Gʼaˬkʼehˇ 20:37 - Akha

³⁷ Aˬ yawꞈ maꞈ ngoeˇ ngoeˇ-ehˇ, Pawˇluˆ-ahˇ byaˇ tehˬ-awˇ mehˬ cuˇ cuˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁷ Khoernar-aq, aqyawfmaf dawqtawvluf yawkhav-aer ngoerngoer-aer, Pawrluv-euq kawqlanr-anr byarcuf-awr maeqsaw saw-euq mae.

Gʼaˬkʼehˇ 20:37 ပူးပေါင်းရင်းမြစ်များ

Aˇ dahˬ 45:14

Kʼoeˇ loꞈ-ehˇ ehˇ gʼaˬ ngeh, Beˬyaˬmiˬ-ahˇ Yoˇsehˆ byaˇ cuꞈ-awˇ ngoeˇ-euˬ meh. Beˬyaˬmiˬ kʼawꞈ, Yoˇsehˆ-euˬ kʼahˬ-ahˇ kʼawˬ daˇ-awˇ ngoeˇ-euˬ meh.

Aˇ dahˬ 46:29

Kʼoeˇ naˇ, Yoˇsehˆ mahˬ laˆ lawˬ dziˬ-awˇ, aˬ yawꞈ-euˬ aˬ da-ahˇ tahˬ puˬ leˇ-euˬ meh. Aˬ nyaꞈ da zaˬ tiˬ gʼaˬ tiˇ gʼaˬ tahˬ puˬ ngeh, aˬ yawꞈ aˬ da-euˬ kawˬ lahˇ-ahˇ Yoˇsehˆ byaˇ cuꞈ-awˇ, gʼawˬ myahˇ ni ngoeˇ-euˬ meh.

2 Saˬmeuˬlaˆ 15:30

Daˬbiˇ ngoeˇ ngoeˇ-ehˇ, Saˬloˬ gawˬ jawˬ-ahˇ daˆ leˇ leꞈ-euˬ meh. Aˬ yawꞈ noeˬ shaˬ dui dui-eu miˇ neh, sehˬ nawˆ maˬ nawˆ-eu uˬ taꞈ, uˬ duˬ dehˬ kaˬ taˬ-awˇ cah-euˬ meh. Aˬ yawꞈ-euˬ mehˬ nah cah-eu tsawˇ haˬ dawˬ tawˆ luꞈ kʼawꞈ, uˬ duˬ dehˬ kaˬ-awˇ ngoeˇ luꞈ-eu meh.

1 Sahˬpaˬ 19:20

Kʼoeˇ ngeh, Eˇliˇshehˇ mawˇ neˇ-ahˇ byehˇ dzeh yaꞈ-awˇ, Eˇliˇyaˆ-euˬ mehˬ nah cehˆ gʼeh-awˇ, “Nawˬ-euˬ mehˬ nah ngaˇ maˬ caw teh le mi naˆ-ehˇ, ngaˬ ma ngaˬ da jawˇ gaˇ gʼoꞈ-iˇ-awˇ, mehˬ cuˇ bi cuˇ-iˇ nehˬ laꞈ” lehˇ ehˇ-eu meh. Eˇliˇyaˆ gʼeh, “Muiˬ tehꞈ-a. Gʼoꞈ-iˇ nya tehꞈ-a. Nawˬ-ahˇ ngaˇ maˬ laˆ tsoeˬ” lehˇ ehˇ-eu meh.

2 Sahˬpaˬ 20:3

“Sahˬpaˬ Miˬyehˇ-oˇ, ngaˇ nawˬ-ahˇ saˇ jaˇ ziꞈ-eu laꞈ kʼoeˇ yaw dehꞈ dehꞈ-awˇ, nawˬ neh ngaˬ-ahˇ bi mˇ mawꞈ-eu jeˬ-ahˇ leh jeh-awˇ mˇ-euˬ gaˇ taˬ ngehˇ nehˬ laꞈ” lehˇ shaˇ-euˬ meh. Kʼoeˇ naˇ, aˬ yawꞈ ngoeˇ dui dui-euˬ meh.

Eˇzaˬlaˬ 10:1

Eˇzaˬlaˬ ngoeˇ ngoeˇ-ehˇ iˬ baˇ kʼoeˇ deuˬ shaˇ pyehˬ-eu laꞈ kʼoeˇ Uˬ duˬ tahˬ nymˇ nymˇ ma mehˬ shi pawˬ tsuiꞈ paw dmˬ dmˬ-awˇ guiˬ lahˬ shaˇ luꞈ ngeh, Iˇsaˬleˬlaˆ tsawˇ jeuˬ kʼaˬ dzeˇ zaˬ deuˬ, zaˬ miˬ zaˬ deuˬ hawˇ-eu zaˬ deuˬ kʼawꞈ ngoeˇ ngoeˇ-ehˇ aˬ yawꞈ dawˬ peh uiˬ laˇ-euˬ meh.

Yawˇbaˆ 2:12

Aˬ yawꞈ maꞈ maˬ iˇ keuˆ mi naˆ-ehˇ, ui cuiˆ gaˇ mahˇ kaˬ ngeh neh Yawˇbaˆ-ahˇ ya mawˇ-euˬ kʼawꞈ, maˬ haw siˬ nya-a. Yawˇbaˆ-ahˇ haw siˬ ngeh jawˇ, noeˬ shaˬ dui dui-eu laꞈ kʼoeˇ mehˬ tsoeˬ cehˬ pyaˬ-awˇ, kʼoeˇ taˆ paw kʼaˬ lehˇ byaˆ byaˆ-ehˇ yawˬ ha-euˬ uˬ duˬ-ahˇ byaˆ daˆ-awˇ, guˇ guˇ-ehˇ ngoeˇ-euˬ meh.

Jaceuq 126:5

Myaˆ biˇ yoeˇ-awˇ siˬ yoeˬ sehˬ-euˬ tsawˇ haˬ deuˬ, laˬ kʼaˬ cehˇ taˆ ni cehˇ ya yehˬ-eu guiˬ lahˬ biꞈ-awˬ.

Luˇkaꞈ 15:20

Kʼoeˇ naˇ, aˬ yawꞈ tsawˬ tuˇ laˇ-awˇ, aˬ yawꞈ-euˬ aˬ da jawˇ gaˇ gʼoꞈ leˇ-euˬ meh. “Aˬ yawꞈ gaˇ mahˇ kaˬ gaˇ gʼoꞈ laˇ luꞈ ngeh neh, aˬ yawꞈ-euˬ aˬ da aˬ yawꞈ-ahˇ haw mawˇ-awˇ, gʼawˬ shaˬ gaˬ dui dui-eu miˇ neh cehˆ coeˬ coeˬ gʼeh-awˇ, aˬ yawꞈ-ahˇ byaˇ cuꞈ-awˇ ha-eu laꞈ kʼoeˇ, mehˬ cuˇ cuˇ nehˬ-euˬ meh.

Lormav 16:16

Ka li zaˬ-euˬ gʼoeˇ-eu gaˬ-eu jeˬ laꞈ kʼoeˇ tiˬ gʼaˬ tiˇ gʼaˬ mehˬ cuˇ cuˇ-awˇ ha geuꞈ-awˬ. Ka li-euˬ aˇ muˇ dawˬ tawˆ luꞈ, naw maꞈ-ahˇ noeˬ mawˇ-eu dawˬ tsaꞈ ahˇ laꞈ-eu ma.

1 Gawˇliˬtu 16:20

Heu gaˇ kʼaˇ jawˇ-eu aˬ yuiꞈ aˬ nyiˇ Ka li zaˬ dawˬ tawˆ luꞈ, naw maꞈ-ahˇ dawˬ cawˬ puˬ ahˇ leꞈ-euˬ meh. Ka li zaˬ-euˬ nui gaˬ nui gʼoeˇ laꞈ kʼoeˇ tiˬ gʼaˬ tiˇ gʼaˬ dawˬ cawˬ puˬ-awˬ.

2 Gawˇliˬtu 13:12

Naw maꞈ tiˬ gʼaˬ tiˇ gʼaˬ yaw muiˬ yaw shawˇ laꞈ kʼoeˇ mehˬ cuˇ cuˇ-awˇ ha-awˬ. Miˬyehˇ-euˬ tsawˇ haˬ dawˬ tawˆ luꞈ, naw maꞈ-ahˇ dawˬ cawˬ puˬ ahˇ leꞈ-euˬ meh.

1 Teˇsaˬloˇni 5:26

Aˬ yuiꞈ aˬ nyiˇ Ka li zaˬ dawˬ tawˆ luꞈ-ahˇ muiˬ-eu shawˇ-eu laꞈ kʼoeˇ mehˬ cuˇ cuˇ-awˇ ha-awˬ.

2 Tiˆmoˇseˬ 1:4

Nawˇ myaˆ biˇ ya doˆ gaˇ noeˬ mawˇ-awˇ, nawˬ-ahˇngaˇ mawˇ mawꞈ dui dui-eu ma. Nawˬ-ahˇ mawˇ naˇ, ngaˇ laˬ kʼaˬ ya cehˇ dui dui tehꞈ-a.

Panmaeq 21:4

Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ aˬ yawꞈ siˆ shawˇ nehˬ tehꞈ-a. Shiˇ-eu jeˬ maˬ paˇ jaˆ-ehˇ, noeˬ shaˬ noeˬ zahˬ-eu jeˬ, ngoeˇ-eu jeˬ hawˇ-eu, naˇ-eu gawˇ-eu jeˬ maˬ paˇ jaˆ meh. Yaw oeˇ kʼoeˇ deuˬ dawˬ tawˆ luꞈ byoˆ jiˇ-euˬ meh.”

Panmaeq 7:17

Aˬ jeˬ miˇ neh ehˇ naˇ, dzoeˬ dzaˬ nuiˇ mahˬ-euˬ gʼahˇ ceh nuiˇ luꞈ-eu Yawˇzaˬ-aˬ, aˬ yawꞈ maꞈ-ahˇ bo-eu yawˇ bo-eu yaw sahˇ pyeuꞈ-awˇ, dehꞈ-eu saꞈ laˇ lawˇ gawˆ-ahˇ aˬ yawꞈ maꞈ-ahˇ sheuˬ gʼeh tehꞈ-a. Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ Miˬyehˇ siˆ shawˇ nehˬ tehꞈ-a.

1 Saˬmeuˬlaˆ 20:41

Aˬ li kʼoeˇ li gʼoꞈ-iˇ dzeuˇ ngeh, kʼaˬ lo lo bymˇ naˇ kʼah paw dzuˇ zaꞈ luꞈ-eu Daˬbiˇ tuˇ laˇ-awˇ, pawˬ tsuiꞈ pawˬ dmˬ dmˬ-awˇ smˬ poˆ awˆ byaˆ-euˬ meh. Yawˇnaˆshaˬ aˬ yawꞈ nyaꞈ tiˬ gʼaˬ tiˇ gʼaˬ mehˬ cuˇ cuˇ-awˇ, nyiˬ gʼaˬ luꞈ ngoeˇ-euˬ meh. Daˬbiˇ-aˬ, Yawˇnaˆshaˬ naˆ maˬ tseˇ nui ma shaˬ zahˬ naꞈ dzehˬ-euˬ meh.