Gʼaˬkʼehˇ 23:35 - Akha

³⁵ Aˬ yawꞈ ehˇ-eu, “Nawˬ-ahˇ yaˇ kʼaˬ ja mawꞈ-eu tsawˇ haˬ deuˬ oe keuˆ ngeh hawˇ-eu nawˬ-ahˇ kʼaˇ naˇ haˬ paˬ-ehˇ gʼeh-eu jeˬ naˇ haˬ ma.” Kʼoeˇ naˇ, Pawˇluˆ-ahˇ yaw muiˬ paˬ-ehˇ loꞈ-awˇ Heˬloˆ neh gawˬ taˬ yaꞈ-euˬ sahˬ paˬ-euˬ yawˇ nymˇ lahˇ laꞈ kʼoeˇ bi jawˇ-eu gʼaˇ duˬ dawˬ biꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ aer-eu, “Nawq-anr yawlaeq daq-eu deuq oekeuv ngae, ngar, nawq-euq garkawv par narhaqduq ma.” Khoernar-aq, Pawrluv-anr Heqlor-euq guirmaf-euq dzoeqnymr-anr kalanr taq-awq laer dawq bif-euq mae.

Gʼaˬkʼehˇ 23:35 ပူးပေါင်းရင်းမြစ်များ

Yeˬlaˬmiˇ 38:13

Kʼoeˇ naˇ, aˬ yawꞈ maꞈ ngaˬ-ahˇ lah duˬ laꞈ kʼoeˇ neh gʼeu doˆ nehˬ laꞈ-euˬ meh. Lah duˬ laꞈ kʼoeˇ neh doˆ laˇ gʼaˬ ngeh jawˇ, sahˬ paˬ-euˬ hawˇ nymˇ lahˇ laꞈ kʼoeˇ ngaˬ-ahˇ ka lahˇ-awˇ bi jawˇ laꞈ-euˬ meh.

Maꞈtehˬ 2:1

Sahˬ paˬ Heˬloˆ uˆ lahˇ luꞈ-eu aˇ yamˬ laꞈ kʼoeˇ, Yuˇdaˆ miˇ kʼahˬ Behˬlehˬhehˬ meuˬ-ahˇ Yeˬsuˇ dehꞈ le-euˬ meh. Kʼoeˇ ngeh, aˬ guiˇ gaˇ kawˆ siˬ nya-eu zaˬ siˬ tsawˇ gahˇ ahˇ-eu deuˬ, nahˇ ma doˆ kʼehˬ paw neh Yeˬluˇsaˬlehˬ meuˬ-ahˇ laˇ-euˬ meh.

Maꞈtehˬ 2:16

Nahˇ ma doˆ kʼehˬ paw neh laˇ-euˬ zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ, aˬ yawꞈ-ahˇ tsawˇ gahˇ gahˇ-awˇ gʼoꞈ dzeuˇ-euˬ gaˇ kawˆ Heˬloˆ ya siˬ duˬ ngeh, nui ma pehˇ dui dui-euˬ meh. Kʼoeˇ ngeh, Behˬlehˬhehˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ kʼaˇ jawˇ-eu, nyiˬ kʼoꞈ-ahˇ neh laꞈ oˆ paw-euˬ aˬ li zaˬ nahˬ dawˬ tawˆ luꞈ-ahˇ sehꞈ jiˇ-eu gʼaˇ duˬ aˬ yawꞈ dawˬ biꞈ-euˬ meh. Zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ neh aˬ yawꞈ-ahˇ ehˇ nehˬ taˬ-euˬ aˬ guiˇ kʼoeˇ siˬ doˆ laˇ-euˬ aˇ yamˬ shaˇ sawˇ duˬ-awˇ, aˬ li zaˬ nahˬ deuˬ-ahˇ bi sehꞈ-eu gʼaˇ duˬ kʼoeˇ loꞈ-ehˇ dawˬ biꞈ-euˬ meh.

Maꞈtehˬ 2:3

Gaˇ kawˆ kʼoeˇ sahˬ paˬ Heˬloˆ ya gaˬ ngeh, nui ma tiˬ pawꞈ-iˬ maˬ saˇ-a. Kʼoeˇ loꞈ-ehˇ duˇ ni, Yeˬluˇsaˬlehˬ meuˬ meuˬ lah-ehˇ nui ma maˬ saˇ-a.

Maꞈtehˬ 27:27

Kʼoeˇ naˇ, sahˬ paˬ Piˇlaˆ-euˬ yehˇ deuˬ neh Yeˬsuˇ-ahˇ sahˬ paˬ-euˬ hawˇ nymˇ laꞈ kʼoeˇ sheuˬ gʼeh-awˇ, yehˇ tiˬ maꞈ maꞈ lah ni, aˬ yawꞈ-euˬ tiˬ jawˬ uiˬ le-euˬ meh.

Yoˇhaˬ 18:28

Yawˬ nah yawˬ uˬ shawˬ yaw naꞈ-ehˇ, Yeˬsuˇ-ahˇ Gaˬyaˬpaˇ-euˬ nymˇ-ahˇ neh sheuˬ doˆ gʼeh-awˇ, sahˬ paˬ-euˬ hawˇ nymˇ-ahˇ sheuˬ gʼeh-euˬ meh. Yuˇdaˆ tsawˇ haˬ aˬ yuiꞈ aˬ tsu deuˬ-aˬ, Baˬsaˬkaˬ Bawˬ-iˬ dzaˬ gaˇ uˇ leˇ-eu gʼaˇ duˬ yawˬ ha-euˬ gʼawˇ mawˇ maˬ bi jawꞈ-iˇ-ehˇ shawˇ jehˆ ni bi jaˆ mawꞈ-eu miˇ neh, sahˬ paˬ-euˬ hawˇ nymˇ laꞈ kʼoeˇ maˬ uˇ keuˆ leˇ ni jawˇ-euˬ meh.

Gʼaˬkʼehˇ 23:30

Aˬ yawꞈ-ahˇ aˬ cawˬ sehꞈ kʼoeˬ-eu lehˇ gʼeh-eu ngaˇ ya siˬ ngeh, tiˬ poˆ tehꞈ-ehˇ nawˇ jawˇ gaˇ bi sheuˬ ha le-eu gʼaˇ duˬ noeˬ tsehˆ-euˬ ma. Aˬ yawꞈ-ahˇ yaˇ kʼaˬ ja mawꞈ-eu tsawˇ haˬ deuˬ nawˬ-euˬ mehˬ shi ja-iˇ-awˬ lehˇ ngaˇ ehˇ nehˬ-euˬ ma.”

Gʼaˬkʼehˇ 24:1

Ngaˬ nah byah laˇ ngeh, Piˇ ma Yaw huiˬ gʼaˬ pyeuꞈ-eu Aˬnaˬniˇ hawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ, dawˬ ngehˬ-eu bym dui dui-eu Deˬlaˬduˇluˆ lehˇ myahˇ-euˬ tsawˇ haˬ tiˬ gʼaˬ sheuˬ-awˇ Gehˇsaˬliˇ meuˬ-ahˇ iˇ-euˬ meh. Sahˬ paˬ Peˬliˇ-euˬ mehˬ shi aˬ yawꞈ maꞈ le-awˇ, Pawˇluˆ gaˇ kawˆ daˬ leˇ-euˬ meh.

Gʼaˬkʼehˇ 24:10

Kʼoeˇ naˇ, Pawˇluˆ dawˬ ngehˬ-eu gʼaˇ duˬ sahˬ paˬ Peˬliˇ laꞈ dzawˇ dzawˇ nehˬ ngeh, Pawˇluˆ heu loꞈ-ehˇ ehˇ-eu meh. “Nawˇ-aˬ, miˇ kʼahˬ heu kʼahˬ kʼoeˇ taˆ yaˇ kʼaˬ daˇ-eu gʼaˬ geuꞈ luꞈ-eu gʼawˬ mya kʼoꞈ byah laˇ-euˬ meh. Kʼoeˇ miˇ neh, nawˬ-euˬ mehˬ shi ngaˬ-euˬ gaˇ kawˆ ya dzawˇ mehˬ-eu nui kʼahˇ shiˇ dui dui nya.

Gʼaˬkʼehˇ 24:19

Ehˇ kʼawꞈ, Aˬshaˆ miˇ kʼahˬ-ahˇ jawˇ-eu Yuˇdaˆ tsawˇ haˬ tiˬ deuˬ kʼoeˇ gaˇ jawˇ-eu meh. Aˬ yawꞈ maꞈ kʼawꞈ ngaˬ-ahˇ iˬ baˇ taˬ kʼaˇ za naˇ, nawˬ-euˬ mehˬ shi oe-awˇ ja-eu tsaˬ tehꞈ-a.

Gʼaˬkʼehˇ 24:22

Kʼoeˇ ngeh, Gaˇma kʼoeˇ kahˇ gaˇ kawˆ siˬ nya taˬ-euˬ Peˬliˇ-aˬ, “Guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ pyeuꞈ-eu Luˇsiˆ oe keuˆ ngeh, naw maꞈ-euˬ gaˇ kawˆ heu hmˬ ngaˇ daˇ tsehˆ nehˬ ma” lehˇ ehˇ-awˇ, gaˇ kawˆ kʼoeˇ hmˬ piˬ tehˬ-euˬ meh.

Gʼaˬkʼehˇ 24:23

Kʼoeˇ naˇ, Pawˇluˆ-ahˇ yaw muiˬ paˬ-ehˇ haw lahˇ-eu gʼaˇ duˬ, yehˇ tiˬ yaˇ gʼaˬ kʼoeˇ taˆ aˬ yuiꞈ geuꞈ-eu gʼaˬ-ahˇ aˬ yawꞈ dawˬ biꞈ-euˬ meh. Ehˇ kʼawꞈ, aˇ dzehˬ-ehˇ maˬ ka lahˇ ni bi jawˇ-eu uˬ taꞈ, aˬ yawꞈ loˬ-eu jeˬ-ahˇ aˬ yawꞈ-euˬ cawˬ deuˬ caw ba nehˬ le gaˇ taˬ laˆ tsoeˬ lehˇ ehˇ nehˬ taˬ-euˬ meh.

Gʼaˬkʼehˇ 25:16

Ehˇ kʼawꞈ, aˬ yawꞈ maꞈ-ahˇ ngaˇ heu loꞈ-ehˇ ehˇ nehˬ-euˬ ma. ‘Nga maꞈ Loˇmaˆ tsawˇ haˬ-aˬ, mˇ bahˬ-euˬ tsawˇ haˬ hawˇ-eu aˬ yawꞈ-ahˇ yaˇ kʼaˬ ja mawꞈ-eu tsawˇ haˬ yaw kaˬ bi tahˬ dzoeˇ-awˇ, nyiˬ paw luꞈ yawˬ ha gaˇ kawˆ bi dzawˇ gʼaˬ miˇ tsa maˬ ngeuˇ naˇ, mˇ bahˬ-euˬ tsawˇ haˬ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-eu zahˇ sahˇ kʼoꞈ maˬ jaˆ-a’ lehˇ ehˇ nehˬ-euˬ ma.