Gʼaˬkʼehˇ 24:10 - Akha

¹⁰ Kʼoeˇ naˇ, Pawˇluˆ dawˬ ngehˬ-eu gʼaˇ duˬ sahˬ paˬ Peˬliˇ laꞈ dzawˇ dzawˇ nehˬ ngeh, Pawˇluˆ heu loꞈ-ehˇ ehˇ-eu meh. “Nawˇ-aˬ, miˇ kʼahˬ heu kʼahˬ kʼoeˇ taˆ yaˇ kʼaˬ daˇ-eu gʼaˬ geuꞈ luꞈ-eu gʼawˬ mya kʼoꞈ byah laˇ-euˬ meh. Kʼoeˇ miˇ neh, nawˬ-euˬ mehˬ shi ngaˬ-euˬ gaˇ kawˆ ya dzawˇ mehˬ-eu nui kʼahˇ shiˇ dui dui nya.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoernar-aq, dawq ngaeqnya taef-a laer sanqpaq Peqlir, Pawrluv-anr lafdzawr dzawrnaeq ngae, Pawrluv heulof-aer aer-eu mae: “Nawr, mirkhanq heukhanq-anr yarkhaq dar-eu ghaq geufluf-eu ghawqmya khof byanlar-euq mae laer, ngar siqnya-eu mirnae, nawq-euq maeqshi ngar laqkhaq caertavni ngaq-euq garkawv jashawnaeq ma.

Gʼaˬkʼehˇ 24:10 ပူးပေါင်းရင်းမြစ်များ

Luˇkaꞈ 12:11

“Naw maꞈ-ahˇ yaˇ kʼaˬ bi daˇ-eu lehˇ, uˬ duˬ tahˬ nymˇ-ahˇ maˬ ehˇ, miˇ kʼahˬ sahˬ paˬ sahˬ ma jawˇ gaˇ maˬ ehˇ, a cawˬ naw maꞈ-ahˇ sheuˬ gʼeh ngeh, aˬ joˆ-ehˇ ya ehˇ kʼoꞈ nehˬ-awˇ, aˬ joˆ-ehˇ ya ngehˬ ya tmˇ-eu gaˇ kawˆ kʼahˬ taˬ lahˇ.

Luˇkaꞈ 12:14

Yeˬsuˇ aˬ yawꞈ-ahˇ ehˇ nehˬ-eu, “Cawˬ-oˇ, naw nyaꞈ nmˇ-ahˇ yaˇ kʼaˬ daˇ-eu gʼaˇ duˬ maˬ ehˇ, jeˬ biˇ paˆ nehˬ-eu gʼaˇ duˬ maˬ ehˇ, aˬ suˇ gʼaˬ neh ngaˬ-ahˇ aˇ yaˬ biꞈ taˬ ta.”

Luˇkaꞈ 18:2

“Meuˬ tiˬ meuˬ laꞈ kʼoeˇ, Miˬyehˇ-ahˇ maˬ guˆ-ehˇ, tsawˇ haˬ-ahˇ kʼawꞈ yaw zeu maˬ baw-eu yaˇ kʼaˬ daˇ-eu tsawˇ haˬ tiˬ gʼaˬ jawˇ-eu meh.

Gʼaˬkʼehˇ 12:17

Aˬ yawꞈ maꞈ ciˬ cuˇ ni jawˇ-eu gʼaˇ duˬ aˬ yawꞈ laꞈ dzawˇ dzawˇ nehˬ-awˇ, Sahˬpaˬ Miˬyehˇ neh aˬ yawꞈ-ahˇ paꞈ kuˆ laꞈ kʼoeˇ aˬ joˆ-ehˇ sheuˬ doˆ laˬ le-euˬ gaˇ kawˆ dzawˇ mehˬ nehˬ-awˇ, “Gaˇ kawˆ heu Yaˬkoˆ hawˇ-eu jah-eu tsawˇ haˬ deuˬ-ahˇ dzawˇ mehˬ nehˬ-awˬ” lehˇ ehˇ nehˬ-euˬ meh. Kʼoeˇ naˇ, aˬ yawꞈ doˆ-iˇ-awˇ, yawˬ gaˇ yawˬ iˇ-euˬ meh.

Gʼaˬkʼehˇ 13:16

Kʼoeˇ ngeh, Pawˇluˆ tsawˬ tuˇ laˇ-awˇ, laꞈ dzawˇ dzawˇ dzawˇ-ehˇ, heu loꞈ-ehˇ dawˬ ngehˬ ngehˬ-euˬ meh. “Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ hawˇ-eu, Miˬyehˇ-ahˇ uˬ duˬ kʼaˇ tahˬ-eu tsawˇ jeuˬ deuˬ-oˇ, ngaˇ ehˇ gaˇ tiˬ poˆ naˇ haˬ sheˇ.

Gʼaˬkʼehˇ 18:15

Ehˇ kʼawꞈ, dawˬ-euˬ gaˇ kawˆ, tsawˇ myahˇ-euˬ gaˇ kawˆ hawˇ-eu, naw maꞈ-euˬ zahˇ dawˬ kʼoꞈ dawˬ gaˇ kawˆ tsawˇ pyehˇ pyehˇ-eu tehꞈ miˇ neh, naw maꞈ yawˬ haˇ yawˬ ha jahˇ jiˇ-awˬ. Ngaˇ teu loꞈ-ehˇ gʼeh gaˇ yaˇ kʼaˬ daˇ-eu tsawˇ haˬ maˬ ngeuˇ.”

Gʼaˬkʼehˇ 19:33

Tsawˇ haˬ tiˬ paˆ na deuˬ-aˬ, Aˬleˬsaˬduˇ lehˇ kuˇ-eu gʼaˬ-ahˇ neh ahˇ-eu nga lehˇ noeˬ-eu meh. Aˬ jeˬ miˇ neh ehˇ naˇ, Yuˇdaˆ tsawˇ haˬ deuˬ neh aˬ yawꞈ-ahˇ aˬ cawˬ mehˬ shi dehˬ daˆ nehˬ-euˬ meh. Kʼoeˇ naˇ, ciˬ cuˇ ni jawˇ-eu gʼaˇ duˬ, tsawˇ haˬ aˇ maꞈ-ahˇ Aˬleˬsaˬduˇ laꞈ dzawˇ dzawˇ nehˬ-awˇ, aˬ yawꞈ tiˬ jeˬ-iˬ maˬ lehˬ-eu gaˇ kawˆ ja shaw nehˬ-eu lehˇ gʼeh-eu meh.

Gʼaˬkʼehˇ 21:40

Yaw huiˬ yaw mahˇ kʼoeˇ gʼaˬ Pawˇluˆ-ahˇ dawˬ ngehˬ-eu aˬ kawˬ-aˬ biꞈ-euˬ meh. Kʼoeˇ ngeh, Pawˇluˆ dawˬ dzm kʼoeˇ taˆ yawꞈ-awˇ, tsawˇ haˬ kʼoeˇ deuˬ-ahˇ ciˬ cuˇ ni jawˇ-eu gʼaˇ duˬ laꞈ dzawˇ dzawˇ nehˬ-euˬ meh. Aˬ yawꞈ maꞈ ciˬ cuˇ ni jawˇ ngeh, aˬ yawꞈ Heˬbyehˇ dawˬ ngehˬ-awˇ heu loꞈ-ehˇ ehˇ nehˬ-euˬ meh.

Gʼaˬkʼehˇ 23:24

Pawˇluˆ bi dziˬ-eu mahˬ kʼawꞈ lehˬ hmˬ nehˬ-awˇ, sahˬ paˬ Peˬliˇ jawˇ gaˇ yaw muiˬ paˬ-ehˇ sheuˬ keuˆ na nehˬ-iˇ-awˬ.”

Gʼaˬkʼehˇ 26:1

Sahˬ paˬ Aˬgiˇpaˆ Pawˇluˆ-ahˇ ehˇ-eu, “Nawˬ-euˬ gaˇ kawˆ nawˇ ngehˬ-eu aˬ kawˬ-aˬ jaˆ meh.” Kʼoeˇ ngeh, Pawˇluˆ aˬ laꞈ caw ja-awˇ, aˬ yawꞈ-euˬ gaˇ kawˆ heu loꞈ-ehˇ ehˇ-eu meh.

1 Beˬtuˆluˆ 3:15

Ehˇ kʼawꞈ, naw maꞈ-euˬ nui ma laꞈ kʼoeˇ Ka li-ahˇ yaw zeu baw-awˇ, aˬ yawꞈ-ahˇ Sahˬpaˬ loꞈ-ehˇ taˬ huiˬ taˬ mahˇ-awˬ. Naw maꞈ-euˬ laꞈ kʼoeˇ ahˇ-eu noeˬ tmˬ taˬ-euˬ gaˇ kawˆ kʼaˇ naˇ haˬ laˇ-eu tsawˇ haˬ-ahˇ yaw muiˬ paˬ-ehˇ ja mehˬ nehˬ nya ni, aˬ myah luꞈ lehˬ hmˬ taˬ-awˬ.

1 Saˬmeuˬlaˆ 2:25

Tsawˇ haˬ nyiˬ gʼaˬ yaw kaˬ mˇ lehˬ naˇ, Miˬyehˇ aˇ kaˬ piˇ nehˬ nya meh. Ehˇ kʼawꞈ, Sahˬpaˬ Miˬyehˇ-ahˇ mˇ lehˬ-euˬ tsawˇ haˬ-ahˇ, aˬ suˇ gʼaˬ aˇ kaˬ piˇ nehˬ nya nmˇ.” Ehˇ kʼawꞈ, yawˬ ha aˬ da neh mehˬ nehˬ-euˬ dawˬ-ahˇ aˬ ha mehˇ nmˇ maˬ naˇ haˬ-a. Aˬ jeˬ miˇ neh ehˇ naˇ, aˬ yawꞈ maꞈ-ahˇ bi shiˇ-eu gʼaˇ duˬ, Sahˬpaˬ Miˬyehˇ noeˬ tsehˆ-awˇ lehˬ hmˬ laˆ saˆ taˬ gʼaˬ-euˬ meh.