Gʼaˬkʼehˇ 20:28 - Akha

²⁸ Kʼoeˇ miˇ neh, naw maꞈ-euˬ gʼawˇ mawˇ yaw muiˬ paˬ-ehˇ yahˇ-awˇ dehꞈ-eu uˬ taꞈ, Muiˬ-eu shawˇ-eu Yaw sahˇ Miˬyehˇ neh naw maꞈ-ahˇ a nehˬ-awˇ bi haw bi pyaˆ-euˬ yawˇ yawˇ maꞈ-ahˇ yaw muiˬ paˬ-ehˇ bo saˆ haw piˇ-awˬ. Miˬyehˇ neh aˬ yawꞈ-euˬ Zaˬmaˇ bi shiˇ dah-awˇ zeuˇ tsehˆ taˬ-euˬ aˬ yawꞈ-euˬ Ka li zaˬ aˇ muˇ-ahˇ yawˇ bo-eu loꞈ-ehˇ bo-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Yawshawr Saflar, nawmaf-anr armaf-euq lafkhoer nae tserdov-awr aqyuif aqtsu bigeuf-euq mirnae, nawmaf yawqhar yawqha yanryanr-aer daef-awr, armaf maflan-euq gharduq khawf yanr-awq. Aqyawf-euq shiq nae zeurkhof taq-euq Sanqpaq Miqyaer-euq Kalizaq armur-anr bosav-awq.

Gʼaˬkʼehˇ 20:28 ပူးပေါင်းရင်းမြစ်များ

Jaceuq 74:2

Nawˬ-euˬ tsawˇ jeuˬ-ahˇ nawˇ noeˬ keuˆ nehˬ laꞈ-awˬ. Nawˬ-euˬ tsawˇ jeuˬ bi geuꞈ-eu lehˇ aˬ cawˬ zaˬ kʼaˆ geuꞈ luꞈ gaˇ sheuˬ doˆ laꞈ-euˬ, aˇ hu ba neh nawˬ neh tseˇ doˆ-euˬ tsawˇ jeuˬ-ahˇ noeˬ keuˆ nehˬ laꞈ-awˬ. Aˇ hu ba nawˬ neh jawˇ-euˬ jawˇ duˬ pyeuꞈ-eu, Ziˇoˬ gawˬ jawˬ-ahˇ noeˬ keuˆ nehˬ laꞈ-awˬ.

Dawqdaq 10:21

Tsawˇ jaˬ-euˬ dawˬ pu-ahˇ mˇ cu-awˇ, aˬ dzawˬ aˇ gah bawˬ toˆ yawˬ haˇ yawˬ ha laˆ sehꞈ-eu meh.

Iˇsaˬyaˇ 40:11

Yawˇ bo-eu yaw sahˇ yawˇ-ahˇ bo saˆ nehˬ-eu loꞈ-ehˇ, aˬ yawꞈ-euˬ yawˇ maꞈ-ahˇ aˬ yawꞈ bo saˆ nehˬ-awˇ, yawˇ zaˬ deuˬ-ahˇ tiˬ gaˇ jaˬ uiˬ jiˇ-eu laꞈ kʼoeˇ, aˬ yawꞈ-euˬ bawˇ kʼahˇ-ahˇ ciˬ-awˇ, yawˇ zaˬ aˬ ma deuˬ-ahˇ aˬ za za-ehˇ sheuˬ gʼeh tehꞈ-a.

Iˇsaˬyaˇ 63:11

Kʼoeˇ naˇ, aˇ hu ba-euˬ aˇ nah aˇ yamˬ pyeuꞈ-eu, Sahˬpaˬ Miˬyehˇ zaˬ kʼaˆ Moˇseˬ-euˬ ziˇ-ahˇ noeˬ keuˆ-awˇ, aˬ yawꞈ maꞈ heu loꞈ-ehˇ ehˇ-eu meh. “Aˬ yawꞈ tsawˇ haˬ aˬ yuiꞈ aˬ tsu deuˬ-ahˇ, iˬ ma laˆ shaˆ laꞈ kʼoeˇ ka kʼoꞈ nehˬ-eu, Sahˬpaˬ Miˬyehˇ kʼoeˇ gʼaˬ nymˬ-mˇ aˬ gaˇ jawˇ ta. Aˬ yawꞈ-euˬ muiˬ-eu shawˇ-eu yaw sahˇ-ahˇ, Moˇseˬ kʼoeˇ taˆ bi keuˆ le-euˬ Sahˬpaˬ Miˬyehˇ kʼoeˇ gʼaˬ, aˬ geu paw iˇ-euˬ ta.

Yeˬlaˬmiˇ 13:17

Ehˇ kʼawꞈ, naw maꞈ maˬ naˇ haˬ naˇ, naw maꞈ nui ma huiˬ-eu mahˇ-eu miˇ neh, aˬ cawˬ maˬ bi siˬ ni ngaˇ ngoeˇ kʼoeˬ ma. Sahˬpaˬ Miˬyehˇ-euˬ tsawˇ haˬ deuˬ, aˬ cawˬ neh bi nyehꞈ byoˆ gʼeh-eu miˇ neh, ngaˇ ya ngoeˇ dui dui-awˇ, myaˆ biˇ daˇ lawˇ yoeˇ le tehꞈ-a.

Yeˬlaˬmiˇ 13:20

Yeˬluˇsaˬlehˬ meuˬ-oˇ haw-awˬ. Nawˬ-ahˇ muiˇ-eu deuˬ laꞈ taˆ paw neh oe luꞈ meh. Nawˬ-ahˇ a nehˬ-awˇ bi haw-euˬ tsawˇ haˬ pyeuꞈ-eu, nawˇ kʼahˬ sehˇ jehˆ luꞈ-eu tsawˇ haˬ kʼoeˇ deuˬ aˬ lehˬ.

Yeˬlaˬmiˇ 3:15

Ngaˬ-euˬ ehˇ dawˬ naˇ haˬ-awˇ uˆ lahˇ-eu aˬ yuiꞈ aˬ tsu deuˬ, naw maꞈ-ahˇ ngaˇ biꞈ ma. Zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ tiˬ byah ni ahˇ-eu laꞈ kʼoeˇ, naw maꞈ kʼoeˇ taˆ aˬ yawꞈ maꞈ uˆ lahˇ tehꞈ-a.

Yeˬlaˬmiˇ 31:10

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ kʼahˬ tsawˇ jeuˬ dawˬ tawˆ luꞈ naˇ haˬ sheˇ. Iˬ ma laˆ shaˆ kʼoeˇ baˬ keuˆ ni ngaˬ-euˬ dawˬ naˬ gaˬ-awˬ. Ngaˬ-euˬ tsawˇ haˬ deuˬ-ahˇ ngaˇ teh byaˆ-euˬ ngeuˇ ma. Ehˇ kʼawꞈ aˬ yawꞈ maꞈ-ahˇ ngaˇ poˆ kʼoꞈ-awˇ, yawˇ bo-eu gʼaˬ yawˇ yawˇ maꞈ-ahˇ haw-eu loꞈ-ehˇ, aˬ yawꞈ maꞈ-ahˇ ngehˬ gʼeh dah teˬ ma.

Yeˬsaˬgeˬlaˇ 34:3

Naw maꞈ yawˇ-euˬ aˬ coeˇ dawˇ-awˇ, yawˇ caꞈ hm neh zaꞈ-euˬ mehˬ tsoeˬ dm-awˇ, muiˬ dui dui-eu yawˇ deuˬ sehꞈ dzaˬ-eu meh. Ehˇ kʼawꞈ, yawˇ deuˬ-ahˇ yaw muiˬ-ehˇ maˬ haw-aˬ.

Yeˬsaˬgeˬlaˇ 34:31

“Naw maꞈ ngaˬ-euˬ yawˇ ma. Ngaˬ-euˬ gaˆ dzaˬ duˬ-ahˇ gaˆ-eu naw maꞈ-aˬ, ngaˬ-euˬ yawˇ, ngaˬ-euˬ tsawˇ jeuˬ pyeuꞈ-awˇ, ngaˇ naw maꞈ-euˬ Miˬyehˇ ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Miˇkaˬ 5:4

Aˬ yawꞈ oe ngeh, Sahˬpaˬ Miˬyehˇ jawˇ gaˇ neh oe-euˬ gʼaˬ hawˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ yaw shehꞈ kʼahˬ sehˇ-ahˇ gʼoe-awˇ, aˬ yawꞈ-euˬ tsawˇ haˬ deuˬ-ahˇ uˆ lahˇ tehꞈ-a. Aˬ yawꞈ-euˬ tsawˇ haˬ deuˬ guˆ kʼaˇ maˬ za ni ya dehꞈ tehꞈ-a. Aˬ jeˬ miˇ neh ehˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ aˬ yawꞈ huiˬ-eu mahˇ-eu gaˇ kawˆ siˬ nya tehꞈ-a.

Miˇkaˬ 7:14

Sahˬpaˬ Miˬyehˇ-oˇ, yawˇ bo-eu yaw sahˇ yawˇ zaˬ deuˬ-ahˇ haw piˇ-eu loꞈ-ehˇ, nawˬ neh tseˇ doˆ-euˬ nawˬ-euˬ tsawˇ jeuˬ-ahˇ haw piˇ-awˬ. Aˬ yawꞈ maꞈ bawˇ tsahˬ-ahˇ jawˇ ceuˆ taˬ-euˬ kʼawꞈ, aˬ yawꞈ maꞈ-euˬ jawˬ jawˬ-ehˇ miˇ muiˬ muiˬ-eu miˇ tsaˬ jaˆ-eu meh. Aˇ hu ba aˬ yawꞈ maꞈ neh mˇ dzaˬ kʼawꞈ dawˇ yaꞈ-euˬ miˇ tsaˬ miˇ muiˬ muiˬ dui dui-eu Baˬshaˬ hawˇ-eu Giˇlaˆ gahˬ kaˬ-ahˇ, aˬ yawꞈ maꞈ-ahˇ bi mˇ dzaˬ bi kʼawꞈ dawˇ poˆ-iˇ-awˬ.

Zaˬkaˬliˇ 11:4

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Sehꞈ-eu gʼaˇ duˬ cu taˬ-eu yawˇ deuˬ-ahˇ bo-eu gʼaˬ geuꞈ haw sheˇ.

Maꞈtehˬ 16:18

Kʼoeˇ miˇ neh, ngaˇ nawˬ-ahˇ heu loꞈ-ehˇ ehˇ-eu ma. Beˬtuˆluˆ nawˇ-aˬ, kʼaˬ lo meh. Kʼaˬ lo heu kʼoeˇ taˆ dawˬ pehˬ taˬ-awˇ, ngaˬ-euˬ aˇ muˇ ngaˇ gawˇ daˆ leꞈ ma. Shiˇ-eu jeˬ-euˬ baoˬ, aˇ muˇ heu muˇ-ahˇ maˬ gʼa leˇ-a.

Maꞈtehˬ 2:6

‘Behˬlehˬhehˬ-oˇ, Yuˇdaˆ meuˬ deuˬ laꞈ kʼoeˇ, nawˇ maˬ nyiˇ teˬ dzehˬ-a. Aˬ jeˬ miˇ neh ehˇ naˇ, ngaˬ-euˬ tsawˇ jeuˬ pyeuꞈ-eu, Iˇsaˬleˬlaˆ kʼoeˇ taˆ, sheuˬ gʼeh uˆ lahˇ-eu gʼaˬ, nawˬ-euˬ laꞈ kʼoeˇ doˆ laˇ tehꞈ-a.”’

Maˬkuˆ 13:9

“Naw maꞈ yaw gahˇ gahˇ-ehˇ ya dehꞈ meh. Naw maꞈ-ahˇ aˬ cawˬ paꞈ-awˇ, yaˇ kʼaˬ daˇ-eu saˇ naˇ-ahˇ tsahˇ gʼeh tehꞈ-a. Uˬ duˬ tahˬ nymˇ laꞈ kʼoeˇ naw maꞈ-ahˇ aˬ cawˬ diˬ tehꞈ-a. Naw maꞈ ngaˬ-ahˇ jah-eu jeˬ baˬ da neh, sahˬ paˬ sahˬ ma deuˬ mehˬ shi naw maꞈ ya yawꞈ leˇ-awˇ, saˇ kiˇ ya kamˬ tehꞈ-a.

Luˇkaꞈ 12:32

“Nyiˇ dui dui-eu yawˇ yawˇ maꞈ-oˇ, taˬ guˆ. Aˬ jeˬ miˇ neh ehˇ naˇ, naw maꞈ-ahˇ Miˇkʼahˬ biꞈ-eu gʼaˇ duˬ naw maꞈ-euˬ Aˬda nui ma tsaˬ-eu meh.

Luˇkaꞈ 21:34

“Naw maꞈ yaw beuˇ beuˇ-ehˇ jawˇ-awˬ. Maˬ ngeuˇ naˇ, dzaˬ boˆ dawˇ boˆ boˆ-eu jeˬ, dzaˬ yehꞈ dawˇ yehꞈ-eu jeˬ hawˇ-eu, yaw dehꞈ dehꞈ-eu gaˇ kawˆ kʼahˬ lahˇ-eu jeˬ naw maꞈ-euˬ nui ma-ahˇ ciˬ tehˬ taˬ-awˇ maˬ noeˬ maˬ duˇ-ehˇ jawˇ luꞈ ngeh, lahˇ ju-ahˇ paꞈ leˇ-eu loꞈ-ehˇ, aˇ nah kʼoeˇ nah naw maꞈ kʼoeˇ taˆ ja pyuˬ ni bi keuˆ le nmˬ-mˇ.

Gʼaˬkʼehˇ 13:2

Aˬ yawꞈ maꞈ maˬ dzaˬ-eu zahˇ jahˇ-awˇ Sahˬpaˬ Miˬyehˇ-ahˇ uˬ duˬ tahˬ tahˬ-ehˇ jawˇ ngeh, Muiˬ-eu shawˇ-eu Yaw sahˇ Miˬyehˇ aˬ yawꞈ maꞈ-ahˇ ehˇ-eu, “Ngaˬ neh a yawꞈ nyaꞈ-ahˇ bi mˇ-eu lehˇ kuˇ-euˬ gaˇ deuˬ-ahˇ bi mˇ-eu gʼaˇ duˬ, Baˬnaˬbaˇ hawˇ-eu Sawˇluˆ aˬ ha nyaꞈ-ahˇ tseˇ doˆ-awˇ bi jawˇ-awˬ.”

Gʼaˬkʼehˇ 14:23

Ka li zaˬ aˇ muˇ yawˬ muˇ na luꞈ laꞈ kʼoeˇ, aˬ yuiꞈ aˬ tsu tseˇ doˆ nehˬ-awˇ, maˬ dzaˬ-eu zahˇ jahˇ-awˇ guiˬ lahˬ shaˇ-eu laꞈ kʼoeˇ, aˬ yawꞈ maꞈ jah luꞈ-eu Sahˬpaˬ Miˬyehˇ-euˬ aˬ laꞈ laꞈ kʼoeˇ a nehˬ yaꞈ-euˬ meh.

Gʼaˬkʼehˇ 20:17

Pawˇluˆ Meˬleˬduˇ meuˬ-ahˇ jawˇ luꞈ ngeh, Eˇpeˇsu Ka li zaˬ aˇ muˇ-euˬ aˬ yuiꞈ aˬ tsu deuˬ aˬ yawꞈ-ahˇ tahˬ puˬ le-eu gʼaˇ duˬ bi kuˇ leˇ-euˬ meh.

Gʼaˬkʼehˇ 20:29

Ngaˇ doˆ-iˇ dzeuˇ naˇ guˆ laˇ paˬ-ehˇ gʼeh-eu kʼaˬ yehˇ deuˬ oe-awˇ, yawˇ yawˇ maꞈ-ahˇ gʼawˬ shaˬ maˬ gaˬ ni laˆ cawˆ le tehꞈ-a lehˇ ngaˇ siˬ nya ma.

Lormav 16:16

Ka li zaˬ-euˬ gʼoeˇ-eu gaˬ-eu jeˬ laꞈ kʼoeˇ tiˬ gʼaˬ tiˇ gʼaˬ mehˬ cuˇ cuˇ-awˇ ha geuꞈ-awˬ. Ka li-euˬ aˇ muˇ dawˬ tawˆ luꞈ, naw maꞈ-ahˇ noeˬ mawˇ-eu dawˬ tsaꞈ ahˇ laꞈ-eu ma.

1 Gawˇliˬtu 1:2

Miˬyehˇ-euˬ muiˬ-eu shawˇ-eu tsawˇ haˬ bi geuꞈ-eu gʼaˇ duˬ bi kuˇ doˆ-awˇ, aˬ dui-euˬ Sahˬpaˬ Yeˬsuˇ ka li-ahˇ uˬ duˬ kʼaˇ tahˬ-eu yawˬ gaˇ na luꞈ jawˇ-eu tsawˇ haˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ, aˬ dui-euˬ Sahˬpaˬ hawˇ-eu aˬ yawꞈ maꞈ-euˬ Sahˬpaˬ pyeuꞈ-eu Yeˬsuˇ Ka li laꞈ kʼoeˇ Miˬyehˇ-euˬ tsawˇ haˬ pyeuꞈ laˇ-euˬ Gawˇliˬtu meuˬ-ahˇ jawˇ-eu Ka li zaˬ aˇ muˇ jawˇ gaˇ sahˬ boꞈ boꞈ ahˇ laꞈ-eu ma.

1 Gawˇliˬtu 10:32

Yuˇdaˆ tsawˇ haˬ deuˬ-ahˇ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ-ahˇ maˬ ehˇ, Miˬyehˇ-euˬ Ka li zaˬ aˇ muˇ-ahˇ maˬ ehˇ, coeˬ-eu ciˆ-eu jeˬ maˬ mˇ ni dehꞈ-awˬ.

1 Gawˇliˬtu 11:22

Naw maꞈ kʼoeˇ loꞈ-ehˇ dzaˬ-eu dawˇ-eu gʼaˇ duˬ yawˬ ha-euˬ nymˇ maˬ baw te loˇ. Maˬ ngeuˇ naˇ, naw maꞈ Miˬyehˇ-euˬ Ka li zaˬ aˇ muˇ-ahˇ yehˬ bawˬ sehˇ lu-ehˇ gʼeh-awˇ, shaˬ zaˬ zahˬ zaˬ deuˬ bi shaꞈ dawˇ-eu gʼaˇ duˬ jahˇ te loˇ. Gaˇ kawˆ heu hmˬ-ahˇ taꞈ leˇ-awˇ, ngaˇ aˬ joˆ-ehˇ ehˇ laˇ gaˇ naw maꞈ gaˬ mawꞈ-eu nya. Ja ceuˬ nehˬ laꞈ-eu dawˬ-ahˇ gaˬ mawꞈ-eu nya loˇ. Maˬ ja ceuˬ.

1 Gawˇliˬtu 15:9

Aˬ jeˬ miˇ neh ehˇ naˇ, gʼaˬ kʼehˇ dawˬ tawˆ luꞈ laꞈ kʼoeˇ ngaˇ aˬ cawˬ naˆ maˬ tseˇ teˬ-eu gʼaˬ pyeuꞈ-eu ma. Miˬyehˇ-euˬ Ka li zaˬ aˇ muˇ-ahˇ kʼehˬ haw kʼaˆ haw-euˬ tsawˇ haˬ pyeuꞈ-eu miˇ neh, gʼaˬ kʼehˇ lehˇ bi kuˇ-eu kʼawꞈ maˬ geuˇ nya.

1 Gawˇliˬtu 6:20

Miˬyehˇ neh aˇ poeˬ biꞈ-awˇ zeuˇ tsehˆ gʼaˬ-euˬ meh. Kʼoeˇ miˇ neh, naw maꞈ-euˬ gʼawˇ mawˇ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bi doˆ laˇ-awˬ.

Gaˬlaˬtiˆ 1:13

Ngaˇ Yuˇdaˆ tsawˇ haˬ uˬ duˬ tahˬ-eu zahˇ sahˇ kʼoꞈ tawˬ luꞈ ngeh aˬ joˆ-ehˇ dehꞈ yaꞈ-euˬ gaˇ kawˆ naw maꞈ-ahˇ ja mehˬ gʼaˬ-euˬ ma. Miˬyehˇ-euˬ Ka li zaˬ aˇ muˇ-ahˇ gʼawˬ shaˬ maˬ gaˬ ni kʼehˬ nehˬ kʼaˆ nehˬ-awˇ, ngaˇ kʼaˇ gʼeh nya gaˇ keuˆ ni laˆ cawˆ-eu jeˬ mˇ-euˬ ma.

Eˇpeˇsu 1:14

Yaw sahˇ Miˬyehˇ-aˬ, Miˬyehˇ neh aˬ yawꞈ-euˬ tsawˇ haˬ deuˬ-ahˇ saˇ jaˇ dzaˬ taˬ-euˬ jeˬ-ahˇ aˬ dui aˬ diˇ za-eu gaˇ kawˆ saˇ kiˇ pyeuꞈ-awˇ, Miˬyehˇ aˬ yawꞈ-euˬ tsawˇ haˬ deuˬ-ahˇ tiˬ byah tiˬ loꞈ bi buˬ bi law-iˇ tehꞈ-a lehˇ aˬ dui-ahˇ bi siˬ duˬ laꞈ-euˬ jeˬ pyeuꞈ-eu meh. Aˬ yawꞈ-euˬ yaw shehꞈ kʼahˬ sehˇ-ahˇ ja ceuˬ kaˇ-euˇ.

Eˇpeˇsu 1:7

Aˬ jeˬ miˇ neh ehˇ naˇ, Ka li kamˇ shiˇ-euˬ baˬ da neh aˬ dui ya buˬ-iˇ-awˇ, aˬ dui-euˬ iˬ baˇ-ahˇ pyehˬ nehˬ laꞈ-euˬ meh. Miˬyehˇ gʼawˬ shaˬ gaˬ-eu guiˬ lahˬ kʼoeˇ aˇ naˆ ni huiˬ-eu nga.

Eˇpeˇsu 4:11

“Miˇ tsaˬ zaˬ-ahˇ laꞈ sawˬ biˬ-euˬ” gʼaˬ-aˬ, aˬ yawꞈ meh. Tiˬ paˆ na deuˬ-ahˇ gʼaˬ kʼehˇ bi geuꞈ-awˇ, tiˬ paˆ na deuˬ-ahˇ Miˬyehˇ gʼaˇ duˬ ngehˬ dah-eu tsawˇ haˬ bi geuꞈ-eu gʼaˇ duˬ maˬ ehˇ, tiˬ paˆ na deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu tsawˇ haˬ bi geuꞈ-eu gʼaˇ duˬ maˬ ehˇ, tiˬ paˆ na deuˬ-ahˇ Ka li zaˬ aˇ muˇ-ahˇ sheuˬ gʼeh-eu saˬ laˬ bi geuꞈ-eu gʼaˇ duˬ maˬ ehˇ, mehˬ-eu tsoˆ-eu saˬ laˬ bi geuꞈ-eu gʼaˇ duˬ maˬ ehˇ, aˬ yawꞈ laꞈ sawˬ biꞈ-euˬ meh.

Piˇliˇpiˆ 1:1

Yeˬsuˇ Ka li-euˬ zaˬ kʼaˆ pyeuꞈ-eu Pawˇluˆ hawˇ-eu Tiˆmoˇseˬ nga nyaꞈ, Yeˬsuˇ Ka li laꞈ kʼoeˇ Piˇliˇpiˆ meuˬ-ahˇ jawˇ luꞈ-eu Ka li zaˬ aˇ muˇ-ahˇ sheuˬ gʼeh-eu deuˬ, caw dehˬ caw toˆ-eu deuˬ hawˇ-eu, Miˬyehˇ-euˬ tsawˇ haˬ dawˬ tawˆ luꞈ-ahˇ sahˬ boꞈ boꞈ ahˇ laꞈ-eu ma.

Gawˇlawˇsehˇ 1:14

Aˬ yawꞈ neh aˬ dui-ahˇ bi buˬ-iˇ laꞈ-euˬ meh. Kʼoeˇ-aˬ, aˬ dui-ahˇ iˬ baˇ pyehˬ nehˬ laꞈ-euˬ jeˬ pyeuꞈ-eu meh.

Gawˇlawˇsehˇ 4:17

Aˬgiˇpuˆ-ahˇ kʼawꞈ, “Sahˬpaˬ Yeˬsuˇ-euˬ gaˇ laꞈ kʼoeˇ nawˇ mˇ-eu gaˇ deuˬ-ahˇ yaw muiˬ paˬ-ehˇ mˇ luiˆ jiˇ-awˬ” lehˇ tiˬ poˆ tsaꞈ gaˬ nehˬ-awˬ.

1 Tiˆmoˇseˬ 3:1

Ka li zaˬ aˇ muˇ-ahˇ sheuˬ gʼeh-eu gaˇ mˇ mawꞈ-eu tsawˇ haˬ-aˬ, muiˬ dui dui-eu gaˇ-ahˇ poˆ-eu meh lehˇ ehˇ-eu dawˬ kʼoeˇ dawˬ tsaˬ dui dui meh.

1 Tiˆmoˇseˬ 3:2

Ka li zaˬ aˇ muˇ-ahˇ sheuˬ gʼeh-eu tsawˇ haˬ-aˬ, iˬ baˇ taˬ kʼaˇ maˬ za-eu, miˬ zaˬ tiˬ gʼaˬ tehꞈ-ehˇ baw-eu, noeˬ dahˇ doe-eu, yawˬ ha-euˬ nui ma-ahˇ gʼaˬ leˇ-eu, gaˇ yaw luiˆ luiˆ-ehˇ mˇ nya-eu, daˬ yah-ahˇ yaw muiˬ paˬ-ehˇ ha-eu, aˬ cawˬ-ahˇ mehˬ nehˬ tsoˆ nehˬ nya-eu tsawˇ haˬ ya bi pyeuꞈ meh.

1 Tiˆmoˇseˬ 3:5

Aˬ jeˬ miˇ neh ehˇ naˇ, yawˬ ha-euˬ nymˇ jiˇ-ahˇ maˬ gʼaˬ leˇ-eu tsawˇ haˬ-aˬ, Miˬyehˇ-euˬ Ka li zaˬ aˇ muˇ-ahˇ aˬ joˆ-ehˇ bo saˆ nya nmˇ.

1 Tiˆmoˇseˬ 4:14

Miˬyehˇ gʼaˇ duˬ ngehˬ dah-eu deuˬ neh dawˬ ngehˬ gʼeh-awˇ Ka li zaˬ aˇ muˇ-euˬ aˬ yuiꞈ aˬ tsu deuˬ nawˬ-euˬ kʼoeˇ taˆ aˬ laꞈ baꞈ daˆ nehˬ ngeh za taˬ-euˬ jeˬ pyeuꞈ-eu guiˬ lahˬ saꞈ laˇ paw-euˬ laꞈ sawˬ deuˬ-ahˇ taˬ byehˇ dzeh taˬ.

1 Tiˆmoˇseˬ 4:16

Yawˬ ha-euˬ gʼawˇ mawˇ gaˇ kawˆ maˬ ehˇ, yawˬ ha mehˬ-eu tsoˆ-eu jeˬ gaˇ kawˆ maˬ ehˇ, yaw muiˬ-ehˇ yahˇ-awˬ. Gaˇ heu deuˬ-ahˇ maˬ byehˇ ni mˇ daˆ leꞈ-awˬ. Aˬ jeˬ miˇ neh ehˇ naˇ, nawˇ kʼoeˇ loꞈ-ehˇ mˇ-eu kʼoeˇ-aˬ, nawˬ-euˬ gʼawˇ mawˇ-ahˇ maˬ ehˇ, nawˬ neh mehˬ nehˬ tsoˆ nehˬ-euˬ tsawˇ haˬ deuˬ-ahˇ maˬ ehˇ, ka kʼoꞈ-eu jeˬ pyeuꞈ-eu meh.

1 Tiˆmoˇseˬ 5:17

Ka li zaˬ aˇ muˇ-ahˇ sheuˬ gʼeh-eu gaˇ yaw muiˬ paˬ-ehˇ mˇ luꞈ-eu tsawˇ mawˬ tsawˇ kʼaˆ deuˬ-ahˇ nyiˬ bymˇ taˬ huiˬ nehˬ paˬ-ehˇ gʼeh tehꞈ-a. Aꞈ yawꞈ maꞈ laꞈ kʼoeˇ, dawˬ mehˬ mehˬ-eu hawˇ-eu mehˬ-eu tsoˆ-eu jeˬ-ahˇ yaw kʼaˆ-ehˇ leh jeh-awˇ mˇ-eu deuˬ-ahˇ, kʼoeˇ naˆ maˬ tseˇ taˬ huiˬ nehˬ paˬ-ehˇ gʼeh tehꞈ-a.

Tiˇtuˆ 1:7

Ka li zaˬ aˇ muˇ-ahˇ sheuˬ gʼeh-eu tsawˇ haˬ deuˬ-aˬ, Miˬyehˇ-euˬ gaˇ-ahˇ haw-eu pyaˆ-eu tsawˇ haˬ pyeuꞈ-eu miˇ neh, iˬ baˇ taˬ kʼaˇ maˬ ya bi za-a. Yawˬ ha-euˬ nui noeˬ geuꞈ-eu, nui ma nymˇ-eu, aˬ gaꞈ dzaˇ uiˇ dawˇ yehꞈ-eu, aˬ cawˬ-ahˇ dawꞈ-eu ceh-eu, pyuˇ-ahˇ mehˇ juiˇ juiˇ-eu, heu loꞈ-ehˇ gʼeh-eu tsawˇ haˬ maˬ ya bi pyeuꞈ-a.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

HeˬByehˇ 12:15

Miˬyehˇ-euˬ guiˬ lahˬ-ahˇ maˬ ya byehˇ dzeh ni yahˇ-awˬ. Kʼaˬ dui dui-eu baw duˆ mehˇ laˇ-awˇ aˬ yawꞈ-euˬ doꞈ kʼoeˇ neh aˬ cawˬ-ahˇ laˆ bahˬ laˆ muˆ-eu loꞈ-ehˇ, tsawˇ haˬ tiˬ gʼaˬ-iˬ taˬ bi pyeuꞈ.

HeˬByehˇ 13:17

Naw maꞈ kʼoeˇ taˆ aˬ yuiꞈ aˬ tsu geuꞈ-eu deuˬ-euˬ ehˇ dawˬ yaw muiˬ paˬ-ehˇ naˇ haˬ geuꞈ-awˬ. Aˬ yawꞈ maꞈ neh mˇ-euˬ gaˇ deuˬ Miˬyehˇ mehˬ shi ya dzawˇ mehˬ leˇ-eu baˬ da neh, jawˇ naˬ maˬ mˇ ni naw maꞈ-euˬ saꞈ laˇ-ahˇ haw piˇ luꞈ-eu meh. Aˬ yawꞈ maꞈ-euˬ ehˇ dawˬ-ahˇ naw maꞈ naˇ haˬ geuꞈ naˇ, aˬ yawꞈ maꞈ-euˬ gaˇ-ahˇ aˬ yawꞈ maꞈ laˬ kʼaˬ cehˇ-eu laꞈ kʼoeˇ ya mˇ tehꞈ-a. Naw maꞈ maˬ naˇ haˬ geuꞈ naˇ, aˬ yawꞈ maꞈ noeˬ shaˬ-eu laꞈ kʼoeˇ ya mˇ-awˇ, naw maꞈ gʼaˇ duˬ gaˇ dahˇ maˬ tsoeˬ-a.

1 Beˬtuˆluˆ 2:25

Yaw beh, naw maꞈ-aˬ, gaˇ ma byoˆ-iˇ-awˇ shaˬ luꞈ-eu yawˇ deuˬ-ahˇ duˇ-eu meh. Ehˇ kʼawꞈ, nymˬ-mˇ-aˬ, naw maꞈ-ahˇ Bo saˆ haw piˇ-eu gʼaˬ pyeuꞈ-eu Yawˇ bo-eu yaw sahˇ-euˬ mehˬ nah bi caw teh-eu gʼaˇ duˬ, naw maꞈ-ahˇ sheuˬ kʼoꞈ doˆ nehˬ laꞈ-euˬ meh.

1 Beˬtuˆluˆ 2:9

Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.

1 Yoˇhaˬ 1:7

Ehˇ kʼawꞈ, aˬ yawꞈ yaw shehꞈ laꞈ kʼoeˇ jawˇ-eu loꞈ-ehˇ, aˬ dui kʼawꞈ yaw shehꞈ laꞈ kʼoeˇ jawˇ naˇ, aˬ dui tiˬ gʼaˬ tiˇ gʼaˬ cawˬ cawˬ taꞈ-awˇ, Zaˬmaˇ Yeˬsuˇ-euˬ shiˬ aˬ dui-euˬ iˬ baˇ dawˬ tawˆ luꞈ-ahˇ tsiˬ shawˇ nehˬ laꞈ tehꞈ-a.

Panmaeq 5:9

Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.