Gʼaˬkʼehˇ 20:27 - Akha

²⁷ Aˬ jeˬ miˇ neh ehˇ naˇ, Miˬyehˇ-euˬ nui noeˬ dawˬ tawˆ luꞈ, naw maꞈ-ahˇ ngaˇ maˬ zaꞈ taˬ ni ja mehˬ jiˇ gʼaˬ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Aqjeq mirnae aernar-aq, Miqyaer nuima tsaq-eu jeq dawqtawvluf ngar maq zaftaqni nawmaf-anr maeqnaeq jir-euq ma.

Gʼaˬkʼehˇ 20:27 ပူးပေါင်းရင်းမြစ်များ

Jaceuq 32:11

Tsaˬeu dawˇ-eu tsawˇhaˬdeuˬ-oˇ, SahˬpaˬMiˬyehˇlaꞈkʼoeˇcehˇ-awˬ. Nui ma dawˇ-eu tsawˇhaˬdeuˬ-oˇ, laˬkʼaˬcehˇdui dui-awˇguˇ-awˬ.

Jaceuq 40:10

Nawˬ-euˬyaw tsaˬyaw dawˇkʼoeˇ-ahˇ, nui ma laꞈkʼoeˇmaˬzaꞈtaˬ-ehˇ, nawˇsaˇjaˇziꞈ-eu jeˬhawˇ-eu, nawˬ-euˬka kʼoꞈ-eu jeˬgaˇkawˆ, maˬtsehˆleˇni ja mehˬ-eu ma. Nawˬ-euˬgʼoeˇ-eu gaˬ-eu hawˇ-eu, nawˬ-euˬyaw tsaˬyaw dawˇgaˇkawˆ, tsawˇhaˬaˇmaꞈkʼoeˇdeuˬmehˬshi, ngaˬneh laˆzaꞈtaˬ-euˬmaˬjaˆ.

Yeˬlaˬmiˇ 23:22

Ngaˬ-euˬ nui noeˬ aˬ yawꞈ maꞈ siˬ nya law nmˇ-aˬ, ngaˬ-euˬ tsawˇ haˬ deuˬ-ahˇ ngaˬ-euˬ dawˬ ngehˬ dah-awˇ, aˬ yawꞈ maꞈ-euˬ haiˬ-eu dehꞈ jeˬ dehꞈ kawˆ hawˇ-eu, aˬ yawꞈ maꞈ mˇ luꞈ-eu yaw lehˬ jeˬ-ahˇ, byehˇ dzeh ni mehˬ paˇ nya tehꞈ-a.

Yeˬlaˬmiˇ 26:2

Sahˬpaˬ Miˬyehˇ ngaˬ-ahˇ ehˇ-eu, “Uˬ duˬ tahˬ nymˇ nymˇ ma-euˬ pu ka yawꞈ-awˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ neh laˇ-awˇ, kʼoeˇ gaˇ uˬ duˬ kʼaˇ tahˬ laˇ-euˬ tsawˇ haˬ dawˬ tawˆ luꞈ-ahˇ, ngaˬ neh nawˬ-ahˇ biꞈ taˬ-euˬ dawˬ deuˬ tiˬ dawˬ-iˬ maˬ dzeˇ ni dzawˇ mehˬ nehˬ-awˬ.

Yeˬlaˬmiˇ 34:6

Dawˬ heu deuˬ, Yeˬluˇsaˬlehˬ meuˬ-ahˇ Zeˬdaˬkiˇ jawˇ gaˇ ngaˇ dzawˇ nehˬ leˇ-euˬ ma.

Yeˬlaˬmiˇ 42:21

Ehˇ kʼawꞈ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ kʼehˇ-awˇ, naw maꞈ-ahˇ bi ehˇ gaˬ le-euˬ yawˬ jeˬ na luꞈ-ahˇ nymˬ-mˇ naw maꞈ maˬ naˇ haˬ geuꞈ-a.

Yeˬsaˬgeˬlaˇ 40:4

Aˬ yawꞈ ngaˬ-ahˇ ehˇ-eu, “Tsawˇ haˬ zaˬ-oˇ, haw taˬ-awˬ. Naˬ bawˇ yaw muiˬ paˬ-ehˇ ciˬ kʼmˇ-awˇ, ngaˇ nawˬ-ahˇ kʼaˇ mehˬ nehˬ laꞈ-eu jeˬ-ahˇ yaw muiˬ paˬ-ehˇ haw duˬ taˬ-awˬ. Aˬ jeˬ miˇ neh ehˇ naˇ, heu loꞈ-ehˇ bi haw taˬ-eu gʼaˇ duˬ nawˬ-ahˇ heu gaˇ sheuˬ laꞈ-euˬ meh. Nawˬ neh kʼaˇ ya mawˇ-euˬ yawˬ jeˬ na luꞈ Iˇsaˬleˬlaˆ tsawˇ haˬ deuˬ-ahˇ nawˇ ya dzawˇ nehˬ-iˇ meh.”

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Luˇkaꞈ 7:30

Ehˇ kʼawꞈ, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-aˬ, Miˬyehˇ neh aˬ yawꞈ maꞈ gʼaˇ duˬ lehˬ hmˬ taˬ-euˬ jeˬ-ahˇ maˬ ha geuꞈ-ehˇ, Yoˇhaˬ neh iˇ cuꞈ maˬ bi shawˇ ni jawˇ-euˬ meh.

Yoˇhaˬ 15:15

Aˬ kaˇ naˇ, ngaˇ naw maꞈ-ahˇ zaˬ kʼaˆ lehˇ maˬ paˇ kuˇ ma. Aˬ jeˬ miˇ neh ehˇ naˇ, zaˬ kʼaˆ-aˬ, yawˬ ha-euˬ baw leˬ aˬ jeˬ mˇ luꞈ-eu gaˇ kawˆ maˬ siˬ nya-a. Ngaˇ naw maꞈ-ahˇ ngaˬ-euˬ cawˬ lehˇ kuˇ ma. Aˬ jeˬ miˇ neh ehˇ naˇ, ngaˬ Da neh kʼaˇ ehˇ nehˬ laꞈ-euˬ jeˬ naw maꞈ-ahˇ ngaˇ dzawˇ nehˬ gʼaˬ jiˇ-euˬ ma.

Gʼaˬkʼehˇ 13:36

Daˬbiˇ-aˬ, aˬ yawꞈ-euˬ tiˬ ziˇ Miˬyehˇ-euˬ nui kʼahˇ mˇ-awˇ, aˬ yawꞈ shiˇ ngeh, aˬ yawꞈ-euˬ aˬ poeˬ aˬ bawˇ deuˬ nehˬ-ehˇ bi baꞈ pahˬ-awˇ, aˬ yawꞈ-euˬ gʼawˇ mawˇ lmˬ bymˇ laꞈ kʼoeˇ buꞈ-iˇ-euˬ meh.

Gʼaˬkʼehˇ 2:23

Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.

Gʼaˬkʼehˇ 20:20

Miˇ kʼahˬ zaˬ mehˬ shi maˬ ehˇ, nymˇ jiˇ laꞈ kʼoeˇ maˬ ehˇ, naw maꞈ-ahˇ ngaˇ dawˬ mehˬ mehˬ ngeh, naw maꞈ gʼaˇ duˬ gaˇ dahˇ tsoeˬ-eu jeˬ tiˬ jeˬ-iˬ maˬ zaꞈ taˬ ni mehˬ nehˬ-euˬ naw maꞈ siˬ nya meh.

Gʼaˬkʼehˇ 20:35

‘Za-eu naˆ maˬ tseˇ biꞈ-eu guiˬ lahˬ huiˬ dzehˬ meh’ lehˇ Sahˬpaˬ Yeˬsuˇ neh ehˇ-euˬ dawˬ kʼoeˇ dawˬ-ahˇ noeˬ keuˆ-eu laꞈ kʼoeˇ, kʼoeˇ loꞈ-ehˇ gaˇ yaw kʼaˆ-ehˇ mˇ-awˇ gʼaˬ baˬ-eu deuˬ-ahˇ ya caw ba meh lehˇ, yawˬ jeˬ na luꞈ laꞈ kʼoeˇ naw maꞈ-ahˇ ngaˇ mˇ mehˬ shaˇ mehˬ mehˬ-euˬ ma.”

1 Gawˇliˬtu 11:23

Ngaˬ neh naw maꞈ-ahˇ mehˬ-euˬ tsoˆ-euˬ dawˬ kʼoeˇ deuˬ Sahˬpaˬ Yeˬsuˇ jawˇ gaˇ ngaˇ za taˬ-euˬ ma. Sahˬ paˬ Yeˬsuˇ-aˬ, aˬ yawꞈ-ahˇ bi ahˬ dzaˬ ngeh miˇ, kaˬ muˇ yuˇ-awˇ,

2 Gawˇliˬtu 4:2

Shaꞈ dawˇ paˬ-ehˇ gʼeh-eu zaꞈ taˬ-euˬ jeˬ-ahˇ nga maꞈ tiˬ jawˇ-iˬ maˬ mˇ. Mehˇ shuiˇ shuiˇ-eu jeˬ hawˇ-eu Miˬyehˇ dawˬ kawˬ-ahˇ yuˇ pyawˆ-eu jeˬ nga maꞈ maˬ jahˇ. Yaw tsaˬ yaw dawˇ jeˬ-ahˇ bya cehˆ ni mehˬ-awˇ , nga maꞈ-ahˇ aˬ cawˬ jah coeˇ ni Miˬyehˇ-euˬ mehˬ shi dehꞈ luꞈ-eu ma.

Gaˬlaˬtiˆ 4:16

Nymˬ-mˇ ngaˇ naw maꞈ-ahˇ yaw tsaˬ yaw dawˇ jeˬ ehˇ nehˬ-euˬ miˇ neh, ngaˇ naw maꞈ-ahˇ muiˇ-eu tsawˇ haˬ pyeuꞈ shaw taˬ loˇ.

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.

1 Teˇsaˬloˇni 2:4

Miˬyehˇ neh bi ngehˬ bi tmˇ laꞈ-euˬ jeˬ-ahˇ tehꞈ-ehˇ nga maꞈ ngehˬ-eu tmˇ-eu ma. Aˬ jeˬ miˇ neh ehˇ naˇ, nga maꞈ Laˬ kʼaˬ cehˇ-eu Guiˬ lahˬ dawˬ mehˬ geuˇ meh lehˇ, Miˬyehˇ neh daˇ tsehˆ taˬ-euˬ jeˬ pyeuꞈ-eu meh. Tsawˇ haˬ zaˬ nui kʼahˇ shiˇ ni nga maꞈ mˇ luꞈ-eu maˬ ngeuˇ. Nga maꞈ-euˬ nui ma-ahˇ lawˬ haw-eu gʼaˬ pyeuꞈ-eu Miˬyehˇ nui kʼahˇ shiˇ ni mˇ luꞈ-eu ma.

Yawˇshuˆ 8:35

Zaˬ miˬ zaˬ deuˬ, zaˬ deuˬ hawˇ-eu, aˬ yawꞈ maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ deuˬ ahˇ leˇ-ehˇ, kʼaˇ uiˬ laˇ taˬ-euˬ tsawˇ haˬ dawˬ tawˆ luꞈ-ahˇ, Moˇseˬ-euˬ Zahˇ dawˬ kʼoꞈ dawˬ tiˬ dawˬ-iˬ maˬ bi dzeˇ yaꞈ ni Yawˇshuˆ gui mehˬ nehˬ-euˬ meh.