Gʼaˬkʼehˇ 22:7 - Akha

⁷ Ngaˇ miˇ tsa coˬ lah gʼeh-euˬ ma. Kʼoeˇ ngeh ‘Sawˇluˆ-oˇ, Sawˇluˆ-oˇ, aˬ jeˬ miˇ neh nawˇ ngaˬ-ahˇ kʼehˬ te’ lehˇ ehˇ-eu teˇ saˇ ngaˇ ya gaˬ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Ngar, mirtsa gacoqghae ngae, ngaq-anr heulof-aer aer-eu tersar-anr yagaq-euq ma, ‘Sawrluv-or! Sawrluv, nawr aqjeq mirnae ngaq-anr khaeq-awr khav-eu le?’

Gʼaˬkʼehˇ 22:7 ပူးပေါင်းရင်းမြစ်များ

Aˇ dahˬ 16:8

“Saˬlehˇ-euˬ zaˬ kʼaˆ Haˬgaˬlaˇ-oˇ, aˬ geu gaˇ neh oe-awˇ aˬ geu paw iˇ-eu gʼeh te” lehˇ naˇ haˬ ngeh, “Ngaˬ-euˬ nymˇ sahˇ aˬ ma-ahˇ maˬ ya mawˇ gaˇ cehˆ byoˆ-eu lehˇ gʼeh-eu ma” lehˇ, Haˬgaˬlaˇ ehˇ kʼoꞈ nehˬ-euˬ meh.

Aˇ dahˬ 22:1

Aˇ yamˬ tiˬ kʼehˬ myahˇ laˇ ngeh, Aˬbyaˬhaˬ-ahˇ Miˬyehˇ lawˬ haw-euˬ meh. “Aˬbyaˬhaˬ-oˇ” lehˇ Miˬyehˇ kuˇ ngeh, “Ngaˇ heu gaˇ jawˇ ma” lehˇ, Aˬbyaˬhaˬ oˬ toˬ-euˬ meh.

Aˇ dahˬ 22:11

Ehˇ kʼawꞈ, Sahˬpaˬ Miˬyehˇ-euˬ gʼaˬ kʼehˇ mˬ kʼoeˇ taˆ jawˇ-awˇ, “Aˬbyaˬhaˬ-oˇ, Aˬbyaˬhaˬ-oˇ” lehˇ kuˇ-eu miˇ neh, “Ngaˇ heu gaˇ jawˇ ma” lehˇ Aˬbyaˬhaˬ guˇ kʼoꞈ nehˬ-euˬ meh.

Aˇ dahˬ 3:9

Ehˇ kʼawꞈ, Miˬyehˇ pyeuꞈ-eu Sahˬpaˬ Miˬyehˇ kʼaˬ dzeˇ zaˬ gʼaˬ-ahˇ kuˇ-awˇ, “Nawˇ aˬ gaˇ jawˇ luꞈ te” lehˇ, naˇ haˬ-euˬ meh.

Doˆ-iˇ 3:4

Moˇseˬ dawˬ peh laˇ peh luꞈ gaˇ Sahˬpaˬ Miˬyehˇ ya mawˇ ngeh, baw duˆ kʼoeˇ duˆ-euˬ gʼahˇ ceh jawˇ-awˇ, “Moˇseˬ-oˇ, Moˇseˬ-oˇ” lehˇ kuˇ-euˬ meh. Moˇseˬ gʼeh, “Ngaˇ heu gaˇ jawˇ ma” lehˇ oˬ toˬ kʼoꞈ nehˬ-euˬ meh.

Yeˬlaˬmiˇ 2:5

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-euˬ aˬ poeˬ aˬ bawˇ deuˬ ngaˬ-ahˇ byehˇ dzeh paˬ-ehˇ, ngaˬ-euˬ yaw lehˬ aˬ geu jeˬ-ahˇ haw toˆ-euˬ taˬ. Gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ-ahˇ uˬ duˬ tahˬ-awˇ, aˇ poeˬ maˬ baw ni dehꞈ pyeuꞈ-euˬ meh.

Yeˬlaˬmiˇ 2:9

“Teu miˇ neh Sahˬpaˬ Miˬyehˇ pyeuꞈ-eu ngaˇ, ngaˬ-euˬ tsawˇ haˬ deuˬ-ahˇ pyehˆ tseˇ haw ma. Aˬ yawꞈ maꞈ-euˬ zaˬ deuˬ-ahˇ ngaˇ caw tseˇ ma.

Maꞈtehˬ 25:45

“Sahˬ paˬ ehˇ-eu, ‘Ngaˇ naw maꞈ-ahˇ ehˇ nehˬ nyaˇ. Tsawˇ haˬ heu deuˬ laꞈ kʼoeˇ aˬ cawˬ naˆ maˬ tseˇ nyiˇ teˬ-eu gʼaˬ-ahˇ naw maꞈ ngehˬ maˬ gʼeh nehˬ ni byehˇ naˇ, ngaˬ-ahˇ ngehˬ maˬ gʼeh nehˬ laꞈ gaˇ duˇ-eu meh.’

Maꞈtehˬ 27:23

Sahˬ paˬ Piˇlaˆ ehˇ-eu, “Aˬ jeˬ miˇ neh aˬ yawꞈ-ahˇ sehꞈ mawꞈ-eu nya. Aˬ yawꞈ mˇ lehˬ taˬ-euˬ aˬ jeˬ jaˆ ta.” Aˬ yawꞈ maꞈ yaw kʼaˆ-ehˇ guˇ-awˇ ehˇ-eu, “Aˬ yawꞈ-ahˇ laꞈ yaꞈ kʼoeˇ taˆ taꞈ sehꞈ-awˬ.”

Gʼaˬkʼehˇ 22:6

“Ngaˇ Daˬmaˬsehˇ meuˬ dawˬ peh le keuˆ ngeh, nah loˆ ceh laˇ-euˬ kʼoeˇ yamˬ-ahˇ ja pyuˬ ni mˬ kʼoeˇ taˆ neh kʼaˆ dui dui-eu yaw sehꞈ ngaˬ-euˬ tiˬ jawˬ bya le-euˬ meh.

Gʼaˬkʼehˇ 22:8

‘Sahˬpaˬ-oˇ, nawˇ aˬ suˇ gʼaˬ te’ lehˇ ngaˇ naˇ haˬ ngeh, ‘Ngaˇ-aˬ, nawˇ kʼehˬ luꞈ-eu Naˬzaˬlehˇ tsawˇ haˬ Yeˬsuˇ ma’ lehˇ aˬ yawꞈ ngaˬ-ahˇ ehˇ-eu meh.

Gʼaˬkʼehˇ 9:4

Aˬ yawꞈ miˇ tsa coˬ dzeh-awˇ, heu loꞈ-ehˇ ehˇ-eu teˇ saˇ-ahˇ ya gaˬ-euˬ meh. “Sawˇluˆ-oˇ, Sawˇluˆ-oˇ, aˬ jeˬ miˇ neh nawˇ ngaˬ-ahˇ kʼehˬ te.”

1 Tiˆmoˇseˬ 1:13

Dzeuˇ laˇ ngeh aˬ yawꞈ-ahˇ ngaˇ ja doeˇ-awˇ, kʼehˬ nehˬ kʼaˆ nehˬ-awˇ, yehˬ bawˬ sehˇlu-ehˇ ehˇ nehˬ-euˬ ma. Ehˇ kʼawꞈ, ngaˇ jah-eu jeˬ maˬ ahˇ laˇ dah-ehˇ yawˬ ha mˇ luꞈ-eu jeˬ-ahˇ maˬ tseˇ paˆ nya-euˬ baˬ da neh, Miˬyehˇ ngaˬ-ahˇ gʼawˬ shaˬ gaˬ nehˬ laꞈ-euˬ meh.

1 Saˬmeuˬlaˆ 3:10

Sahˬpaˬ Miˬyehˇ kʼoeˇ gaˇ yawꞈ le-awˇ, yaw beh kuˇ-eu loꞈ-ehˇ “Saˬmeuˬlaˆ-oˇ, Saˬmeuˬlaˆ-oˇ” lehˇ kuˇ le-euˬ meh. Saˬmeuˬlaˆ gʼeh, “Nawˬ-euˬ dawˬ-ahˇ nawˬ-euˬ zaˬ kʼaˆ naˇ haˬ luꞈ ma” lehˇ ehˇ kʼoꞈ nehˬ-euˬ meh.