Gʼaˬkʼehˇ 2:31 - Akha

³¹ Mehˬ hu paw Miˬyehˇ aˬ joˆ-ehˇ jahˇ-eu lehˇ lehˬ hmˬ taˬ-euˬ gaˇ kawˆ Daˬ biˇ haw mawˇ-euˬ miˇ neh, Ka li gʼoꞈ dehꞈ laˇ-eu gaˇ kawˆ-ahˇ aˬ yawꞈ heu loꞈ-ehˇ ehˇ taˬ-euˬ meh. ‘Shiˇ-eu jeˬ-euˬ miˇ kʼahˬ laꞈ kʼoeˇ, aˬ yawꞈ-ahˇ maˬ byehˇ dzeh yaꞈ-ehˇ, lmˬ bymˇ-ahˇ maˬ bi buꞈ shoˆ-aˬ.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Aqyawf, maeqhu paw pyeuflar-eu garkawv, hawmawr taq-euq mirnae, Kali ghofdaef lar-eu garkawv aer-eu, ‘Shir-eu mirkhanq-euq lafkhoer aqyawf-euq saflar-anr maq byaerdzae yaf-a. Aqyawf-euq mawrdo khawf maqya buf-ir-a.’ (Jc 16:10)

Gʼaˬkʼehˇ 2:31 ပူးပေါင်းရင်းမြစ်များ

Jaceuq 16:10

Aˬjeˬmiˇneh nga lehˇehˇnaˇ, shiˇ-eu doꞈ-ahˇnawˇdehˬpiˇ-awˇ, nawˬ-euˬtsawˇmuiˬtsawˇjaˬ-ahˇnawˇ, shiˇ-eu duˬkʼahˬmaˬbi mawˇ-a.

Maꞈtehˬ 11:23

Gaˬbeˬneˬoˬ meuˬ-oˇ, nawˇ toe. Mˬ-ahˇ tuˆ ni bi ciˬ huiˬ bi ciˬ mahˇ mawꞈ-eu nya loˇ. Nawˬ-ahˇ shiˬ buiˇ lah ma-ahˇ biˬ ahˇ nehˬ laꞈ tehꞈ-a. Nawˬ-ahˇ mˇ mehˬ nehˬ-euˬ zahˬ dui dui leˇ paˬ-ehˇ gʼeh-eu gaˇ kʼoeˇ deuˬ, Sawˇdoˬ meuˬ-ahˇ mˇ mehˬ-euˬ law nmˇ-aˬ, meuˬ kʼoeˇ meuˬ iˬ nah keuˆ ni maˬ cawˆ-iˇ ni jaˆ tehꞈ-a.

Gʼaˬkʼehˇ 13:35

Ja ceuˬ-eu sahˬ boꞈ yawˬ tsahˇ yawˬ laꞈ kʼoeˇ, ‘Nawˬ-euˬ Muiˬ-eu shawˇ-eu Gʼaˬ-ahˇ, lmˬ bymˇ-ahˇ maˬ bi buꞈ-iˇ-aˇ’ lehˇ ehˇ taˬ-euˬ jaˆ-eu meh.

Gʼaˬkʼehˇ 2:27

Aˬ jeˬ miˇ neh ehˇ naˇ, shiˇ-eu jeˬ-euˬ miˇ kʼahˬ laꞈ kʼoeˇ, nawˇ ngaˬ-ahˇ maˬ byehˇ dzeh yaꞈ-aˇ. Saˇ jaˇ ziꞈ-eu zaˬ kʼaˆ-ahˇ nawˇ, lmˬ bymˇ-ahˇ maˬ bi buꞈ shoˆ-aˇ.

1 Gawˇliˬtu 15:4

Jaˇliꞈ laꞈ kʼoeˇ boꞈ taˬ-euˬ loꞈ-ehˇ aˬ yawꞈ shiˇ-awˇ baꞈ pahˬ gʼaˬ ngeh, smˬ nah keuˆ laˇ naˇ Miˬyehˇ neh paˇ bi gʼoꞈ dehꞈ laˇ-euˬ gaˇ kawˆ hawˇ-eu,

Gaˬlaˬtiˆ 3:8

Yuˇdaˆ tsawˇ haˬ maˬ ngeuˇ-eu deuˬ kʼawꞈ jah-eu baˬ da neh Miˬyehˇ-ahˇ tsaˬ leˇ tsahˇ leˇ nya ni Miˬyehˇ jahˇ tehꞈ-a lehˇ, Jaˇliꞈ laꞈ kʼoeˇ aˇ hu ba neh ehˇ taˬ-euˬ jaˆ-eu meh. Kʼoeˇ miˇ neh, Jaˇ liꞈ dawˬ kawˬ kʼoeˇ Aˬbyaˬhaˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu laꞈ kʼoeˇ, “Nawˬ-ahˇ gʼoe-awˇ tsawˇ jeuˬ dawˬ tawˆ luꞈ-ahˇ Miˬyehˇ guiˬ lahˬ biꞈ tehꞈ-a” lehˇ ehˇ taˬ-euˬ meh.