Gʼaˬkʼehˇ 2:23 - Akha

²³ Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Yawbae ngae nae, Miqyaer siqnya-awr noeqtsaev taq-euq lof-aer, Yeqsur, aqcawq-euq aqlaf-euq lafkhoer ya’anr-ir-euq mae. Nawmaf, zanrdawq-anr leur-eu deuq-euq aqlaf-anr ghoe-awr, aqyawf-anr lafyaq-euq khoertav taftaeq-awr saef-euq mae.

Gʼaˬkʼehˇ 2:23 ပူးပေါင်းရင်းမြစ်များ

Aˇ dahˬ 50:20

Naw maꞈ ngaˬ-ahˇ yaw haiˬ jeˬ mˇ nehˬ laꞈ-euˬ kʼawꞈ, Miˬyehˇ neh yaw muiˬ jeˬ paˇ bi pyeuꞈ doˆ laˇ-euˬ meh. Iˬ nah dehꞈ luꞈ jawˇ luꞈ-eu myaˬ dui dui-eu tsawˇ haˬ heu deuˬ maˬ ya shiˇ jiˇ ni, kʼoeˇ loꞈ-ehˇ bi pyeuꞈ laˇ-euˬ meh.

Jaceuq 76:10

Tsawˇ haˬ zaˬ-euˬ nui pehˇ-aˬ, nawˬ-ahˇ ja ceuˬ-eu gaˇ kawˆ bi doˆ laˇ-eu tehꞈ meh. Guiˇ deuˆ gaˇ maˬ ya shiˇ-ehˇ dzeuˇ-iˇ-euˬ deuˬ, nawˬ-ahˇ ja ceuˬ-eu bawˬ-iˬ gʼeh tehꞈ-a.

Iˇsaˬyaˇ 37:26

“Heu deuˬ dawˬ tawˆ luꞈ pyeuꞈ laˇ ni, aˇ hu ba neh ngaˬ neh gaˇ kawˆ kawˆ taˬ jiˇ-euˬ nawˇ maˬ gaˬ-aˬ loˇ. Nymˬ-mˇ kʼoeˇ loꞈ-ehˇ pyeuꞈ laˇ ni ngaˇ jahˇ luꞈ-eu ma. Ziꞈ dah ni tsoˆ taˬ-euˬ meuˬ deuˬ-ahˇ byaˆ-iˇ ni jahˇ nya-eu baoˬ, nawˬ-ahˇ ngaˇ biꞈ taˬ-euˬ ma.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Maꞈtehˬ 20:19

Kʼoeˇ naˇ, Miˬyehˇ-ahˇ maˬ siˬ nya-eu aˬ cawˬ tsawˇ jeuˬ-euˬ aˬ laꞈ laꞈ kʼoeˇ a nehˬ-awˇ, aˬ yawꞈ-ahˇ yehˬ bawˬ sehˇ lu-ehˇ bi ehˇ niˇ gʼa-awˇ, yahˬ caˆ neh bi juiꞈ-awˇ, laꞈ yaꞈ kʼoeˇ taˆ bi taꞈ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Maꞈtehˬ 26:24

Tsawˇhaˬ-euˬ Zaˬmaˇ-aˬ, Jaˇliꞈ laꞈ kʼoeˇ ehˇ taˬ-euˬ loꞈ-ehˇ ya shiˇ tehꞈ-a. Ehˇ kʼawꞈ, Tsawˇhaˬ-euˬ Zaˬmaˇ-ahˇ ahˬ dzaˬ-euˬ kʼoeˇ gʼaˬ ya noeˬ shaˬ dui dui tehꞈ-a. Aˬ yawꞈ maˬ dehꞈ le-euˬ law nmˇ-aˬ, aˬ yawꞈ gʼaˇ duˬ muiˬ dzehˬ tehꞈ-a.”

Maꞈtehˬ 27:35

Aˬ yawꞈ maꞈ aˬ yawꞈ-ahˇ laꞈ yaꞈ kʼoeˇ taˆ taꞈ tehˬ-awˇ, aˬ yawꞈ-euˬ mehˬ tsoeˬ deuˬ-ahˇ, aˬ yawꞈ maꞈ yaw kaˬ shehˆ tsaˬ tsaˬ-awˇ biˇ geuꞈ-euˬ meh.

Maˬkuˆ 15:24

Kʼoeˇ naˇ, aˬ yawꞈ-ahˇ laꞈ yaꞈ kʼoeˇ taˆ taꞈ tehˬ-awˇ, aˬ yawꞈ-euˬ mehˬ tsoeˬ-ahˇ aˬ yawꞈ maꞈ shehˆ tsaˬ tsaˬ-awˇ biˇ geuꞈ-euˬ meh.

Luˇkaꞈ 22:22

Tsawˇ haˬ-euˬ Zaˬmaˇ-aˬ, Miˬyehˇ neh noeˬ tsehˆ taˬ-euˬ loꞈ-ehˇ ya shiˇ tehꞈ-a. Ehˇ kʼawꞈ, aˬ yawꞈ-ahˇ ahˬ dzaˬ-euˬ gʼaˬ ya noeˬ shaˬ dui dui tehꞈ-a.”

Luˇkaꞈ 22:37

Aˬ jeˬ miˇ neh ehˇ naˇ, ‘Aˬ yawꞈ-ahˇ smˇ kʼoeˬ tahˇ joe loꞈ-ehˇ sawˇ nehˬ tehꞈ-a’ lehˇ ehˇ-eu dawˬ kʼoeˇ dawˬ ngaˬ-euˬ kʼoeˇ taˆ keuˆ le tehꞈ-a. Ngaˬ-euˬ gaˇ kawˆ kʼaˇ boꞈ taˬ-euˬ jeˬ byah laˇ meh.”

Luˇkaꞈ 23:33

Uˬ duˬ kʼmˬ lehˇ kuˇ-eu jawˇ duˬ-ahˇ le keuˆ ngeh, Yeˬsuˇ-ahˇ laꞈ yaꞈ kʼoeˇ taˆ taꞈ tehˬ-euˬ meh. Yaw haiˬ jeˬ mˇ bahˬ-euˬ tsawˇ haˬ kʼoeˇ nyiˬ gʼaˬ-ahˇ kʼawꞈ, aˬ yawꞈ-euˬ aˇ maˇ paw tiˬ gʼaˬ, aˇ caˇ paw tiˬ gʼaˬ lehˇ, laꞈ yaꞈ kʼoeˇ taˆ taꞈ tehˬ-euˬ meh.

Luˇkaꞈ 24:20

Aˬ yawꞈ-ahˇ sehꞈ-eu lehˇ yaˇ kʼaˬ bi daˇ tsehˆ-eu gʼaˇ duˬ, nga maꞈ-euˬ piˇ ma aˬ yuiꞈ deuˬ hawˇ-eu sahˬ paˬ sahˬ ma deuˬ neh a dzeh nehˬ-awˇ, laꞈ yaꞈ kʼoeˇ taˆ bi taꞈ sehꞈ-euˬ meh.

Yoˇhaˬ 19:18

Kʼoeˇ gaˇ, aˬ yawꞈ maꞈ aˬ yawꞈ-ahˇ laꞈ yaꞈ kʼoeˇ taˆ taꞈ tehˬ-euˬ meh. Tsawˇ haˬ nyiˬ gʼaˬ-ahˇ kʼawꞈ, aˬ yawꞈ-euˬ gaˇ dzeˇ tiˬ paw tiˬ gʼaˬ-ehˇ taꞈ tehˬ taˬ-awˇ, aˬ yawꞈ-ahˇ gʼahˇ ceh taꞈ tehˬ taˬ-euˬ meh.

Yoˇhaˬ 19:24

Yehˇ kʼoeˇ deuˬ tiˬ gʼaˬ tiˇ gʼaˬ ehˇ-eu, “Pehˇ kʼahˬ heu kahˇ maˬ cehˬ paˆ ni, aˬ geu gʼaˬ geuꞈ-eu tsaˬ nga lehˇ, pyuˇ maˇ byaˆ dzeh diˇ-awˇ tsaˬ geuꞈ kaˇ-euˇ.” Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jeˬ byah laˇ ni, kʼoeˇ loꞈ-ehˇ pyeuꞈ laˇ-euˬ meh. “Ngaˬ-euˬ dm gʼaˬ dm lmˇ deuˬ-ahˇ, aˬ yawꞈ maꞈ yaw kaˬ biˇ geuꞈ-awˇ, laꞈ kʼoeˇ dm-eu pehˇ kʼahˬ pehˇ mahˇ, pehꞈ sa dzeh-awˇ tsaˬ geuꞈ-euˬ meh” Yehˇ kʼoeˇ deuˬ mehˬ tsoeˬ biˇ geuꞈ-euˬ kʼoeˇ-aˬ, Jaˇliꞈ laꞈ kʼoeˇ ehˇ taˬ-euˬ gaˇ tsaˬ-eu meh.

Gʼaˬkʼehˇ 13:27

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ hawˇ-eu aˬ yawꞈ maꞈ-euˬ aˬ yuiꞈ aˬ tsu deuˬ-aˬ, aˬ yawꞈ Ka kʼoꞈ-eu gʼaˬ pyeuꞈ-eu gaˇ kawˆ siˬ nya-eu maˬ ngeuˇ-a. Jawˇ nah aˬ yawꞈ nah yawꞈ gui luꞈ-eu Miˬyehˇ gʼaˇ duˬ ngehˬ dah-eu deuˬ-euˬ dawˬ-ahˇ kʼawꞈ, aˬ yawꞈ maꞈ maˬ siˬ nya-a. Ehˇ kʼawꞈ, aˬ yawꞈ maꞈ Yeˬsuˇ-ahˇ muiˇ-eu laꞈ kʼoeˇ, Miˬyehˇ gʼaˇ duˬ ngehˬ dah-eu deuˬ neh ehˇ taˬ-euˬ dawˬ byah laˇ ni jahˇ-euˬ meh.

Gʼaˬkʼehˇ 15:18

gaˇ kawˆ heu deuˬ aˇ hu ba neh, bi siˬ laꞈ-euˬ yaw sahˇ pyeuꞈ-eu, SahˬpaˬMiˬyehˇ ehˇ taˬ-euˬ meh.’

Gʼaˬkʼehˇ 2:36

“Kʼoeˇ miˇ neh, Iˇsaˬleˬlaˆ tsawˇ haˬ dawˬ tawˆ luꞈ heu loꞈ-ehˇ ya siˬ duˬ meh. Naw maꞈ neh laꞈ yaꞈ kʼoeˇ taˆ taꞈ sehꞈ-euˬ Yeˬsuˇ heu gʼaˬ-aˬ, Miˬyehˇ neh Sahˬpaˬ hawˇ-eu Ka li bi pyeuꞈ laˇ-euˬ gʼaˬ meh.”

Gʼaˬkʼehˇ 3:18

Kʼehˬ-eu kʼaˆ-eu jeˬ-ahˇ Ka li ya daˬ-euˬ gaˇ kawˆ, Miˬyehˇ gʼaˇ duˬ ngehˬ dah-eu deuˬ-ahˇ gʼoe-awˇ aˇ hu ba neh Miˬyehˇ neh ehˇ taˬ-euˬ jaˆ-eu loꞈ-ehˇ, dawˬ kʼoeˇ dawˬ byah laˇ ni Miˬyehˇ heu loꞈ-ehˇ bi pyeuꞈ laˇ-euˬ meh.

Gʼaˬkʼehˇ 4:28

Nawˬ-euˬ baoˬ hawˇ-eu nawˬ-euˬ nui kʼahˇ-ahˇ gʼoe-awˇ bi pyeuꞈ laˇ-eu gʼaˇ duˬ aˇ hu ba neh nawˬ neh noeˬ tsehˆ taˬ-euˬ yawˬ jeˬ na luꞈ keuˆ le ni mˇ-eu lehˇ aˬ yawꞈ maꞈ uiˬ leˇ-euˬ meh.

Gʼaˬkʼehˇ 5:28

“Tsawˇ haˬ kʼoeˇ gʼaˬ-euˬ tsawˇ myahˇ uˬ moˆ mehˬ-eu tsoˆ-eu jeˬ taˬ mˇ lehˇ, nga maꞈ neh naw maꞈ-ahˇ yaw kʼaˆ kʼaˆ-ehˇ ehˇ taˬ-euˬ jaˆ-eu maˬ ngeuˇ-a loˇ. Ehˇ kʼawꞈ, Yeˬluˇsaˬlehˬ meuˬ meuˬ lah-ehˇ gaˬ byah jiˇ ni naw maꞈ mehˬ-awˇ tsoˆ-awˇ, tsawˇ haˬ kʼoeˇ gʼaˬ shiˇ-euˬ gaˇ kawˆ nga maꞈ kʼoeˇ taˆ keuˆ le ni naw maꞈ jahˇ-euˬ meh.”

Gʼaˬkʼehˇ 5:30

Naw maꞈ neh laꞈ yaꞈ kʼoeˇ taˆ taꞈ tehˬ-awˇ bi shiˇ-euˬ Yeˬsuˇ-ahˇ, aˬ dui-euˬ aˬ poeˬ aˬ bawˇ deuˬ-euˬ Miˬyehˇ neh paˇ bi gʼoꞈ dehꞈ laˇ-euˬ meh.

Gʼaˬkʼehˇ 7:52

Naw maꞈ-euˬ aˬ poeˬ aˬ bawˇ deuˬ neh maˬ bi kʼehˬ maˬ bi kʼaˆ haw-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ maˬ jawˇ-a. Miˬyehˇ-euˬ tsaˬ-eu dawˇ-eu Zaˬkʼaˆ oe tehꞈ-a lehˇ aˇ hu ngehˬ dah-euˬ deuˬ-ahˇ aˬ yawꞈ maꞈ sehꞈ-euˬ meh. Nymˬ-mˇ poˆ jawˇ-aˬ, naw maꞈ yaw tsaˬ yaw dawˇ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-awˇ sehꞈ-euˬ meh.

Lormav 2:12

Yuˇdaˆ tsawˇ haˬ maˬ ngeuˇ-eu deuˬ-aˬ, Moˇseˬ neh biꞈ-euˬ Zahˇ dawˬ kʼoꞈ dawˬ maˬ jaˆ-a. Aˬ yawꞈ maꞈ Zahˇ dawˬ kʼoꞈ dawˬ-ahˇ maˬ taꞈ-ehˇ iˬ baˇ mˇ naˇ, Zahˇ dawˬ kʼoꞈ dawˬ-ahˇ maˬ taꞈ-ehˇ ya luˬ ya seˇ-iˇ tehꞈ-a. Yuˇdaˆ tsawˇ haˬ deuˬ-aˬ, Zahˇ dawˬ kʼoꞈ dawˬ jaˆ-eu miˇ neh, iˬ baˇ mˇ naˇ, Zahˇ dawˬ kʼoꞈ dawˬ laꞈ kʼoeˇ kʼaˇ ehˇ taˬ-euˬ loꞈ-ehˇ yaˇ kʼaˬ daˇ nehˬ gaˇ ya daˬ tehꞈ-a.

Lormav 4:17

“Ngaˇ nawˬ-ahˇ tsawˇ jeuˬ gʼawˬ mya jeuˬ-euˬ aˬ da yaw dzahˇ gʼaˬ bi pyeuꞈ laˇ ma” lehˇ, Jaˇliꞈ laꞈ kʼoeˇ aˬ yawꞈ-ahˇ ehˇ taˬ-euˬ meh. Dawˬ ma saˇ jaˇ kʼoeˇ-aˬ, Aˬyaˬhaˬ jah-eu Miˬyehˇ-euˬ mehˬ shi yaw muiˬ meh. Shiˇ-euˬ tsawˇ haˬ-ahˇ bi gʼoꞈ dehꞈ laˇ nya-awˇ, maˬ jaˆ haw maˬ mawˇ haw-euˬ jeˬ-ahˇ dawˬ biꞈ-awˇ bi jaˆ laˇ nya-eu Miˬyehˇ-ahˇ Aˬbyaˬhaˬ jah-euˬ meh.

1 Teˇsaˬloˇni 2:15

Yuˇdaˆ tsawˇ haˬ kʼoeˇ deuˬ-aˬ, Sahˬpaˬ Yeˬsuˇ hawˇ-eu Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ sehꞈ-awˇ, nga maꞈ-ahˇ kʼawꞈ kʼehˬ nehˬ kʼaˆ nehˬ laꞈ-euˬ meh. Aˬ yawꞈ maꞈ-aˬ, Miˬyehˇ nui ma pehˇ dui dui-eu jeˬ mˇ-awˇ, tsawˇ haˬ yawˬ gʼaˬ na luꞈ-ahˇ muiˇ-eu meh.

1 Beˬtuˆluˆ 1:2

Yeˬsuˇ Ka li-euˬ dawˬ-ahˇ naˇ haˬ geuꞈ-awˇ aˬ yawꞈ-euˬ shiˬ neh bi mˇ shawˇ-eu gʼaˇ duˬ, Aˬda Miˬyehˇ neh lehˬ hmˬ taˬ-euˬ jaˆ-eu loꞈ-ehˇ naw maꞈ-ahˇ tseˇ doˆ-awˇ, Yaw sahˇ Miˬyehˇ-ahˇ gʼoe-eu laꞈ kʼoeˇ muiˬ-eu shawˇ-eu tsawˇ haˬ bi pyeuꞈ laˇ-euˬ meh.

1 Beˬtuˆluˆ 1:20

Miˇ tsaˬ tahˬ kʼawˇ heu maˬ beh mi naˆ-ehˇ Miˬyehˇ neh aˬ yawꞈ-ahˇ tseˇ doˆ taˬ-awˇ, aˇ nah aˇ yamˬ heu laꞈ kʼoeˇ naw maꞈ-euˬ gʼaˇ duˬ aˬ yawꞈ-ahˇ Miˬyehˇ bi doˆ le-euˬ meh.

1 Beˬtuˆluˆ 2:8

Jaˇliꞈ laꞈ kʼoeˇ heu loꞈ-ehˇ paˇ ehˇ taˬ-euˬ jaˆ-eu meh. “Tsawˇ haˬ zaˬ sahˬ tiꞈ bi tiꞈ-awˇ, bi coˬ dzeh-iˇ-eu kʼaˬ lo meh.” Miˬyehˇ dawˬ kawˬ-ahˇ aˬ yawꞈ maꞈ maˬ jah-eu baˬ da neh, aˬ yawꞈ maꞈ sahˬ tiˬ tiꞈ-eu meh. A yawꞈ maꞈ sahˬ tiˬ tiꞈ-eu kʼoeˇ-aˬ, Miˬyehˇ aˇ hu ba neh lehˬ hmˬ taˬ-euˬ jeˬ pyeuꞈ-eu meh.

Yuˇdaˆ 1:4

Aˬ jeˬ miˇ neh ehˇ naˇ, Miˬyehˇ-ahˇ yaw zeu maˬ baw-eu tsawˇ haˬ tiˬ paˆ na deuˬ, aˬ dui laꞈ kʼoeˇ ciˬ cuˇ ni uˇ kʼoeˬ laˇ taˬ-euˬ meh. Tsawˇ haˬ kʼoeˇ deuˬ-aˬ, yawˬ ha maˬ tsaˬ maˬ dawˇ-eu laꞈ kʼoeˇ yaw dehꞈ dehꞈ-eu jeˬ-ahˇ yaw tsaˬ yaw dawˇ jeˬ bi pyeuꞈ laˇ-eu gʼaˇ duˬ Miˬyehˇ-euˬ guiˬ lahˬ yaw dzahˇ-ahˇ yuˇ pyawˆ-eu uˬ taꞈ, aˬ dui-ahˇ uˆ lahˇ-eu gʼaˬ hawˇ-eu aˬ dui-euˬ Sahˬpaˬ pyeuꞈ-eu Yeˬsuˇ Ka li-ahˇ maˬ ha geuꞈ-a. Aˬ yawꞈ maꞈ yaˇ kʼaˬ daˇ nehˬ gaˇ ya daˬ-eu gaˇ kawˆ, aˇ hu ba neh Jaˇliꞈ laꞈ kʼoeˇ ehˇ taˬ-euˬ jaˆ-eu meh.

Panmaeq 13:8

Bi sehꞈ-euˬ Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ, miˇ tsaˬ tahˬ kʼawˇ maˬ beh mi naˆ-ehˇ tsawˇ myahˇ bi boꞈ ahˇ taˬ-euˬ tsawˇ haˬ deuˬ maˬ ngeuˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ jeˬ zaˬ yaw haiˬ kʼoeˇ mawˇ-ahˇ uˬ duˬ tahˬ tehꞈ-a.