Gʼaˬkʼehˇ 23:17 - Akha

¹⁷ Kʼoeˇ ngeh, Loˇmaˆ yehˇ kʼoeˇ taˆ aˬ yuiꞈ geuꞈ-eu tiˬ gʼaˬ-ahˇ Pawˇluˆ kuˇ-awˇ ehˇ nehˬ-eu, “Aˬ li heu gʼaˬ-ahˇ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ jawˇ gaˇ tiˬ poˆ sheuˬ ha nehˬ leˇ sheˇ. Aˬ yawꞈ dzawˇ nehˬ leˇ paˬ-ehˇ gʼeh-eu gaˇ kawˆ jaˆ te jeˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Khoerngae, Pawrluv, yardzoeq guirhuq tiq ghaq-anr kurlaf-awr aernaeq-eu, “Aqli zaqguq heughaq tanrdzoeq guirhuq-anr dzawrnaeq paq-aer ghae-eu tiqjeqnav jav-eu mae. Khoermirnae, aqyawf-anr tanrdzoeq guirhuq jawr-eu gar sheuqha-ir sher-eq.”

Gʼaˬkʼehˇ 23:17 ပူးပေါင်းရင်းမြစ်များ

Dawqdaq 22:3

Nui ma-ahˇ noeˬ-eu deuˬ shaˬ zahˬ-ahˇ haw mawˇ-awˇ jaw dzeuˇ nya kʼawꞈ, nui ma-ahˇ maˬ noeˬ-eu deuˬ nyiˬ paˆ-ehˇ iˇ gʼeh-awˇ, gʼawˬ shaˇ shaˬ-ehˇ gʼeh-iˬ-eu meh.

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Yoˇhaˬ 18:12

Kʼoeˇ ngeh, Loˇmaˆ yehˇ kʼoeˇ maꞈ hawˇ-eu aˬ yawꞈ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ, Uˬ duˬ tahˬ nymˇ nymˇ ma-ahˇ loꞈ-eu yehˇ deuˬ nehˬ-ehˇ tiˬ kawˆ loꞈ-ehˇ, Yeˬsuˇ-ahˇ nyehꞈ-awˇ paꞈ-euˬ meh.

Gʼaˬkʼehˇ 22:26

Yehˇ deuˬ kʼoeˇ taˆ aˬ yuiꞈ geuꞈ luꞈ-eu kʼoeˇ gʼaˬ dawˬ kʼoeˇ dawˬ-ahˇ ya gaˬ ngeh, guiˇ maꞈ-ahˇ uˆ lahˇ-eu yaw huiˬ yaw mahˇ jawˇ gaˇ le-awˇ ehˇ nehˬ-eu, “Nawˇ aˬ joˆ-ehˇ jahˇ-eu gʼeh te. Tsawˇ haˬ kʼoeˇ gʼaˬ Loˇmaˆ miˇ kʼahˬ zaˬ law hawˇ ngaˬ tawˇ.”

Gʼaˬkʼehˇ 23:16

Aˬ yawꞈ maꞈ kʼoeˇ loꞈ-ehˇ bawˬ kʼoeˬ-euˬ gaˇ kawˆ, Pawˇluˆ-euˬ zaˬ oeˇ tiˬ gʼaˬ ya gaˬ-awˇ, taˆ-ahˇ le-awˇ Pawˇluˆ-ahˇ ehˇ nehˬ leˇ-euˬ meh.

Gʼaˬkʼehˇ 23:18

Yehˇ kʼoeˇ taˆ aˬ yuiꞈ geuꞈ-eu kʼoeˇ gʼaˬ, aˬ li kʼoeˇ li-ahˇ yaw huiˬ yaw mahˇ kʼoeˇ gʼaˬ jawˇ gaˇ sheuˬ gʼeh-awˇ ehˇ nehˬ-eu, “Aˬ li heu gʼaˬ nawˬ-ahˇ dzawˇ nehˬ paˬ-ehˇ gʼeh-eu gaˇ kawˆ jaˆ-eu miˇ neh, nawˇ jawˇ gaˇ tiˬ poˆ sheuˬ ha leˇ nehˬ laꞈ lehˇ tawˬ-ahˇ uˇ-eu Pawˇluˆ kʼoeˇ gʼaˬ ngaˬ-ahˇ kuˇ-awˇ ehˇ nehˬ laꞈ-euˬ meh.”

Gʼaˬkʼehˇ 23:23

Kʼoeˇ ngeh, Loˇmaˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ, aˬ yawꞈ-euˬ yehˇ deuˬ kʼoeˇ taˆ aˬ yuiꞈ bi geuꞈ-eu nyiˬ gʼaˬ-ahˇ kuˇ-awˇ ehˇ nehˬ-eu, “Yehˇ nyiˬ yaˇ gʼaˬ, mahˬ dziˬ-eu yehˇ shiꞈ tseˇ gʼaˬ hawˇ-eu, gahˬ baꞈ-eu yehˇ nyiˬ yaˇ gʼaˬ lehˬ hmˬ-awˇ, nymˇ ciꞈ naˬ liˬ gʼoeˬ laꞈ-ahˇ Gehˇsaˬliˇ meuˬ-ahˇ iˇ-eu gʼaˇ duˬ lehˬ hmˬ dah taˬ-awˬ.