Gʼaˬkʼehˇ 22:28 - Akha

²⁸ Yaw huiˬ yaw mahˇ kʼoeˇ gʼaˬ ehˇ-eu, “Ngaˇ-aˬ, pyuˇ gʼawˬ mya ni biꞈ-awˇ Loˇmaˆ miˇ kʼahˬ zaˬ pyeuꞈ laˇ-euˬ ma.” Pawˇluˆ ehˇ-eu, “Ngaˇ law nmˇ-aˬ, dehꞈ le ngeh neh Loˇmaˆ miˇ kʼahˬ zaˬ ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Tanrdzoeq guirhuq aer-eu, “Ngar pyur ghawqmya’ni bif-awr nae taef-aer Lormav tsawrhaq pyeuflar-euq ma.” Khoerngae, Pawrluv aer-eu, “Aerkhawf, ngar-aq, daefle ngae nae Lormav tsawrhaq ma.”

Gʼaˬkʼehˇ 22:28 ပူးပေါင်းရင်းမြစ်များ

Gʼaˬkʼehˇ 22:27

Kʼoeˇ ngeh, yaw huiˬ yaw mahˇ kʼoeˇ gʼaˬ Pawˇluˆ jawˇ gaˇ iˇ-awˇ, “Nawˇ Loˇmaˆ miˇ kʼahˬ zaˬ te loˇ” lehˇ naˇ haˬ ngeh, “Ngeuˇ ma” lehˇ Pawˇluˆ ehˇ kʼoꞈ nehˬ-euˬ meh.

Gʼaˬkʼehˇ 22:29

Kʼoeˇ ngeh jawˇ, Pawˇluˆ-ahˇ yahˬ caˆ neh juiꞈ-awˇ naˇ haˬ-eu lehˇ gʼeh-eu tsawˇ haˬ kʼoeˇ deuˬ tiˬ poˆ tehꞈ-ehˇ naˇ kʼah paw jiˆ kʼoꞈ le-euˬ meh. Yaw huiˬ yaw mahˇ kʼoeˇ gʼaˬ-aˬ, aˬ yawꞈ neh shmˇ caˆ paꞈ taˬ-euˬ Pawˇluˆ kʼoeˇ gʼaˬ Loˇmaˆ miˇ kʼahˬ zaˬ pyeuꞈ-eu siˬ duˬ leˇ ngeh, tsawˬ guˆ-iˇ-euˬ meh.

Eˇpeˇsu 2:12

Kʼoeˇ ngeh, naw maꞈ Ka li-ahˇ maˬ taꞈ leˇ-aˬ siˬ. Naw maꞈ-aˬ, aˬ cawˬ tsawˇ jeuˬ loꞈ-ehˇ pyeuꞈ-awˇ, Miˬyehˇ neh tseˇ doˆ-euˬ tsawˇ jeuˬ laꞈ kʼoeˇ maˬ ahˇ-a. Naw maꞈ-aˬ, Miˬyehˇ neh aˬ yawꞈ-euˬ tsawˇ haˬ deuˬ-ahˇ dzaˬ-euˬ dawˬ ma saˇ jaˇ-ahˇ maˬ ya taꞈ-ehˇ, miˇ tsaˬ heu kʼoeˇ taˆ noeˬ tmˬ duˬ maˬ jaˆ-eu uˬ taꞈ, Miˬyehˇ maˬ baw ni dehꞈ yaꞈ-euˬ meh.

Eˇpeˇsu 2:19

Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu naw maꞈ-aˬ, boeˇ miˬ siˬ kʼaˬ-ahˇ duˇ-eu aˬ cawˬ tsawˇ jeuˬ maˬ paˇ ngeuˇ meh. Miˬyehˇ-euˬ tsawˇ haˬ deuˬ nehˬ-ehˇ miˇ kʼahˬ aˬ yawꞈ tiˬ kʼahˬ-ahˇ taꞈ-eu miˇ kʼahˬ zaˬ deuˬ pyeuꞈ laˇ-awˇ, Miˬyehˇ-euˬ nymˇ kʼahˬ zaˬ deuˬ pyeuꞈ laˇ-euˬ meh.