Gʼaˬkʼehˇ 20:30 - Akha

³⁰ Naw maꞈ-euˬ laꞈ kʼoeˇ tsawˇ haˬ tiˬ paˆ na deuˬ doˆ laˇ-awˇ, jah-eu tsawˇ haˬ deuˬ-ahˇ mehˇ shuiˇ shuiˇ-eu laꞈ kʼoeˇ aˬ yawꞈ maꞈ jawˇ paw sheuˬ pyawˇ gʼeh tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Khoeruqtaf, nawmaf-euq lafkhoer tsawrhaq tiqpavnav deuq dovlar-awr, zaqlanr deuq, aqyawf maf-euq maeqnan cantae larni, yawtsaq yawdawr-euq dawq-anr yurpyawv taef-a.

Gʼaˬkʼehˇ 20:30 ပူးပေါင်းရင်းမြစ်များ

Dawqdaq 19:1

Dawˬ ngehˬ bahˬ-eu aˬ dzawˬ aˇ gah-aˬ, maˬ lehˬ maˬ ca-eu tsawˇ shaˬ maˬ tawˬ-a.

Dawqdaq 23:33

Nawˬ-euˬ myaˆ nuiˆ maˬ haw duˬ nya-eu uˬ taꞈ, nui ma maˬ noeˬ gahˇ nya-ehˇ, dawˬ yaw muiˬ maˬ ngehˬ nya ni pyeuꞈ-iˇ tehꞈ-a.

Iˇsaˬyaˇ 59:3

Naw maꞈ jaˬ myawꞈ mehˇ shuiˇ myaˬ-eu uˬ taꞈ, yaw haiˬ mˇ-awˇ tsawˇ haˬ-ahˇ sehꞈ-euˬ meh.

Daˬyeˬlaˇ 11:34

Kʼoeˇ loꞈ-ehˇ tsawˇ haˬ sehꞈ luꞈ-eu aˇ yamˬ laꞈ kʼoeˇ, Miˬyehˇ-euˬ tsawˇ haˬ deuˬ-aˬ, ui cuiˆ na ngehˬ gʼeh dah teˬ nehˬ-eu jeˬ-ahˇ za tehꞈ-a. Tsawˇ haˬ gʼawˬ mya ni yawˬ ha-ahˇ muiˬ laˇ gaˇ haw-awˇ, Miˬyehˇ-euˬ tsawˇ haˬ deuˬ jawˇ paw pyawˬ tehꞈ-a.

Maꞈtehˬ 23:15

Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, naw maꞈ-euˬ uˬ duˬ tahˬ-eu zahˇ sahˇ kʼoꞈ laꞈ kʼoeˇ tsawˇ haˬ yaw shuiꞈ tiˬ gʼaˬ bi uˇ laˇ-eu gʼaˇ duˬ, miˇ kʼahˬ poˆ laˆ cah paˇ-awˇ, laˆ shaˆ nui baˬ iˇ tsehˆ iˇ tsehˆ-ehˇ naw maꞈ leh jeh-eu meh. Ehˇ kʼawꞈ, tsawˇ haˬ kʼoeˇ gʼaˬ-ahˇ naw maꞈ mehˬ paˇ nehˬ gʼaˬ ngeh jawˇ, naw maꞈ loꞈ-ehˇ shiˬ buiˇ lah ma-ahˇ uˇ leˇ-eu paw, gʼaˬ nyiˬ bymˇ paˇ kʼaˆ dzehˬ laˇ ni jahˇ nehˬ gaˇ duˇ-eu meh.

Gʼaˬkʼehˇ 11:26

Aˬ yawꞈ-ahˇ poˆ mawˇ ngeh, Aˬdiˇawˬ meuˬ-ahˇ sheuˬ gʼeh-awˇ, Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ aˬ yawꞈ nyaꞈ kʼoꞈ kʼoꞈ lah ni tahˬ dzoeˇ-awˇ, tsawˇ haˬ gʼawˬ mya ni-ahˇ mehˬ nehˬ tsoˆ nehˬ-euˬ meh. Jah-eu tsawˇ haˬ deuˬ-ahˇ Ka li zaˬ lehˇ kuˇ beh beh-euˬ kʼoeˇ-aˬ, Aˬdiˇawˬ meuˬ-ahˇ meh.

Gʼaˬkʼehˇ 21:38

Toˆ-ehˇ ngeuˇ naˇ, miˇ nah huˬ nah miˇ kʼahˬ-ahˇ puiˬ-awˇ, guiˇ deuˆ-eu keu ka baꞈ luꞈ-eu aˬ cawˬ-ahˇ sehꞈ-euˬ tsawˇ haˬ oeˬ heˇ gʼaˬ sheuˬ-awˇ bawˇ tsahˬ bawˇ dahˇ-ahˇ iˇ doˆ taˬ-euˬ Iˇjiˇtuˆ tsawˇ haˬ kʼoeˇ gʼaˬ nawˇ maˬ ngeuˇ law hawˇ ngaˬ laˬ.”

2 Gawˇliˬtu 11:13

Tsawˇ haˬ kʼoeˇ deuˬ-aˬ, maˬ ngeuˇ-eu gʼaˬ kʼehˇ deuˬ meh. Ka li-euˬ gʼaˬ kʼehˇ jahˇ geuꞈ-eu mehˇ shuiˇ shuiˇ-eu tsawˇ haˬ deuˬ meh.

1 Tiˆmoˇseˬ 5:13

Tiˬ nymˇ saˇ-iˬ tiˬ nymˇ cah cah-ehˇ aˇ yamˬ gʼa jiˇ-eu jeˬ aˬ yawꞈ maꞈ mˇ nya laˇ-eu meh. Kʼoeˇ naˆ maˬ tseˇ doeˇ-eu jeˬ pyeuꞈ-eu, aˬ cawˬ gaˇ kawˆ maˬ ja paˬ-ehˇ gʼeh-eu jeˬ-ahˇ keuˆ ni ja ja-ehˇ cah-eu jeˬ-ahˇ mˇ nya laˇ-eu meh.

1 Tiˆmoˇseˬ 6:5

Kʼoeˇ uˬ taꞈ, shaˇ noeˬ shaˇ sawˇ nya-eu nui ma byoˆ-iˇ-awˇ, yaw tsaˬ yaw dawˇ jeˬ maˬ paˇ ahˇ-euˬ tsawˇ haˬ deuˬ yaw kaˬ maˬ tsehˆ leˇ ni dawˬ ja bi doˆ laˇ-eu meh. Uˬ duˬ tahˬ-eu zahˇ sahˇ kʼoꞈ-aˬ, tsawˇ haˬ-ahˇ smˇ muiˬ bi muiˬ laˇ-eu jeˬ pyeuꞈ-eu meh lehˇ aˬ yawꞈ maꞈ noeˬ-eu meh.

2 Beˬtuˆluˆ 2:18

Aˬ yawꞈ maꞈ aˬ dzawˬ aˇ gah-euˬ dawˬ ngehˬ-awˇ kʼahˬ sehˇ jehˆ-eu laꞈ kʼoeˇ, yaw lehˬ jeˬ mˇ mˇ-ehˇ dehꞈ-eu tsawˇ haˬ deuˬ-euˬ baꞈ dzah laꞈ kʼoeˇ dzeuˇ-iˇ ni leh jeh dahˬ beh luꞈ-eu tsawˇ haˬ deuˬ-ahˇ, shiˬ shaˬ jiˇ-euˬ nui kʼahˇ mˇ-eu jeˬ-ahˇ gʼoe-awˇ lahˇ ju kʼmˇ-eu meh.

1 Yoˇhaˬ 2:19

Tsawˇ haˬ heu deuˬ-aˬ, aˬ dui-euˬ aˇ maꞈ aˇ muˇ-ahˇ maˇ maˇ ni taꞈ-eu deuˬ maˬ ngeuˇ-a. Kʼoeˇ miˇ neh, aˬ yawꞈ maꞈ aˬ dui-ahˇ gʼawˬ-iˇ-eu meh. Aˬ yawꞈ maꞈ aˬ dui-euˬ aˇ maꞈ aˇ muˇ-ahˇ taꞈ law nmˇ-aˬ, aˬ dui-ahˇ maˬ gʼawˬ-iˇ ni jawˇ tehꞈ-a. Aˬ yawꞈ maꞈ aˬ dui-ahˇ maˬ taꞈ-eu gaˇ kawˆ bi siˬ duˬ laˇ-eu gʼaˇ duˬ, aˬ dui-ahˇ gʼawˬ-iˇ-euˬ jeˬ pyeuꞈ-eu meh.

2 Yoˇhaˬ 1:7

Yeˬsuˇ Ka li tsawˇ haˬ zaˬ-euˬ shiˬ shaˬ jiˇ pi-awˇ oe-euˬ meh lehˇ maˬ ha geuꞈ-eu jaˬ myawꞈ mehˇ shuiˇ shuiˇ-eu tsawˇ haˬ deuˬ gʼawˬ mya ni miˇ tsaˬ kʼoeˇ taˆ iˇ byah taˬ-euˬ meh. Kʼoeˇ loꞈ-ehˇ ehˇ-eu tsawˇ haˬ-aˬ, jaˬ myawꞈ mehˇ shuiˇ pyeuꞈ-awˇ, Ka li-ahˇ Muiˇ-eu tsawˇ haˬ meh.

Panmaeq 2:6

Niˇgawˇla tsawˇ haˬ deuˬ mˇ luꞈ shaˇ luꞈ-eu jeˬ-ahˇ ngaˇ maˬ haw nahˇ-eu loꞈ-ehˇ, nawˇ kʼawꞈ maˬ haw nahˇ-a.