Gʼaˬkʼehˇ 20:16 - Akha

¹⁶ Aˬshaˆ miˇ kʼahˬ-ahˇ aˇ yamˬ maˬ bi jiˇ-eu gʼaˇ duˬ, nyi naˬ nyi naˬ-ehˇ maˬ jawˇ ni Eˇpeˇsu meuˬ-ahˇ saˇ baoˬ dziˬ-awˇ iˇ-eu lehˇ Pawˇluˆ noeˬ tsehˆ-euˬ meh. Gʼeh nya naˇ, Beˬdeˬgoˇdeˬ bawˬ-iˬ gʼeh ngeh nah Yeˬluˇsaˬlehˬ meuˬ-ahˇ ya jawˇ ni, aˬ yawꞈ yaw kawˇ-ehˇ iˇ mawꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Aqsir mircoer-anr ghawqmyanr maqya jawrni, Erpersu-anr maqnaq-aer, maeqhu paw irghae ma laer Pawrluv noeqtsaev taq-euq mae. Ghaenya nar-aq, Beqdeqgordeq yawbui arnan-anr Yeqlursaqlaeq-anr jawrnya’ni, aqyawf yawkawr-aer irmawf-eu mae.

Gʼaˬkʼehˇ 20:16 ပူးပေါင်းရင်းမြစ်များ

Doˆ-iˇ 34:22

“Naw maꞈ cehˇ yehˬ cehˇ diˬ dahˬ beh-eu yamˬ-ahˇ, cehˇ yehˬ cehˇ diˬ-eu bawˬ-iˬ gʼeh-awˇ, aˇ siˬ aˇ lu deuˬ pyaˆ uiˬ-eu tsahˬ gaˆ yamˬ-ahˇ, aˇ siˬ aˇ lu pyaˆ ahˇ-eu bawˬ-iˬ gʼeh-awˬ.

Gʼaˬkʼehˇ 12:13

Aˬ yawꞈ laˇ gʼoˆ laꞈ nyiˇ gʼoˆ-ahˇ kʼoˆ ngeh, Loˇdeˬ lehˇ myahˇ-euˬ aˬ buˇ zaˬ kʼaˆ tiˬ gʼaˬ naˇ haˬ le-euˬ meh.

Gʼaˬkʼehˇ 16:6

Aˬshaˆ miˇ kʼahˬ-ahˇ guiˬ lahˬ dawˬ maˬ ya mehˬ-iˇ ni, Muiˬ-eu shawˇ-eu Yaw sahˇ Miˬyehˇ aˬ yawꞈ maꞈ-ahˇ laˆ tsoeˬ-eu miˇ neh, Puˬgiˇ miˇ kʼahˬ hawˇ-eu Gaˬlaˬtiˆ miˇ kʼahˬ-ahˇ aˬ yawꞈ maꞈ le-euˬ meh.

Gʼaˬkʼehˇ 18:19

Aˬ yawꞈ maꞈ Eˇpeˇsu meuˬ-ahˇ iˇ keuˆ-awˇ, Biˇgiˇla hawˇ-eu Gaˬguˇla aˬ nyaꞈ-ahˇ kʼoeˇ gaˇ taˬ yaꞈ-euˬ meh. Pawˇluˆ-aˬ, uˬ duˬ tahˬ nymˇ-ahˇ le-awˇ, Yuˇdaˆ tsawˇ haˬ deuˬ nehˬ-ehˇ ja sawˇ-euˬ meh.

Gʼaˬkʼehˇ 18:21

Aˬ yawꞈ doˆ-iˇ ngeh, “Miˬyehˇ nui ma tsaˬ naˇ, naw maꞈ jawˇ gaˇ ngaˇ tiˬ poˆ paˇ laˇ keuˆ ma” lehˇ ehˇ nehˬ yaꞈ-awˇ, saˇ baoˬ dziˬ-awˇ Eˇpeˇsu meuˬ-ahˇ neh doˆ-iˇ-euˬ meh.

Gʼaˬkʼehˇ 19:1

Aˬpawˇluˆ Gawˇliˬtu meuˬ-ahˇ jawˇ luꞈ ngeh, Pawˇluˆ laꞈ taˆ paw kʼahˬ-ahˇ neh oe ka-awˇ, Eˇpeˇsu meuˬ-ahˇ oe keuˆ-euˬ meh. Kʼoeˇ gaˇ, zaˬ lahˇ tiˬ paˆ na deuˬ-ahˇ aˬ yawꞈ tahˬ puˬ-euˬ meh.

Gʼaˬkʼehˇ 19:21

Gaˇ kawˆ kʼoeˇ deuˬ pyeuꞈ laˇ gʼaˬ ngeh, Maˬgeˬdawˇniˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ cah-iˇ-awˇ, Yeˬluˇsaˬlehˬ meuˬ-ahˇ iˇ ma lehˇ Pawˇluˆ noeˬ tsehˆ-euˬ meh. “Kʼoeˇ gaˇ iˇ gʼaˬ naˇ, Loˇmaˆ meuˬ-ahˇ kʼawꞈ ya iˇ haw nga siˬ” lehˇ aˬ yawꞈ ehˇ-eu meh.

Gʼaˬkʼehˇ 2:1

Beˬdeˬgoˇdeˬ aˇ nah keuˆ le ngeh, jah-eu tsawˇ haˬ dawˬ tawˆ luꞈ, tiˬ gaˇ uiˬ leˇ-awˇ jawˇ-euˬ meh.

Gʼaˬkʼehˇ 20:13

Pawˇluˆ neh nga maꞈ-ahˇ ehˇ nehˬ laꞈ-euˬ loꞈ-ehˇ, nga maꞈ saˇ baoˬ dziˬ-awˇ Aˬtsoˆ meuˬ-ahˇ iˇ tawˬ-euˬ ma. Aˬ yawꞈ gʼaˬ-aˬ, kʼoeˇ gaˇ keuˆ ni kuiˇ zoˬ cah-eu lehˇ lehˬ hmˬ taˬ-euˬ meh.

Gʼaˬkʼehˇ 20:18

Aˬ yawꞈ maꞈ oe keuˆ ngeh, heu lo-ehˇ ehˇ nehˬ-euˬ meh. “Aˬshaˆ miˇ kʼahˬ-ahˇ laˇ keuˆ ngeh tiˬ nah neh, naw maꞈ nehˬ-ehˇ ngaˇ aˬ joˆ-ehˇ dehꞈ yaꞈ jawˇ yaꞈ-euˬ naw maꞈ siˬ nya meh.

Gʼaˬkʼehˇ 20:22

Nymˬ-mˇ, Muiˬ-eu shawˇ-eu Yaw sahˇ Miˬyehˇ-euˬ ehˇ dawˬ naˇ haˬ-eu laꞈ kʼoeˇ Yeˬluˇsaˬlehˬ meuˬ-ahˇ iˇ luꞈ-eu ma. Kʼoeˇ gaˇ, ngaˬ-euˬ kʼoeˇ taˆ aˬ joˆ-ehˇ gʼeh-eu jeˬ keuˆ le-eu lehˇ gʼeh-eu maˬ siˬ.

Gʼaˬkʼehˇ 20:4

Beˬliˇ meuˬ-ahˇ jawˇ-eu Buˇluˆ-euˬ aˬ li Soˇbaˬdaˬluˇ, Teˇsaˬloˇni meuˬ-ahˇ jawˇ-eu Aˬliˬdaˬguˇ hawˇ-eu Seˬguˬduˇ, Deˬbeˬ meuˬ-ahˇ jawˇ-eu Gaˬyuˇ, Aˬshaˆ miˇ kʼahˬ-ahˇ jawˇ-eu Duˇjiˇ hawˇ-eu Daˬloˇbeˬ aˬ ha maꞈ hawˇ-eu Tiˆmoˇseˬ kʼawꞈ, Pawˇluˆ nehˬ-ehˇ iˇ-euˬ meh.

Gʼaˬkʼehˇ 20:6

Dehˬ tseˬ maˬ ahˇ-eu Kaˬ muˇ dzaˬ-eu Bawˬ-iˬ jahˇ gʼaˬ miˇ tsa, Piˇliˇpiˆ meuˬ-ahˇ neh nga maꞈ saˇ baoˬ dziˬ-awˇ doˆ-iˇ-euˬ ma. Ngaˬ nah byah laˇ ngeh Daˬloˇ meuˬ-ahˇ aˬ yawꞈ maꞈ jawˇ gaˇ iˇ keuˆ-awˇ, kʼoeˇ gaˇ ngaˬ nah paˇ jawˇ-euˬ ma.

Gʼaˬkʼehˇ 21:4

Jah-eu tsawˇ haˬ tiˬ deuˬ-ahˇ kʼoeˇ gaˇ ya mawˇ-awˇ, aˬ yawꞈ maꞈ nehˬ-ehˇ tiˬ jaw jawˇ-euˬ ma. Yaw sahˇ Miˬyehˇ-ahˇ gʼoe-eu laꞈ kʼoeˇ, Pawˇluˆ-ahˇ “Yeˬluˇsaˬlehˬ meuˬ-ahˇ taˬ le” lehˇ aˬ yawꞈ maꞈ ehˇ-eu meh.

Gʼaˬkʼehˇ 24:17

“Ngaˇ Yeˬluˇsaˬlehˬ meuˬ-ahˇ maˬ iˇ-ehˇ jawˇ-eu gʼawˬ mya kʼoꞈ byah laˇ-euˬ miˇ neh, ngaˬ-euˬ tsawˇ haˬ deuˬ jawˇ gaˇ pyuˇ shuiˇ ui cuiˆ sha ha nehˬiˇ-awˇ, lawˇ-eu shehˇ-eu jeˬ mˇ-iˇ-eu gʼaˇ duˬ, kʼoeˇ gaˇ iˇ-euˬ ma.

1 Gawˇliˬtu 16:8

Beˬdeˬgoˇdeˬ Bawˬ-iˬ gʼeh ngeh nah keuˆ ni, heu gaˇ Eˇpeˇsu meuˬ-ahˇ ngaˇ jawˇ ma.