Gʼaˬkʼehˇ 2:21 - Akha

²¹ Kʼoeˇ ngeh, ‘Caw ba nehˬ laꞈ-awˬ’ lehˇ, SahˬpaˬMiˬyehˇ-ahˇ kuˇ-eu deuˬ, ka kʼoꞈ nehˬ-eu jeˬ za tehꞈ-a.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Khoerngae, Sanqpaq Miqyaer-euq tsawrmyanr-anr kharkur-eu tsawrhaq yabuq-ir taef-a.” ’ (Yil 2:28-32)

Gʼaˬkʼehˇ 2:21 ပူးပေါင်းရင်းမြစ်များ

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

Yawˇlaˆ 2:32

Sahˬpaˬ Miˬyehˇ-euˬ tsawˇ myahˇ-ahˇ, kuˇ-eu tsawˇ haˬ yawˬ gʼaˬ na luꞈ, ka kʼoꞈ-eu jeˬ-ahˇ za tehꞈ-a. Sahˬpaˬ Miˬyehˇ ehˇ taˬ-euˬ-aˬ. ‘Yeˬluˇsaˬlehˬ meuˬ-ahˇ jawˇ-eu, tiˬ paˆ na deuˬ ya dzeuˇ-iˇ-awˇ, ngaˬ neh tseˇ doˆ taˬ-euˬ kʼoeˇdeuˬ, buˬ-iˇ law-iˇ dzeuˇ-iˇ tehꞈ-a.’ ”

Maꞈtehˬ 28:19

Kʼoeˇ miˇ neh, miˇ tsaˬ tsawˇ jeuˬ dawˬ tawˆ luꞈ jawˇ gaˇ iˇ doe-awˇ, ngaˬ-euˬ zaˬ lahˇ pyeuꞈ laˇ ni mˇ-iˇ-awˬ. Aˬda Miˬyehˇ, Zaˬmaˇ Miˬyehˇ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ tsawˇ myahˇ uˬ moˆ, aˬ yawꞈ maꞈ-ahˇ iˇ cuꞈ shawˇ nehˬ-awˬ.

Gʼaˬkʼehˇ 2:20

Yaw shehꞈ kʼahˬ sehˇ huiˬ dui dui-eu, SahˬpaˬMiˬyehˇ-euˬ aˇ nah kʼoeˇ, miˇ kʼoeˇ taˆ maˬ keuˆ le nmˇ kaˬ, nahˇ ma zahˇ tsui ni pyeuꞈ-iˇ-awˇ, ba la shiˬ neˇ neˇ-iˇ tehꞈ-a.

Gʼaˬkʼehˇ 22:16

Nymˬ-mˇ nyi naˬ nyi naˬ-ehˇ taˬ paˇ jawˇ. Tuˇ-awˇ iˇ cuꞈ shawˇ-awˇ, aˬ yawꞈ-ahˇ guiˬ lahˬ shaˇ-eu laꞈ kʼoeˇ nawˬ-euˬ iˬ baˇ tsiˬ shawˇ-awˬ.’

Gʼaˬkʼehˇ 9:11

Sahˬpaˬ Yeˬsuˇ ehˇ-eu, “Lehˬ hmˬ-awˇ, Gaˇdawˇ lehˇ kuˇ-eu gaˇ ma kʼoeˇ kahˇ-ahˇ iˇ-awˇ, Yuˇdaˆ-euˬ nymˇ-ahˇ Daˬsuˆ meuˬ-ahˇ jawˇ-eu Sawˇluˆ lehˇ myahˇ-euˬ tsawˇ haˬ tiˬ gʼaˬ maˬ jawˇ nga loˇ lehˇ haw-iˇ-awˬ. Aˬ yawꞈ guiˬ lahˬ shaˇ shaˇ-ehˇ jawˇ meh.

Gʼaˬkʼehˇ 9:15

Sahˬpaˬ Yeˬsuˇ ehˇ-eu, “Iˇ-awˬ. Aˬ jeˬ miˇ neh ehˇ naˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, miˇ kʼahˬ sahˬ paˬ deuˬ maˬ ehˇ, Iˇsaˬleˬlaˇ tsawˇ haˬ deuˬ maˬ ehˇ, ngaˬ-euˬ tsawˇ myahˇ-ahˇ siˬ nya laˇ ni bi mˇ-eu gʼaˇ duˬ, aˬ yawꞈ-ahˇ ngaˇ tseˇ doˆ taˬ-euˬ ma.

1 Gawˇliˬtu 1:2

Miˬyehˇ-euˬ muiˬ-eu shawˇ-eu tsawˇ haˬ bi geuꞈ-eu gʼaˇ duˬ bi kuˇ doˆ-awˇ, aˬ dui-euˬ Sahˬpaˬ Yeˬsuˇ ka li-ahˇ uˬ duˬ kʼaˇ tahˬ-eu yawˬ gaˇ na luꞈ jawˇ-eu tsawˇ haˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ, aˬ dui-euˬ Sahˬpaˬ hawˇ-eu aˬ yawꞈ maꞈ-euˬ Sahˬpaˬ pyeuꞈ-eu Yeˬsuˇ Ka li laꞈ kʼoeˇ Miˬyehˇ-euˬ tsawˇ haˬ pyeuꞈ laˇ-euˬ Gawˇliˬtu meuˬ-ahˇ jawˇ-eu Ka li zaˬ aˇ muˇ jawˇ gaˇ sahˬ boꞈ boꞈ ahˇ laꞈ-eu ma.

HeˬByehˇ 4:16

Aˬ dui nui ma ziꞈ dah ni taˬ-awˇ guiˬ lahˬ yaw dzahˇ tiˬ byah ni jaˆ-eu Miˬyehˇ-euˬ dzoeˬ dzaˬ nuiˇ mahˬ mehˬ shi jiˆ uˇ leˇ kaˇ-euˇ. Kʼoeˇ gaˇ, aˬ dui kʼaˇ loˬ ngeh caw ba nehˬ laꞈ-eu gʼawˬ shaˬ gaˬ nehˬ laꞈ-eu jeˬ-ahˇ aˬ dui za-awˇ, guiˬ lahˬ yaw dzahˇ-ahˇ ya mawˇ tehꞈ-a.