Gʼaˬkʼehˇ 24:1 - Akha

¹ Ngaˬ nah byah laˇ ngeh, Piˇ ma Yaw huiˬ gʼaˬ pyeuꞈ-eu Aˬnaˬniˇ hawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ, dawˬ ngehˬ-eu bym dui dui-eu Deˬlaˬduˇluˆ lehˇ myahˇ-euˬ tsawˇ haˬ tiˬ gʼaˬ sheuˬ-awˇ Gehˇsaˬliˇ meuˬ-ahˇ iˇ-euˬ meh. Sahˬ paˬ Peˬliˇ-euˬ mehˬ shi aˬ yawꞈ maꞈ le-awˇ, Pawˇluˆ gaˇ kawˆ daˬ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngaq nan dzeur-euq nar-aq, Aqnaqnir pirma yawhuiq ghaq, aqyuif aqtsu heumyav ghaq hawr-eu Deqlaqdurluv laer kur-eu dawq zawr ngaeqnya-eu tiq ghaq laer oeka-awr, aqyawfmaf, Pawrluv-euq yawlaeq meuqsanr Peqlir-anr daqler-euq mae.

Gʼaˬkʼehˇ 24:1 ပူးပေါင်းရင်းမြစ်များ

Jaceuq 11:2

Yaw haiˬdeuˬkaˆngoꞈdaˆtaˬ-awˇ, yaw sui yaw dawˇ-euˬnui ma-ahˇ, yaw zahˇlaꞈkʼoeˇ beuˆcoˆ-eu lehˇ, kaˆmyaˬmawˬdawˇ-awˇloꞈluꞈmeh.

Iˇsaˬyaˇ 3:3

Guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ hawˇ-eu, miˇ kʼahˬ-ahˇ uˆ lahˇ-eu yaw huiˬ yaw mahˇ deuˬ maˬ ehˇ, zaˬ siˬ tsawˇ gahˇ byah-eu deuˬ hawˇ-eu mah loˬ nya-eu deuˬ maˬ ehˇ, jaˬ nehꞈ pyehˬ nya-eu deuˬ maˬ ehˇ, (dawˬ tawˆ luꞈ bi yuˇ dzeh jiˇ tehꞈ-a.)

Gʼaˬkʼehˇ 12:21

Ngehˬ cawˬ taˬ-euˬ aˇ nah keuˆ laˇ ngeh, Heˬloˆ-aˬ, sahˬ paˬ-euˬ dm gʼaˬ dm lmˇ dm-awˇ, aˬ yawꞈ-euˬ dzoeˬ dzaˬ nuiˇ mahˬ kʼoeˇ taˆ nuiˇ-awˇ, miˇ kʼahˬ zaˬ deuˬ-ahˇ dawˬ ngehˬ nehˬ-euˬ meh.

Gʼaˬkʼehˇ 21:27

Ehˇ kʼawꞈ, gʼawˇ mawˇ shawˇ-eu zahˇ jahˇ-eu aˇ yamˬ shiꞈ nah kʼoeˇ jiˇ-eu dawˬ peh peh laˇ ngeh, Aˬshaˆ miˆ kʼahˬ-ahˇ jawˇ-eu Yuˇdaˆ tsawˇ haˬ tiˬ paˆ na deuˬ, Uˬ duˬ tahˬ nymˇ nymˇ ma laꞈ kʼoeˇ Pawˇluˆ-ehˇ haw mawˇ-euˬ meh. Aˬ yawꞈ maꞈ tsawˇ haˬ aˇ maꞈ dawˬ tawˆ luꞈ-ahˇ laˆ luiˬ-awˇ, Pawˇluˆ-ahˇ tsuˆ tehˬ taˬ-euˬ meh.

Gʼaˬkʼehˇ 23:2

Pawˇluˆ-euˬ mehˬ boeˬ-ahˇ tehˆ-eu gʼaˇ duˬ, Pawˇluˆ-euˬ dawˬ peh yawꞈ luꞈ-eu tsawˇ haˬ deuˬ-ahˇ Piˇ ma Yaw huiˬ gʼaˬ pyeuꞈ-eu Aˬnaˬniˇ neh dawˬ biꞈ nehˬ-euˬ meh.

Gʼaˬkʼehˇ 23:24

Pawˇluˆ bi dziˬ-eu mahˬ kʼawꞈ lehˬ hmˬ nehˬ-awˇ, sahˬ paˬ Peˬliˇ jawˇ gaˇ yaw muiˬ paˬ-ehˇ sheuˬ keuˆ na nehˬ-iˇ-awˬ.”

Gʼaˬkʼehˇ 23:30

Aˬ yawꞈ-ahˇ aˬ cawˬ sehꞈ kʼoeˬ-eu lehˇ gʼeh-eu ngaˇ ya siˬ ngeh, tiˬ poˆ tehꞈ-ehˇ nawˇ jawˇ gaˇ bi sheuˬ ha le-eu gʼaˇ duˬ noeˬ tsehˆ-euˬ ma. Aˬ yawꞈ-ahˇ yaˇ kʼaˬ ja mawꞈ-eu tsawˇ haˬ deuˬ nawˬ-euˬ mehˬ shi ja-iˇ-awˬ lehˇ ngaˇ ehˇ nehˬ-euˬ ma.”

Gʼaˬkʼehˇ 23:33

Aˬ yawꞈ maꞈ aˬ yawꞈ-ahˇ Gehˇsaˬliˇ meuˬ-ahˇ sheuˬ keuˆ gʼeh-awˇ, sahˬ boꞈ kʼoeˇ taꞈ sahˬ paˬ kʼoeˇ gʼaˬ-ahˇ biꞈ-awˇ, Pawˇluˆ-ahˇ kʼawꞈ aˬ yawꞈ-euˬ aˬ laꞈ laꞈ kʼoeˇ a nehˬ-euˬ meh.

Gʼaˬkʼehˇ 23:35

Aˬ yawꞈ ehˇ-eu, “Nawˬ-ahˇ yaˇ kʼaˬ ja mawꞈ-eu tsawˇ haˬ deuˬ oe keuˆ ngeh hawˇ-eu nawˬ-ahˇ kʼaˇ naˇ haˬ paˬ-ehˇ gʼeh-eu jeˬ naˇ haˬ ma.” Kʼoeˇ naˇ, Pawˇluˆ-ahˇ yaw muiˬ paˬ-ehˇ loꞈ-awˇ Heˬloˆ neh gawˬ taˬ yaꞈ-euˬ sahˬ paˬ-euˬ yawˇ nymˇ lahˇ laꞈ kʼoeˇ bi jawˇ-eu gʼaˇ duˬ dawˬ biꞈ-euˬ meh.

Gʼaˬkʼehˇ 24:11

Ngaˇ Yeˬluˇsaˬlehˬ meuˬ-ahˇ uˬ duˬ tahˬ leˇ-euˬ tseˇ nyiꞈ nah maˬ byah laˇ-aˬ siˬ lehˇ nawˇ siˬ nya tehꞈ-a.

Gʼaˬkʼehˇ 24:2

Kʼoeˇ naˇ, Pawˇluˆ-ahˇ sheuˬ uˇ laꞈ-awˇ, Deˬlaˬduˇluˆ lehˇ kuˇ-eu kʼoeˇ gʼaˬ Pawˇluˆ gaˇ kawˆ heu loꞈ-ehˇ ehˇ-eu meh. “Huiˬ-eu mahˇ-eu sahˬ paˬ-oˇ, nawˇ zaˬ siˬ tsawˇ gahˇ byah-eu laꞈ kʼoeˇ miˇ kʼahˬ-ahˇ uˆ lahˇ-eu baˬ da neh, aˇ kʼoꞈ aˇ la gʼawˬ myahˇ ni nui saˇ oꞈ-awˇ coꞈ ngehˇ ni nga maꞈ ya dehꞈ-eu uˬ taꞈ, nga maꞈ-euˬ miˇ kʼahˬ muiˬ laˇ jaˬ laˇ ni yaw shuiꞈ gʼawˬ mya jeˬ beˬ paˇ laˆ paˇ nehˬ laꞈ gaˇ ya mawˇ-euˬ ma.

Gʼaˬkʼehˇ 25:15

Ngaˇ Yeˬluˇsaˬlehˬ meuˬ-ahˇ le ngeh, Yuˇdaˆ tsawˇ haˬ piˇ ma aˬ yuiꞈ deuˬ hawˇ-eu aˬ yuiꞈ aˬ tsu geuꞈ-eu deuˬ aˬ yawꞈ-euˬ gaˇ kawˆ ngaˬ-ahˇ ja nehˬ laꞈ-awˇ, aˬ yawꞈ-ahˇ yaˇ kʼaˬ daˇ-awˬ lehˇ ngaˬ-ahˇ shaˇ-eu meh.

Gʼaˬkʼehˇ 25:2

Kʼoeˇ ngeh, piˇ ma aˬ yuiꞈ deuˬ hawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ neh Pawˇluˆ-euˬ gaˇ kawˆ aˬ yawꞈ jawˇ gaˇ daˬ leˇ-euˬ meh. Sahˬ paˬ Beˬtuˇ-ahˇ aˬ yawꞈ maꞈ heu loꞈ-ehˇ shaˇ-euˬ meh.

1 Gawˇliˬtu 2:1

Aˬ yuiꞈ aˬ nyiˇ Ka li zaˬ deuˬ-oˇ, ngaˇ naw maꞈ jawˇ gaˇ oe-awˇ Miˬyehˇ-euˬ zaꞈ taꞈ-euˬ yaw tsaˬ yaw dawˇ jeˬ gaˇ kawˆ mehˬ le ngeh, za siˬ tsawˇ gahˇ naꞈ dui dui-eu dawˬ yaw huiˬ ngehˬ le-euˬ maˬ ngeuˇ.

1 Gawˇliˬtu 2:4

Ngaˬ neh ngehˬ-euˬ tmˇ-euˬ dawˬ deuˬ hawˇ-eu dawˬ mehˬ mehˬ-euˬ gaˇ kawˆ-aˬ, tsawˇ haˬ zaˬ-euˬ zaˬ siˬ tsawˇ gahˇ-ahˇ gʼoe-awˇ mehˇ shuiˇ shuiˇ le-euˬ maˬ ngeuˇ. Yaw sahˇ Miˬyehˇ-euˬ baoˬ gaˇ kawˆ saˇ kiˇ kamˬ le-euˬ tehꞈ ma.