Gʼaˬkʼehˇ 21:28 - Akha

²⁸ Aˬ yawꞈ maꞈ guˇ-awˇ ehˇ-eu, “Iˇsaˬleˬlaˆ tsawˇ haˬ deuˬ-oˇ, caw ba le-awˬ. Tsawˇ haˬ heu gʼaˬ yawˬ gaˇ na luꞈ iˇ doe-awˇ, Iˇsaˬleˬlaˆ tsawˇ haˬ maˬ ehˇ, Moˇseˬ-euˬ Zahˇ dawˬ kʼoꞈ dawˬ maˬ ehˇ, Uˬ duˬ tahˬ nymˇ nymˇ ma heu maˬ ehˇ, maˬ tsaˬ-a lehˇ mehˬ mehˬ-ehˇ cah-eu meh. Nymˬ-mˇ poˆ jawˇ-aˬ, Uˬ duˬ tahˬ nymˇ nymˇ ma laꞈ kʼoeˇ keuˆ ni aˬ cawˬ tsawˇ jeuˬ paˇ sheuˬ ahˇ laꞈ-awˇ, muiˬ-eu shawˇ-eu jawˇ duˬ-ahˇ laˆ jawꞈ laˇ-euˬ ngaˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ gur-eu, “Irsaqleqlav tsawrhaq deuq-or! Cawba le-awq! Tsawrhaq heughaq-aq, aqdui-euq tsawrjeuq tsawrca-anr khawf, zanrdawq-anr khawf, jawrduq heutsanr-anr khawf, muirni kharngeur-eu gar yawqghaq navluf-anr maeqmaeq-aer canluf-eu mae. Khoeruqtaf, aqyawf, Heqlaqsar tsawrhaq-anr uqduq tanqnymr nymrma-euq lafkhoer sheuqur laf-awr, shawr-eu jawrduq heutsanr-anr maqshawrni bipyeuf-ir-euq mae.”

Gʼaˬkʼehˇ 21:28 ပူးပေါင်းရင်းမြစ်များ

Ngoeˇ dawˬ 1:10

Yawꞈ-euˬ pyuˇ shuiˇ myawˬ gahˬ kʼoeˇ taˆ, muiˇ-eu deuˬ aˬ laꞈ cawˬ leꞈ-awˇ, lawˇ ciꞈ zaˬ maˬ ya le-a lehˇ, Sahˬpaˬ Miˬyehˇ daˇ tsehˆ taˬ-euˬ, muiˬ-eu shawˇ-eu jawˇ duˬ laꞈ kʼoeˇ, aˬ cawˬ tsawˇ jeuˬ deuˬ le uˇ gaˇ, aˬ yawꞈ myaˆ nuiˆ ya mawˇ-euˬ meh.

Maꞈtehˬ 24:15

“Miˬyehˇ gʼaˇ duˬ ngehˬ dah-eu Daˬyeˬlaˆ neh ehˇ taˬ-euˬ ‘Guˆ dui dui laˇ paˬ-ahˇ gʼeh-eu yaw jawꞈ jeˬ’ -ahˇ naw maꞈ ya mawˇ tehꞈ-a. Yaw jawꞈ jeˬ kʼoeˇ, muiˬ-eu shawˇ-eu jawˇ duˬ-ahˇ ka tuˇ taˬ-awˇ jaˆ tehꞈ-a.” (Jaˇliꞈ gui-eu deuˬ dawˬ heu dawˬ-euˬ dawˬ tsuiꞈ gʼoˆ shaw luꞈ-uˇ.)

Gʼaˬkʼehˇ 21:21

Aˬ cawˬ tsawˇ jeuˬ-euˬ miˇ kʼahˬ deuˬ laꞈ kʼoeˇ kʼaˇ jawˇ-eu Yuˇdaˆ tsawˇ haˬ deuˬ-ahˇ, Moˇseˬ-euˬ Zahˇ dawˬ kʼoꞈ dawˬ-ahˇ byehˇ dzeh ni nawˇ mehˬ nehˬ tsoˆ nehˬ-awˇ, aˬ yawꞈ maꞈ-euˬ zaˬ deuˬ-ahˇ baˆ kʼoˆ mehˬ dzaˬ maˬ yehˬ nehˬ-ehˇ, Yuˇdaˆ tsawˇ haˬ-euˬ zahˇ sahˇ kʼoꞈ-ahˇ maˬ caw teh ni dehꞈ-eu gʼaˇ duˬ nawˇ mehˬ luꞈ-eu gaˇ kawˆ, aˬ yawꞈ maꞈ ya gaˬ gʼaˬ-euˬ meh.

Gʼaˬkʼehˇ 24:18

Ngaˇ kʼoeˇ loꞈ-ehˇ mˇ luꞈ-awˇ, gʼawˇ mawˇ shawˇ-eu zahˇ jahˇ gʼaˬ ngeh, Uˬ duˬ tahˬ nymˇ nymˇ ma laꞈ kʼoeˇ aˬ yawꞈ maꞈ ngaˬ-ahˇ mawˇ-euˬ meh. Ngaˬ nehˬ-ehˇ tsawˇ haˬ aˇ maꞈ maˬ jawˇ-euˬ uˬ taꞈ, lawꞈ gʼa-eu jeˬ kʼawꞈ maˬ jaˆ-aˬ.