kʼahˬ, Maˬsoˬpoˬtaˬmiˇ miˇ kʼahˬ, Yuˇdaˆ miˇ kʼahˬ, Gaˬbaˬdawˇciˆ miˇ kʼahˬ, Boˬtuˆ miˆ kʼahˬ, Aˬshaˆ miˇ kʼahˬ,

Gʼaˬkʼehˇ 21:24

Aˬ yawꞈ maꞈ nehˬ-ehˇ le-awˇ gʼawˇ mawˇ shawˇ-eu zahˇ jahˇ leˇ-awˬ. Aˬ yawꞈ maꞈ uˬ jehˆ jehˆ dzeh nya ni aˬ yawꞈ maꞈ gʼaˇ duˬ aˇ poeˬ biꞈ nehˬ-awˬ. Kʼoeˇloꞈ-ehˇ jahˇ naˇ, nawˬ-euˬ gaˇ kawˆ aˬ cawˬ kʼaˇ ehˇ-eu loꞈ-ehˇ maˬ ngeuˇ law hawˇ ngaˬ lehˇ yawˬ gʼaˬ na luꞈ ya siˬ duˬ-eu uˬ taꞈ, nawˇ kʼawꞈ Moˇseˬ-euˬ Zahˇ dawˬ kʼoꞈ dawˬ-ahˇ caw teh-awˇ dehꞈ luꞈ gaˇ aˬ yawꞈ maꞈ ya mawˇ tehꞈ-a.

Gʼaˬkʼehˇ 24:12

Uˬ duˬ tahˬ nymˇ nymˇ ma laꞈ kʼoeˇ maˬ ehˇ, uˬ duˬ tahˬ nymˇ nui deuˬ laꞈ kʼoeˇ maˬ ehˇ, meuˬ laꞈ kʼoeˇ tiˬ gaˇ na maˬ ehˇ, ngaˇ aˬ cawˬ nehˬ-ehˇ tsawˇ pyehˇ pyehˇ gaˇ Yuˇdaˆ tsawˇ haˬ deuˬ neh mawˇ taˬ-euˬ maˬ jaˆ-a. Aˬ cawˬ luiˬ gʼa laˇ ni ngaˇ jahˇ gaˇ aˬ yawꞈ maꞈ neh mawˇ taˬ-euˬ kʼawꞈ maˬ jaˆ-a.

Gʼaˬkʼehˇ 26:21

Ngaˇ kʼoeˇ loꞈ-ehˇ mehˬ-euˬ baˬ da neh, Uˬ duˬ tahˬ nymˇ nymˇ ma laꞈ kʼoeˇ Yuˇdaˆ tsawˇ haˬ deuˬ ngaˬ-ahˇ nyehꞈ-awˇ sehꞈ-eu lehˇ leh jeh-euˬ meh.

Gʼaˬkʼehˇ 6:9

Kuˇleˬniˬ meuˬ hawˇ-eu Aˬleˬsaˬduˇ meuˬ-ahˇ jawˇ-eu Yuˇdaˆ tsawˇ haˬ deuˬ ahˇ leˇ taˬ-euˬ, Buˬ-iˇ-euˬ tsawˇ haˬ deuˬ -euˬ uˬ duˬ tahˬ nymˇ lehˇ ehˇ-eu aˇ muˇ kʼoeˇ muˇ-ahˇ taꞈ-eu tsawˇ haˬ deuˬ hawˇ-eu, Giˇliˇciˆ miˇ kʼahˬ hawˇ-eu Aˬshaˆ miˇ kʼahˬ-ahˇ jawˇ-eu Yuˇdaˆ tsawˇ haˬ tiˬ paˆ na deuˬ tuˇ laˇ-awˇ, Saˬteˬpaˬ-ahˇ tsawˇ pyehˇ pyehˇ-euˬ meh.