Gʼaˬkʼehˇ 24:14 - Akha

¹⁴ Ehˇ kʼawꞈ, nawˬ-euˬ mehˬ shi ngaˇ dawˇ coe ni heu loꞈ-ehˇ ja doˆ-eu ma. Aˬ yawꞈ maꞈ maˬ tsaˬ-a lehˇ ehˇ-eu Gaˇma kʼoeˇ kahˇ-ahˇ ngaˇ caw teh-eu laꞈ kʼoeˇ, nga maꞈ-euˬ aˬ poeˬ aˬ bawˇ deuˬ-euˬ Miˬyehˇ-ahˇ ngaˇ uˬ duˬ tahˬ luꞈ-eu ma. Ehˇ kʼawꞈ, Moˇseˬ-euˬ Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ kʼaˇ boꞈ taˬ-euˬ yawˬ jeˬ na luꞈ-ahˇ kʼawꞈ ngaˇ jah luꞈ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aerkhawf, ngar, nawq-anr dawrcoeni aerdov ma. Maqtsaq-eu baqmur laer aqyawfmaf kur-eu Yeqsur-euq Garma-anr ngar cantae luf-eu ma. Khoermirnae, ngar, ngaq-euq aqpoeq deuq-euq Miqyaer-anr uqduq tanqluf-awr, zanrdawq hawr-eu Miqyaer gharduq ngaeqdan-eu tsawrhaq deuq-euq sanqbof-euq lafkhoer khar boftaq-euq dawqtawv luf-anr khawf ngar jan-eu ma.

Gʼaˬkʼehˇ 24:14 ပူးပေါင်းရင်းမြစ်များ

1 Laˬsaˬbaˬ 29:18

Nga maꞈ-euˬ aˬ poeˬ Aˬbyaˬhaˬ, Iˇtsaˆ, Yaˬkoˆ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ tsawˇ haˬ heu deuˬ-euˬ nui ma laꞈ kʼoeˇ, heu loꞈ-ehˇ nawˬ-ahˇ uˬ duˬ tahˬ mawꞈ-euˬ jeˬ aˬ myah luꞈ gʼaˬ kʼaˆ-awˇ, aˬ myah luꞈ nawˬ-ahˇ saˇ jaˇ ziꞈ ni caw ba nehˬ-awˬ.

Jaceuq 119:46

Sahˬ paˬ sahˬ ma deuˬ-ahˇ nawˬ-euˬ zahˇ dawˬ kʼoꞈ dawˬ ngaˇ ja mehˬ-awˇ, shaꞈ dawˇ duˬ maˬ jaˆ ni dehꞈ ma.

Doˆ-iˇ 3:15

Aˬ yawꞈ maꞈ-euˬ aˬ poeˬ aˬ bawˇ deuˬ-euˬ Sahˬpaˬ Miˬyehˇ pyeuꞈ-eu, Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ neh, nawˬ-ahˇ aˬ yawꞈ maꞈ jawˇ gaˇ bi oe-euˬ meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Heu-aˬ, mˬ maˬ maˬ byaˆ zaˇ ziˇ ziꞈ-eu ngaˬ-euˬ tsawˇ myahˇ pyeuꞈ-eu ma. Tiˬ ziˇ saˇ-iˬ tiˬ ziˇ, ngaˬ-euˬ tsawˇ myahˇ-ahˇ heu loꞈ-ehˇ ya kuˇ tehꞈ-a.

Aˬmoˆ 8:14

‘Daˬ miˬ yehˇ-euˬ tsawˇ myahˇ uˬ moˆ’ lehˇ hawˇ-eu ‘Beˬlaˇsheˬba miˬ yehˇ-euˬ tsawˇ myahˇ uˬ moˆ’ lehˇ ehˇ ehˇ-ehˇ, Saˬmaˬliˆ meuˬ-ahˇ jaˆ-eu tahˬ pahˬ aˬ ma mawˇ kawˇ deuˬ-ahˇ laꞈ jeuˬ shaˇ-awˇ toˇ-eu tsawˇ haˬ deuˬ coˬ dzeh-awˇ, tiˬ jawˇ-iˬ maˬ paˇ tuˇ laˇ nya-aˇ.”

Miˇkaˬ 4:2

aˬ yawꞈ maꞈ heu loˇ ehˇ tehꞈ-a. “Sahˬpaˬ Miˬyehˇ-euˬ gawˬ jawˬ-ahˇ, Yaˬkoˆ-euˬ Miˬyehˇ-euˬ nymˇ-ahˇ, laˇ-awˬ, aˬ dui daˆ leˇ kaˇ-euˇ. Yawꞈ-euˬ gaˇ ma-ahˇ cah nya ni, yawꞈ aˬ dui-ahˇ mehˬ laꞈ tehꞈ-a.” Sahˬpaˬ Miˬyehˇ zahˇ dawˬ kʼoꞈ dawˬ, Ziˇoˬ gawˬ jawˬ-ahˇ doˆ le-awˇ, yawꞈ neh mehˬ-euˬ tsoˆ-euˬ dawˬ deuˬ, Yeˬluˇsaˬlehˬ-ahˇ doˆ le meh.

Maꞈtehˬ 10:32

“Tsawˇ haˬ tiˬ gʼaˬ na ngaˬ-ahˇ ha geuꞈ-eu ma lehˇ tsawˇ haˬ zaˬ deuˬ-euˬ mehˬ shi ehˇ naˇ, tsawˇ haˬ kʼoeˇ gʼaˬ ngaˬ-ahˇ ha geuꞈ-euˬ meh lehˇ, mˬ kʼoeˇ taˆ ngaˬ Da-euˬ mehˬ shi ngaˇ ehˇ ma.

Maꞈtehˬ 22:40

Moˇseˬ-euˬ Zahˇ dawˬ kʼoꞈ dawˬ dawˬ tawˆ luꞈ hawˇ-eu, Miˬyehˇ gʼaˇ duˬ ngehˬ dah-eu deuˬ neh kʼaˇ mehˬ kʼaˇ tsoˆ-euˬ dawˬ tawˆ luꞈ, zahˇ dawˬ kʼoꞈ dawˬ heu nyiˬ dawˬ laꞈ kʼoeˇ ahˇ leˇ jiˇ-euˬ meh.”

Maꞈtehˬ 7:12

“Aˬ cawˬ neh yawˬ ha-ahˇ kʼaˇ bi mˇ nehˬ mawꞈ-eu loꞈ-ehˇ, aˬ cawˬ-ahˇ mˇ nehˬ-awˬ. Aˬ jeˬ miˇ neh ehˇ naˇ, dawˬ heu dawˬ-aˬ, Moˇseˬ-euˬ Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ neh mehˬ taˬ tsoˆ taˬ-euˬ dawˬ deuˬ laꞈ kʼoeˇ, dawˬ ma yaw dzahˇ pyeuꞈ-eu meh.

Luˇkaꞈ 1:70

Aˇ hu tsawˇ muiˬ tsawˇ shawˇ pyeuꞈ-eu, Miˬyehˇ gʼaˇ duˬ ngehˬ dah nehˬ-eu, ngehˬ zaˬ tmˇ zaˬ deuˬ-ahˇ gʼoe-awˇ, aˬ dui-ahˇ bye-awˇ kʼehˬ laꞈ-euˬ, muiˇ-eu deuˬ dawˬ tawˆ-euˬ laꞈ-ahˇ, aˬ dui-ahˇ ka kʼoꞈ nehˬ ma lehˇ, aˬ yawꞈ saˇ jaˇ dzaˬ taˬ-euˬ meh.

Luˇkaꞈ 16:16

Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ boꞈ taˬ-euˬ deuˬ-aˬ, Iˇ cuꞈ shawˇ-eu Yoˇhaˬ maˬ doˆ le mi naˆ-ehˇ keuˆ ni-euˬ gʼaˇ duˬ meh. Yoˇhaˬ-euˬ ziˇ-ahˇ neh dahˬ beh-awˇ Miˬyehˇ Miˇkʼahˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-awˇ, tsawˇ haˬ yawˬ gʼaˬ na luꞈ tahˬ ceh ceh-awˇ kʼoeˇ gaˇ uˇ leˇ-eu leh jeh luꞈ meh.

Luˇkaꞈ 16:29

“Aˬbyaˬhaˬ ehˇ-eu, ‘Moˇseˬ hawˇ-eu Miˬyehˇ gʼaˇ duˬ ngehˬ dah-eu deuˬ jawˇ meh. Aˬ yawꞈ maꞈ-euˬ ehˇ dawˬ-ahˇ aˬ ha mehˇ nmˇ naˇ haˬ luꞈ-uˇ.’

Luˇkaꞈ 24:27

Kʼoeˇ naˇ, aˬ yawꞈ nyaꞈ-ahˇ Yeˬsuˇ ja shaw nehˬ-euˬ meh. Jaˇliꞈ laꞈ kʼoeˇ aˬ yawꞈ-euˬ gaˇ kawˆ kʼaˇ ehˇ taˬ-euˬ yawˬ jeˬ na luꞈ, Moˇseˬ neh boꞈ-euˬ sahˬ boꞈ deuˬ-ahˇ neh dahˬ beh-awˇ, Miˬyehˇ gʼaˇ duˬ ngeh dah-eu deuˬ neh boꞈ-euˬ sahˬ boꞈ deuˬ-ahˇ keuˆ ni, aˬ yawꞈ nyaꞈ gʼoˆ shaw nya ni Yeˬsuˇ ja mehˬ nehˬ-euˬ meh.

Luˇkaꞈ 24:44

Kʼoeˇ naˇ, aˬ yawꞈ maꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ neh boꞈ taˬ-euˬ sahˬ boꞈ deuˬ laꞈ kʼoeˇ maˬ ehˇ, Ja ceuˬ-eu sahˬ boꞈ laꞈ kʼoeˇ maˬ ehˇ, ngaˬ-euˬ gaˇ kawˆ boꞈ taˬ-euˬ yawˬ jeˬ na luꞈ, heu loꞈ-ehˇ pyeuꞈ laˇ-awˇ ya byah laˇ meh lehˇ, ngaˇ naw maꞈ nehˬ-ehˇ jawˇ ngeh neh naw maꞈ-ahˇ ehˇ nehˬ-euˬ ma.”

Yoˇhaˬ 1:45

Naˬdaˬneˬlaˇ-ahˇ Piˇluˇpuˆ mawˇ-awˇ ehˇ nehˬ-eu, “Moˇseˬ neh boꞈ-euˬ Zahˇ dawˬ kʼoꞈ dawˬ laꞈ kʼoeˇ hawˇ-eu Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ ehˇ taˬ-euˬ kʼoeˇ gʼaˬ-ahˇ nga maꞈ mawˇ-euˬ ma. Aˬ yawꞈ-aˬ, Naˬzaˬlehˇ meuˬ-ahˇ jawˇ-eu Yoˇsehˆ-euˬ aˬ li meh.”

Gʼaˬkʼehˇ 10:43

Aˬ yawꞈ-ahˇ kʼaˇ jah-eu tsawˇ haˬ dawˬ tawˆ luꞈ, aˬ yawꞈ tsawˇ myahˇ-euˬ baoˬ baˬ da neh iˬ baˇ pyehˬ-eu jeˬ-ahˇ za-eu gaˇ kawˆ, Miˬyehˇ gʼaˇ duˬ ngehˬ dah-eu tsawˇ haˬ dawˬ tawˆ luꞈ saˇ kiˇ kamˬ taˬ-euˬ jaˆ-eu meh.”

Gʼaˬkʼehˇ 13:15

Moˇseˬ-euˬ Zahˇ dawˬ kʼoꞈ dawˬ sahˬ boꞈ hawˇ-eu Miˬyehˇ gʼaˇ duˬ ngehˬ dah-eu deuˬ neh boꞈ-euˬ sahˬ boꞈ deuˬ-ahˇ gui gʼaˬ ngeh, uˬ duˬ tahˬ nymˇ-ahˇ aˬ yuiꞈ geuꞈ-eu deuˬ aˬ yawꞈ nyaꞈ-ahˇ heu loꞈ-ehˇ bi tsaꞈ gaˬ-iˇ-euˬ meh. “Tsawˇ haˬ heu deuˬ-ahˇ gʼaˬ biꞈ mawꞈ-eu jeˬ jaˆ naˇ, naw nyaꞈ-ahˇ dawˬ ngehˬ-eu aˇ yamˬ biꞈ mawꞈ miˇ-a.”

Gʼaˬkʼehˇ 15:5

Ehˇ kʼawꞈ, Paˬliˬsehˇ aˇ muˇ-ahˇ uˇ-eu jah-eu tsawˇ haˬ tiˬ paˆ na deuˬ tuˇ laˇ-awˇ, “Aˬ cawˬ tsawˇ jeuˬ gʼeh baˆ kʼoˆ mehˬ dzaˬ ya bi yehˬ-awˇ, Moˇseˬ-euˬ Zahˇ dawˬ kʼoꞈ dawˬ-ahˇ ya bi caw teh tehꞈ-a” lehˇ ehˇ-eu meh.

Gʼaˬkʼehˇ 19:23

Aˇ yamˬ kʼoeˇ yamˬ-ahˇ, Sahˬpaˬ Yeˬsuˇ-euˬ Gaˇma baˬ da neh Eˇpeˇsu meuˬ laꞈ kʼoeˇ suˬ saˬ dui dui-eu jeˬ keuˆ le-euˬ meh.

Gʼaˬkʼehˇ 19:9

Ehˇ kʼawꞈ, tiˬ paˆ na deuˬ nui ma gʼahˇ-eu laꞈ kʼoeˇ maˬ jah ni jawˇ-awˇ, aˬ cawˬ-euˬ mehˬ shi Sahˬpaˬ Yeˬsuˇ-euˬ Gaˇma-ahˇ ja bu ja doeˇ-euˬ meh. Kʼoeˇ miˇ neh, Pawˇluˆ jah-eu tsawˇ haˬ deuˬ-ahˇ sheuˬ-awˇ aˬ yawꞈ maꞈ jawˇ gaˇ neh iˇ doˆ-euˬ meh. Kʼoeˇ naˇ, Duˇlaˬnmˇ hawˇ nymˇ laꞈ kʼoeˇ, yawˬ nah na luꞈ Miˬyehˇ dawˬ kawˬ ja sawˇ mehˬ nehˬ-euˬ meh.

Gʼaˬkʼehˇ 22:14

Aˬ yawꞈ ehˇ-eu, ‘Miˬyehˇ-euˬ nui kʼahˇ-ahˇ nawˇ siˬ nya laˇ ni maˬ ehˇ, aˬ yawꞈ-euˬ tsaˬ-eu dawˇ-eu Zaˬkʼaˆ-ahˇ ya mawˇ ni maˬ ehˇ, aˬ yawꞈ-euˬ kʼaˬ meh dawˬ ngehˬ gaˇ ya gaˬ ni maˬ ehˇ, aˬ dui-euˬ aˬ poeˬ aˬ bawˇ deuˬ-euˬ Miˬyehˇ nawˬ-ahˇ tseˇ doˆ-euˬ meh.

Gʼaˬkʼehˇ 24:22

Kʼoeˇ ngeh, Gaˇma kʼoeˇ kahˇ gaˇ kawˆ siˬ nya taˬ-euˬ Peˬliˇ-aˬ, “Guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ pyeuꞈ-eu Luˇsiˆ oe keuˆ ngeh, naw maꞈ-euˬ gaˇ kawˆ heu hmˬ ngaˇ daˇ tsehˆ nehˬ ma” lehˇ ehˇ-awˇ, gaˇ kawˆ kʼoeˇ hmˬ piˬ tehˬ-euˬ meh.

Gʼaˬkʼehˇ 24:5

Tsawˇ haˬ heu gʼaˬ-aˬ, guˆ laˇ paˬ-ehˇ gʼeh-eu haiˬ dui dui-eu tsawˇ haˬ tiˬ gʼaˬ pyeuꞈ-eu nga maꞈ ya mawˇ-euˬ ma. Miˇ tsaˬ kʼoeˇ taˆ kʼaˇ jawˇ-eu Yuˇdaˆ tsawˇ haˬ deuˬ suˬ saˬ laˇ ni gʼaˬ biꞈ-eu Naˬzaˬlehˇ aˇ muˇ -euˬ aˬ yuiꞈ tiˬ gʼaˬ pyeuꞈ-eu meh.

Gʼaˬkʼehˇ 25:8

Kʼoeˇ naˇ, Pawˇluˆ ehˇ kʼoꞈ nehˬ-eu, “Yuˇdaˆ tsawˇ jeuˬ-euˬ Zahˇ dawˬ kʼoꞈ dawˬ-ahˇ maˬ ehˇ, Uˬ duˬ tahˬ nymˇ nymˇ ma-ahˇ maˬ ehˇ, Loˇmaˆ miˇ kʼahˬ-ahˇ maˬ ehˇ, ngaˬ neh mˇ bahˬ taˬ-euˬ tiˬ jeˬ-iˬ maˬ jaˆ.”

Gʼaˬkʼehˇ 26:22

Ehˇ kʼawꞈ, iˬ nah keuˆ ni Miˬyehˇ ngaˬ-ahˇ caw ba nehˬ laꞈ-eu miˇ neh, heu gaˇ yawꞈ-awˇ, huiˬ zaˬ nyiˇ zaˬ heu myaˆ ni gʼeh-eu mehˬ shi saˇ kiˇ ya kamˬ luꞈ-eu ma. Nymˬ-mˇ ngaˇ ehˇ luꞈ-eu gaˇ kawˆ heu-aˬ, Miˬyehˇ gʼaˇ duˬ ngehˬ dah-eu deuˬ hawˇ-eu Moˇseˬ neh aˬ kaˇ heu loꞈ-ehˇ pyeuꞈ laˇ tehꞈ-a lehˇ ehˇ taˬ yaꞈ-euˬ gaˇ kawˆ aˬ yawꞈ tiˬ hmˬ ma.

Gʼaˬkʼehˇ 26:27

Sahˬ paˬ Aˬgiˇpaˆ-oˇ, Miˬyehˇ gʼaˇ duˬ ngehˬ dah-eu deuˬ-ahˇ nawˇ maˬ jah loˇ. Nawˇ jah meh lehˇ ngaˇ siˬ nya ma.”

Gʼaˬkʼehˇ 26:4

“Ngaˇ nyiˇ ngeh neh aˬ joˆ-ehˇ dehꞈ daˆ jawˇ daˆ laꞈ-euˬ gaˇ kawˆ, Yuˇdaˆ tsawˇ haˬ deuˬ siˬ nya jiˇ meh. Yaw beh ngaˬ-euˬ miˇ kʼahˬ-ahˇ aˬ joˆ-ehˇ dehꞈ yaꞈ-awˇ, aˇ nah Yeˬluˇsaˬlehˬ meuˬ-ahˇ aˬ joˆ-ehˇ dehꞈ-euˬ aˬ yawꞈ maꞈ siˬ nya jiˇ meh.

Gʼaˬkʼehˇ 26:6

Nymˬ-mˇ ngaˇ heu gaˇ heu loꞈ-ehˇ bi paꞈ-awˇ bi naˇ haˬ luꞈ-eu heu kʼawꞈ ni, aˬ dui-euˬ aˬ poeˬ aˬ bawˇ deuˬ-ahˇ Miˬyehˇ neh dzaˬ taˬ yaꞈ-euˬ saˇ jaˇ-ahˇ ngaˇ noeˬ tmˬ-eu baˬ da neh ya daˬ-eu jeˬ pyeuꞈ-eu ma.

Gʼaˬkʼehˇ 28:22

Ehˇ kʼawꞈ, iˬ nah nawˇ uˇ luꞈ-eu aˇ muˇ heu muˇ-ahˇ, yawˬ gaˇ na luꞈ aˬ cawˬ ja doeˇ-awˇ iˬ baˇ taˬ luꞈ-eu nga maꞈ ya siˬ duˬ taˬ-euˬ ma. Kʼoeˇ miˇ neh, nawˬ neh noeˬ taˬ-euˬ gaˇ kawˆ ja gaˇ nga maꞈ naˇ haˬ mawꞈ miˇ-a.”

Gʼaˬkʼehˇ 28:23

Kʼoeˇ naˇ, aˬ yawꞈ maꞈ aˇ nah tiˬ nah laˆ duˬ-awˇ, aˇ nah kʼoeˇ nah keuˆ laˇ ngeh, tsawˇ haˬ gʼawˬ mya ni Pawˇluˆ jawˇ gaˇ uiˬ laˇ-euˬ meh. Uˬ shawˬ paw neh uˬ ciꞈ paw keuˆ ni, Pawˇluˆ neh aˬ yawꞈ maꞈ-ahˇ Miˬyehˇ Miˇkʼahˬ gaˇ kawˆ ja mehˬ-awˇ, Moˇseˬ-euˬ Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ neh boꞈ taˬ-euˬ gaˇ kawˆ-ahˇ gʼoe gʼoe-ehˇ, Yeˬsuˇ-euˬ gaˇ kawˆ-ahˇ jah laˇ ni leh jeh-awˇ mehˬ nehˬ-euˬ meh.

Gʼaˬkʼehˇ 3:13

Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu aˬ dui maꞈ-euˬ aˬ poeˬ aˬ bawˇ deuˬ-euˬ Miˬyehˇ neh, a yawꞈ-euˬ Zaˬ kʼaˆ Yeˬsuˇ-ahˇ muiˬ-eu shawˇ-eu yaw shehꞈ kʼahˬ sehˇ biꞈ nehˬ-euˬ meh. Ehˇ kʼawꞈ, aˬ yawꞈ-ahˇ miˇ kʼahˬ sahˬ paˬ sahˬ ma deuˬ-euˬ aˬ laꞈ laꞈ kʼoeˇ naw maꞈ a nehˬ-awˇ, aˬ yawꞈ-ahˇ pyehˬ nehˬ-eu gʼaˇ duˬ sahˬ paˬ Piˇlaˆ noeˬ tsehˆ gʼaˬ-euˬ kʼawꞈ, sahˬ paˬ Piˇlaˆ mehˬ shi aˬ yawꞈ-ahˇ naw maꞈ iˬ baˆ poˆ-euˬ meh.

Gʼaˬkʼehˇ 5:30

Naw maꞈ neh laꞈ yaꞈ kʼoeˇ taˆ taꞈ tehˬ-awˇ bi shiˇ-euˬ Yeˬsuˇ-ahˇ, aˬ dui-euˬ aˬ poeˬ aˬ bawˇ deuˬ-euˬ Miˬyehˇ neh paˇ bi gʼoꞈ dehꞈ laˇ-euˬ meh.

Gʼaˬkʼehˇ 7:32

‘Ngaˇ-aˬ, naw maꞈ-euˬ aˬ poeˬ aˬ bawˇ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ ma’ lehˇ ehˇ-eu meh. Kʼoeˇ ngeh, Moˇseˬ guˆ dui dui-eu miˇ neh yaw dzuˬ dzuˬ-awˇ, maˬ haw cawˬ peuˬ-a.

Gʼaˬkʼehˇ 9:2

Daˬmaˬsehˇ meuˬ-ahˇ jaˆ-eu Yuˇdaˆ tsawˇ haˬ-euˬ uˬ duˬ tahˬ nymˇ deuˬ-ahˇ sahˬ boꞈ bi boꞈ nehˬ-eu gʼaˇ duˬ shaˇ leˇ-euˬ meh. Sahˬpaˬ Yeˬsuˇ-euˬ Gaˇma -ahˇ cah-eu deuˬ-ahˇ kʼoeˇ gaˇ ya mawˇ lawˬ naˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, Yeˬluˇsaˬlehˬ meuˬ-ahˇ nyehꞈ ka leꞈ nya ni sahˬ boꞈ bi boꞈ nehˬ-eu lehˇ shaˇ leˇ-euˬ meh.

Lormav 1:9

Ngaˇ ehˇ-eu dawˬ heu deuˬ tsaˬ-eu gaˇ kawˆ saˇ kiˇ-aˬ, Miˬyehˇ meh. Aˬ jeˬ miˇ neh ehˇ naˇ, ngaˇ nui ma keuˆ dui dui-awˇ aˬ yawꞈ-euˬ Zaˬmaˇ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu laꞈ kʼoeˇ aˬ yawꞈ-euˬ gaˇ mˇ luꞈ-eu ma. Ngaˇ naw maꞈ-ahˇ noeˬ keuˆ luꞈ meh lehˇ Miˬyehˇ siˬ nya meh.

Lormav 3:21

Tsawˇ haˬ zaˬ Miˬyehˇ-ahˇ tsaˬ leˇ tsahˇ leˇ nya ni Miˬyehˇ aˬ joˆ-ehˇ mˇ-euˬ gaˇ kawˆ, nymˬ-mˇ pah mehˬ nehˬ laꞈ-euˬ meh. Moˇseˬ-euˬ Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu tsawˇ haˬ deuˬ-aˬ, gaˇ kawˆ kʼoeˇ-euˬ saˇ kiˇ pyeuꞈ-eu meh. Ehˇ kʼawꞈ, tsawˇ haˬ zaˬ Miˬyehˇ-ahˇ tsaˬ leˇ tsahˇ leˇ-eu jeˬ-aˬ, zahˇ dawˬ kʼoꞈ dawˬ-ahˇ tiˬ pawꞈ-iˬ maˬ taꞈ-a.

1 Gawˇliˬtu 11:19

Naw maꞈ-euˬ laꞈ kʼoeˇ muiˬ dzehˬ-eu tsawˇ haˬ deuˬ-ahˇ siˬ duˬ mawˇ duˬ laˇ ni, aˇ muˇ muˇ paˆ-eu jeˬ jaˆ laˇ-eu baw tehꞈ-a.

Gaˬlaˬtiˆ 5:20

tahˬ pahˬ aˬ ma mawˇ kawˇ-ahˇ uˬ duˬ tahˬ-eu, maw loˬ ja maw-ahˇ gʼoe-eu, tiˬ gʼaˬ tiˇ gʼaˬ muiˇ-eu, dawꞈ-eu ceh-eu, mehˇ juiˇ juiˇ-eu, nui ma pehˇ-eu, yawˬ ha gʼaˇ duˬ tehꞈ-ehˇ shaˇ noeˬ-eu, gʼawˬ-iˇ gʼehˇ-iˇ-eu, aˇ muˇ muˇ paˆ-eu nui ma ahˇ-eu,

2 Tiˆmoˇseˬ 1:3

Aˇ hu ngaˬ-euˬ aˬ poeˬ aˬ bawˇ deuˬ Miˬyehˇ-euˬ guiˬ lahˬ-ahˇ ja ceuˬ-euˬ loꞈ-ehˇ, ngaˬ-euˬ siˬ nya-eu nui ma shawˇ jehˆ ni taˬ-awˇ gaˇ mˇ nehˬ luꞈ-eu Miˬyehˇ-euˬ guiˬ lahˬ-ahˇ ngaˇ ja ceuˬ-eu ma. Uˬ ciꞈ nah gʼaˇ maˬ ehˇ ngaˇ guiˬ lahˬ kʼaˇ shaˇ ngeh, nawˬ-ahˇ noeˬ keuˆ-awˇ Miˬyehˇ-euˬ guiˬ lahˬ-ahˇ ja ceuˬ-eu ma.

Tiˇtuˆ 3:10

Aˇ muˇ biˇ paˆ-eu lehˇ leh jeh-eu tsawˇ haˬ-ahˇ, kʼaˇ teˬ-eu nyiˬ poˆ keuˆ ni mehˬ nehˬ-awˇ, maˬ naˇ haˬ geuꞈ naˇ, byehˇ tsehˆ tsehˆ-awˬ.

1 Beˬtuˆluˆ 1:11

Ka kʼoꞈ-eu jeˬ heu aˬ geu ngeh yamˬ-ahˇ keuˆ le-awˇ, aˬ joˆ-ehˇ keuˆ le-eu gaˇ kawˆ aˬ yawꞈ maꞈ poˆ tseˇ-euˬ meh. Ka li ya daˬ-euˬ shaˬ zahˬ hawˇ-eu, kʼoeˇ sawˇ miˇ tsa yaw shehꞈ kʼahˬ sehˇ doˆ laˇ-euˬ gaˇ kawˆ, aˇ hu ba neh ngehˬ dah taˬ-euˬ jaˆ-eu meh. Kʼoeˇ loꞈ-ehˇ ngehˬ dah ngeh, Ka liˬ-euˬ Yaw sahˇ neh aˬ yawꞈ maꞈ-euˬ laꞈ kʼoeˇ jawˇ-awˇ toeˬ mehˬ nehˬ-euˬ aˇ nah aˇ yamˬ kʼoeˇ-aˬ, aˇ nah aˇ yamˬ heu yamˬ meh.

Panmaeq 19:10

Mˬ taˆ gʼaˬ kʼehˇ kʼoeˇ gʼaˬ-euˬ mehˬ shi ngaˇ ga byaˆ-awˇ uˬ duˬ tahˬ-eu lehˇ gʼeh-euˬ ma. Ehˇ kʼawꞈ, aˬ yawꞈ ehˇ-eu, “Teu loꞈ-ehˇ taˬ gʼeh. Ngaˇ-aˬ, nawˬ loꞈ-ehˇ Miˬyehˇ-euˬ zaˬ kʼaˆ tiˬ gʼaˬ pyeuꞈ-eu nawˬ-euˬ cawˬ ma. Nawˬ-euˬ aˬ yuiꞈ aˬ nyiˇ Ka li zaˬ deuˬ hawˇ-eu Yeˬsuˇ neh pah mehˬ-euˬ yaw tsaˬ yaw dawˇ jeˬ-ahˇ kʼaˇ tuˆ tehˬ luꞈ-eu deuˬ-euˬ cawˬ pyeuꞈ-eu ma. Miˬyehˇ-ahˇ uˬ duˬ tahˬ-awˬ.” Aˬ jeˬ miˇ neh ehˇ naˇ, Yeˬsuˇ neh pah mehˬ-euˬ yaw tsaˬ yaw dawˇ kʼoeˇ-aˬ, Miˬyehˇ gʼaˇ duˬ ngehˬ dah-eu deuˬ-ahˇ Miˬyehˇ neh bi noeˬ doˆ-euˬ yaw tsaˬ yaw dawˇ kʼoeˇ meh.