Gʼaˬkʼehˇ 21:40 - Akha

⁴⁰ Yaw huiˬ yaw mahˇ kʼoeˇ gʼaˬ Pawˇluˆ-ahˇ dawˬ ngehˬ-eu aˬ kawˬ-aˬ biꞈ-euˬ meh. Kʼoeˇ ngeh, Pawˇluˆ dawˬ dzm kʼoeˇ taˆ yawꞈ-awˇ, tsawˇ haˬ kʼoeˇ deuˬ-ahˇ ciˬ cuˇ ni jawˇ-eu gʼaˇ duˬ laꞈ dzawˇ dzawˇ nehˬ-euˬ meh. Aˬ yawꞈ maꞈ ciˬ cuˇ ni jawˇ ngeh, aˬ yawꞈ Heˬbyehˇ dawˬ ngehˬ-awˇ heu loꞈ-ehˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁰ Tanrdzoeq guirhuq arnmq bifnaeq ngae, Pawrluv dawqdzm-anr yawf-awr, tsawrhaq khoerdeuq-anr lafdzawr dzawrnaeq-euq mae. Aqyawfmaf ciqcur savni jawr ngae, Pawrluv, Heqbyaer dawq-anr nae aqyawf maf-anr heulof-aer aernaeq-euq mae:

Gʼaˬkʼehˇ 21:40 ပူးပေါင်းရင်းမြစ်များ

2 Sahˬpaˬ 9:13

Kʼoeˇ ngeh, yaw huiˬ yaw mahˇ kʼoeˇ deuˬ yawˬ ha-euˬ pehˇ kʼehˬ pehˇ mahˇ lehˆ-awˇ, Yeˬhuˇ bi yawꞈ-eu gʼaˇ duˬ dawˬ dzm uˬ gʼmˬ-ahˇ kʼawˬ-awˇ, daˇ heh baw-awˇ, “Yeˬhuˇ sahˬ paˬ pyeuꞈ-eu meh” lehˇ guˇ-euˬ meh.

Luˇkaꞈ 23:38

Aˬ yawꞈ-euˬ kʼoeˇ taˆ heu loꞈ-ehˇ boꞈ myahˬ taˬ-euˬ meh. “Tsawˇ haˬ heu gʼaˬ Yuˇdaˆ tsawˇ haˬ-euˬ sahˬ paˬ meh.”

Yoˇhaˬ 19:13

Dawˬ kʼoeˇ dawˬ-ahˇ sahˬ paˬ Piˇlaˆ ya gaˬ ngeh, Yeˬsuˇ-ahˇ laꞈ nyiˇ sheuˬ doˆ leꞈ-awˇ, “Kʼaˬ lo kʼawˬ taˬ-euˬ jawˇ duˬ” lehˇ kuˇ gaˇ jaˆ-eu yaˇ kʼaˬ daˇ-eu nuiˇ mahˬ-ahˇ nuiˇ le-euˬ meh. Kʼaˬ lo kʼawˬ taˬ-euˬ jawˇ duˬ-ahˇ, Heˬbyeˇ dawˬ “Gaˬbaˬdaˬ” lehˇ ehˇ-eu meh.

Yoˇhaˬ 19:17

Aˬ yawꞈ-aˬ yawˬ ha-euˬ laꞈ yaꞈ baꞈ-awˇ Uˬ duˬ kʼmˬ lehˇ kuˇ-eu jawˇ duˬ-ahˇ le keuˆ-euˬ meh. Jawˇ duˬ kʼoeˇ tsahˇ-ahˇ, Heˬbyehˇ dawˬ Gawˇlaˬgawˇda lehˇ kuˇ-eu meh.

Yoˇhaˬ 19:20

Yeˬsuˇ-ahˇ laꞈ yaꞈ kʼoeˇ taˆ taꞈ tehˬ taˬ-euˬ jawˇ duˬ kʼoeˇ-aˬ, meuˬ-ahˇ neh yaw kʼaˆ-ehˇ maˬ kaˬ-eu miˇ neh, tsawˇ haˬ gʼawˬ mya ni sahˬ boꞈ boꞈ myahˬ taˬ-euˬ gaˇ ya gui-euˬ meh. Sahˬ boꞈ kʼoeˇ-aˬ, Heˬbyehˇ dawˬ, Laˬteˬ dawˬ, Heˬlaˬsaˇ dawˬ, heu smˇ jeˬ luꞈ boꞈ taˬ-euˬ meh.

Yoˇhaˬ 5:2

Yeˬluˇsaˬlehˬ meuˬ-euˬ Yawˇ lahˇ kʼehˬ dawˬ peh, sehˬ gʼawˆ ngaˬ gʼawˆ gʼawˆ taˬ-euˬ lah tiˬ lah jaˆ-eu meh. Lah kʼoeˇ lah-ahˇ Heˬbyehˇ dawˬ Beˬzaˬdaˬ lehˇ kuˇ-eu meh.

Gʼaˬkʼehˇ 1:19

Yeˬluˇsaˬlehˬ meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, gaˇ kawˆ kʼoeˇ gaˬ jiˇ-euˬ meh. Kʼoeˇ miˇ neh, miˇ tsaˬ kʼoeˇ tsahˇ-ahˇ aˬ yawꞈ maꞈ-euˬ dawˬ-ahˇ neh Aˬkeˬdaˬmaˬ lehˇ kuˇ-eu meh. Dawˬ tsuiꞈ-aˬ, ‘Shiˬ doˆ-euˬ miˇ tsaˬ’ lehˇ ehˇ mawꞈ-eu meh.

Gʼaˬkʼehˇ 12:17

Aˬ yawꞈ maꞈ ciˬ cuˇ ni jawˇ-eu gʼaˇ duˬ aˬ yawꞈ laꞈ dzawˇ dzawˇ nehˬ-awˇ, Sahˬpaˬ Miˬyehˇ neh aˬ yawꞈ-ahˇ paꞈ kuˆ laꞈ kʼoeˇ aˬ joˆ-ehˇ sheuˬ doˆ laˬ le-euˬ gaˇ kawˆ dzawˇ mehˬ nehˬ-awˇ, “Gaˇ kawˆ heu Yaˬkoˆ hawˇ-eu jah-eu tsawˇ haˬ deuˬ-ahˇ dzawˇ mehˬ nehˬ-awˬ” lehˇ ehˇ nehˬ-euˬ meh. Kʼoeˇ naˇ, aˬ yawꞈ doˆ-iˇ-awˇ, yawˬ gaˇ yawˬ iˇ-euˬ meh.

Gʼaˬkʼehˇ 13:16

Kʼoeˇ ngeh, Pawˇluˆ tsawˬ tuˇ laˇ-awˇ, laꞈ dzawˇ dzawˇ dzawˇ-ehˇ, heu loꞈ-ehˇ dawˬ ngehˬ ngehˬ-euˬ meh. “Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ hawˇ-eu, Miˬyehˇ-ahˇ uˬ duˬ kʼaˇ tahˬ-eu tsawˇ jeuˬ deuˬ-oˇ, ngaˇ ehˇ gaˇ tiˬ poˆ naˇ haˬ sheˇ.

Gʼaˬkʼehˇ 19:33

Tsawˇ haˬ tiˬ paˆ na deuˬ-aˬ, Aˬleˬsaˬduˇ lehˇ kuˇ-eu gʼaˬ-ahˇ neh ahˇ-eu nga lehˇ noeˬ-eu meh. Aˬ jeˬ miˇ neh ehˇ naˇ, Yuˇdaˆ tsawˇ haˬ deuˬ neh aˬ yawꞈ-ahˇ aˬ cawˬ mehˬ shi dehˬ daˆ nehˬ-euˬ meh. Kʼoeˇ naˇ, ciˬ cuˇ ni jawˇ-eu gʼaˇ duˬ, tsawˇ haˬ aˇ maꞈ-ahˇ Aˬleˬsaˬduˇ laꞈ dzawˇ dzawˇ nehˬ-awˇ, aˬ yawꞈ tiˬ jeˬ-iˬ maˬ lehˬ-eu gaˇ kawˆ ja shaw nehˬ-eu lehˇ gʼeh-eu meh.

Gʼaˬkʼehˇ 21:35

Pawˇluˆ dawˬ dzm dawˬ tehꞈ-ahˇ le keuˆ ngeh, tsawˇ haˬ aˇ maꞈ kʼoeˇ maꞈ aˬ yawꞈ-ahˇ diˬ-eu lehˇ yaw kʼaˆ-ehˇ leh jeh-eu miˇ neh, yehˇ kʼoˇ deuˬ neh aˬ yawꞈ-ahˇ ciˬ gʼeh-euˬ meh.

Gʼaˬkʼehˇ 22:2

Aˬ yawꞈ Heˬbyehˇ dawˬ ngehˬ gaˇ aˬ yawꞈ maꞈ ya gaˬ ngeh, yaw beh naˆ maˬ tseˇ ciˬ cuˇ ni paˇ pyeuꞈ-iˇ-euˬ meh. Kʼoeˇ ngeh, Pawˇluˆ heu loꞈ-ehˇ ehˇ-eu meh.

Gʼaˬkʼehˇ 26:14

Nga maꞈ yawˬ gʼaˬ na luꞈ miˇ tsa coˬ dzeh-euˬ ma. Kʼoeˇ naˇ, Heˬbyehˇ dawˬ-ahˇ neh, ngaˬ-ahˇ heu loꞈ-ehˇ ehˇ-eu teˇ saˇ-ahˇ ngaˇ ya gaˬ-euˬ ma. ‘Sawˇluˆ-oˇ, Sawˇluˆ-oˇ, aˬ jeˬ miˇ neh nawˇ ngaˬ-ahˇ kʼehˬ te. Mawˇ neˇ-ahˇ tsawˆ-eu daˇ ceh-ahˇ behˆ-eu mawˇ neˇ loꞈ-ehˇ, yawˬ haˇ yawˬ ha laˆ tahˬ laˆ naˇ-eu jeˬ nawˇ mˇ-eu nga’ lehˇ ehˇ-eu meh.

Gʼaˬkʼehˇ 6:1

Zaˬ lahˇ deuˬ myaˬ laˇ luꞈ-eu aˇ nah aˇ yamˬ kʼoeˇ laꞈ kʼoeˇ, Heˬlaˬsaˇ dawˬ ngehˬ-eu Yuˇdaˆ tsawˇ haˬ deuˬ hawˇ-eu, Yuˇdaˆ dawˬ ngehˬ-eu Yuˇdaˆ tsawˇ haˬ deuˬ yaw kaˬ dawˬ ja doˆ-euˬ meh. Aˬ jeˬ miˇ neh ehˇ naˇ, aˬ yawꞈ nah yawꞈ loˬ-eu jeˬ biˇ nehˬ ngeh, aˬ yawꞈ maꞈ-euˬ miˬ coeˬ miˬ ma deuˬ-ahˇ yaw muiˬ paˬ-ehˇ maˬ biˇ oꞈ doe nehˬ nga lehˇ, Heˬlaˬsaˇ dawˬ ngehˬ-eu Yuˇdaˆ tsawˇ haˬ deuˬ ehˇ-eu meh.

Panmaeq 16:16

Kʼoeˇ naˇ, Heˬbyehˇ dawˬ Aˬmaˬgeˬdoˬ lehˇ kuˇ-eu jawˇ duˬ-ahˇ, yaw sahˇ kʼoeˇ deuˬ neh miˇ kʼahˬ sahˬ paˬ deuˬ-ahˇ sheuˬ uiˬ laꞈ-euˬ meh.

Panmaeq 9:11

Aˬ yawꞈ maꞈ-ahˇ uˆ lahˇ-eu sahˬ paˬ tiˬ gʼaˬ jawˇ-eu meh. Aˬ yawꞈ-aˬ, yaw li ma baw-eu duˬ kʼahˬ-ahˇ haw-eu pyaˆ-eu mˬ taˆ gʼaˬ kʼehˇ kʼoeˇ gʼaˬ pyeuꞈ-eu meh. Aˬ yawꞈ-euˬ tsawˇ myahˇ-aˬ, Heˬbyehˇ dawˬ Aˬbaˬdoˬ lehˇ kuˇ-awˇ, Heˬlaˬsaˇ dawˬ Aˬpawˇliˇoˬ lehˇ kuˇ-eu meh. (Dawˬ tsuiꞈ-aˬ, laˆ luˬ laꞈ seˇ-eu gʼaˬ lehˇ ehˇ mawꞈ-eu meh.)