Gʼaˬkʼehˇ 23:6 - Akha

⁶ Uiˬ laˇ taˬ-euˬ tsawˇ haˬ deuˬ laꞈ kʼoeˇ, tiˬ paˆ deuˬ Paˬliˬsehˇ deuˬ pyeuꞈ-awˇ tiˬ paˆ deuˬ Saˬduˬgehˇ deuˬ pyeuꞈ-eu Pawˇluˆ haw siˬ ngeh, Baꞈ dzah-ahˇ teˇ saˇ yaw kʼaˆ kʼaˆ-ehˇ guˇ-awˇ heu loꞈ-ehˇ ehˇ-eu meh. “Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, ngaˇ Paˬliˬsehˇ ma. Ngaˬ da kʼawꞈ Paˬliˬsehˇ meh. Shiˇ-euˬ tsawˇ haˬ deuˬ gʼoꞈ dehꞈ laˇ tehꞈ-a lehˇ ngaˇ noeˬ tmˬ-euˬ tiˬ jeˬ baˬ da neh, aˬ cawˬ neh bi nyehꞈ-awˇ heu loꞈ-ehˇ bi naˇ haˬ gaˇ ya daˬ luꞈ-eu ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Khoerngae, uiqlar taq-euq tsawrhaq deuq-euq lafkhoer, Paqliqsaer tiqpavnav deuq keuq-awr, tiqpavnav deuq-aq, Saqduqgaer nga laer Pawrluv yasiq ngae, tersar yawkhav-aer khavma armur-anr aernaeq-eu, “Aqyuif aqnyir deuq-or! Ngar-aq, Paqliqsaer ma. Ngaqda khawf Paqliqsaer mae. Shir-euq tsawrhaq ghofdaef lar-eu hawr-eu noeqtmq-eu jeq-euq garkawv-euq baqda’nae, ngar yarkhaq dar-eu gar ya daqluf-eu ma.”

Gʼaˬkʼehˇ 23:6 ပူးပေါင်းရင်းမြစ်များ

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Maꞈtehˬ 22:23

Kʼoeˇ ngeh nah, shiˇ-euˬ tsawˇ haˬ deuˬ maˬ gʼoꞈ dehꞈ laˇ nya-aˇ lehˇ ehˇ-eu Saˬduˬgehˇ deuˬ Yeˬsuˇ jawˇ gaˇ laˇ-awˇ, heu loꞈ-ehˇ naˇ haˬ-euˬ meh.

Maꞈtehˬ 3:7

Paˬliˬsehˇ deuˬ hawˇ-eu Saˬduˬgehˇ deuˬ kʼawꞈ, Yoˇhaˬ neh iˇ cuꞈ bi shawˇ-eu lehˇ oe luꞈ gaˇ Yoˇhaˬ ya mawˇ ngeh, heu loꞈ-ehˇ ehˇ nehˬ-euˬ meh. “Aˇ lawˇ uiˇ naˆ-euˬ zaˬ deuˬ-oˇ, Miˬyehˇ neh lehˬ hmˬ taˬ-euˬ kʼehˬ-eu kʼaˆ-eu jeˬ-ahˇ ya buˬ-iˇ ni jahˇ-awˬ lehˇ, naw maꞈ-ahˇ aˬ suˇ gʼaˬ ehˇ nehˬ laꞈ taˬ.

Gʼaˬkʼehˇ 22:3

“Ngaˇ-aˬ, Giˇliˇciˆ miˇ kʼahˬ Daˬsuˆ meuˬ-ahˇ dehꞈ le-euˬ Yuˇdaˆ tsawˇ haˬ tiˬ gʼaˬ pyeuꞈ-awˇ, Yeˬluˇsaˬlehˬ meuˬ laꞈ kʼoeˇ Gaˬmaˬleˬlaˇ jawˇ gaˇ tsawˇ gahˇ dzaw huiˬ laꞈ-euˬ tsawˇ haˬ ma. Aˬ dui-euˬ aˬ poeˬ aˬ bawˇ deuˬ-euˬ Zahˇ dawˬ kʼoꞈ dawˬ deuˬ-ahˇ ngaˇ yaw muiˬ paˬ-ehˇ dzaw duˬ-awˇ, iˬ nah heu gaˇ uiˬ laˇ taˬ-euˬ naw maꞈ loꞈ-ehˇ Miˬyehˇ-ahˇ nui ma keuˆ dui dui-eu tsawˇ haˬ tiˬ gʼaˬ ma.

Gʼaˬkʼehˇ 22:30

Yuˇdaˆ tsawˇ haˬ deuˬ Pawˇluˆ-ahˇ aˬ joˆ-ehˇ iˬ baˇ taˬ luꞈ-eu gaˇ kawˆ, Loˇmaˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ siˬ duˬ mawꞈ-eu meh. Kʼoeˇ miˇ neh, yawˬ nah yawˬ Pawˇluˆ-ahˇ paꞈ taˬ-euˬ shmˇ caˆ bi puiˇ-awˇ, piˇ ma aˬ yuiꞈ deuˬ hawˇ-eu Baꞈ dzah-ahˇ uˇ-eu tsawˇ haˬ dawˬ tawˆ luꞈ uiˬ laˇ-eu gʼaˇ duˬ dawˬ biꞈ-euˬ meh. Kʼoeˇ naˇ, Pawˇluˆ-ahˇ sheuˬ laꞈ-awˇ, aˬ yawꞈ maꞈ-euˬ mehˬ shi bi yawꞈ-euˬ meh.

Gʼaˬkʼehˇ 22:5

Ngaˇ ehˇ luꞈ-eu gaˇ kawˆ heu aˬ diˇ ngeuˇ meh lehˇ, Piˇ ma Yaw huiˬ gʼaˬ hawˇ-eu meuˬ-euˬ Baꞈdzah aˬ yuiꞈ aˬ tsu dawˬ tawˆ luꞈ siˬ duˬ mawˇ duˬ taˬ-euˬ meh. Daˬmaˬsehˇ meuˬ-ahˇ jawˇ-eu aˬ yuiꞈ aˬ nyiˇ Yuˇdaˆ tsawˇ haˬ deuˬ jawˇ gaˇ boꞈ nehˬ-euˬ sahˬ boꞈ, aˬ yawꞈ maꞈ ngaˬ-ahˇ biꞈ laꞈ-euˬ meh. Kʼoeˇ miˇ neh, kʼoeˇ gaˇ jawˇ-eu jah-eu tsawˇ haˬ kʼoeˇ deuˬ-ahˇ paꞈ-awˇ, Yeˬluˇsaˬlehˬ meuˬ-ahˇ tsahˇ ka leꞈ-awˇ kʼehˬ nehˬ-eu gʼaˇ duˬ, Daˬmaˬsehˇ meuˬ-ahˇ ngaˇ le-euˬ ma.

Gʼaˬkʼehˇ 23:1

Kʼoeˇ ngeh, Baꞈ dzah-ahˇ Pawˇluˆ haw tsoˆ taˬ-awˇ ehˇ-eu, “Aˬ yuiꞈ aˬ nyiˇ deuˬ-oˇ, iˬ nah keuˆ ni Miˬyehˇ mehˬ shi ngaˇ aˬ joˆ-ehˇ dehꞈ dzeuˇ jawˇ dzeuˇ laꞈ-euˬ gaˇ kawˆ ngaˬ-euˬ nui ma laꞈ kʼoeˇ shawˇ jehˆ ni jaˆ luꞈ ma.”

Gʼaˬkʼehˇ 23:15

Nymˬ-mˇ poˆ jawˇ-aˬ, Pawˇluˆ gaˇ kawˆ naw maꞈ yaw duˬ duˬ-ehˇ pyehˆ tseˇ duˬ mawꞈ nya lehˇ myahˇ-awˇ, aˬ yawꞈ-ahˇ naw maꞈ jawˇ gaˇ bi sheuˬ ha laˇ-eu gʼaˇ duˬ Loˇmaˆ guiˇ maꞈ-ahˇ uˆ lahˇ-eu yaw huiˬ yaw mahˇ kʼoeˇ gʼaˬ jawˇ gaˇ bi shaˇ leˇ-awˬ. Aˬ yawꞈ heu gaˇ maˬ ya oe keuˆ mi naˆ-ehˇ sehꞈ dzeh-eu gʼaˇ duˬ nga maꞈ lehˬ hmˬ-awˇ loꞈ ma.”

Gʼaˬkʼehˇ 23:20

Aˬ li kʼoeˇ li ehˇ-eu, “Pawˇluˆ-euˬ gaˇ kawˆ yaw muiˬ paˬ-ehˇ ya siˬ duˬ ni Baꞈ dzah mehˬ shi pyehˆ tseˇ haw mawꞈ nya lehˇ myahˇ-awˇ, Pawˇluˆ-ahˇ Baꞈ dzah-ahˇ bi sheuˬ ha le-eu gʼaˇ duˬ ni shawˬ nah nawˬ-ahˇ bi shaˇ laˇ-eu lehˇ Yuˇdaˆ tsawˇ haˬ aˬ yuiꞈ aˬ tsu deuˬ bawˬ dzaˬ tsaˬ taˬ-euˬ meh.

Gʼaˬkʼehˇ 23:7

Aˬ yawꞈ kʼoeˇ loꞈ-ehˇ ehˇ gʼaˬ-eu nehˬ-ehˇ, Paˬliˬsehˇ deuˬ hawˇ-eu Saˬduˬgehˇ deuˬ yaw kaˬ ja dzaˬ-awˇ, uiˬ laˇ taˬ-euˬ tsawˇ haˬ deuˬ aˇ muˇ nyiˬ muˇ paˆ-iˇ-euˬ meh.

Gʼaˬkʼehˇ 24:15

Tsawˇ muiˬ tsawˇ doeˇ dawˬ tawˆ luꞈ-ahˇ shiˇ-euˬ gaˇ paˇ bi gʼoꞈ dehꞈ laˇ tehꞈ-a lehˇ tsawˇ haˬ heu deuˬ Miˬyehˇ laꞈ kʼoeˇ noeˬ tmˬ-eu loꞈ-ehˇ, ngaˇ kʼawꞈ noeˬ tmˬ-eu ma.

Gʼaˬkʼehˇ 24:21

Aˬ yawꞈ maꞈ-euˬ mehˬ shi ngaˇ yawꞈ ngeh ngaˬ neh guˇ guˇ-ehˇ ehˇ-euˬ gaˇ kawˆ kʼoeˇ hmˬ-ahˇ toeˬ ceh kʼaˇ za-eu tehꞈ meh. ‘Shiˇ-euˬ tsawˇ haˬ deuˬ paˇ gʼoꞈ dehꞈ laˇ tehꞈ-a lehˇ ngaˇ jah-eu tiˬ jeˬ baˬ da neh, iˬ nah naw maꞈ neh nyehꞈ-awˇ heuꞈ loꞈ-ehˇ bi naˇ haˬ gaˇ ya daˬ luꞈ-eu ma’ lehˇ ehˇ-euˬ kʼoeˇ dawˬ-ahˇ toeˬ ceh kʼaˇ za-eu tehꞈ meh.”

Gʼaˬkʼehˇ 28:20

Kʼoeˇ miˇ neh, naw maꞈ-ahˇ ngaˇ tahˬ puˬ-awˇ ja cawˬ mawꞈ-eu ma. Dawˇ coe ni ya ehˇ naˇ, Iˇsaˬleˬlaˇ tsawˇ haˬ deuˬ noeˬ tmˬ luꞈ-eu gʼaˬ-euˬ gʼaˇ duˬ ngaˇ heu loꞈ-ehˇ shmˇ caˆ daˬ-awˇ jawˇ luꞈ-eu ma.”

Piˇliˇpiˆ 3:5

Ngaˇ-aˬ, dehꞈ le-awˇ tiˬ jaw byah laˇ ngeh neh baˆ kʼoˆ mehˬ dzaˬ bi yehˬ-euˬ tsawˇ haˬ ma. Iˇsaˬleˬlaˇ tsawˇ jeuˬ laꞈ kʼoeˇ ahˇ-eu Beˬyaˬmiˬ tsawˇ jeuˬ tiˬ gʼaˬ ma. Maˇ maˇ ni shawˇ jehˆ ni gʼeh-eu Heˬbyehˇ tsawˇ haˬ ma. Yuˇdaˆ tsawˇ haˬ-euˬ Zahˇ dawˬ kʼoꞈ dawˬ mehˬ nah caw teh-eu paw dzeˇ neh paˇ ehˇ leꞈ naˇ, ngaˇ-aˬ, Paˬliˬsehˇ tiˬ gʼaˬ ma.

Gawˇlawˇsehˇ 1:5

Maˇ jawˆ ni gʼeh-eu Miˬyehˇ-euˬ dawˬ kawˬ pyeuꞈ-eu Laˬ kʼaˬ cehˇ-eu Guiˬ lahˬ dawˬ naw maꞈ-ahˇ mehˬ beh beh laˇ ngeh, kʼoeˇ gaˇ taꞈ leˇ-eu noeˬ tmˬ-eu jeˬ gaˇ kawˆ naw maꞈ ya gaˬ-euˬ meh. Naw maꞈ jah-eu kʼoeˇ hawˇ-eu gʼoeˇ-eu gaˬ-eu kʼoeˇ-aˬ, naw maꞈ noeˬ tmˬ-eu kʼoeˇ-euˬ laꞈ kʼoeˇ neh doˆ laˇ-euˬ meh. Naw maꞈ noeˬ tmˬ-eu kʼoeˇ-ahˇ, naw maꞈ gʼaˇ duˬ Miˬyehˇ neh mˬ kʼoeˇ taˆ jeˬ hmˬ taˬ-euˬ meh.

HeˬByehˇ 6:19

Saˇ baoˬ maˬ bi luˆ-iˇ nya ni shmˇ kuˆ seuˬ seuˬ ma neh gʼeu tehˬ taˬ-euˬ loꞈ-ehˇ, aˬ dui dehꞈ-eu jeˬ maˬ poˆ maˬ paˇ laˇ nya ni, aˬ dui-euˬ noeˬ tmˬ-eu jeˬ kʼoeˇ aˬ dui-ahˇ ziꞈ dah ni bi jaˆ-eu meh. Noeˬ tmˬ-eu jeˬ kʼoeˇ aˬ dui-euˬ nui ma-ahˇ ziꞈ dah ni bi pyeuꞈ laˇ-awˇ, aˬ dui noeˬ tmˬ taˬ-euˬ gʼaˬ pyeuꞈ-eu Yeˬsuˇ-aˬ, mˬ kʼoeˇ taˆ jaˆ-eu uˬ duˬ tahˬ nymˇ nymˇ ma-ahˇ taw taˬ-euˬ saˬ paˇ lawˆ kaˬ le dzeuˇ-awˇ, muiˬ-eu shawˇ-eu jawˇ duˬ-ahˇ uˇ keuˆ leˇ-eu meh.