Gʼaˬkʼehˇ 22:27 - Akha

²⁷ Kʼoeˇ ngeh, yaw huiˬ yaw mahˇ kʼoeˇ gʼaˬ Pawˇluˆ jawˇ gaˇ iˇ-awˇ, “Nawˇ Loˇmaˆ miˇ kʼahˬ zaˬ te loˇ” lehˇ naˇ haˬ ngeh, “Ngeuˇ ma” lehˇ Pawˇluˆ ehˇ kʼoꞈ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Khoernar-aq, tanrdzoeq guirhuq, Pawrluv jawr-eu gar le-awr aer-eu, “Ngaq-anr aernaeqlaf sher-eq, nawr, Lormav tsawrhaq le lor?” Khoerngae, Pawrluv aer-eu, “Ngeur ma.”

Gʼaˬkʼehˇ 22:27 ပူးပေါင်းရင်းမြစ်များ

Yoˇhaˬ 18:12

Kʼoeˇ ngeh, Loˇmaˆ yehˇ kʼoeˇ maꞈ hawˇ-eu aˬ yawꞈ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ, Uˬ duˬ tahˬ nymˇ nymˇ ma-ahˇ loꞈ-eu yehˇ deuˬ nehˬ-ehˇ tiˬ kawˆ loꞈ-ehˇ, Yeˬsuˇ-ahˇ nyehꞈ-awˇ paꞈ-euˬ meh.

Gʼaˬkʼehˇ 22:25

Ehˇ kʼawꞈ, aˬ yawꞈ-ahˇ yahˬ caˆ neh juiꞈ-eu lehˇ paꞈ tawꞈ gʼaˬ ngeh, yehˇ kʼoeˇ deuˬ kʼoeˇ taˆ aˬ yuiꞈ geuꞈ-eu gʼaˬ-ahˇ Pawˇluˆ ehˇ nehˬ-eu, “Loˇmaˆ miˇ kʼahˬ zaˬ tiˬ gʼaˬ-ahˇ yaˇ kʼaˬ maˬ daˇ tsehˆ ni teu loꞈ-ehˇ juiꞈ-eu aˬ kawˬ-aˬ jaˆ ta loˇ.”

Gʼaˬkʼehˇ 22:26

Yehˇ deuˬ kʼoeˇ taˆ aˬ yuiꞈ geuꞈ luꞈ-eu kʼoeˇ gʼaˬ dawˬ kʼoeˇ dawˬ-ahˇ ya gaˬ ngeh, guiˇ maꞈ-ahˇ uˆ lahˇ-eu yaw huiˬ yaw mahˇ jawˇ gaˇ le-awˇ ehˇ nehˬ-eu, “Nawˇ aˬ joˆ-ehˇ jahˇ-eu gʼeh te. Tsawˇ haˬ kʼoeˇ gʼaˬ Loˇmaˆ miˇ kʼahˬ zaˬ law hawˇ ngaˬ tawˇ.”

Gʼaˬkʼehˇ 22:28

Yaw huiˬ yaw mahˇ kʼoeˇ gʼaˬ ehˇ-eu, “Ngaˇ-aˬ, pyuˇ gʼawˬ mya ni biꞈ-awˇ Loˇmaˆ miˇ kʼahˬ zaˬ pyeuꞈ laˇ-euˬ ma.” Pawˇluˆ ehˇ-eu, “Ngaˇ law nmˇ-aˬ, dehꞈ le ngeh neh Loˇmaˆ miˇ kʼahˬ zaˬ ma.”