Gʼaˬkʼehˇ 2:38 - Akha

³⁸ Aˬ yawꞈ maꞈ-ahˇ Beˬtuˆluˆ ehˇ nehˬ-eu, “Naw maꞈ yawˬ gʼaˬ na luꞈ yawˬ ha-euˬ iˬ baˇ noeˬ poˆ-awˇ, Yeˬsuˇ Ka li-euˬ tsawˇ myahˇ uˬ moˆ iˇ cuꞈ shawˇ-awˬ. Kʼoeˇ loꞈ-ehˇ jahˇ naˇ, Miˬyehˇ naw maꞈ-ahˇ iˬ baˇ pyehˬ nehˬ laꞈ-awˇ, Miˬyehˇ neh biꞈ leꞈ-euˬ Muiˬ-eu shawˇ-eu Yaw sahˇ Miˬyehˇ-ahˇ naw maꞈ za tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁸ Khoerngae, Beqtuvluv, aqyawf maf-anr heulof-aer aernaeq-euq mae: “Miqyaer, nawmaf-euq iqbax pyaeqnaeqni noeqpov noeqpar-awr, Yeqsur Kali-euq tsawrmyanr-euq uqmov bartirsaq hageuf-awq. Khoerlof-aer janr nar-aq, Yawshawr Saflar-euq lafsawq za taef-a.

Gʼaˬkʼehˇ 2:38 ပူးပေါင်းရင်းမြစ်များ

Iˇsaˬyaˇ 32:15

Ehˇ kʼawꞈ, Miˬyehˇ Yaw sahˇ aˬ dui kʼoeˇ taˆ paˇ keuˆ le-awˇ, miˇ tsaˬ yaw cawˆ miˇ muiˬ paˇ muiˬ laˇ-awˇ, dzaˬ la gʼo cehˇ za dui dui le tehꞈ-a.

Iˇsaˬyaˇ 59:20

Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ehˇ-eu, “Naw maꞈ-ahˇ ngehˬ gʼeh-eu gʼaˇ duˬ hawˇ-eu, iˬ baˇ kʼaˇ noeˬ poˆ-eu tsawˇ haˬ dawˬ tawˆ luꞈ-ahˇ, ka kʼoꞈ-eu gʼaˇ duˬ ngaˇ oe ma.

Iˇsaˬyaˇ 59:21

Kʼoeˇ naˇ, naw maꞈ nehˬ-ehˇ ngaˇ dawˬ ma saˇ jaˇ dzaˬ ma. Mˬ maˬ maˬ byaˆ zaˇ ziˇ naw maꞈ bi geuꞈ tsehˆ-eu gʼaˇ duˬ, ngaˬ-euˬ baoˬ hawˇ-eu ngaˬ-euˬ dawˬ deuˬ, naw maꞈ-ahˇ ngaˇ biꞈ gʼaˬ-euˬ ma. Nymˬ-mˇ neh aˇ dahˬ beh-awˇ ngaˬ-euˬ dawˬ-ahˇ naw maꞈ ya naˇ haˬ geuꞈ-awˇ, naw maꞈ-euˬ zaˬ hawˇ-eu oeˬ paˬ oeˬ ma deuˬ-ahˇ kʼawꞈ, mˬ maˬ maˬ byaˆ zaˇ ziˇ jiˇ ni ya mehˬ daˆ leꞈ meh.”

Yeˬsaˬgeˬlaˇ 39:29

Iˇsaˬleˬlaˆ tsawˇ jeuˬ kʼoeˇ taˆ ngaˬ-euˬ Yaw sahˇ shehˬ daˆ nehˬ-awˇ, aˬ yawꞈ maꞈ-ahˇ tiˬ jawˇ-iˬ maˬ paˇ byehˇ dzeh ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Zaˬkaˬliˇ 12:10

“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ nui deuˬ-ahˇ, gʼawˬ shaˬ gaˬ-eu nui ma hawˇ-eu uˬ duˬ tahˬ-eu nui ma bi ahˇ ma. Aˬ yawꞈ maꞈ neh tsawˆ sehꞈ-euˬ tsawˇ haˬ-ahˇ aˬ yawꞈ maꞈ haw-awˇ, zaˬ tiˬ gʼaˬ tehꞈ-ehˇ jawˇ-eu bi shiˇ-euˬ loꞈ-ehˇ tsawˇ ngoeˇ ngoeˇ nehˬ tehꞈ-a. Dehꞈ beh beh le-euˬ aˬ li bi shiˇ-euˬ loꞈ-ehˇ, tsawˇ ngoeˇ ngoeˇ dui dui tehꞈ-a.

Maꞈtehˬ 28:19

Kʼoeˇ miˇ neh, miˇ tsaˬ tsawˇ jeuˬ dawˬ tawˆ luꞈ jawˇ gaˇ iˇ doe-awˇ, ngaˬ-euˬ zaˬ lahˇ pyeuꞈ laˇ ni mˇ-iˇ-awˬ. Aˬda Miˬyehˇ, Zaˬmaˇ Miˬyehˇ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ tsawˇ myahˇ uˬ moˆ, aˬ yawꞈ maꞈ-ahˇ iˇ cuꞈ shawˇ nehˬ-awˬ.

Maꞈtehˬ 3:2

“Mˬ taˆ miˇ kʼahˬ keuˆ le shaw-iˬ meh. Iˬ baˇ noeˬ poˆ-awˬ.”

Maꞈtehˬ 3:6

Aˬ yawꞈ maꞈ yawˬ ha-euˬ iˬ baˇ ja doˆ jiˇ-awˇ, Yawˇdaˬ lawˇ baˬ laꞈ kʼoeˇ Yoˇhaˬ neh iˇ cuꞈ bi shawˇ nehˬ-euˬ meh.

Maꞈtehˬ 4:17

Aˇ yamˬ kʼoeˇ yamˬ-ahˇ neh aˇ dahˬ beh-awˇ, Yeˬsuˇ dawˬ mehˬ mehˬ-euˬ meh. “Mˬ taˆ Miˇ kʼahˬ peh le luꞈ meh. Iˬ baˇ noeˬ poˆ-awˬ” lehˇ ehˇ-eu gaˇ kawˆ mehˬ-euˬ meh.

Maˬkuˆ 1:15

Aˬ yawꞈ ehˇ-eu, “Aˇ yamˬ tsaˬ laˇ-euˬ meh. Miˬyehˇ miˇ kʼahˬ keuˆ le-eu dawˬ peh peh laˇ-euˬ meh. Iˬ baˇ noeˬ poˆ-awˇ Laˬ kʼaˬ cehˇ-eu Guiˬ lahˬ dawˬ-ahˇ jah-awˬ.”

Maˬkuˆ 16:16

Jah-awˇ iˇ cuꞈ kʼaˇ shawˇ-eu tsawˇ haˬ deuˬ ka kʼoꞈ-eu jeˬ za tehꞈ-a. Maˬ jah-eu tsawˇ haˬ deuˬ-aˬ, yaˇ kʼaˬ daˇ nehˬ gaˇ ya daˬ tehꞈ-a.

Luˇkaꞈ 24:47

Kʼoeˇ naˇ, Yeˬluˇsaˬlehˬ meuˬ-ahˇ neh dahˬ beh-awˇ, tsawˇ jeuˬ dawˬ tawˆ luꞈ-ahˇ iˬ baˇ noeˬ poˆ-eu gaˇ kawˆ hawˇ-eu, Miˬyehˇ iˬ baˇ pyehˬ nehˬ-eu gaˇ kawˆ, aˬ yawꞈ-euˬ tsawˇ myahˇ uˬ moˆ ya mehˬ nehˬ-iˇ meh lehˇ boꞈ taˬ-euˬ meh.

Luˇkaꞈ 3:10

Tsawˇ haˬ kʼoeˇ deuˬ aˬ yawꞈ-ahˇ naˇ haˬ-eu, “Toˆ-ehˇ ngeuˇ naˇ, nga maꞈ aˬ joˆ-ehˇ ya jahˇ nmˇ.”

Gʼaˬkʼehˇ 10:43

Aˬ yawꞈ-ahˇ kʼaˇ jah-eu tsawˇ haˬ dawˬ tawˆ luꞈ, aˬ yawꞈ tsawˇ myahˇ-euˬ baoˬ baˬ da neh iˬ baˇ pyehˬ-eu jeˬ-ahˇ za-eu gaˇ kawˆ, Miˬyehˇ gʼaˇ duˬ ngehˬ dah-eu tsawˇ haˬ dawˬ tawˆ luꞈ saˇ kiˇ kamˬ taˬ-euˬ jaˆ-eu meh.”

Gʼaˬkʼehˇ 10:48

Kʼoeˇ miˇ neh, Yeˬsuˇ Ka li-euˬ tsawˇ myahˇ uˬ moˆ iˇ cuꞈ shawˇ-eu gʼaˇ duˬ, tsawˇ haˬ kʼoeˇ deuˬ-ahˇ aˬ yawꞈ dawˬ biꞈ-euˬ meh. Kʼoeˇ naˇ, aˬ yawꞈ maꞈ nehˬ-ehˇ tiˬ kʼehˬ jawˇ nehˬ laꞈ-eu gʼaˇ duˬ, Beˬtuˆluˆ-ahˇ aˬ yawꞈ maꞈ shaˇ-euˬ meh.

Gʼaˬkʼehˇ 13:38

Kʼoeˇ miˇ neh, aˬ yuiꞈ aˬ nyiˇ deuˬ-oˇ, naw maꞈ heu loꞈ-ehˇ siˬ duˬ-awˬ. Yeˬsuˇ baˬ da neh iˬ baˇ pyehˬ nehˬ-eu jeˬ-ahˇ za-eu gaˇ kawˆ naw maꞈ-ahˇ bya cehˆ ni bi gaˬ keuˆ le-awˇ,

Gʼaˬkʼehˇ 16:15

Aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ dawˬ tawˆ luꞈ iˇ cuꞈ shawˇ gʼaˬ ngeh jawˇ, “Ngaˇ-aˬ, Sahˬpaˬ Miˬyehˇ-ahˇ aˬ diˇ jah-eu tsawˇ haˬ pyeuꞈ-eu ngaˇ lehˇ naw maꞈ noeˬ tsehˆ gʼaˬ-euˬ ngeuˇ naˇ, ngaˬ-euˬ nymˇ-ahˇ yaꞈ laˇ-awˬ” lehˇ ehˇ-awˇ, nga maꞈ-ahˇ aˬ yawꞈ-euˬ nymˇ-ahˇ sheuˬ daˆ gʼeh-euˬ meh.

Gʼaˬkʼehˇ 17:30

Aˇ hu tsawˇ haˬ deuˬ aˬ yawꞈ-ahˇ maˬ siˬ nya ngeh mˇ dzeuˇ shaˇ dzeuˇ yaꞈ-euˬ jeˬ-ahˇ Miˬyehˇ iˬ baˇ maˬ taˬ-a. Ehˇ kʼawꞈ, nymˬ-mˇ poˆ jawˇ-aˬ, yawˬ gaˇ na luꞈ jawˇ-eu tsawˇ haˬ dawˬ tawˆ luꞈ iˬ baˇ noeˬ poˆ-eu gʼaˇ duˬ Miˬyehˇ neh dawˬ biꞈ taˬ-euˬ meh.

Gʼaˬkʼehˇ 20:21

Yawˬ ha-euˬ iˬ baˇ noeˬ poˆ-awˇ Miˬyehˇ jawˇ paw gʼoꞈ laˇ-eu laꞈ kʼoeˇ aˬ dui-euˬ Sahˬpaˬ Yeˬsuˇ-ahˇ ya jah meh lehˇ, Yuˇdaˆ tsawˇ haˬ-ahˇ maˬ ehˇ, aˬ cawˬ tsawˇ jeuˬ-ahˇ maˬ ehˇ, tiˬ kawˆ loꞈ-ehˇ ngaˇ mehˬ-euˬ ma.

Gʼaˬkʼehˇ 22:16

Nymˬ-mˇ nyi naˬ nyi naˬ-ehˇ taˬ paˇ jawˇ. Tuˇ-awˇ iˇ cuꞈ shawˇ-awˇ, aˬ yawꞈ-ahˇ guiˬ lahˬ shaˇ-eu laꞈ kʼoeˇ nawˬ-euˬ iˬ baˇ tsiˬ shawˇ-awˬ.’

Gʼaˬkʼehˇ 26:18

Aˬ yawꞈ maꞈ jah-eu laꞈ kʼoeˇ iˬ baˇ pyehˬ nehˬ-euˬ jeˬ-ahˇ za-awˇ, Miˬyehˇ neh tseˇ doˆ-euˬ tsawˇ haˬ deuˬ nehˬ-ehˇ jawˇ duˬ za nya ni aˬ yawꞈ maꞈ-euˬ myaˆ nuiˆ nawˇ pah nehˬ-awˇ, yaw zahˇ laꞈ kʼoeˇ neh yaw shehꞈ-ahˇ ya sheuˬ kʼoꞈ laꞈ nehˬ-awˇ, Saˬdaˬ-euˬ baoˬ uˬ moˆ jawˇ luꞈ-eu deuˬ-ahˇ Miˬyehˇ jawˇ paw ya sheuˬ kʼoꞈ laꞈ nehˬ meh’ lehˇ ehˇ-eu meh.

Gʼaˬkʼehˇ 26:20

Daˬmaˬsehˇ meuˬ-ahˇ neh aˇ dahˬ beh-awˇ, Yeˬluˇsaˬlehˬ meuˬ-ahˇ maˬ ehˇ, Iˇsaˬleˬlaˆmiˇ kʼahˬ kʼahˬ lah ni-ahˇ maˬ ehˇ, aˬ cawˬ tsawˇ jeuˬ deuˬ-ahˇ maˬ ehˇ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-eu uˬ taꞈ, aˬ yawꞈ maꞈ iˬ baˇ noeˬ poˆ-euˬ ngaˇ lehˇ siˬ duˬ laˇ ni mˇ-awˬ shaˇ-awˬ lehˇ ngaˇ dawˬ mehˬ mehˬ-euˬ ma.

Gʼaˬkʼehˇ 3:19

Naw maꞈ-euˬ iˬ baˇ bi pyehˬ nehˬ-eu gʼaˇ duˬ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-awˬ. Naw maꞈ kʼoeˇ loꞈ-ehˇ jahˇ naˇ,

Gʼaˬkʼehˇ 5:31

Iˇsaˬleˬlaˆ tsawˇ haˬ deuˬ iˬ baˇ noeˬ poˆ-awˇ, iˬ baˇ pyehˬ nehˬ-eu jeˬ-ahˇ za nya ni, Miˬyehˇ-euˬ aˇ maˇ paw aˬ yawꞈ-ahˇ ciˬ huiˬ keuˆ nehˬ-awˇ, Sheuˬ gʼeh-eu gʼaˬ hawˇ-eu Ka kʼoꞈ-eu gʼaˬ bi pyeuꞈ laˇ-euˬ meh.

Gʼaˬkʼehˇ 8:12

Ehˇ kʼawꞈ, Miˬyehˇ Miˇkʼahˬ gaˇ kawˆ hawˇ-eu Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ-ahˇ Piˇliˇpuˆ mehˬ gaˇ aˬ yawꞈ maꞈ jah laˇ-awˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, iˇ cuꞈ shawˇ-euˬ meh.

Gʼaˬkʼehˇ 8:20

Ehˇ kʼawꞈ, aˬ yawꞈ-ahˇ Beˬtuˆluˆ heu loꞈ-ehˇ ehˇ kʼoꞈ nehˬ-euˬ meh. “Miˬyehˇ neh biꞈ-euˬ laꞈ sawˬ-ahˇ pyuˇ neh zeuˇ tsehˆ nya meh lehˇ nawˇ noeˬ-eu miˇ neh, nawˇ hawˇ-eu nawˬ-euˬ pyuˇ, shiˬ buiˇ lah ma-ahˇ ga puꞈ-iˇ luꞈ-uˇ.

Lormav 6:3

Aˬ dui Yeˬsu-ahˇ taꞈ nya ni iˇ cuꞈ shawˇ-euˬ kʼoeˇ-aˬ, aˬ yawꞈ nehˬ-ehˇ tiˬ kawˆ loꞈ-ehˇ shiˇ-eu gʼaˇ duˬ shawˇ-eu jeˬ pyeuꞈ-eu meh lehˇ naw maꞈ siˬ duˬ luꞈ meh.

Eˇpeˇsu 1:7

Aˬ jeˬ miˇ neh ehˇ naˇ, Ka li kamˇ shiˇ-euˬ baˬ da neh aˬ dui ya buˬ-iˇ-awˇ, aˬ dui-euˬ iˬ baˇ-ahˇ pyehˬ nehˬ laꞈ-euˬ meh. Miˬyehˇ gʼawˬ shaˬ gaˬ-eu guiˬ lahˬ kʼoeˇ aˇ naˆ ni huiˬ-eu nga.

Tiˇtuˆ 3:5

Aˬ dui-ahˇ ka kʼoꞈ nehˬ laꞈ-euˬ kʼoeˇ-aˬ, aˬ dui yaw muiˬ jeˬ mˇ-euˬ miˇ neh maˬ ngeuˇ-ehˇ, aˬ yawꞈ-euˬ gʼawˬ shaˬ gaˬ-eu jeˬ baˬ da neh Muiˬ-eu shawˇ-eu Yaw sahˇ-ahˇ gʼoe-awˇ ka kʼoꞈ nehˬ laꞈ-euˬ jeˬ pyeuꞈ-eu meh. Yaw sahˇ Miˬyehˇ aˬ dui-ahˇ yaw shuiꞈ bi dehꞈ paˇ laꞈ-awˇ, aˬ dui-euˬ iˬ baˇ tsiˬ shawˇ nehˬ laꞈ-eu laꞈ kʼoeˇ, dehꞈ-eu yaw shuiꞈ biꞈ laꞈ-euˬ meh.

1 Beˬtuˆluˆ 3:21

Iˇ cuꞈ-ahˇ bi buˬ-iˇ-euˬ gaˇ kawˆ kʼoeˇ-aˬ, nymˬ-mˇ naw maꞈ ka kʼoꞈ-eu jeˬ za nya ni iˇ cuꞈ shawˇ-euˬ gaˇ kawˆ-ahˇ taꞈ leˇ-eu meh. Iˇ cuꞈ shawˇ-eu kʼoeˇ-aˬ, gʼawˇ mawˇ yaw yehˆ dzuiꞈ shawˇ-eu jeˬ maˬ ngeuˇ-a. Siˬ nya-eu nui ma laꞈ kʼoeˇ Miˬyehˇ-ahˇ saˇ jaˇ dzaˬ-eu jeˬ pyeuꞈ-eu meh. Iˇ cuꞈ shawˇ-eu koeˇ-aˬ, Yeˬsuˇ Ka li-ahˇ Miˬyehˇ neh bi gʼoꞈ dehꞈ laˇ-euˬ gaˇ gʼoe-awˇ naw maꞈ-ahˇ ka kʼoꞈ-eu jeˬ pyeuꞈ-eu meh.