Gʼaˬkʼehˇ 21:27 - Akha

²⁷ Ehˇ kʼawꞈ, gʼawˇ mawˇ shawˇ-eu zahˇ jahˇ-eu aˇ yamˬ shiꞈ nah kʼoeˇ jiˇ-eu dawˬ peh peh laˇ ngeh, Aˬshaˆ miˆ kʼahˬ-ahˇ jawˇ-eu Yuˇdaˆ tsawˇ haˬ tiˬ paˆ na deuˬ, Uˬ duˬ tahˬ nymˇ nymˇ ma laꞈ kʼoeˇ Pawˇluˆ-ehˇ haw mawˇ-euˬ meh. Aˬ yawꞈ maꞈ tsawˇ haˬ aˇ maꞈ dawˬ tawˆ luꞈ-ahˇ laˆ luiˬ-awˇ, Pawˇluˆ-ahˇ tsuˆ tehˬ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Khoer shif nan jirlerluf ngae, Aqsir mircoer-anr nae lartaq-euq Yurdav tsawrhaq deuq, Pawrluv-anr uqduq tanqnymr nymrma-euq lafkhoer jawrluf-eu gar ya’mawr ngae, aqyawfmaf, tsawrhaq armaf dawqtawv luf-anr lavluiq-awr, Pawrluv-anr nyaef-awr,

Gʼaˬkʼehˇ 21:27 ပူးပေါင်းရင်းမြစ်များ

1 Sahˬpaˬ 21:25

(Aˬ yawꞈ-euˬ miˬ zaˬ Yeˬsaˬbeˬlaˇ kʼehˇ-eu baˬ da neh , Sahˬpaˬ Miˬyehˇ mehˬ shi maˇ maˇ ni iˬ baˇ mˇ ma lehˇ noeˬ tsehˆ-euˬ, Aˬhaˆ loꞈ-ehˇ gʼeh-eu tsawˇ haˬ tiˬ gʼaˬ-iˬ maˬ jawˇ-a.

Bawˇtsahˬ 19:11

“Tsawˇ shiˇ-ahˇ kʼaˇ toeˬ ciˆ-euˬ tsawˇ haˬ aˬ geu gʼaˬ maˬ kaˬ, shiꞈ nah keuˆ ni maˬ shawˇ-eu tsawˇ haˬ pyeuꞈ-eu meh.

Bawˇtsahˬ 6:13

Naˬzaˬliˇ tsawˇ haˬ tiˬ gʼaˬ saˇ jaˇ mˇ byah gʼaˬ ngeh, heu loꞈ-ehˇ ya jahˇ meh. Sehˬ gʼawˆ-euˬ gʼoˆ kʼehˬ-ahˇ aˬ yawꞈ ya le meh.

Bawˇtsahˬ 6:9

Dawˬ peh jawˇ-eu tsawˇ haˬ tiˬ gʼaˬ na ja pyuˬ ni shiˇ-euˬ baˬ da neh, Naˬ zaˬliˇ tsawˇ haˬ-euˬ a nehˬ taˬ-euˬ uˬ duˬ tsehˇ kahˇ kʼoeˇ maˬ shawˇ-ehˇ pyeuꞈ-iˇ naˇ, shiꞈ nah dawˬ-awˇ, uˬ duˬ tsehˇ kahˇ hawˇ-eu mehˬ mahˬ ya jehˆ dzeh meh. Kʼoeˇ naˇ, aˬ yawꞈ shawˇ laˇ-eu meh.

Luˇkaꞈ 21:12

Ehˇ kʼawꞈ, kʼoeˇ loꞈ-ehˇ gʼeh-eu deuˬ maˬ keuˆ le mi naˆ-ehˇ, aˬ cawˬ naw maꞈ-ahˇ nyehꞈ-awˇ, kʼehˬ nehˬ kʼaˆ nehˬ laꞈ tehꞈ-a. Yaˇ kʼaˬ bi daˇ-eu gʼaˇ duˬ, naw maꞈ-ahˇ uˬ duˬ tahˬ nymˇ doe ni nyehꞈ gʼeh-awˇ, paꞈ kuˆ doe bi nyehꞈ uˇ tehꞈ-a. Naw maꞈ ngaˬ-euˬ tsawˇ myahˇ-ahˇ gʼoe-eu baˬ da neh, sahˬ paˬ sahˬ ma deuˬ-euˬ mehˬ shi, aˬ cawˬ naw maꞈ-ahˇ tsahˇ gʼeh tehꞈ-a.

Gʼaˬkʼehˇ 13:50

Ehˇ kʼawꞈ, meuˬ laꞈ kʼoeˇ aˬ yuiꞈ aˬ tsu geuꞈ luꞈ-eu deuˬ hawˇ-eu, Miˬyehˇ-ahˇ uˬ duˬ tahˬ-eu myaˆ pyawˬ naˇ mehˇ jaˆ-eu aˬ cawˬ tsawˇ jeuˬ zaˬ miˬ zaˬ deuˬ, Pawˇluˆ hawˇ-eu Baˬnaˬbaˇ-ahˇ nui ma pehˇ ni Yuˇdaˆ tsawˇ haˬ deuˬ kawˆ-awˇ, aˬ yawꞈ nyaꞈ-ahˇ bi kʼehˬ-awˇ, miˇ kʼahˬ kʼoeˇ kʼahˬ-ahˇ neh bi teh dzeh-euˬ meh.

Gʼaˬkʼehˇ 14:19

Biˇsiˇdiˇ miˇ kʼahˬ Aˬdiˇawˬ meuˬ hawˇ-eu Iˇgawˇniˇ meuˬ-ahˇ jawˇ-eu Yuˇdaˆ tsawˇ haˬ tiˬ deuˬ laˇ-awˇ, tsawˇ haˬ aˇ maꞈ-ahˇ aˬ yawꞈ maꞈ jawˇ paw pyawˬ ni mehˇ shuiˇ shuiˇ tawˆ-awˇ, Pawˇluˆ-ahˇ kʼaˬ lo biˬ-awˇ, shiˇ-euˬ ngaˇ lehˇ noeˬ-awˇ, meuˬ laꞈ nyiˇ gʼeu dzeh ha-iˇ-euˬ meh.

Gʼaˬkʼehˇ 14:2

Ehˇ kʼawꞈ, maˬ jah-eu Yuˇdaˆ tsawˇ haˬ deuˬ-aˬ, aˬ cawˬ tsawˇ jeuˬ-ahˇ kawˆ-awˇ, jah-eu tsawˇ haˬ deuˬ-ahˇ muiˇ laˇ ni jahˇ-euˬ meh.

Gʼaˬkʼehˇ 14:5

Kʼoeˇ naˇ, aˬ cawˬ tsawˇ jeuˬ tiˬ paˆ na deuˬ hawˇ-eu Yuˇdaˆ tsawˇ haˬ tiˬ paˆ na deuˬ-aˬ, aˬ yawꞈ maꞈ-euˬ aˬ yuiꞈ aˬ tsu deuˬ nehˬ-ehˇ gm leˇ-awˇ, gʼaˬ kʼehˇ kʼoeˇ nyiˬ gʼaˬ-ahˇ yehˬ bawˬ sehˇ lu-ehˇ jahˇ nehˬ-awˇ kʼaˬ lo biˬ-eu lehˇ gʼeh-eu meh.

Gʼaˬkʼehˇ 16:6

Aˬshaˆ miˇ kʼahˬ-ahˇ guiˬ lahˬ dawˬ maˬ ya mehˬ-iˇ ni, Muiˬ-eu shawˇ-eu Yaw sahˇ Miˬyehˇ aˬ yawꞈ maꞈ-ahˇ laˆ tsoeˬ-eu miˇ neh, Puˬgiˇ miˇ kʼahˬ hawˇ-eu Gaˬlaˬtiˆ miˇ kʼahˬ-ahˇ aˬ yawꞈ maꞈ le-euˬ meh.

Gʼaˬkʼehˇ 17:13

Ehˇ kʼawꞈ, Beˬliˇ meuˬ-ahˇ kʼawꞈ Pawˇluˆ Miˬyehˇ dawˬ kawˬ mehˬ luꞈ-eu gaˇ kawˆ-ahˇ Teˇsaˬloˇni meuˬ-ahˇ jawˇ-eu Yuˇdaˆ tsawˇ haˬ deuˬ ya gaˬ ngeh, aˬ yawꞈ maꞈ oe-awˇ tsawˇ haˬ aˇ maꞈ nui ma zo laˇ ni ja-awˇ laˆ luiˬ-euˬ meh.

Gʼaˬkʼehˇ 18:12

Gaˬliˬoˬ lehˇ kuˇ-eu gʼaˬ, Aˬgaˬyaˇ miˇ kʼahˬ-ahˇ uˆ lahˇ luꞈ ngeh, Yuˇdaˆ tsawˇ haˬ deuˬ gm leˇ-awˇ Pawˇluˆ-ahˇ nyehꞈ-awˇ, yaˇ kʼaˬ daˇ-eu saˇ naˇ-ahˇ sheuˬ gʼeh-euˬ meh.

Gʼaˬkʼehˇ 2:9

Aˬ dui maꞈ-aˬ, Baˬtiˇ miˇkʼahˬ, Meˬdiˇ miˇkʼahˬ, Eˇlamˬ miˇ kʼahˬ, Maˬsoˬpoˬtaˬmiˇ miˇ kʼahˬ, Yuˇdaˆ miˇ kʼahˬ, Gaˬbaˬdawˇciˆ miˇ kʼahˬ, Boˬtuˆ miˆ kʼahˬ, Aˬshaˆ miˇ kʼahˬ,

Gʼaˬkʼehˇ 20:19

Yuˇdaˆ tsawˇ haˬ deuˬ ngaˬ-ahˇ sehꞈ-eu lehˇ nawˬ jawˬ-eu miˇ neh shaˬ dui dui-euˬ aˇ yamˬ kʼoeˇ yamˬ-ahˇ, nui nahˬ nui yu ahˇ-awˇ myaˆ biˇ doˆ-eu laꞈ kʼoeˇ Sahˬpaˬ Miˬyehˇ-euˬ zaˬ kʼaˆ geuꞈ-awˇ gaˇ mˇ yaꞈ-euˬ ma.

Gʼaˬkʼehˇ 24:11

Ngaˇ Yeˬluˇsaˬlehˬ meuˬ-ahˇ uˬ duˬ tahˬ leˇ-euˬ tseˇ nyiꞈ nah maˬ byah laˇ-aˬ siˬ lehˇ nawˇ siˬ nya tehꞈ-a.

Gʼaˬkʼehˇ 24:18

Ngaˇ kʼoeˇ loꞈ-ehˇ mˇ luꞈ-awˇ, gʼawˇ mawˇ shawˇ-eu zahˇ jahˇ gʼaˬ ngeh, Uˬ duˬ tahˬ nymˇ nymˇ ma laꞈ kʼoeˇ aˬ yawꞈ maꞈ ngaˬ-ahˇ mawˇ-euˬ meh. Ngaˬ nehˬ-ehˇ tsawˇ haˬ aˇ maꞈ maˬ jawˇ-euˬ uˬ taꞈ, lawꞈ gʼa-eu jeˬ kʼawꞈ maˬ jaˆ-aˬ.

Gʼaˬkʼehˇ 26:21

Ngaˇ kʼoeˇ loꞈ-ehˇ mehˬ-euˬ baˬ da neh, Uˬ duˬ tahˬ nymˇ nymˇ ma laꞈ kʼoeˇ Yuˇdaˆ tsawˇ haˬ deuˬ ngaˬ-ahˇ nyehꞈ-awˇ sehꞈ-eu lehˇ leh jeh-euˬ meh.

Gʼaˬkʼehˇ 4:3

Kʼoeˇ miˇ neh, aˬ yawꞈ nyaꞈ-ahˇ nyehꞈ-awˇ, kʼoeˇ ngeh nah uˬ ciꞈ ciꞈ le shaw-iˬ-eu miˇ neh. yawˬ nah yawˬ-ahˇ keuˆ ni paꞈ kuˆ-ahˇ dawˆ-euˬ meh.

Gʼaˬkʼehˇ 5:18

Aˬ yawꞈ maꞈ gʼaˬ kʼehˇ deuˬ-ahˇ nyehꞈ-awˇ, miˇ kʼahˬ zaˬ-euˬ tawˬ-ahˇ dawˆ-euˬ meh.

Gʼaˬkʼehˇ 6:12

Kʼoeˇ loꞈ-ehˇ jahˇ-eu laꞈ kʼoeˇ, miˇ kʼahˬ zaˬ deuˬ, tsawˇ mawˬ tsawˇ kʼaˆ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ nui ma pehˇ laˇ ni kawˆ-euˬ meh. Aˬ yawꞈ maꞈ Saˬteˬpaˬ-ahˇ nyehꞈ-awˇ, Baꞈ dzah mehˬ shi sheuˬ gʼeh-euˬ meh.

Gʼaˬkʼehˇ 6:9

Kuˇleˬniˬ meuˬ hawˇ-eu Aˬleˬsaˬduˇ meuˬ-ahˇ jawˇ-eu Yuˇdaˆ tsawˇ haˬ deuˬ ahˇ leˇ taˬ-euˬ, Buˬ-iˇ-euˬ tsawˇ haˬ deuˬ -euˬ uˬ duˬ tahˬ nymˇ lehˇ ehˇ-eu aˇ muˇ kʼoeˇ muˇ-ahˇ taꞈ-eu tsawˇ haˬ deuˬ hawˇ-eu, Giˇliˇciˆ miˇ kʼahˬ hawˇ-eu Aˬshaˆ miˇ kʼahˬ-ahˇ jawˇ-eu Yuˇdaˆ tsawˇ haˬ tiˬ paˆ na deuˬ tuˇ laˇ-awˇ, Saˬteˬpaˬ-ahˇ tsawˇ pyehˇ pyehˇ-euˬ meh.

2 Gawˇliˬtu 11:26

Ngaˇ tiˬ kʼehˬ maˬ taˬ ni gaˇ ma doˆ-iˇ-eu laꞈ kʼoeˇ, gʼawˬ mya jeˬ-ahˇ guˆ kʼaˇ za za-ehˇ cah-euˬ ma. Lawˇ baˬ huiˬ le gaˇ maˬ ehˇ, tahˇ joe joe laˇ gaˇ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ kʼehˬ laˇ gaˇ maˬ ehˇ, guˆ guˆ-ehˇ cah-euˬ ma. Meuˬ laꞈ kʼoeˇ maˬ ehˇ, bawˇ tsahˬ bawˇ dahˇ-ahˇ maˬ ehˇ, iˬ ma laˆ shaˆ kʼoeˇ taˆ maˬ ehˇ, guˆ-eu gaˆ-eu jeˬ-ahˇ ya tahˬ puˬ-eu uˬ taꞈ, maˬ ngeuˇ-eu Ka li zaˬ deuˬ yehˬ bawˬ-ehˇ jahˇ laˇ gaˇ guˆ guˆ-ehˇ shaˬ haw-euˬ ma.

1 Teˇsaˬloˇni 2:16

Aˬ cawˬ tsawˇ jeuˬ ka kʼoꞈ-eu jeˬ bi za-eu lehˇ nga maꞈ Miˬyehˇ dawˬ kawˬ mehˬ nehˬ gaˇ keuˆ ni laˆ tsoeˬ-eu lehˇ leh jeh-eu meh. Kʼoeˇ loꞈ-ehˇ gʼeh-eu laꞈ kʼoeˇ, aˬ yawꞈ maꞈ aˬ myah luꞈ mˇ luꞈ-eu iˬ baˇ dawˬ tawˆ luꞈ byah jiˇ laˇ ni kaꞈ gʼa-eu meh. Nymˬ-mˇ aˇ saˬ saˬ laˇ ngeh, Miˬyehˇ nui ma pehˇ-eu jeˬ aˬ yawꞈ maꞈ kʼoeˇ taˆ keuˆ le teuˇ le-euˬ meh.