Gʼaˬkʼehˇ 2:36 - Akha

³⁶ “Kʼoeˇ miˇ neh, Iˇsaˬleˬlaˆ tsawˇ haˬ dawˬ tawˆ luꞈ heu loꞈ-ehˇ ya siˬ duˬ meh. Naw maꞈ neh laꞈ yaꞈ kʼoeˇ taˆ taꞈ sehꞈ-euˬ Yeˬsuˇ heu gʼaˬ-aˬ, Miˬyehˇ neh Sahˬpaˬ hawˇ-eu Ka li bi pyeuꞈ laˇ-euˬ gʼaˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁶ “Khoermirnae, Irsaqleqlav-euq nymrkhanq yawqkhanq navluf garkawv heu-anr yawmuiq-aer siqduq-awq. Nawmaf nae tafsaef-euq Yeqsur khoerghaq-anr Miqyaer nae Sanqpaq Miqyaer hawr-eu Kali bi pyeuflar ghaq-euq mae.”

Gʼaˬkʼehˇ 2:36 ပူးပေါင်းရင်းမြစ်များ

Yeˬlaˬmiˇ 2:4

Yaˬkoˆ-euˬ zaˬ Yaˬkoˆ-euˬ uˆ, Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ sheˇ.

Yeˬlaˬmiˇ 31:31

Sahˬpaˬ Miˬyehˇ heu loꞈ-ehˇ ehˇ-eu meh. “Haw taˬ yawˬ. Iˇsaˬleˬlaˆ tsawˇ haˬ deuˬ hawˇ-eu Yuˇdaˆ tsawˇ haˬ deuˬ nehˬ-ehˇ, ngaˇ dawˬ ma saˇ jaˇ yaw shuiꞈ paˇ dzaˬ poˆ-eu aˇ yamˬ keuˆ le luꞈ meh.

Yeˬlaˬmiˇ 33:14

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ hawˇ-eu Yuˇdaˆ tsawˇ haˬ deuˬ-ahˇ ngaˬ neh saˇ jaˇ dzaˬ taˬ-euˬ loꞈ-ehˇ bi byah laˇ-eu aˇ nah keuˆ le luꞈ meh.

Yeˬlaˬmiˇ 9:26

Iˇjiˇtuˆ miˇ kʼahˬ, Yuˇdaˆ miˇ kʼahˬ, Eˬdoˬ miˇ kʼahˬ, Aˬmoˬ miˇ kʼahˬ, Mawˇbaˆ miˇ kʼahˬ hawˇ-eu gaˇ mahˇ kaˬ gaˇ jaˆ-eu kʼaˇ shuiꞈ deh ga miˇ kʼahˬ-ahˇ kʼaˇ jawˇ-eu tsawˇ haˬ dawˬ tawˆ luꞈ-ahˇ, ngaˇ kʼehˬ nehˬ kʼaˆ nehˬ ma. Gaˇ mahˇ kaˬ-eu kʼaˇ shuiꞈ deh ga miˇ kʼahˬ-ahˇ jawˇ-eu tsawˇ jeuˬ heu deuˬ dawˬ tawˆ luꞈ, nui ma keuˆ-awˇ uˬ jehˆ jehˆ dzeh-eu maˬ ngeuˇ-a. Iˇsaˬleˬlaˆ tsawˇ ha dawˬ tawˆ luꞈ kʼawꞈ, nui ma laꞈ kʼoeˇ keuˆ ni baˆ kʼoˆ mehˬ dzaˬ yehˬ taˬ-euˬ tiˬ gʼaˬ-iˬ maˬ ahˇ-a.”

Yeˬsaˬgeˬlaˇ 34:30

Iˇsaˬleˬlaˆ tsawˇ jeuˬ-ahˇ ngaˇ haw piˇ-awˇ, aˬ yawꞈ maꞈ ngaˬ-euˬ tsawˇ jeuˬ pyeuꞈ-eu gaˇ kawˆ, tsawˇ haˬ yawˬ gʼaˬ na luꞈ siˬ nya tehꞈ-a lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ taˬ-eu ma.

Yeˬsaˬgeˬlaˇ 36:22

“Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ-euˬ dawˬ heu, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Ngaˇ mˇ-eu lehˇ gʼeh-eu heu-aˬ, naw maꞈ baˬ da neh mˇ-eu maˬ ngeuˇ. Naw maꞈ kʼaˇ iˇ kʼaˇ laˇ gaˇ laˆ cawˆ luꞈ-eu ngaˬ-euˬ muiˬ-eu shawˇ-eu tsawˇ myahˇ baˬ da neh mˇ-eu ma.

Yeˬsaˬgeˬlaˇ 36:32

Iˇsaˬleˬlaˆ tsawˇ jeuˬ-oˇ, naw maꞈ baˬ da neh ngaˇ heu loꞈ-ehˇ mˇ-eu gʼeh-eu maˬ ngeuˇ lehˇ, naw maꞈ bi siˬ duˬ mawꞈ miˇ-a. Naw maꞈ neh dehꞈ doeˇ-euˬ aˇ poeˬ, daˬ ga-awˇ shaꞈ dawˇ-eu jeˬ naw maꞈ bi daˬ mawꞈ miˇ-a lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 45:6

Muiˬ-eu shawˇ-eu miˇ tsaˬ kʼoeˇ tsahˇ-ahˇ tawꞈ-ehˇ, yaw mahˇ paw koꞈ heˇ ngaˬ yaˇ ngaˬ tseˇ lmˇ hawˇ-eu, yaw jeˇ paw tiˬ heˇ nyiˬ yaˇ ngaˬ tseˇ lmˇ byah-eu miˇ tsaˬ tiˬ tsahˇ ya dehˬ doˆ meh. Kʼoeˇ gaˇ kʼaˇ jawˇ mawꞈ-eu Iˇsaˬleˬlaˆ tsawˇ haˬ yawˬ gʼaˬ na luꞈ jawˇ nya ni, meuˬ tiˬ meuˬ ya bi jaˆ meh.

Zaˬkaˬliˇ 13:1

Baoˬ huiˬ-eu Sahˬpaˬ Miˬyehˇ ehˇ-eu, “Aˇ nah aˇ yamˬ kʼoeˇ keuˆ laˇ ngeh, Daˬbiˇ-euˬ zaˬ deuˬ uˆ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-euˬ iˬ baˇ yaw jawꞈ yaw laꞈ tsiˬ shawˇ-eu gʼaˇ duˬ, iˇ cuꞈ lawˇ kʼawꞈ tiˬ gawˆ pah tehꞈ-a.

Luˇkaꞈ 2:11

Iˬ nah, Daˬbiˇ-euˬ meuˬ laꞈ kʼoeˇ, naw maꞈ-ahˇ Ka kʼoꞈ-eu gʼaˬ pyeuꞈ-eu Sahˬpaˬ Ka li dehꞈ le-euˬ meh.

Gʼaˬkʼehˇ 2:35

Nawˬ-ahˇ muiˇ-eu tsawˇ haˬ deuˬ-ahˇ, nawˇ aˬ kuiˇ bi cawˬ daˆ-eu lehˇ, nawˬ-euˬ aˬ kuiˇ pehˬ zaˬ uˬ moˆ, ngaˇ nyehꞈ taˬ ngeh keuˆ ni nuiˇ-awˬ.’

Gʼaˬkʼehˇ 5:28

“Tsawˇ haˬ kʼoeˇ gʼaˬ-euˬ tsawˇ myahˇ uˬ moˆ mehˬ-eu tsoˆ-eu jeˬ taˬ mˇ lehˇ, nga maꞈ neh naw maꞈ-ahˇ yaw kʼaˆ kʼaˆ-ehˇ ehˇ taˬ-euˬ jaˆ-eu maˬ ngeuˇ-a loˇ. Ehˇ kʼawꞈ, Yeˬluˇsaˬlehˬ meuˬ meuˬ lah-ehˇ gaˬ byah jiˇ ni naw maꞈ mehˬ-awˇ tsoˆ-awˇ, tsawˇ haˬ kʼoeˇ gʼaˬ shiˇ-euˬ gaˇ kawˆ nga maꞈ kʼoeˇ taˆ keuˆ le ni naw maꞈ jahˇ-euˬ meh.”

2 Gawˇliˬtu 5:10

Aˬ jeˬ miˇ neh ehˇ naˇ, aˬ dui dawˬ tawˆ luꞈ Ka li yaˇ kʼaˬ daˇ-eu nuiˇ mahˬ mehˬ shi ya uiˬ leˇ jiˇ meh. Tsawˇ haˬ yawˬ gʼaˬ na luꞈ shiˬ shaˬ jiˇ gʼawˇ mawˇ heu laꞈ kʼoeˇ kʼaˇ mˇ kʼaˇ shaˇ dzeuˇ-euˬ loꞈ-ehˇ, muiˬ-eu maˬ ehˇ, doeˇ-eu maˬ ehˇ, yawˬ ha-ahˇ kʼaˇ oꞈ-eu jeˬ za tehꞈ-a.