Gʼaˬkʼehˇ 20:2 - Akha

² Miˇ kʼahˬ kʼoeˇ kʼahˬ doe ni aˬ yawꞈ iˇ gʼeh ngeh, dawˬ mehˬ mehˬ mehˬ-ehˇ gʼaˬ biꞈ yaꞈ-awˇ, Aˬgaˬyaˇ miˇ kʼahˬ-ahˇ iˇ keuˆ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Mirkhanq khoerkhanq doeni irghae ngae, zaqlanr deuq-anr dawq ghawqmya’ni ngaeqnaeq-awr ghaq bifyaf-awr, Heqlaqsar mirkhanq-anr irkeuv-euq mae.

Gʼaˬkʼehˇ 20:2 ပူးပေါင်းရင်းမြစ်များ

Zaˬkaˬliˇ 9:13

Yuˇdaˆ miˇ kʼahˬ kaˆ poˆ geuꞈ-awˇ, Iˇsaˬleˬlaˆ kaˆ myaˬ geuꞈ ma. Ziˇoˬ tsawˇ haˬ mi cehˇ geuꞈ-awˇ, Heˬlaˬshaˆ tsawˇ jeuˬ-ahˇ deuˆ ma.”

Luˇkaꞈ 3:18

Yoˇhaˬ-aˬ, tsawˇ haˬ kʼoeˇ deuˬ-ahˇ gaˇ kawˆ gʼawˬ mya jeˬ ja mehˬ-eu laꞈ kʼoeˇ gʼaˬ biꞈ-awˇ, Laˬ kʼaˬ cehˇ-eu Guiˬ lahˬ dawˬ mehˬ nehˬ-euˬ meh.

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

Gʼaˬkʼehˇ 15:41

Suˇliˆ miˇ kʼahˬ hawˇ-eu Giˇliˇciˆ miˇ kʼahˬ-ahˇ cah-iˇ-awˇ, Ka li zaˬ aˇ muˇ deuˬ ziꞈ laˇ ni gʼaˬ biꞈ nehˬ-iˇ-euˬ meh.

Gʼaˬkʼehˇ 16:12

Kʼoeˇ gaˇ neh naˇ, Piˇliˇpiˆ meuˬ-ahˇ nga maꞈ le-euˬ ma. Meuˬ kʼoeˇ meuˬ-aˬ, Loˇmaˆ tsawˇ haˬ uˆ lahˇ luꞈ-eu Maˬgeˬdawˇniˆ miˇ kʼahˬ laꞈ kʼoeˇ aˬ cawˬ naˆ maˬ tseˇ huiˬ-eu meuˬ pyeuꞈ-eu meh. Kʼoeˇ gaˇ nga maꞈ gʼawˬ mya nah jawˇ-euˬ ma.

Gʼaˬkʼehˇ 17:1

Pawˇluˆ hawˇ-eu Siˬlaˆ-aˬ, Aˬpiˇbawˇliˇ meuˬ hawˇ-eu Aˬpawˇlawˇniˇ meuˬ-ahˇ neh iˇ gʼeh-awˇ, Teˇsaˬloˇni meuˬ-ahˇ iˇ keuˆ-euˬ meh. Meuˬ kʼoeˇ meuˬ laꞈ kʼoeˇ Yuˇdaˆ tsawˇ haˬ-euˬ uˬ duˬ tahˬ nymˇ tiˬ nymˇ jaˆ-eu meh.

Gʼaˬkʼehˇ 17:10

Uˬ ciꞈ ciꞈ le-eu nehˬ-ehˇ, jah-eu tsawˇ haˬ deuˬ Pawˇluˆ hawˇ-eu Siˬlaˆ-ahˇ Beˬliˇ meuˬ-ahˇ tiˬ poˆ tehꞈ-ehˇ bi iˇ-euˬ meh. Aˬ yawꞈ nyaꞈ kʼoeˇ gaˇ iˇ keuˆ ngeh, uˬ duˬ tahˬ nymˇ-ahˇ le-euˬ meh.

Gʼaˬkʼehˇ 2:40

Beˬtuˆluˆ-aˬ, aˬ yawꞈ maꞈ-ahˇ gʼawˬ mya jeˬ ja ja-ehˇ mehˬ nehˬ-awˇ heu loꞈ ehˇ gʼaˬ biꞈ nehˬ-euˬ meh. “Ziˇ heu ziˇ-ahˇ dehꞈ-eu haiˬ-eu tsawˇ haˬ heu deuˬ kʼoeˇ taˆ keuˆ le-eu lehˇ gʼeh-eu kʼehˬ-eu kʼaˆ-eu jeˬ laꞈ kʼoeˇ, naw maꞈ ya buˬ-iˇ ni leh jeh-awˬ.”

Gʼaˬkʼehˇ 20:1

Kʼoeˇ ngeh poˆ uiˬ laˇ-euˬ kʼoeˇ coꞈ-iˇ ngeh, jah-eu tsawˇ haˬ deuˬ-ahˇ Pawˇluˆ kuˇ uiˬ-awˇ, gʼaˬ biꞈ-eu laꞈ kʼoeˇ gʼoꞈ dawˬ tsaꞈ yaꞈ-awˇ, Maˬgeˬdawˇniˆ miˇ kʼahˬ-ahˇ iˇ-euˬ meh.

Gʼaˬkʼehˇ 20:11

Kʼoeˇ naˇ, kʼoeˇ taˆ tiˆ-ahˇ aˬ yawꞈ paˇ gʼoꞈ daˆ leˇ-awˇ, kaˬ muˇ ngawˬ pyehˬ-awˇ jah-eu tsawˇ haˬ deuˬ nehˬ-ehˇ dzaˬ-euˬ meh. Uˬ shawˬ paw nahˇ ma doˆ laˇ ngeh keuˆ ni, uˬ ciꞈ miˇ lah-ehˇ aˬ yawꞈ maꞈ nehˬ-ehˇ aˬ yawꞈ dawˬ ja ja-euˬ meh. Kʼoeˇ naˇ, meuˬ kʼoeˇ meuˬ-ahˇ neh aˬ yawꞈ doˆ-iˇ-euˬ meh.

Gʼaˬkʼehˇ 20:3

Kʼoeˇ gaˇ ba la smˇ siˬ byah ni aˬ yawꞈ jawˇ-euˬ meh. Suˇliˆ miˇ kʼahˬ-ahˇ gʼoꞈ leˇ-eu lehˇ lehˬ hmˬ luꞈ ngeh, Yuˇdaˆ tsawˇ haˬ deuˬ aˬ yawꞈ-ahˇ sehꞈ-eu lehˇ nawˬ jawˬ luꞈ-eu gaˇ kawˆ siˬ leˇ-awˇ, Maˬgeˬdawˇniˆ miˇ kʼahˬ paw neh gʼoꞈ leˇ-eu gʼaˇ duˬ noeˬ tsehˆ-euˬ meh.

1 Gawˇliˬtu 4:19

Sahˬ paˬ Miˬyehˇ nui ma tsaˬ naˇ, gʼawˬ myahˇ maˬ gʼeh-ehˇ naw maꞈ jawˇ gaˇ ngaˇ oe-awˇ nui ma huiˬ-eu kʼoeˇ deuˬ ngehˬ-eu dawˬ-ahˇ naˇ haˬ-eu tehꞈ-ehˇ maˬ ngeuˇ ni, aˬ yawꞈ maꞈ baoˬ aˇ naˆ ni ahˇ nga lehˇ ngaˇ haw ma.

Gawˇlawˇsehˇ 1:28

Kʼoeˇ miˇ neh, tsawˇ haˬ yawˬ gʼaˬ na luꞈ-ahˇ Ka li gaˇ kawˆ nga maꞈ mehˬ-eu ma. Yawˬ gʼaˬ na luꞈ-ahˇ Ka li laꞈ kʼoeˇ tsawˇ kʼaˆ kʼaˆ laˇ-euˬ tsawˇ haˬ loꞈ-ehˇ Miˬyehˇ mehˬ shi sheuˬ ha nehˬ leˇ nya-eu gʼaˇ duˬ, aˬ yawꞈ maꞈ ya mˇ-eu jeˬ hawˇ-eu ya yahˇ-eu jeˬ-ahˇ kʼaˇ siˬ kʼaˇ nya-eu loꞈ-ehˇ mehˬ-eu ma.

1 Teˇsaˬloˇni 2:11

Aˬ da tiˬ gʼaˬ yawˬ ha-euˬ zaˬ deuˬ-ahˇ hehˇ tehˇ-eu loꞈ-ehˇ, naw maꞈ aˬ yawꞈ gʼaˬ yawꞈ-ahˇ nga maꞈ hehˇ tehˇ-euˬ naw maꞈ siˬ nya meh.

1 Teˇsaˬloˇni 2:3

Naw maꞈ Laˬ kʼaˬ cehˇ-eu Guiˬ lahˬ dawˬ-ahˇ jah laˇ ni nga maꞈ mehˬ-eu heu-aˬ, jaˬ myawꞈ myawꞈ-eu laꞈ kʼoeˇ mehˬ-eu maˬ ngeuˇ. Nui ma maˬ shawˇ-eu laꞈ kʼoeˇ mehˬ-eu maˬ ngeuˇ. Mehˇ shuiˇ shuiˇ-eu laꞈ kʼoeˇ mehˬ-eu maˬ ngeuˇ.

1 Teˇsaˬloˇni 4:1

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ mawꞈ-eu ma. Miˬyehˇ nui kʼahˇ shiˇ ni aˬ joˆ-ehˇ ya dehꞈ ya jawˇ-eu gaˇ kawˆ, naw maꞈ-ahˇ nga maꞈ dehꞈ mehˬ jawˇ mehˬ gʼaˬ-euˬ ma. Naw maꞈ kʼoeˇ loꞈ-ehˇ dehꞈ luꞈ jawˇ luꞈ-eu meh. Kʼoeˇ naˆ maˬ tseˇ leh jeh-awˇ dehꞈ daˆ leꞈ-eu gʼaˇ duˬ Sahˬpaˬ Yeˬsuˇ-euˬ tsawˇ myahˇ uˬ moˆ naw maꞈ-ahˇ nga maꞈ shaˇ-eu ma.