Gʼaˬkʼehˇ 20:24 - Akha

²⁴ Ehˇ kʼawꞈ, ngaˬ-euˬ gʼawˇ mawˇ heu-aˬ, tiˬ jeˬ-iˬ maˬ poeˬ maˬ lawˬ-a lehˇ ngaˇ noeˬ jiˇ taˬ-euˬ ma. Ngaˇ ya mˇ-eu saˬ saˬ naˬ gaˇ heu mˇ jiˇ-awˇ, Sahˬpaˬ Yeˬsuˇ neh ngaˬ-ahˇ biꞈ taˬ-euˬ Miˬyehˇ gʼawˬ shaˬ gaˬ-eu jeˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ heu mˇ luiˆ yaꞈ nya ni noeˬ tsoˆ taˬ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Aerkhawf, heudeuq tiqjeq-iq ngaq-anr maq gheunyaelar nya-aer, ngaq-euq daefzir-anr khawf, ngar maq khanqlanr. Aqjeq mirnae aernar-aq, ngar yacaev-eu garma heukanr laqkhaq tiqcaer caevli-awr, Sanqpaq Yeqsur-anr nae za-euq guiqlanq-euq gar pyeuf-eu, Miqyaer-euq guiqlanq yawdzanr byan-eu guiqlanq dawq-euq garkawv, sarkir yakamq nar-aq ghaq ma.

Gʼaˬkʼehˇ 20:24 ပူးပေါင်းရင်းမြစ်များ

1 Laˬsaˬbaˬ 11:18

Tsawˇ myahˇ doˆ dui dui-eu yehˇ kʼoeˇ smˇ gʼaˬ Piˇliˇtiˆ tsawˇ haˬ deuˬ-euˬ taˆ nyiꞈ tsehˆ-ehˇ tahˬ doˆ gʼeh-awˇ, lah duˬ-ahˇ iˇ cuꞈ kʼawꞈ-awˇ, Daˬbiˇ jawˇ gaˇ yuˇ laꞈ nehˬ-euˬ meh. Ehˇ kʼawꞈ, iˇ cuꞈ kʼoeˇ aˬ yawꞈ maˬ dawˇ-ehˇ, shehˆ kʼaˇ-awˇ Sahˬpaˬ Miˬyehˇ-ahˇ lawˇ nehˬ-euˬ meh.

Luˇkaꞈ 16:28

Ngaˬ-euˬ mehˇ nmˇ ngaˬ gʼaˬ jawˇ-eu ma. Kʼehˬ-eu kʼaˆ-eu jeˬ-ahˇ ya daˬ dui dui-eu jawˇ duˬ heu tsahˇ-ahˇ, aˬ ha mehˇ nmˇ maˬ ya laˇ keuˆ ni yahˇ-eu gʼaˇ duˬ tiˬ poˆ bi ehˇ gaˬ-iˇ sheˇ.’

Yoˇhaˬ 15:27

Naw maꞈ kʼawꞈ, aˇ dahˬ beh ngeh neh ngaˬ nehˬ-ehˇ jawˇ-euˬ miˇ neh, ngaˬ-euˬ gʼaˇ duˬ saˇ kiˇ kamˬ tehꞈ-a.

Yoˇhaˬ 17:4

Miˇ tsaˬ kʼoeˇ taˆ nawˬ-euˬ yaw shehꞈ kʼahˬ sehˇ ngaˇ bi mawˇ gʼaˬ-euˬ ma. Nawˬ neh bi mˇ laꞈ-euˬ gaˇ-ahˇ ngaˇ mˇ luiˆ gʼaˬ-euˬ ma.

Gʼaˬkʼehˇ 1:17

Yuˇdaˆ-aˬ, aˬ dui-euˬ aˇ muˇ laꞈ kʼoeˇ uˇ-eu tsawˇ haˬ tiˬ gʼaˬ meh. Aˬ jeˬ miˇ neh ehˇ naˇ, aˬ dui nehˬ-ehˇ gaˇ mˇ-eu gʼaˇ duˬ aˬ yawꞈ-ahˇ tseˇ doˆ taˬ-euˬ meh.”

Gʼaˬkʼehˇ 11:23

Aˬ yawꞈ kʼoeˇ gaˇ le keuˆ-awˇ, Miˬyehˇ neh tsawˇ haˬ kʼoeˇ deuˬ-ahˇ guiˬ lahˬ biꞈ-euˬ gaˇ ya mawˇ ngeh, laˬ kʼaˬ cehˇ dui dui-eu laꞈ kʼoeˇ, Sahˬ paˬ Yeˬsuˇ-ahˇ nui ma laꞈ kʼoeˇ keuˆ ni saˇ jaˇ ziꞈ-eu gʼaˇ duˬ aˬ yawꞈ maꞈ dawˬ tawˆ luꞈ-ahˇ gʼaˬ biꞈ nehˬ-euˬ meh.

Gʼaˬkʼehˇ 13:25

Yoˇhaˬ-aˬ, aˬ yawꞈ ya mˇ-eu saˬ saˬ naˬ gaˇ aˇ saˬ saˬ-eu dawˬ peh peh laˇ ngeh, heu loꞈ-ehˇ ehˇ-eu meh. ‘Ngaˇ aˬ suˇ gʼaˬ nga lehˇ naw maꞈ noeˬ te. Naw maꞈ noeˬ tmˬ luꞈ-eu kʼoeˇ gʼaˬ ngaˇ maˬ ngeuˇ. Aˬ yawꞈ-aˬ, ngaˬ-euˬ jeˬ nah oe luꞈ meh. Ngaˇ-aˬ, aˬ yawꞈ-euˬ sehˬ nawˆ aˇ caˆ puiˇ nehˬ-eu tehꞈ-ehˇ kʼawꞈ mˇ-eu maˬ geuˇ nya.’

Gʼaˬkʼehˇ 14:3

Gʼaˬ kʼehˇ kʼoeˇ nyiˬ gʼaˬ kʼoeˇ gaˇ gʼawˬ myahˇ ni jawˇ-awˇ, Sahˬpaˬ Miˬyehˇ-euˬ gaˇ kawˆ kʼaˬ duˬ ni mehˬ-euˬ meh. Sahˬpaˬ Miˬyehˇ neh aˬ yawꞈ nyaꞈ-ahˇ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ jahˇ nya-eu baoˬ biꞈ-eu laꞈ kʼoeˇ, aˬ yawꞈ-euˬ gʼawˬ shaˬ gaˬ-eu jeˬ gaˇ kawˆ mehˬ-eu kʼoeˇ tsaˬ-eu jeˬ pyeuꞈ-eu saˇ kiˇ bi doˆ laˇ-euˬ meh.

Gʼaˬkʼehˇ 15:7

Gaˇ kawˆ kʼoeˇ aˬ yawꞈ maꞈ ja dui dui-euˬ meh. Gʼawˬ myahˇ ni ja keuˆ laꞈ ngeh Beˬtuˆluˆ tuˇ laˇ-awˇ, heu loꞈ-ehˇ ehˇ-eu meh. “Aˬ yuiꞈ aˬ nyiˇ deuˬ-oˇ, aˬ cawˬ tsawˇ jeuˬ gʼeh Laˬ kʼaˬ cehˇ-eu Guiˬ lahˬ dawˬ heu-ahˇ ya gaˬ-awˇ jah laˇ nya ni dawˬ mehˬ mehˬ-iˇ-eu gʼaˇ duˬ, aˬ dui maꞈ laꞈ kʼoeˇ yaw beh ngeh neh Miˬyehˇ ngaˬ-ahˇ tseˇ doˆ-euˬ naw maꞈ siˬ nya luꞈ meh.

Gʼaˬkʼehˇ 18:5

Siˬlaˆ hawˇ-eu Tiˆmoˇseˬ aˬ nyaꞈ Maˬgeˬdawˇniˆ miˇ kʼahˬ-ahˇ neh oe keuˆ ngeh, Pawˇluˆ gʼaˬ-aˬ, Miˬyehˇ dawˬ kawˬ mehˬ-eu gaˇ tehꞈ-ehˇ aˇ yamˬ tiˬ byah ni mˇ-awˇ, Yeˬsuˇ Meˬsiˇya pyeuꞈ-eu gaˇ kawˆ Yuˇdaˆ tsawˇ haˬ deuˬ-ahˇ saˇ kiˇ kamˬ-euˬ meh.

Gʼaˬkʼehˇ 20:21

Yawˬ ha-euˬ iˬ baˇ noeˬ poˆ-awˇ Miˬyehˇ jawˇ paw gʼoꞈ laˇ-eu laꞈ kʼoeˇ aˬ dui-euˬ Sahˬpaˬ Yeˬsuˇ-ahˇ ya jah meh lehˇ, Yuˇdaˆ tsawˇ haˬ-ahˇ maˬ ehˇ, aˬ cawˬ tsawˇ jeuˬ-ahˇ maˬ ehˇ, tiˬ kawˆ loꞈ-ehˇ ngaˇ mehˬ-euˬ ma.

Gʼaˬkʼehˇ 20:23

Meuˬ yawˬ meuˬ na luꞈ laꞈ kʼoeˇ, tawˬ-ahˇ bi nyehꞈ uˇ-eu jeˬ hawˇ-eu, ya shaˬ ya zahˬ dui dui-eu jeˬ ngaˬ-ahˇ loꞈ luꞈ meh lehˇ, Muiˬ-eu shawˇ-eu Yaw sahˇ Miˬyehˇ ngaˬ-ahˇ ehˇ nehˬ laꞈ-euˬ kʼoeˇ maˬ ngeuˇ naˇ, nui jeˬ ngaˇ maˬ siˬ nya nya.

Gʼaˬkʼehˇ 20:32

“Nymˬ-mˇ, Miˬyehˇ-euˬ aˬ laꞈ laꞈ kʼoeˇ hawˇ-eu aˬ yawꞈ-euˬ gʼawˬ shaˬ gaˬ-eu jeˬ laꞈ kʼoeˇ naw maꞈ-ahˇ ngaˇ a nehˬ yaꞈ-eu ma. Guiˬ lahˬ yaw dzahˇ biꞈ-eu dawˬ kʼoeˇ-aˬ, naw maꞈ-ahˇ bi huiˬ bi mahˇ laˇ nya-awˇ, Miˬyehˇ neh aˬ yawꞈ-euˬ tsawˇ haˬ dawˬ tawˆ luꞈ gʼaˇ duˬ lehˬ hmˬ taˬ-euˬ guiˬ lahˬ biꞈ nya-eu meh.

Gʼaˬkʼehˇ 21:13

Ehˇ kʼawꞈ, aˬ yawꞈ ehˇ-eu, “Aˬ jeˬ miˇ neh naw maꞈ ngoeˇ ngoeˇ-ehˇ ngaˬ-euˬ nui ma tsawˬ paˆ-iˇ ni jahˇ nehˬ laꞈ te. Yeˬluˇsaˬlehˬ meuˬ-ahˇ aˬ cawˬ neh bi paꞈ-eu tehꞈ-ehˇ maˬ ngeuˇ ni, Sahˬpaˬ Yeˬsuˇ-euˬ gʼaˇ duˬ kʼoeˇ gaˇ shiˇ dah gaˇ keuˆ ni ngaˇ leh hmˬ taˬ-euˬ ma.”

Gʼaˬkʼehˇ 22:21

Aˬ yawꞈ ngaˬ-ahˇ ehˇ-eu, ‘Iˇ-awˬ. Gaˇ mahˇ kaˬ gaˇ jawˇ-eu aˬ cawˬ tsawˇ jeuˬ tsawˇ ca deuˬ jawˇ gaˇ ngaˇ nawˬ-ahˇ kʼehˇ gʼeh-eu ma.”’

Gʼaˬkʼehˇ 9:15

Sahˬpaˬ Yeˬsuˇ ehˇ-eu, “Iˇ-awˬ. Aˬ jeˬ miˇ neh ehˇ naˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, miˇ kʼahˬ sahˬ paˬ deuˬ maˬ ehˇ, Iˇsaˬleˬlaˇ tsawˇ haˬ deuˬ maˬ ehˇ, ngaˬ-euˬ tsawˇ myahˇ-ahˇ siˬ nya laˇ ni bi mˇ-eu gʼaˇ duˬ, aˬ yawꞈ-ahˇ ngaˇ tseˇ doˆ taˬ-euˬ ma.

Lormav 11:6

Tseˇ doˆ-euˬ kʼoeˇ-aˬ, aˬ yawꞈ gʼawˬ shaˬ gaˬ-eu baˬ da neh meh. Aˬ yawꞈ maꞈ neh mˇ-euˬ gaˇ baˬ da neh maˬ ngeuˇ-a. Tsawˇ haˬ zaˬ neh mˇ-euˬ gaˇ baˬ da neh tseˇ doˆ-euˬ ngeuˇ naˇ, aˬ yawꞈ gʼawˬ shaˬ gaˬ-eu jeˬ-aˬ, maˇ maˇ ni gʼeh-eu gʼawˬ shaˬ gaˬ-eu jeˬ maˬ ngeuˇ-a.

Lormav 4:4

Gaˇ mˇ-eu tsawˇ haˬ-aˬ, gʼaˬ gaˇ poeˬ za-eu meh. Kʼoeˇ-aˬ, laꞈ sawˬ za-euˬ lehˇ maˬ sawˇ nya-a. Aˬ yawꞈ neh mˇ za-euˬ jeˬ pyeuꞈ-eu meh.

1 Gawˇliˬtu 15:58

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, gʼaˬ byehˆ maˬ byehˆ-ehˇ ziꞈ dah ni yawꞈ tehˬ taˬ-eu laꞈ kʼoeˇ, Sahˬpaˬ Yeˬsuˇ-euˬ gaˇ mˇ-eu yawꞈ ngehꞈ maˬ ngeuˇ-a lehˇ siˬ nya-awˇ, Sahˬpaˬ Yeˬsuˇ-euˬ gaˇ mˇ-eu leh jeh dui dui-awˬ.

2 Gawˇliˬtu 12:10

Kʼoeˇ miˇ neh, gʼaˬ baˬ-eu jeˬ, yehˬ bawˬ sehˇ lu-ehˇ gʼeh nehˬ laꞈ-eu jeˬ, shaˬ-eu zahˬ-eu jeˬ, kʼehˬ-eu kʼaˆ-eu jeˬ, nui ma shaˬ zahˬ ya mˇ-eu jeˬ, heu deuˬ-ahˇ Ka li gʼaˇ duˬ ngaˇ laˬ kʼaˬ cehˇ cehˇ-ehˇ daˬ-eu ma. Aˬ jeˬ miˇ neh ehˇ naˇ, ngaˇ gʼaˬ baˬ-eu kʼoeˇ-aˬ, gʼaˬ kʼaˆ-eu jeˬ pyeuꞈ-eu ma.

2 Gawˇliˬtu 4:1

Miˬyehˇ gʼawˬ shaˬ gaˬ-eu laꞈ kʼoeˇ nga maꞈ-ahˇ gaˇ heu bi mˇ laꞈ-euˬ miˇ neh, nga maꞈ-euˬ nui ma gʼaˬ maˬ baˬ.

2 Gawˇliˬtu 4:12

Ehˇ mawꞈ-eu-aˬ, saꞈ laˇ dehꞈ-eu jeˬ-ahˇ naw maꞈ siˬ nya laˇ ni, shiˬ shaˬ jiˇ shiˇ-eu jeˬ-ahˇ nga maꞈ maˬ tsehˆ leˇ ni ya tahˬ puˬ luꞈ ma.

2 Gawˇliˬtu 5:8

Nga maꞈ nui ma kʼaˬ duˬ ni jaˆ-eu laꞈ kʼoeˇ shiˬ shaˬ jiˇ gʼawˇ mawˇ heu-ahˇ byehˇ dzeh yaꞈ mawꞈ-awˇ, Sahˬpaˬ Miˬyehˇ jawˇ gaˇ gʼoꞈ leˇ mawꞈ-eu ma.

2 Gawˇliˬtu 7:4

Naw maꞈ-ahˇ ngaˇ bya cehˆ ni ngehˬ cawˬ luꞈ-eu ma. Naw maꞈ-ahˇ ngaˇ nui kʼahˇ shiˇ dui dui nya. Nga maꞈ shaˬ zahˬ ya tahˬ puˬ dui dui kʼawꞈ, ngaˬ-euˬ nui ma kʼaˬ duˬ ni jaˆ luꞈ ma. Ngaˇ laˬ kʼaˬ cehˇ-eu byah kʼaˇ luꞈ ma.

Gaˬlaˬtiˆ 1:1

Gʼaˬ kʼehˇ bi geuꞈ-eu gʼaˇ duˬ tsawˇ haˬ zaˬ neh kuˇ-euˬ maˬ ngeuˇ-ehˇ, tsawˇ haˬ zaˬ neh gʼaˬ kʼehˇ ka nehˬ-euˬ kʼawꞈ maˬ ngeuˇ ni, Yeˬsuˇ Ka li hawˇ-eu aˬ yawꞈ-ahˇ bi gʼoꞈ dehꞈ laˇ-euˬ Aˬda Miˬyehˇ neh kuˇ-euˬ gʼaˬ pyeuꞈ-eu ngaˇ Pawˇluˆ hawˇ-eu

Eˇpeˇsu 1:6

Aˬ yawꞈ-euˬ huiˬ dui muiˬ dui dui-eu gʼawˬ shaˬ gaˬ-eu guiˬ lahˬ kʼoeˇ, aˬ yawꞈ gaˬ dui dui-eu aˬ yawꞈ-euˬ Zaˬmaˇ laꞈ kʼoeˇ aˬ dui-ahˇ biꞈ laꞈ-euˬ miˇ neh, Miˬyehˇ-ahˇ ja ceuˬ kaˇ-euˇ.

Eˇpeˇsu 3:13

Kʼoeˇ miˇ neh, naw maꞈ nui ma taˬ baˬ lehˇ ngaˇ shaˇ-eu ma. Aˬ jeˬ miˇ neh ehˇ naˇ, ngaˇ ya daˬ luꞈ-eu heu-aˬ, naw maꞈ-euˬ gʼaˇ duˬ ma. Naw maꞈ-euˬ yaw shehꞈ kʼahˬ sehˇ gʼaˇ duˬ daˬ luꞈ-eu ma.

Piˇliˇpiˆ 2:17

Naw maꞈ-euˬ jah-eu jeˬ Miˬyehˇ-ahˇ lawˇ nehˬ-euˬ kʼoeˇ taˆ, ngaˬ-euˬ shiˬ ya shehˆ daˆ nehˬ law hawˇ kʼawꞈ, ngaˇ nui kʼahˇ shiˇ-awˇ, naw maꞈ dawˬ tawˆ luꞈ nehˬ-ehˇ tiˬ kawˆ loꞈ-ehˇ laˬ kʼaˬ caw cehˇ-eu ma.

Piˇliˇpiˆ 2:30

Aˬ jeˬ miˇ neh ehˇ naˇ, naw maꞈ maˬ caw ba nehˬ laꞈ nya-eu jeˬ aˬ yawꞈ ngaˬ-ahˇ caw ba-eu gʼaˇ duˬ, Ka li-euˬ gaˇ mˇ-eu laꞈ kʼoeˇ shiˇ taw tehˬ ni aˬ yawꞈ leh jeh dui dui-euˬ meh.

Gawˇlawˇsehˇ 1:24

Nymˬ-mˇ naw maꞈ gʼaˇ duˬ ngaˇ ya daˬ luꞈ-eu heu-ahˇ, ngaˇ laˬ kʼaˬ cehˇ ma. Aˬ jeˬ miˇ neh ehˇ naˇ, ngaˬ-euˬ shiˬ shaˬ jiˇ gʼawˇ mawˇ heu loꞈ-ehˇ ya daˬ luꞈ-eu heu-aˬ, Ka li aˬ yawꞈ-euˬ gʼawˇ mawˇ pyeuꞈ-eu Ka li zaˬ aˇ muˇ gʼaˇ duˬ aˬ yawꞈ ya daˬ-euˬ kʼoeˇ maˬ byah laˇ jiˇ-ehˇ jaˆ yaꞈ-euˬ deuˬ bi byah laˇ-eu gʼaˇ duˬ caw ba gaˇ duˇ-eu ma.

1 Teˇsaˬloˇni 2:2

Naw maꞈ jawˇ-eu Teˇsaˬloˇni meuˬ-ahˇ nga maꞈ maˬ oe mi naˆ-ehˇ, Piˇliˇpiˆ meuˬ laꞈ kʼoeˇ aˬ cawˬ nga maꞈ-ahˇ kʼehˬ nehˬ kʼaˆ nehˬ laꞈ-awˇ yehˬ bawˬ sehˇ lu-ehˇ ehˇ nehˬ laꞈ gaˇ ya daˬ-euˬ naw maꞈ siˬ nya meh. Laˆ tsoeˬ-eu gʼawˬ mya jeˬ jaˆ kʼawꞈ, Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ naw maꞈ-ahˇ mehˬ nehˬ nya ni, aˬ dui-euˬ Miˬyehˇ nga maꞈ-ahˇ gʼaˬ biꞈ laꞈ-euˬ meh.

1 Teˇsaˬloˇni 3:3

Kʼehˬ-eu kʼaˆ-eu heu jeˬ baˬ da neh jah-eu jeˬ-ahˇ naw maꞈ maˬ ya byehˇ dzeh-eu gʼaˇ duˬ bi laˇ-euˬ ma. Kʼehˬ-eu kʼaˆ-eu jeˬ-ahˇ aˬ dui ya daˬ-eu heu-aˬ, Miˬyehˇ nui ma tsaˬ-eu tiˬ jehˬ meh lehˇ naw maꞈ siˬ nya meh.

2 Tiˆmoˇseˬ 1:12

Kʼoeˇ-euˬ gʼaˇ duˬ, kʼehˬ-eu kʼaˆ-eu heu deuˬ-ahˇ ngaˇ daˬ luꞈ-eu ma. Ehˇ kʼawꞈ, ngaˇ tiˬ pawꞈ-iˬ maˬ shaꞈ dawˇ. A jeˬ miˇ neh ehˇ naˇ, ngaˇ gʼoe luꞈ-eu gʼaˬ aˬ suˇ gʼaˬ-a lehˇ ngaˇ siˬ nya-awˇ, aˬ yawꞈ neh ngaˬ-ahˇ a nehˬ taˬ-euˬ jeˬ-ahˇ, Aˇ nah kʼoeˇ nah keuˆ laˇ ngeh keuˆ ni aˬ yawꞈ jeˬ hmˬ bo saˆ tehꞈ-a lehˇ ngaˇ siˬ nya ma.

2 Tiˆmoˇseˬ 3:11

kʼehˬ-eu kʼaˆ-eu jeˬ-ahˇ ya daˬ-euˬ jeˬ, ya shaˬ ya zahˬ-euˬ jeˬ, heu deuˬ-ahˇ nawˇ dzaw geuꞈ-euˬ meh. Aˬdiˇawˬ meuˬ, Iˇgawˇniˇ meuˬ, Loˇdaˬlaˇ meuˬ, heu deuˬ laꞈ kʼoeˇ ngaˬ-euˬ kʼoeˇ taˆ aˬ joˆ-ehˇ keuˆ le-awˇ, guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ-ahˇ ngaˇ aˇ naˆ ni daˬ dzeuˇ oˇ dzeuˇ-euˬ gaˇ kawˆ nawˇ siˬ nya meh. Yeˬsuˇ ngaˬ-ahˇ bi buˬ-iˇ laꞈ-euˬ meh.

2 Tiˆmoˇseˬ 4:17

Ehˇ kʼawꞈ, Sahˬpaˬ Yeˬsuˇ ngaˬ nehˬ-ehˇ jawˇ-awˇ, ngaˬ-ahˇ gʼaˬ biꞈ nehˬ laꞈ-euˬ meh. Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ dawˬ kawˬ nui kʼahˇ tiˬ shiˇ ya mehˬ yaꞈ-euˬ ma. Kʼoeˇ uˬ taꞈ, ngaˬ-ahˇ sehꞈ-eu gʼaˇ duˬ yaˇ kʼaˬ maˬ daˇ nehˬ laꞈ ni nya dzeuˇ-iˇ-euˬ ma.

Tiˇtuˆ 1:3

Kʼoeˇ naˇ, aˇ yamˬ aˇ law tsaˬ laˇ ngeh, aˬ yawꞈ-euˬ guiˬ lahˬ dawˬ laꞈ kʼoeˇ dehꞈ-eu jeˬ kʼoeˇ pah mehˬ nehˬ laꞈ-euˬ meh. Gaˇ kawˆ kʼoeˇ ja mehˬ-eu gʼaˇ duˬ ngaˬ-ahˇ a nehˬ laꞈ taˬ-euˬ loꞈ-ehˇ, aˬ dui-euˬ Ka kʼoꞈ-eu gʼaˬ pyeuꞈ-eu Miˬyehˇ neh dawˬ kʼaˇ biꞈ laꞈ-euˬ loꞈ-ehˇ ngaˇ mehˬ luꞈ-eu meh.

Tiˇtuˆ 2:11

Aˬ jeˬ miˇ neh ehˇ naˇ, tsawˇ haˬ zaˬ dawˬ tawˆ luꞈ-ahˇ ka kʼoꞈ-eu gʼaˇ duˬ, Miˬyehˇ aˬ yawꞈ-euˬ guiˬ lahˬ yaw dzahˇ pah mehˬ laꞈ-euˬ meh.

HeˬByehˇ 10:34

Tawˬ-ahˇ dawˆ nehˬ gaˇ ya daˬ-euˬ tsawˇ haˬ deuˬ nehˬ-ehˇ naw maꞈ caw daˬ-awˇ, naw maꞈ kʼaˇ jaˆ-eu jeˬ dawˬ tawˆ luꞈ aˬ cawˬ yuˇ geuꞈ jiˇ ngeh, yawˬ ha-euˬ mˇ myawˬ smˬ-iˇ-euˬ jeˬ-ahˇ naw maꞈ nui ma maˬ cawˆ ni daˬ-euˬ meh. Aˬ jeˬ miˇ neh ehˇ naˇ, kʼoeˇ naˆ maˬ tseˇ muiˬ-eu mˬ maˬ maˬ byaˆ zaˇ ziˇ ziꞈ-eu myawˬ gahˬ jaˆ te siˬ lehˇ naw maꞈ siˬ nya-eu meh.

1 Beˬtuˆluˆ 5:12

Ngaˇ jah coeˇ-eu aˬ nyiˇ Siˬlaˇ-ahˇ gʼoe-awˇ, naw maꞈ-ahˇ sahˬ boꞈ heu taꞈ yaw nymˇ nymˇ-ehˇ boꞈ ahˇ laꞈ-eu ma. Naw maꞈ-ahˇ gʼaˬ biꞈ mawꞈ-eu miˇ neh sahˬboꞈ heu taꞈ ngaˇ boꞈ-euˬ ma. Sahˬ boꞈ heu taꞈ-aˬ, maˇ maˇ ni Miˬyehˇ-euˬ guiˬ lahˬ yaw dzahˇ pyeuꞈ-eu ma. Guiˬ lahˬ yaw dzahˇ heu-euˬ laꞈ kʼoeˇ ziꞈ dah ni jawˇ-awˬ.

1 Yoˇhaˬ 3:16

Aˬ dui gʼaˇ duˬ Ka li shiˇ dah-euˬ miˇ neh, gʼoeˇ-eu gaˬ-eu jeˬ lehˇ ehˇ-eu-aˬ, kʼoeˇ loꞈ-ehˇ gʼeh gaˇ ehˇ-eu meh lehˇ aˬ dui siˬ nya-eu ma. Aˬ dui kʼawꞈ, aˬ dui-euˬ tsawˇ haˬ pyeuꞈ-eu jah-eu tsawˇ haˬ deuˬ gʼaˇ duˬ shiˇ dah-eu tsaˬ meh.

Panmaeq 12:11

Aˬ dui-euˬ aˬ yuiꞈ aˬ nyiˇ Ka li zaˬ deuˬ-aˬ, Yawˇzaˬ-euˬ shiˬ hawˇ-eu aˬ yawꞈ maꞈ mehˬ luꞈ-eu yaw tsaˬ yaw dawˇ jeˬ baˬ da neh aˬ yawꞈ-ahˇ gʼaˬ leˇ-euˬ meh. Aˬ yawꞈ maꞈ-aˬ, gʼawˇ mawˇ shiˇ dah peuˬ-eu meh.

Panmaeq 6:11

Kʼoeˇ ngeh, aˬ yawꞈ maꞈ yawˬ gʼaˬ na luꞈ-ahˇ pehˇ kʼahˬ pehˇ mahˇ yaw pyuˇ bi dm awˇ, aˬ yawꞈ maꞈ-ahˇ sehꞈ-euˬ loꞈ-ehˇ, aˬ yawꞈ maꞈ nehˬ-ehˇ tiˬ kawˆ loꞈ-ehˇ gaˇ mˇ-euˬ deuˬ tsawˇ haˬ aˇ gʼaˬ noeˬ taˬ-euˬ loꞈ-ehˇ bi sehꞈ byah ngeh keuˆ ni, tiˬ kʼehˬ gʼaˬ naˬ naˬ tawˬ-eu gʼaˇ duˬ ehˇ nehˬ-euˬ meh.