Gʼaˬkʼehˇ 2:25 - Akha

²⁵ Aˬ yawꞈ-euˬ gaˇ kawˆ Daˬbiˇ neh heu loꞈ-ehˇ ehˇ taˬ-euˬ jaˆ-eu meh. ‘Ngaˬ-euˬ mehˬ shi yawˬ jawˇ na luꞈ, SahˬpaˬMiˬyehˇ-ahˇ mawˇ luꞈ ma. Ngaˬ-euˬ dawˬ peh aˬ yawꞈ jawˇ-awˇ, ngaˇ kʼahˬ lahˇ duˬ maˬ paˇ jaˆ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Daqbir, aqyawf-euq garkawv heulof-aer aertaq-euq mae: ‘Ngar, aqmyanluf, Sanqpaq Miqyaer-anr ngaq-euq maeqshi jawrluf-eu gar ngar mawr-euq ma. Ngar maqya nyaelarni, aqyawf, ngaq-euq armar paw jawrluf-eu mae.

Gʼaˬkʼehˇ 2:25 ပူးပေါင်းရင်းမြစ်များ

Jaceuq 109:31

Aˬ jeˬ miˇ neh ehˇ naˇ, shaˬ zaˬ zahˬ zaˬ-ahˇ aˬ yawꞈ haw piˇ-awˇ, shiˇ gaˇ keuˆ ni kʼaˆ dzaˬ-eu deuˬ-euˬ laꞈ-ahˇ ka kʼoꞈ doˆ nehˬ-eu meh.

Jaceuq 110:5

Sahˬpaˬ Miˬyehˇ nawˬ-euˬ aˇ maˇ paw jawˇ-awˇ, aˬ yawꞈ nui ma pehˇ laˇ ngeh, miˇ kʼahˬ sahˬ paˬ deuˬ-ahˇ deuˆ gʼaˬ tehꞈ-a.

Jaceuq 21:7

Baoˬhuiˬ-eu SahˬpaˬMiˬyehˇ-ahˇ, dzoeˬdzaˬsahˬpaˬjah ziꞈluꞈmeh. SahˬpaˬMiˬyehˇgaˬ-eu baˬda, aˬyawꞈnui ma ziꞈdah jaˆmeh.

Jaceuq 30:6

Ngaˇbaw luꞈza luꞈ-eu laꞈkʼoeˇ, shaˬle-eu nah maˬbaw ma lehˇ, yawˬhaˇyawˬha ehˇpeuˬ-eu ma.

Jaceuq 62:2

Aˬ yawꞈ tehꞈ-ehˇ ngaˬ-ahˇ haw piˇ-awˇ ka kʼoꞈ nehˬ laꞈ-eu meh. Aˬ yawꞈ-aˬ, ngaˬ-euˬ gʼoe duˬ lo guˇ meh. Aˬ cawˬ ngaˬ-ahˇ guiˇ maˬ deuˆ gʼaˬ nya-a.

Jaceuq 62:6

Aˬ yawꞈ tehꞈ-ehˇ ngaˬ-ahˇ haw piˇ-awˇ ka kʼoꞈ nehˬ laꞈ-eu meh. Aˬ yawꞈ-aˬ, ngaˬ-euˬ gʼoe duˬ lo guˇ meh. Aˬ cawˬ ngaˬ-ahˇ guiˇ maˬ deuˆ gʼaˬ nya-a.

Jaceuq 73:23

Ehˇ kʼawꞈ, aˬ myah luꞈ nawˬ-euˬ dawˬ peh ngaˇ jawˇ-awˇ, ngaˬ-euˬ aˬ laꞈ-ahˇ nawˇ tuˆ tehꞈ nehˬ laꞈ-euˬ meh.

Iˇsaˬyaˇ 41:13

Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ-ahˇ ngaˇ gʼaˬ biꞈ-eu laꞈ kʼoeˇ, ‘Taˬ guˆ. Ngaˇ caw ba ma’ lehˇ ehˇ-eu ma.”

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Yoˇhaˬ 16:32

Naw maꞈ dawˬ tawˆ luꞈ bi teh byaˆ jiˇ-awˇ, yawˬ ha-euˬ nymˇ-ahˇ yawˬ ha cehˆ gʼoꞈ jiˇ-awˇ, ngaˬ-ahˇ tehꞈ-ehˇ byehˇ dzeh yaꞈ-eu aˇ yamˬ keuˆ le luꞈ meh. Aˇ yamˬ kʼoeˇ aˬ diˇ keuˆ le taˬ-euˬ meh. Ehˇ kʼawꞈ, ngaˇ-aˬ, tiˬ gʼaˬ tehꞈ maˬ ngeuˇ. Aˬ jeˬ miˇ neh ehˇ naˇ, Aˬda ngaˬ nehˬ-ehˇ jawˇ ma.

Gʼaˬkʼehˇ 2:26

Ngaˬ-euˬ nui ma nui saˇ za-awˇ, laˬ kʼaˬ tiˬ cehˇ dawˬ ngehˬ-eu ma. Shiˬ shaˬ gʼawˇ mawˇ maˬ gmˬ-eu kʼawꞈ, noeˬ tmˬ taˬ-euˬ ziꞈ dah jaˆ ma.